金水壽司 (Closed)

今日行過見到下午茶六折諗住試下，點知一入到去坐低見到d迴轉帶上的壽司已經唔多想食，因為佢d壽司係似轉左成幾個鐘咁囉跟住就tick野食啦,叫左三文魚壽司X2 (完全唔得，d三文魚好薄，同埋唔多新鮮，好細舊)蟹子沙律(呢個好難難食，普普通通)赤貝 (一般)花之戀(d三文魚都唔得,好唔新鮮)之士蝦卷(係凍ga,舊之士係變左一舊野咁，勁滯，同埋d炸蝦係超油)最後叫左碟火炙三文魚，點知一拎已經知唔得，碟底勁油都算，一食落口係好似食油一樣，仲要有d腥腥地...食完呢碟個肚已經有d唔舒服，點知返到屋企真係肚瀉/...\P.S. 平時我都係睇食評多，但係今次真係太唔得，要同大家分享，希望大家唔好再中招!!!

今日終於可以試到金水喇,但係估唔到禁難食.....我地今日食宵夜特價時段(有六折,但要加一) ,一嗌飛就入得去.. 我地坐在order枱....我地10:00入去,10:27分經已食完了, 佢d熱食都好似唔使煮錦,即點即到, d熱食都唔熱,只係微暖...走左先發覺收多左$14元~~ 我地叫左: 三文魚壽司($10): 唔肥,好一般..火炙鰻魚壽司($17) : 唔熱??都ok..火炙蟹棒壽司($17):又係唔熱, 有d沙律醬響上面 , ok既..海膽壽司($26): 唔係好新鮮,唔得呀~~芝麻蟹子沙律 ( $29 ) : d沙律醬又酸又咸,係我食過最難食既蟹子沙律鹽燒三文魚骨 ( $15) : 勁咸, 食完都腎病, 又柴又硬~~蕃茄濃湯牛肉烏冬 ( $55 ) : 都唔係湯, 係d汁, 又唔熱, 牛肉仲咬唔到, 又鬼鞋, d烏冬都係夾硬食左佢呀~~唔知點解收 $125~~ 收多左$14元 永遠唔會再幫襯~~

食飯食在個半鐘，吾係食飽而係一肚火，所以飽！！！！！１．服務員態度冷淡, 亦欠主動２．點了幾個午市定食，但上菜時問職員呢個是什麼餐同仲有什麼未來，ｄ職員好似勿都吾知３．有個５號餐是拉麵／烏冬任選，但原來拉麵有一個，但拉麵得半個份量，但之前是選烏冬都係有一個份量，但職員又沒有講，到最後問又話是廚房改！最好笑是一個穿白衣（應是更高級）過來，問有什麼問題，之後說給她聽，她的回應更火燒，她說：係ar,我吾知wor! 你不如話吾係你煮！！！ｈａ！不是假的,有相為證, 大家都是chi燒底, 但一個是面盆一個是茶碗! 仲得幾條! 而家睇相,仲少了d魚蛋!

坐低見個menu　tea time半價鎖定目標約好下次黎食^^今次嗌左燒茄子：好香，平時唔多食茄子既我都想食多件螺肉：呢個冷盤食得涼快，夠味蕃茄烏冬：顏色好似好濃味，不過唔係，味道適中，只係烏冬比較淡蟹子沙津：有d菜苦既=.=不過撈埋ｄ醋，個沙津幾好味，只係有d菜苦三文魚：幾新鮮，我會食(我平時唔多會食生野)仲叫左幾件sushi，都ok，不過都係冇咩特別

原本係一番既fans~但由於d 服務態度太差所以有一天轉左食金水~金水相比起板長做得好味好多好多....但板長既服務就好好多金水既吉列蠔係我食過咁多間做得最好既一間真係好好味~係一定會食既野另外火灸醬汁三文魚壽司係一入口即"容"完全無批評既地方和牛烏冬咸左少少...個湯唔係咁鐘意但d牛肉都真係幾唔錯...幾厚又好牛肉味不過我食左2次都唔同味...咁就真係好視乎當日既材料了要批評既地方個一日待位等左張2人位~點知佢俾左後我地2個單既人入先原因係佢話人地指明一定要迥轉位....所以俾佢入先但係我地係坐邊都ok既...但佢問都唔問俾左人地入先我地竟然要係出現再等我地當場同佢理論啦...佢仍然用呢一d唔係理由既理由回我地不過個個侍應既態度係ok既但我覺得佢咁樣安排位置太差了做得唔係咁

