金田日本料理 (Closed)

從雜誌廣告得知呢度有日本放提食,價錢唔係貴同時老人仲有優惠. 一個月前已經BOOK左位05/JAN(18:30). 但一個星期前睇到以下既食評唔好既多過好.唔多唔小有些影響,真係有D擔心,雖然擔心但點都想試下係咪咁差勁.但結果沒有領我們失望. 我地一行11人有大有細18:15到場. 門口個侍應一睇到我手攞住生日蛋榚立即笑笑口上前幫我攞走放入雪柜,係呢度佢同你切蛋榚仲唔會收CHARGE. 可能時間尚早,個場唔係咁多人.心想唔係冇人黎食呀!..點知有4個客人WALK-IN入黎,個好似經理打呔既男人同佢地講唔好意思今晚個場FULL左,如果冇BOOK位就招呼唔到. 我仲聽到佢打電話比過左booking時間既客人.問佢地黎唔黎,其中一個客應該唔黎. 佢同個客講:唔緊要下次再book過...多謝!我地係食野前唱生日歌同切蛋榚,個侍應提議不如先切完蛋榚但到最後食,怕我地先食左蛋榚冇咩胃口食唔到太多野.佢呢度侍應既服務十分好,好笑容多謝前多謝後, 食完好快同你收碟,唔洗叫,自動自覺同你加茶,ORDER食物好快送到.唔覺有咩食物走單未到. 鐵板燒食物ok呀,不過d魚生頭一round唔係好新鮮.我覺得可能

自上次旺角朗田放題後，朋友再要求食放題，今次就決定試一下呢一間放題由於Book左位，我們準時6點鐘去到，分發到窗口位入到去有2.5小時食：飲品：不是任飲，所以飲佢地提供的茶，另外叫汽水只係$8一罐，可以接受刺身：三文魚真係好正，其他就一般壽司：三文魚，炸蝦，炸豬扒，蟹籽壽司都唔錯咖哩餃子：咖哩味個人覺得麻麻，如果有得食普通的餃子就好了．．．天婦羅：雖說是期待作品，可惜粉太厚，炸得幾熱辣新鮮都無用雞翼：一般大阪燒餅：一般炸年糕：圓形的好得意，味道唔錯甜品：燉蛋質素一般（補充：任叫甜品有三種可選擇，不過需要時間整，需再叫的話要預多ｄ時間）食物選擇多，服務方面，起初非常快，多人的時候效率都算好高，不過試過茶杯空左約20分鐘都無人加水，最後要叫經理加水．．．呢到扣左分，同埋走的時候無人講「多謝光臨」，再扣多少少分．．．環境真係超級正，十分舒適！價錢比朗田平，不過覺得唔算太抵食如果好似我朋友鐘意刺身類的話，金田是唔錯的選擇，但如果追求熟食同甜品的話，呢間老實講就麻麻地，見到門口有甜品下午茶放題，甚有興趣，下次要去試下！

尋晚同朋友去食放題，估唔到真係好抵!!!! 尋晚人唔多，D 侍應跟得好貼，上菜時間又快，又無漏單，幾好!頭頭0黎果D我無影到，因為一坐落就急不及待食啦串燒就普通D卷物都OK鴨胸鵝肝，好食，不過膩左D芝士焗蠔，都好正三文魚多士，估唔到好正，不過略鹹芝士焗年糕，唔係好膩，好正當晚甜品任食，梗係叫啦睇下個心太甜，D朱古力漿會漏出0黎嫁梳乎厘都OK，如果係芒果就更正啦!

女今日黃昏經過灣仔莊士敦道有士遞來一張傳單，HK$168日式放題，兩個人姑且上去試吓。因只能上傳最多8張相，所以其他未能展示予各網友分享。長話短說：抵食！一點意見，如果能包最多一杯soft drink，收多HK$10/head尚可接受，本人已向餐廳管理層反映。

I have been wanting to go to Ant One’s for the dessert buffet, but it is only available in the evenings, however when I walked past Kaneda, I saw the dessert buffet for only $98 per person including bottomless drinks.There are a total of 22 desserts to choose from which is about the same as Ant One, however Ant One offers Chinese desserts as well. Although Kaneda doesn’t have Chinese desserts such as fried sweet dumplings, it was not a loss to me since I do not like Chinese desserts. The items t

Japanese all-you-can-eat seated buffets are becoming quite the rage in Hong Kong. But is it value for the money? Or is the quality of the food sacrificed at a cheap price? Kaneda has its ups and downs... some dishes were nice while others were just blah. It's not expensive, but I'd rather spend $200 elsewhere. Too mediocre for me to come back. if you've read any of my previous reviews, you'll know that I'm not a sashimi fan and thus it wouldn't be right for me to judge the sashimi. My co-workers

