金子半之助 (東薈城名店倉)

Open Now

Now Closed

今日放假去左大澳玩，經過東涌發現多左好多野食，揀左呢間比較少見來自日本的金子半之助。食物選擇唔多，不過樣樣都好好食咁。江戶前天丼 $138穴子、海老、小柱魷魚天婦羅餅、海苔、莢豌豆炸玉子呢個set勁豐富，天婦羅都有幾種。- 招牌穴子即係星鰻，比平時的鰻魚厚肉同嫩滑，長30cm，仲長過個碗。- 炸海老食落好新鮮，蝦肉偏實，仲有2條咁多。- 炸魷魚餅，呢個係我最愛，魷魚係一粒粒，好有咬口得黎又爽滑，一d都唔似炸過，非常好味😋- 炸玉子都超正，隻蛋炸過仲好流心，一戳蛋黃就流晒出嚟，撈飯一流。- 味噌湯：鹹咗少少- 漬物：甜薑同醃蘿蔔，如果食完可以再添。天丼 $98菇菌、海老、小柱魷魚天婦羅餅、海苔、莢豌豆，味噌湯 同漬物呢個丼唯一同江戶前唔用的係穴子換左炸菇，其他食材都一樣。炸菇都好好食，炸得黎唔油，而且隻菇仲吸收左醬油味，好入味。另外講下呢度有黑豆茶飲係幾好味😋。

只在台灣食過，喺香港開分店後而家先試。叫咗江戶前天丼（$138），有穴子、蝦、魷魚同溫泉蛋。感覺上喺台灣食好食啲，呢間嘅餸ok，炸得唔錯，蝦略細隻，但主要嫌啲醬油唔夠，做唔到每一粒飯上面都撈到醬汁，令人感到有點可惜。#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #金子半之助 #天丼 #東涌美食 #tendon #Citygate #東薈城名店倉 #japanesecuisine #日本料理　#天ぷら #天婦羅

平日午餐時間，等位時間大約10至15分鐘。小麥 黑豆茶，好夾，好飲。即叫即做關係，落單之後大約要等15分鐘，等待期間，望住其他人進食的確難耐。期間限定， 軟殼蟹天丼， 已進入秋季， 別無他選， 一定係試呢個期間限定嘅天丼， 炸物嘅熱度，脆度都非常正， 不過我隻炸蛋係爆咗，好傷心， 除咗軟殼蟹，其他炸物都吸收了太多 醬汁， 口感欠缺少少脆口。餐廳座位舒適，坐bar table都無問題， 只可惜冇位置放袋。 有加一服務，侍應服務正常。

閒日冇嘢做，同老公去咗東涌東薈城行街睇戲。其實食咗好幾次，不過今次係第一次同佢寫食評。講真我本身好怕食油炸嘅嘢，所以如果令到我肯食同覺得佢好好食的話，佢一定唔錯😋（自己覺得）如果平時食飯時間去到一定要排隊，我哋因為睇戲所以12:00便到。雖然唔使排隊但店內都坐滿人。店舖不大，地方算是整潔。點叫食物都很快送到。我們同樣點「上天丼套餐」，天婦羅飯有白身魚、蝦x2、墨魚粒幾粒、野菜、海苔⋯⋯（唔知有冇漏，大約有以上），另外一碗麵豉湯和一碟醃漬物，份量好足⋯⋯飯內加入些少醬汁，令成件事嘅節奏變快咗🤣因為太好味😋所以食得快咗😄講返天婦羅炸物每件都好鬆化，而且唔覺得油膩，呢個就係重點😋每次食完走，都會諗住下次幾時再食😜

係東涌既金子半之助被譽為日本第一天丼🇯🇵主要係食天婦羅丼飯🍤🍚天婦羅丼飯主要有3款，天丼、上天丼，仲有江戶前天丼🤩今次朋友揀左上天丼～🔸上天丼 ($118)材料豐富 有白身魚、海老、小柱魷魚天婦羅餅、溫泉蛋、海苔同埋莢碗豆☺️跟餐仲配埋味噌湯同漬物～🍤佢炸到金黃色 好吸睛～食落口感都好好唔會成口粉既感覺👍🏻而且佢唔需要點醬汁都好夠味 撈埋溫泉蛋一齊食🥚🍚 好惹味😋😋不過個人覺得隻蛋可以唔洗煎一煎🤣🔸熱稻庭烏冬 ($78)睇餐牌普通一個熱湯烏冬都有好多配料 見唔係好肚餓就叫左個熱湯烏冬🍲一上枱真係得個烏冬 呆一呆 餐牌上面既配料呢😳😣原來佢係分開上 店員好快就拎左個木盒泥😂入面有蔥花 海澡 鰹魚花 天婦羅碎 同一隻溫泉蛋☺️好貼心 驚客人唔食 就分開上等客人自己揀😊👍🏻