之前寫過此店的食評我給了它一大個"劣"這次再給一個機會,再去一試下午茶半價,未到時間就去排隊店員一定要人在迴轉bar台和卡位中選一個..(為什麼一定要選?我說了隨便也不可以...=,=)就選了坐卡位好還未吃午飯的我極之肚餓我們點了:劍魚腩壽司 - 味道腥得很!!!!那種味道腥得有如街市魚檔的那種味..真差勁..天使蝦壽司 - 還是一般...蝦很黏口...有點像泰式生蝦的那種草蝦..蔥吞拿魚容壽司 - 紫菜是林的,咬了很久才會斷的那種。吞拿魚容是暖的,蔥有一大堆在上面...總覺得是奇怪魷魚鬚壽司 - 是可以的,沒什麼特別,新鮮,脆口的吞拿魚壽司 - 新鮮的,正常玉子壽司 - 冰冰冷,出水奇多..很一般..還要繼續complain的是服務態度!!一開始上菜,就把壽司上錯了我們跟年輕的男店員講他就用一種很不負責任的態度說::"是哪位店員幫你們點的??是我幫你點的嗎??"我::"不是,是自己寫單"男店員::"如果是自己寫單就無可能會上錯啊!"那是什麼意思???師傅就100%不會看錯嗎?落單的店員就100%不會落錯嗎???其實就算不是自己寫單,作為一個不是常常光顧的顧客也不會認得你店內所有店員的

今日送老婆仔返屋企，返到元朗市覺得有d餓，又念起金水九點半後有半價宵夜，於是就衝過去攞飛喇，平時宵夜時段係好多人排隊架，好在今次都係等左7張枱姐食物三文魚剌身：雖然係特價$68磅，但由於宵夜半價，散叫會低d!!軟殼蟹手卷：紙菜無淋，仲係脆卜卜，加埋軟綿綿既壽司飯同香口既軟殼蟹，正!!天使蝦壽司：透明既天使，泛著一絲絲既冰藍，咬落清爽唔梅，加上脆脆的蟹子，可感一流，非常好味火灸三文魚壽司：三文魚半熟之間，食落亦有火灸過既香，綿綿的口感十分溫暖珍寶帆立貝壽司：超大片超厚的帶子覆蓋著整個飯團，咬下去十分滿足其他壽司︰平衡水準都不錯，宵夜時段還有這種質數，不會俾人賣淨樜蘿低橙的感覺環境今次坐bar枱，但習慣性地都係tick order紙無拎回轉巴d壽司，不過就見入面d師父好忙，睇住d師父即刻整完即刻第出黎bar枱俾你感覺特別好，只係坐bar枱會比坐order枱迫少少，睇你介唔介意喇。總結叫埋auntie三個人食，是次埋單都係每人$70，收工時段壽司刺身水準亦ok，低!!

元朗日本菜通街都係今次第一次光顧金水晚市非常滿意店舖門面光猛內設大魚缸對開有一小時錶位同老婆仔七點撐枱腳坐壽司枱點咗以下食品:三文魚刺生一磅劍魚腩、鱆紅魚、天使蝦、劍紅魚刺生各一客瑩光魷魚一囗蒜香牛柳粒三文魚一磅$68超低,差D食唔哂剌生新鮮好味,SIZE適中(較市區大)牛柳粒亦具質素瑩光魷魚世間難揾美食埋單三百二必再幫襯

第一次光顧的壽司店, 亦是最後一次的光顧:你有冇見過迥轉壽司 BAR 上是轉空碟架? 你有冇見過唔使點樣整壽司的師傅架? 你有冇試過只有幾個人食 LUNCH 的鋪頭, 落 ORDER 的壽司要成 20 分鐘後先到架 你有冇聽過 ORDER 紙上註明的落單時間, 有伙計會同你講那是入座時間架? 想見識的, 就去睇下呢間鋪頭啦, 肯定激到飽 ~ 呢間鋪頭, 同元朗其他壽司店完全冇得比, 超差 .... 細, 貴, 超慢 ......

金水 這間我們來了兩次! 價錢同味道 兩次都令我相當滿意此起元朗其他有名的壽司店 酒泉 及 田中 金水集團式經營 質量好好多! 起碼不是以份量堆砌 求其填飽肚子的我們於下午茶時段吃 兩次都不用太花時間排隊實在太便宜了!!半價!1. 三文魚 : 普通.幾新鮮!2. 劍腩 : 正! 入口即溶的魚腩 配合壽叵飯很好味!3. 蟹棒 : OK!4. 蟹子 : 份量很多! 總括而言.很正!會經常去!!