由於我有彈性食飯時間所以一般都在下午茶時間食Lunch近來見金田推出下午茶餐打算一試結果中招.......我叫了蔥吞拿魚腩手卷+湯咖哩叉燒烏冬餐 $38 加一手卷賣相還可以質素以這價錢來說可接受但回題在於那碗麵其實是中式叉燒上海麵配咖哩湯跟我在上海菜館吃的上海麵沒兩樣~完全沒有鳥冬應有的咬口和彈性叉燒明顯是中式叉燒而且份量只是一小碗如果真的用日式叉燒和烏冬或者用一般茶餐廳份量還可以接受~但可以這樣收我$38加一完全不能接受~叫了熱奶茶竟然是熱的台式泡沫奶茶味道雖然不錯~但畢竟我是身處在日式餐廳~本應是叫了日或料理~這樣的配搭實在太奇怪~所以還是要分享一下~

中午時份，到處揾食。途經金田料理，見不需等位，便上樓試試。午市套餐都有頗多選擇，價錢七八十元左右。套餐前菜有一客雜菜沙律，賣相質素一般。主食一窩宮崎豚肉飯，伴以麵豉湯及脆蝦米小食。宮崎豚肉飯以鐵窩盛載，但就是欠缺那份熱騰騰的感覺。飯上的豚肉橫切面呈卷狀，肥瘦紋理分明，味道尚算甘香。飯粒個人覺得濕軟了一點，影響了菜式的整體味道。至於同事的雜錦魚生飯，大路刺身五六款，味道就無試喇，純睇賣相就覺得麻麻，感覺混亂，要知道日本菜的presentation很緊要，亦可從中睇到食店嘅級數及食物水準。單看這兩款主食，此店還是走中下級數的路線吧！

一月十四日 (星期五)我們這個部門在短短一年間已經有多達十多位同事辭職了對他們是好事,但是對於我們留下來的人說就是慘吧今晚farewell陳經理他說想吃日式buffet六月就為他選擇了這間我也未吃過呢食評似乎不錯本來是包房的,可是當晚有幾位同事不能出席最後都有17個人去吃刺身味道尚可,新鮮程度一般,不太肥美印象比較深的是牛舌,硬度剛好,燒得香,味粉夠咸其他各種食物質素合格大伙兒吃吹吹水,這裡實是一個好地方唯一不足的是甜品只是規定的三款如果有雪糕多好呢....謹祝陳經理前桯似錦!

聽啊哥講TST間金田幾好食..我心諗..灣仔果間應該唔會差掛..所以同啊哥&FDS懷住期待既心情 去食去到唔需要等位, 上到樓上 都仲有吉位係到..冇乜人,我心諗應該冇禁差掛食左好多好多...但係大部份都係...麻麻..10分滿分我俾..4分.所謂最好味都係果D...都係得咩粟米粒粒燒同埋一口牛...刺身唔新鮮...羊架有一大陣SO味...鴨胸鵝肝卷...芝士焗蠔..好細粒...好多好多..都係唔好食. 多到唔記得喇=_=..已經再冇期望喇...

尋日見到OPENRICE D食評,感覺都可以試下,所以打左電話去訂位...一上到去個STAFF問左我貴姓,咩電話之後就帶左我地埋位...見到咁多野食,咁咪咩都試下...三文魚刺身真係OK,幾肥下...但北寄貝就真係一D鮮味都冇...其他刺身都係一般般...炸野GEI一口芝士真係幾好食...串燒牛舌都值得一試...我地TOTAL 食左2個鐘唔夠...7:30入去9:10叫埋單...張單寫住198X3我明明見到OPENRICE 寫168一位2個鐘任食...咁咪問下個STAFF......點知個STAFF話你地入座個時應該有人問你係要食168定198 ga wo...我地話冇WO...根本上黎個時都冇人問過...之後佢走開左一陣再返黎黑住面咁同我地講...唔好意思...今日冇168個個收費...全部都係收198...咁呢個時候大家都知咩事喇...2月1日星期2...又唔係紅日...又唔係咩特別日子...點解會收198呢??而且我第一次出聲個時...個STAFF同我講應該有人問我地係食168定198...我又唔信佢地BRIEFING 個時冇講囉...好明顯就係個STAFF 唔想去改單喇...P

因為有訂位~所以去到的時候不用等價錢是8點半前178~之後就208~要加1服務費~首先要說的是~這間的燒羊鞍絕對是我寫下第二篇食評的原動力燒得很香口~吃得出有蜜味~咬下去還是脆的! 而且細心地有附上mustard 串燒方面都是不錯的吃得出有用心去處理食材尤其是牛舌~雖然油了一點但是爽口度剛剛好刺身方面~好似沒有吞拿?@@不過手捲就有吞拿腩可以選擇~紫菜是脆的~好味~飯是有點暖的~有點像巨大版的松x手捲不過當然是好吃的始終當一間放題餐廳在不太忙的時候做的食物是會比較有水準的螺片的確很鮮甜~可惜劍魚腩不夠肥美還有可愛的茶碗蒸@@鐵板燒系列的薄燒牛肉是必吃但是叫了頭一次之後其餘兩次都漏了單遺憾是日甜品有三種選擇---焦糖燉蛋芒果布丁朱古力慕絲---點了頭兩個~布丁有點怪味?是不是放太久了?燉蛋還可以~但是已經吃不下朱古力慕絲了XD食物種類選擇算多~服務態度是要給5星的啦~親切友善有問必答的哥哥很不錯~不停幫顧客加茶的美男也是令人心花怒放XD沒有任飲但是看到有各款收費飲料下次有機會去也是要試試看XD這個也很好吃~有蘆筍~waiter哥哥還會提醒我們last order後可以慢慢吃到8:30而且