🙋🏻‍♂️餓底探員今日去咗東涌調查呢間天丼🍤🍚江戶前天丼便當 $138📸表示個飯俾金黃色嘅天婦羅鋪到成座山咁滿，有穴子，海老，小柱魷魚天婦羅餅，温泉蛋，海苔，莢豌荳，睇見都流晒口水🙋🏻‍♂️表示天婦羅炸槳唔厚，炸得好酥脆，個鰻魚天婦羅係用星鰻做，食落雖然無日本鰻咁厚肉同入口即溶嘅軟綿感覺，但都唔差嘅，炸蝦天婦羅肉質有啲乾，溫泉蛋天婦羅未做到流心效果，紫菜天婦羅食落厚身有口感，天婦羅餅嘅小柱同魷魚食落好有鮮味，口感煙韌彈牙，整體都可以嘅，但唔會走到東涌咁遠食，不過佢喺灣仔同葵芳都有分店，經開可以去食吓嘅📈吃貨指數😋好味度 6.5/10🔙返啅度 6.5/10

每款其實味道都差唔多，都係咁油。佢一上碟果陣我心諗唔喺呀嗎，因為係肉眼可見嘅啲油多到可以滴出來，一食落去直情全部都係油味，咩肉已經食唔出味噌湯都係沖劑所以就中規中矩。最好食就係個黑豆茶，不過如果要堅持要食曬成個飯就起碼要飲10杯茶到去解滯。服務就唔多掂，唔係樓面問題，落單埋單無乜嘢。但係廚房後場因為懶係半開放式，所以同啲食客位好緊同埋無一場之格。問題係個廚房連續20分鐘都傳黎刀煲盎撐碰撞既碗碟聲，我個臺唔係最近廚房但係都就黎失聰咁滯，同朋友講嘢都要好大聲先聽到。食道依度先唸：唔怪使得平日dinner無咩人，即刻walk in都得，因為真係唔計啲嘢難食，比錢買個位坐都唔值！

要係東涌搵美食好似無咩選擇，睇到有人推介呢間天丼，就去咗一試，估唔到唔錯喎，大家去開東涌可以食(☝ ՞ਊ ՞)☝◔◕ 迷你天丼 & 稻庭烏冬 (溫)◔◕ 迷你天丼 & 稻庭烏冬 (冷)呢一個套餐可以試佢嘅天丼同埋稻庭烏冬，好抵食𓀠天丼係佢地既主打menu，食材新鮮，炸粉夠薄身，但不算十分脆口醬油嘅鹹甜到適中，唔會太咸抵讚(๑❛ꆚ❛๑)有趣既係稻庭烏冬（溫）會先送上一個大木盒，入面有海帶，蔥，木魚，一隻溫泉蛋，。俾你加入熱湯烏冬中稻庭烏冬 (冷)就無溫泉蛋，泠湯醬汁可以根據自己嘅個人喜好加入Wasabi整體來講，稻庭烏冬質感不錯喔

每次去東薈城，金子半之助餐廳一定係我一家人其中一間去嘅餐廳👍🏻今次一家三口都食「天丼」，原因係大家都好想食天婦羅蝦🍤魷魚🦑和草菇😋所有食物即叫即炸，烏冬又係，新鮮熱辣，好脆、好新鮮，勁好食👍🏻飯後飲杯黑豆茶，好解膩，好香，好飲，我次次都飲起碼3杯😋

今日去左大嶼山玩，出發前就約左大班人係度食飯醫肚先。坐底左店員都幾nice既，提我地佢地做緊推廣，要做份問卷同like fb page就可以平２０蚊。咁計落都幾開心，冇啦啦又平左少少，積少成多嘛。同行人都叫左迷你天丼 & 稻庭烏冬，不過有人就叫冷有人就叫暖。暖既會有一大個盒比晒配料你自行加，個盒好大，上台個陣都嚇左下。好似化妝盒咁大。入面有隻蛋，木耳等。冷就冇呢個服務喇，一開始已經落晒去，冇等咁樣比你玩個盒。味道上個人覺得都唔錯，我幾中意個冷烏冬，配汁好fresh。不過朋友話有食過更好食既烏冬，期待佢推介。

最近一直都好鍾意冷蕎麥麵～ 知道東涌一直都有一間天婦羅～ 食日本野 提意男朋友不如去試吓～雖然價錢比起日本貴起碼2-3倍😒但真系好想食～ 就決定試下 坐底之後等左差不多半個鐘先有野食 都痴線既！系好味 😋但吾應該將啲天婦羅整咁耐！