是日下課後,正是3時多,得知金水壽司在下午茶時間半價,就和住在元朗的幾位朋友一起到來試試環境不錯的,闊落,坐位亦舒適壽司的款式也很多點了三文魚,吞拿魚,"魚立"魚,辣味三文魚,蔥吞拿魚,介辣八爪魚,天使蝦..等等其他都忘記了..辣味三文魚食落感覺肥膩..好像有一層油在表面天使蝦的確很大隻,但十分黏口..又不爽口..不好吃..其他的都ok最後last order加點了幾個手卷點菜後不久就要求我們結帳,但是細看單據根本沒有半價,除開了每人要100元多...我在旺角吃半價黑夜壽司每人也不用100元吧..要求侍應再chech單..真的沒有打折給我們..結帳後..等了好久...手卷也未上要求侍應去追一下..不久侍應就拿一張單據來..告訴我們剛剛沒有落手卷的單..也沒有計錢現在新單要收手卷的錢有沒有搞錯?!我們只叫他追一下手卷,他就給我們一張新單要求收錢..如果食物未落單,侍應是不是應該問一下客人是不是還想要那食物?不應該是自行去幫客人落單!?如此的服務,食物怎好吃也沒用.何況食物的品質一般吃得一肚火,真的一次就夠

我都唔明點解門口仲會有人排隊...人就是羊群心態...見開左係元朗...未試過,就入左去..點知成肚氣出黎...坐左係迴轉吧枱....條壽司帶轉得勁慢...所以叫樓面寫單,希望可以快少少...叫左2客三文魚壽司1客熟蝦壽司燒牛肉定食蕃薯天付羅因為太慢,我同落單位阿姐講可唔可以快少少..佢回答我壽司想快係迴轉帶到拎,但我坐左成15分鐘睇住佢轉都唔見有呢兩樣囉...14:20落單....啲野到14:40先始黎先黎左2客三文魚壽司同1客熟蝦壽司...都唔知佢地有冇常識...係人都知生同熟要分開...佢兩樣野同我放埋一碟...梗住再等多8分鐘左右黎左燒牛肉定食...D飯硬到好似隔左幾日咁...牛肉還可以啦..唉.....當時我老公已經超嬲...我就想寫意見書...但睇晒成日鋪頭都唔見有意見箱囉...已經好想走,但仲有個蕃薯天付羅未黎...想搵樓面催..但啲人唔係HEA 緊就好似睇唔到我咁,揚左一陣手先黎...呢啲咁既態度都收加一..總共等45左分鐘蕃薯天付羅先黎...我同我老公拿拿聲食完走人..無蕃薯味既蕃薯..埋單仲要$198超級不值..呢個價錢係元朗多的是食到飽,新鮮的日本餐廳...

中午時間，見不太多人而入去…點了魚生飯午餐，大大碗，魚生也新鮮肥美，大大粒佈滿飯面。加上爽口蟹籽，感覺非常滿足~另有一小碟中華沙律，食完的時候，已經很飽，捧著肚回去。36元有肥美魚生，也那麼大碗，為滿足一下自己想食魚生的意欲來說，算是不錯的選擇吧~

因著前幾位食家的好評, 本人於本週日與女友前往進食午餐見說服務一進場, 服務員態度冷淡, 亦欠主動, 像是店舖將於翌日結業似的再說食物質素本人點了兩個午市定食一為日本和牛手打烏冬, 二為火灸三文魚定食日本和牛手打烏冬:失敗之作, 原因有二:一: 日本和牛 應譯作 自助$58火鍋內地肥牛, 勝在脂肪與牛肉分佈均等, 各佔一東一西二: 手打烏冬與其他食肆所強調的烏冬, 有天壤之別, 若不強調手打還好火灸三文魚定食不過不失之作總結:在元朗, 實太多與這食肆有過之而無不及的日本餐館

今天是假期, 否則一定會點學生餐呢! 午餐一般都只是 $36 , 不設加一服務費, 相當抵吃!點了火炙三文魚飯和蟹子三文魚飯, 有味噌湯, 前菜和凍荔枝汁. 味噌湯清清地, 不太咸, 又夠熱, 味道不錯. 凍荔枝汁有點像道地的荔枝玉露, 但不是純荔枝汁來的. 來到主菜, 火炙三文魚飯, 賣相不錯, 可以見到魚油被迫了出來. 三文魚被輕輕炙了一會, 魚油甘香, 味道非常好. 另外, 蟹子三文魚飯並不是想像中一片片的, 而是切得碎碎的, 但總算是新鮮, 味道亦不錯! 吃完後都相當飽肚, 份量不算少呢!三十六元有湯, 前菜及飲品, 真抵食!!!!