辛味屋

Open Now

Now Closed

今日去荃新天地行街，經過見到辛味屋，好耐冇食拉麵啦，見價錢好抵食，$89晚市自選套餐、$208自選二人套餐、$268店長推薦二人套餐，還有單點。點了兩分$89晚市自選套餐，有拉麵有小食赤豚拉麵湯底夠辣，但不會蓋過豬骨湯味，豚肉肥瘦適中，拉麵軟硬適中。豬軟骨拉麵湯底尚算濃稠，豬軟骨入晒味，好軟腍，還有至愛既流心蛋，麵質都算彈牙。咖哩飯（小）又想食咖哩飯，又想食拉麵，都可以選擇以個餐，兩樣都滿足到。自家製餃子餃子煎到剛剛好，而且餡料都好飽滿凍檸檬茶

今日同朋友嚟到荃灣行街，嚟到荃新天地二期，發現依度有一間睇落裝修都唔錯嘅日式餐廳辛味屋，鋪面出面有一個食物模型展示櫃，望到模型已經令人流晒口水呀！依間鋪頭主打日式咖喱，望吓餐牌，個價錢真係相當實惠啊！六七十蚊就已經有一個套餐，咁一於就決定入去食飯啦！坐低見到隔離枱，原來依度都有一人前壽喜燒火鍋食，咁我就決定點個牛肉壽喜燒火鍋。間鋪係用明火Gas爐嘅，夠晒火力！等左一陣，個牛肉壽喜燒火鍋就已經送到上枱啦，賣相一流，牛肉平均整齊咁鋪係鍋面，令人食指大動！由於用Gas爐，所以好快就滾起個鍋，鍋入面有牛肉、大白菜、金針菇、冬菇，而依個壽喜燒湯底非常之濃郁香甜，令到鍋入面嘅餸菜完全唔需要點醬油就已經好好食！食到最後落埋Q彈軟滑嘅日本烏冬，簡直令人大滿足！除咗食壽喜燒之外，我仲叫咗個自家製餃子食，依碟自家製餃子即叫即煎，上檯時熱辣辣，一啖咬落去，餃子外皮相當香脆，而佢啲餡料仍然充滿肉汁，就係咁，碟餃子好快咁就俾我吞晒落肚。燒雞翼我自細鍾意食，新鮮燒起既雞翼同雞軟骨，燒至外脆微焦既雞皮，香口又脆身，淋上幾滴檸檬汁，分外覺得滋味。

今日睇完戲 近近地係附近搵食脆到呢間日本野好似幾多人食一於入去試下Lunch有多款lunch set可以選而且可以自由配搭我就選左呢個可以自選兩款主食既套餐白豚拉麵配豬軟骨飯拉麵湯底尚算濃郁 麵質煙韌配有溏心蛋 兩塊叉燒 叉燒肥瘦適中岩哂我呢d唔鍾意食太肥既人豬軟骨飯豬軟骨燜得好稔朋友就選左雞扒加饅魚定食呢個餐有配麵豉湯定食配既凍沙律薯蓉好好食呢 口感好軟滑特別推介大家叫饅魚呢饅魚燒得岩岩好 好肥美汁好濃呢幾抵食既lunch

荃灣一向多野食，今日同男朋友黎荃灣睇完戲，我喺荃新天地搵嘢食啦喎，商場雖然人流唔多，但係勝在食肆都好多吓，男朋友話想食鰻魚飯，我哋經過呢間日本餐廳，見到門口嘅食物展示好吸引，於是就入去大食一餐啦。鰻魚飯，唔算好大，但係勝在肉質好紮實而且又厚生，肉質軟腍多汁，每一粒但都晶瑩剔透，淋上鰻魚汁，淡淡滋味在心頭。咖哩吉列豬扒飯，金黃色嘅豬扒新鮮炸起，咬落香脆，外層粉吾會太厚身，咬落肉質軟腍多汁，日式咖喱香甜吾會好辣，配上蛋包飯，淡淡細膩。芝士年糕，金黃色嘅外表，睇落去脹卜卜，就知道新鮮炸起啦，炸得十分鬆軟，裹面既芝士傾盆而出，份外滋味。炒魷魚絲，份量好多，一條一條，炒得好香口，而且爽口彈牙，味道唔會太咸，而且食唔出雪藏味，真係食到停唔到口。