日本菜真是百吃不厭，繼昨晚與同事二人嘗過日式豚肉，今晚再與另一班朋友前來吃日式放題，地點選在灣仔修頓球場對面的金田。小店位於大廈二樓，未吃先要做做運動拾級而上。餐廳位置頗大，狹長走廊向兩邊伸延，環境寬敞寧靜，格調不錯；人多時還可預訂貴賓房，自成一角，氣氛更佳。 這裡的晚市日式放題分兩個價錢，$168 兩小時任食及 $198 無限時間任食。雖然單要吃飽，兩小時綽綽有餘，但朋友共聚難免天南地北，加上有「三送一」優惠券，我們一行八人可以攤分六人的價錢，所以選了無限時的每位 $198。食物方面，這裡的款式頗多，分門別類列在七彩繽紛的自助餐單上，客人按喜好寫上所選食物的數量，而飲品則要另外收費，不過價錢也只是十元八塊。最值得加許的是客人餐單上寫多少便會如實奉上，不像某些食店就算寫多少，上檯也只有兩三件！ 沙律／冷盤：　 蕃茄沙律：平凡的蕃茄與蔬菜，加入沙律醋、菜油及少量蒜蓉，層次頓時提升，味道好亦夠健康，多吃無妨。 　 和風青瓜沙律：小青瓜切成粒狀，入口爽甜無渣，簡單配上醬油，味道已經很好了。 　 豆腐沙律：豆腐面灑上蝦乾及野菜，賣相不錯，味道不及前兩者好，但也不差。　 日式冷麵：蕎麥麵配上

和一班年輕活潑的同事一起吃個團年飯~!!估唔到個個都咁刷得喎~!!最近食放題都會首選灣仔金田, 因為好多放題餐廳都係初初幾好, 之後越食越差!呢間金田食過四次都保持到水準~刺身都幾新鮮, 總類夠多~!所有放題都有同一個問題, 就係漏單~!!呢間都會有漏單既情況, 不過由於大家都眼闊肚窄, 漏咗單反而有幫助~不至於浪費食物~!!今次去食最大既驚喜係甜品~!!之前幾次都係埋單時每人送一小件精緻的甜品, 這次卻新增了三款甜品任食:木糠布甸焦糖燉蛋朱古力心太軟每款都細細碟, 份量岩岩約兩三啖食哂~!味道真的很好, 不太甜~!我們幾乎每人每款都吃了三個或以上~!!選了任食兩小時$168, 但我們last order後還多坐一個半小時, 服務不錯, 侍應不厭其煩地不停為我們斟茶~!完全不會趕客~(可能冇人等位關係)~!!

同朋友響OR揀左好耐揀左呢度同4個朋友gathering, 卒之係好後悔好後悔, 因為真係超級難食. 係我咁耐以來食物最差既日本放題.'大蝦'串燒: 好明顯呢個係搞笑之作 我見到呢款串燒真係呆左 或者係我見識少 我未見過大蝦串燒會係用雪藏蝦餅, 即係—隻捲成圓形既死蝦黎燒囉. 仲要有個大字, 如果你覺得港幣—蚊係大既話咪大囉牛肉串燒: 第一串分開上既牛串講真係幾好味, 但第二轉再order既居然可以味道完全同第一串唔同味道 甜好多之外 重好多 總之就失望啦冬菇: okok 係因為其他太難食所以呢樣叫ok蒜片燒牛肉粒: d牛肉唔知咩品種 近乎白色 得個un字 又係暖暖地咁 連d蒜片都冇味炸雞軟骨: d炸粉厚到完全可以將粒軟骨隱藏, 高招刺身order左三文魚, 赤貝, 螺, 甜蝦等赤貝夾上手軟賴賴咁, 除左唔新鮮冇咩其他原因螺OK甜蝦睇落亦唔新鮮, 夾上手亦知好極有限, 細隻, 軟到差d夾唔起, 食落滑潺潺, 如果為左食d咁質海鮮攪到皮膚敏感真係唔抵tempura蝦: 算啦 隻蝦係'枚'咁, 就算佢service好好再重新炸過一碟比我地都冇用, 因為跟本佢地既蝦唔新鮮 炸一百隻比我都冇用