係東涌行完街 就去搵嘢食 見到間日本好出名嘅天婦羅入面都幾多人就入去試下啦～🧐坐低就嗌咗兩個天婦羅 「上天丼」同「天丼」等咗一陣就食得見到個碗好大碗 點知原來得好少飯🤭天婦羅嘅顏色偏深色 食落有啲油味增湯就普通 黑豆茶就唔錯可以解油膩基本上兩碗啲嘢食一樣除咗「上天丼」$118 有白身魚「天丼」$98 有菇菌其他都一樣 每款天婦羅食落都差唔多咬落都有啲油漬物無食到 望落去有啲乾$一百蚊一碗呢個質素 應該冇下次

唔係住喺東涌，但偏偏山長水遠去到東涌，事出必有因。數數手指，已有超過一年半沒有離港同小女兒出外旅遊，決定入去迪士尼 staycation。入去前先到最近迪士尼、兼最多食肆選擇的東涌醫肚，揀了「金子半之助」。上一次光顧是利東街分店，小編一貫習慣，同一間餐廳即使是不同分店，除非情況特殊，基本上不會寫下第二篇食評。今次正因為試了同上一次不同的出品，才落筆記下來。東涌店位於商場內，感覺上只是一間普通餐廳，及不上利東街分店的特色 ⋯⋯ 後者更似一間日本街舖天丼小店。為了吸引客人，刻意安排廚房在靠近店舖門口位置，並設置透明大玻璃，客人可看見廚師炮製天丼的過程。東涌分店主力客源是附近居民，週一至週五更肯定缺少區外人生意；所以做蓋印卡優惠推廣，但只限於東涌分店。即使星期日中午午飯時段，也只有幾個客人。刻意挑選吧枱座位，以為好似日本的天丼店一樣，可以見到廚師炮製天丼的整個過程；但開放式廚房的設計較遜色，缺少了日本當地所見的佈局。炸鍋設在開放式廚房後端，並非面向吧枱座位，客人不能近距離欣賞廚師炮製天丼過程；只能見到廚師將炸好的食材鋪陳成一碗天丼的最後程序，有點失望。天婦羅講究食材新鮮、席前即炸。既有豪華版

太耐冇去過日本啦，真係好掛住日本啲美食😩😩今日經過東涌就試吓嚟至日本嘅天丼專門店金子半之助啦🍤 東涌分店唔算大，大概有六、七張枱左右，但環境乾淨明亮，坐得都幾舒服. 我哋叫咗江戶前天丼（$133）同埋 天丼便當（$93)江戶前天丼有一條長過我手板嘅炸穴子（野生星鰻），兩隻鳳尾蝦、半熟玉子、炸海苔片，碗豆，視覺上非常滿足啊😍 穴子好嫩滑，啖啖魚肉，個人覺得佢嘅天婦羅係偏油，但味道都唔錯，個醬汁同飯同半熟蛋撈埋，好快俾我ko晒成碗🤭 （江戶前天丼份量真係幾大，所以如果有兩個人，最好可以好似我哋咁叫一份江戶前天丼，另一個可以叫天丼便當，咁就可以share食，又冇咁飽😙）天丼便當其實份量都唔少，只係隻穴子變咗兩片炸菇，但個炸菇好味喎😃😃我鐘意鋪頭提供嘅黑豆茶，同個飯好襯，消滯一流👍👍 佢嘅腌白蘿蔔都好味，係份量少咗D🥲 食完都叫過到少少日本天丼癮嘅，不過味道始終唔及係日本食嘅正啦，唔知幾時先去到日本啊😭😭😭😭呢間分店東涌居民同機場員工有9折添😆

餐廳已開咗一段時間 本身唔太喜歡食天婦羅 就算平時去日本都唔會特別食天婦羅呢！😂😂早排見細佬食完之後就極力推介 仲要睇埋佢分享嘅相片之後 又覺得真係幾吸引 最後分別唔同時間食咗兩次添！加上餐廳仲俾咗張印仔優惠卡我！食咗兩次儲夠4個印仔！🤘🤘🤘下次仲可以享有一碗半價優惠 其實太鐘意食烏冬呢！所以兩次都係食咗烏冬唔好睇小呢個烏冬 就咁食烏冬加天婦羅囉 其實如果唔係大胃王 份量就係剛剛好嘅 另外最有驚喜係天婦羅仲加咗少少飯添 天婦羅已經加埋醬汁 所以喜歡重口味嘅我 就啱晒啦！ 外脆內juice 完全係非常fresh烏冬仲係爽口彈牙 個湯都係好濃味 😋如果烏冬就一定會配埋呢啲配料 仲有隻半熟雞蛋配埋烏冬 真係好豐富 飯同烏冬嘅分別就係飯嘅話會有多一舊魚 雖然唔知係咩魚 但魚嘅味道好鮮味㗎另外最特別之處 就係有天婦羅雞蛋下次就會試吓冷烏冬😛😛😛仲有餐廳免費提供新鮮嘅黑豆茶添🤘🤘🤘添茶嘅時候仲可以見到一粒粒啲黑豆喺茶入面如果住朋友嘅朋友仔 出示住戶證仲可享有9折優惠 等於免加1