今日我同K先生係荃灣行街，行到去荃新天地二期搵食，去咗辛味屋食晚飯，餐廳店員服務非常好，食物性價比很高，非常抵食。我同K先生叫咗兩個定食，我叫咗一個燒肉定食，燒肉份量很足，前菜有一個薯仔沙律 ，仲有黃瓜、麵豉湯，非常抵食。而K先生就叫左個燒鯖魚定食 ，有白飯，麵豉湯，沙律同埋黃瓜。值得一提就係個燒鯖魚好大條好好食，K先生食到舐舐脷。除咗定食之外，我哋就叫咗一個燒魷魚筒，同埋串燒雞軟骨。燒魷魚大大條，鮮味十足而個串燒豬軟骨亦都做得十分好。如果以呢個價錢食到兩個定食同兩個高質嘅小食，真係性價比很高。

Weekend同屋企人起荃灣搵食辛苦左成個星期終於可以休息一下去左citywalk 2期既辛味屋開左一段時間都好似未食過食完發現 價錢夠抵食 質素份量又ok蓋飯 咖哩飯 烏冬樣樣都有而且仲係set 有沙律又有湯啱哂大食既屋企人先上左小食 另外加錢要左廣島炸蠔炸得金黃香脆 炸粉唔會太多廣島蠔新鮮 食落都幾juicy多春魚 都幾香脆溏心蛋豚肉拉麵湯底係香濃既豬骨湯 飲落都唔覺得油膩豚肉嫩滑唔會韌 溏心蛋有少少流心拉麵軟硬度適中叉燒蝦拉麵 配埋大量既櫻花蝦大蝦夠大隻 食落香脆爽口櫻花蝦帶起成碗拉麵既香味仲有好多雲耳 爽脆唔錯鰻魚雞排丼 份量滿滿鰻魚雞排都煎得好香口 鰻魚唔會腥 雞排嫩滑仲有薯蓉沙律 打得香滑食得好飽既一餐 以後如果想食日本野又多個選擇

今日清明節假期，同屋企人在荃灣拜完山，立刻搵地方醫肚。因假期關係。差不多每間食肆，都大排長龍。見有一間日本特色店舖，名辛味屋，主打日式咖喱，見人龍較少，可以試試。等了5分鐘，終於有位。睇完餐牌，自己叫了日式咖喱雞扒蛋飯，屋企人叫了鰻魚飯、吉列豬扒蛋咖喱飯及雞扒咖喱飯。咖喱雞扒蛋飯份量剛好，咖喱味道不算太辣，帶甜味，雞扒份量略少，但味道不錯。鰻魚飯賣相不錯，鰻魚烤得恰到好處，鰻魚汁調得不俗。吉列豬扒亦炸得香脆可口，肉汁亦可保持。以午餐約$50來說，有飲品亦有一個不錯的咖喱飯，亦附送薯仔蓉一小碟，性價比不俗，可再光臨。

自從荃灣aeon 有間好食嘅咖喱飯🍛執咗笠之後搞到我一直都去物色好食嘅咖喱飯餐廳🍴位於荃灣廣場嘅呢間咖喱飯餐廳平時行過經過都見到但係食都係第一次入去原因都係因為平時冇乜人幫襯🥴所以唔敢入去🙈一入到去親切嘅店員又拎餐牌又比水我地，而且又打晒招呼咁☺️，果然係日本人嘅餐廳因為我見佢有啲店員都係日本人👘，要用日文黎溝通。而且有效率有服務嘅餐廳真係好少。🥰我哋睇完個餐牌就諗住叫二人餐，二百零蚊到有兩個飯三個小食，可以試食多啲唔同款式，所以就叫左呢個套餐。我哋叫咗鰻魚便當飯🐠吉列豬扒奄列咖喱飯🍛炸豆腐炸雞球炸南瓜餅鰻魚便當飯🐠呢個飯同餐牌張相有啲出入，果然係一分錢一分貨，條鰻魚細得可憐。而且啲飯好似擺咗好耐乾爭爭硬骨骨又吾熱。呢個飯仲要加多$10有點不太抵吃吉列豬扒奄列咖喱飯🍛豬扒個粉皮都係太厚了，而且豬扒肉質都係太乾。好食就稱不上，但都叫平理的。奄列又煮到過曬龍，吾知仲以為食更蛋餅🥞呢😂咖喱味道有啲淡，不過都叫合理的味道。呢個飯都要加多$10有點不太抵吃。炸豆腐反而整得幾好食，內裡仲要熱辣辣滑脫脫好食好嫩口。炸南瓜餅值得一讚，外脆內軟甜甜地又夠香口。而且呢個真係新鮮炸出嚟。好好食炸雞球炸得夠嫩夠

今日大年初二，諗住識下新野，入左辛味屋，叫左個漢堡奄列咖喱飯。難食到嘔。首先佢個奄列，係類似煎蛋咁既物體，冇蛋汁。咖喱入面係有小小肉同埋小小紅蘿蔔果種，但都係果一種你係便利店買倒番黎既質素。個漢堡真係爆哂粗，得2塊細細塊，煎都冇煎過，濕濕淋淋，反叮，真係未見過咁既漢堡扒。講真，咁樣都要70幾蚊，我去沙嗲X食個的咖喱豬扒飯啦，或者hungry kxxxxx食但係芝士漢堡扒啦。有圖有真相，永遠blacklist

餐廳名係辛味屋，所以就點左個咖哩飯我點左個日式咖喱吉列豬扒蛋包飯，因為係晚市套餐，所以跟埋薯仔沙律同埋麵豉湯。蛋包飯係我嘅至愛，炒得幾滑，充滿住蛋汁撈飯再加上帶有啲甜味嘅日式咖喱汁，正不過反而略嫌塊豬扒唔夠脆，希望下次食會再fresh啲啦！

今日同朋友經過荃新天地二期，見到呢間裝修簡潔既餐廳，睇咗個Menu，價錢合理嘅日本餐廳，覺得一試無妨啦！我點左個牛油拉麵牛油係有鹽味嘅牛油，等待牛油溶化之後，湯底的層次變得更豐富。湯底味道濃郁但唔會過鹹。拉麵方面，頗為彈牙，正常水準啦。豚肉掛湯，都唔會特別薄身，性價比真係高。一道主菜係可以加一款小食，我聽店員講店內鰻魚飯都係必食。所以我就點左一個鰻魚飯。作為一款小食佢嘅飯都算係好多，鰻魚汁燒到收晒入隻鰻魚入面，可惜佢得一塊😞如果將一部份飯換做多一塊鰻魚就好了😋朋友叫左一款咖喱吉列豬扒配奄列佢將啲吉列豬扒放入口嘅時候，我聽到好似咬薯片嘅聲音。😟所以叫佢比左塊黎食雖然冇薯片咁脆, 但係係脆身的, 而且皮肉貼合, 厚薄適中。咖哩係正常日本咖喱味道, 正正常常。埋單既時侯。自己睇,  Weekend lunch 有主菜+小食+飲品, 2條友, 食到質素唔錯既日本野。真開心! 最後係餐廳D入, 企企理理乾乾淨淨, 係一個唔錯既選擇。

荃灣嘅日本拉麵餐廳有好多間，但係呢一間係我食過比較性價比嘅！今晚帶咗幾個朋友去食餐廳嘅環境非常明亮，非常有日式嘅感覺。我哋叫咗個豬軟骨拉麵入邊有豬軟骨亦都經過長時間煮。仲有大量蔥花同埋其他嘅溫泉蛋蟹柳粟米等等都係我鍾意食嘅配料。另外我哋都叫咗個吉列炸蝦，外皮非常之薄脆，而且炸到金黃色配上沙律醬同椰菜絲非常之開胃，而且椰菜絲減左油膩嘅感覺。我哋另外都叫咗佢哋自家製嘅餃子入邊有非常多嘅豬肉配料，外脆內軟加上入邊嘅材料亦都有肉汁，唔會乾爭爭燒雞軟骨，想試吓呢度嘅串燒所以就叫左兩串試一試佢，外面香脆，juicy.北海道南瓜炸薯餅,勁鍾意佢個炸南瓜薯餅入邊嘅南瓜蓉配埋薯蓉都係我最鍾意食嘅食物。另外餐廳仲會有好多唔同嘅日本酒，果汁等等氣氛非常之好。

今天去開荃灣行aeon 行到攰起附近的商場 荃新天地2期 食呢間日本野一行2人 唔使諗 當然就揀套餐啦套餐包括了兩個主食加三個主食 我地揀左鰻魚飯 及黑豚拉麵 小食方面 就揀左燒魚餅，魷魚鬚及南瓜餅易於share 食鰻魚飯 - 不過不失 鰻魚細條d 但味道很好黑豚拉麵- 果然是拉麵店 味道比鰻魚飯更突出，值得拎高分燒魚餅-沒有太大評價 因為supermarket都買到魷魚鬚及南瓜餅~兩樣食物都好香口，味道很好，熱辣辣好好味兩個人食咁多野，當然好飽啦！滿載而歸啊

忙咗一個上午，终於都到咗食妟嘅時候，約埋個同事去咗附近嘅荃新天地商場度食午飯，商場入面都有好多食店選擇，同事話見到前面有間食拉麵嘅，叫做(辛味屋)，撞正食飯時間，都要等位，好在都係十零分鐘就可以入座，睇完餐牌，同事叫咗個雞扒(奄列)咖哩飯，我就要咗黑豚拉麵加一個雞軟骨，小食要咗雞骨腸，先嚟嘅係同事嘅雞扒(奄列)咖哩飯，好大碟，我叫同事比咗啲我食吓，因為望見都流口水，雞扒煎得好香脆，入口 好鬆化，跟住到我嘅黑豚拉麵同埋雞軟骨都到 ，拉麵嘅麵質好彈牙，湯都好好味，黑豚肉好冧，最後個雞骨腸都嚟啦。超好味，又大條，兩個人食到飽飽先走。

🌻繼拉麵店後，老闆決定將日式食品發揚光大，於是就開設左辛味屋。老闆凡事親力親為，態度友善！🌻今次同朋友二人叫咗兩個餐+1個小食，包括一個鯖魚定食、一個牛扒定食、一份炸豆腐。食開鯖魚既我，總算叫做刮目相看唔知有冇用錯成語呢因為今次嘅鯖魚魚皮燒至脆身，但魚肉出奇地好滑，仍然保留魚身本身嘅水份，入口感覺鮮嫩係我講呢一番評論之前，特登走去問吓我個朋友覺得條鯖魚有乜嘢特別？佢同我有同一個諗法！因為我食過咁多次，通常鯖魚本身都會燒至乾身，包括魚肉都比較粗糙！如果有埋蘿蔔蓉就完美喇🥰🥰🌻另外嘅就係牛扒定食，因為自己本身好少食牛，一來覺得怕唔熟，二來覺得好冇味。但係嚟到點樣都要試吓嘅！個人認為牛扒住得恰好，絕對唔係10成熟，又唔係非常鮮紅血嗰啲，反而係少許嫩粉紅。入口幾好味🌻最後就係炸豆腐啦，我諗最難得嘅就係佢可以保持住豆腐入面嘅溫度！👍🏻👍🏻👍🏻🌻好少何我會比咁高分😈總結，價錢平民但係高質！