喀什米爾咖喱屋

Open Now

Now Closed

已有好一段時間沒有經過此食店，再次途經，發覺已裝修過，所以主人與奴隸獸決定在此午飯。點了：1. 咖哩羊肉套餐配薄餅及Coke Zero（HK$35）：咖哩及羊肉的味道尚算OK，不過肉的份量少了一些，及咖哩汁比較肥膩。2. 印度咖哩角（$10，2件）：咖哩角外層的小茴香少得可憐，料的青豆亦不見蹤影，味道大不如前。3. 牛肉卷餅（HK$10，3件）：好勁辣啊！！！（辣得奴隸獸眼淚直流。）而且香料味道欠奉。不知為何，裝修過後，連味道也走樣了。

** 此食肆的第一個笑**前日(18-2-2008 Mon)放晏晝假,拎o野出o黎深水(土步)畀男友人CK,順便食飯兼逗利是.我o地諗過去西九龍中心8樓o既意大利噹拿屋或榮發茶餐廳,但CK否決o左前者,話o個o度唔係咁乾淨喎,於是我o地去後者啦,但中途被我遇見返呢間.於是提議,我o地駐足睇睇,好彩有o岩佢食齋o既雜菜炒飯,於是我o地入去lu.呢o度舖仔細細,但裝修好靚,CK話其實呢個舖位轉o左好多手,呢啲裝修係上手賣雲吞麵o既,成$20.00碗,邊做得住?所以執o左.我o地叫o左:1. $10.00 o既雞肉薄餅呢個先到,係我食o既,其實o係印度薄餅內加入雞肉.我試吓先.唔….有羶味,正常o既,印度菜嘛,雞肉以近乎漿狀加入薄餅內,幾得意.但我覺得辣.3. $10.00 o既香蕉薄餅呢個係CK睇睇吓想試又o岩佢後加o既,由於我食o左辣o既o野,話食甜o野可以中和返辣味,而CK都畀啲我試.好味啊,佢係甜,但o岩o岩好,而且好好味.2. $25.00o既雜菜炒飯呢個係CK o既,佢都分啲畀我,佢話好辣,當我中和返雞肉薄餅o既辣味後,就試呢隻,唔係啊,唔辣啊,料唔多,有腍晒o既薯仔,紅蘿蔔同唔

點左兩樣咖哩羊同咖哩牛,可以跟飯或者跟薄餅因為今日做完兩堂瑜珈實在太肚餓由朝到晚淨係食左兩個包所以d食物一嚟到,就好快全部掃晒,感覺d咖哩好辣, 之後再叫多一個香蕉薄餅,好快又比我攬掂埋 1.咖哩羊(感覺d咖哩好辣,d肉好肥) 2.咖哩牛(有勁多油浮面,食左一定好危,勁高卡,大包好努力飛油,唔知係咪天氣凍,d油凍到變左蠟,好得人驚,食左之後做幾多運動都保唔番,而家諗起都重好驚) 3.香蕉薄餅(好多香蕉,不過我諗都係普通薄餅好食d) 4.卡巴---乾爭爭, 味道普通 最後每個餐都跟飲品,我要zero,大包要個茶味怪怪地o既印度奶茶 總結大包同蝦蝦意見,我地都係覺得大角咀越旺既咖哩好食好多

雖然買了便當及Pizza，主人與奴隸獸皆知H 君的食量驚人，所以途經此店時再買些小食：1. 咖哩角（HK$10，3件）：咖哩薯蓉餡料，香料味道不及印度咖哩角，差得遠。2. 咖哩魚柳（HK$10，4件）：咖哩香料亦蓋不了魚柳的腥味，肉質不夠結實，味道強差人意。3. 牛肉卷餅（HK$10，3件）：牛肉、洋蔥及印度香料味道濃郁，奴隸獸與H 君皆極為欣賞，覺得買多D 就好啦！

味道好夾, 塊皮好好食, 只係10蚊塊, 兩個女仔share岩岩好!(阿姐仲同我地切開兩塊)

成日行過都有興趣想食, 前幾日終於去左食喇!兩個人叫左兩個set. 咖哩羊肉&咖哩雞肉+ 香蕉味&芝士味薄餅(要補錢). 兩碟咖哩個汁底應該係一樣, 都ok; 羊肉入味, 雞肉煮得o岩o岩好. 香蕉味薄餅比芝士味做得出色, 同咖哩出乎意料地夾. 再加多兩杯飲品, 普普通通.舖頭既人(印度??)雖然聽得明廣東話但始終有d雞同鴨講既感覺, 但都ok nice. 仲有menu舊左d, 改價錢都只係搵雙頭筆刪左就算. 舖頭只係得五張"木台", 窄左少少.

店內傳出印度音樂，及陣陣的咖哩香味，有多款印度小食，但主人與奴隸獸只是買了：印度咖哩角（$10）：咖哩角外層有小茴香，又香又鬆脆，料是薯仔及青豆，咖哩香味濃郁，有少少辣，味道好得出人意表。下次一定要再試其它小食。

成日返工都經過呢間舖頭, 每次行過都聞到d咖哩角好香, 尋日決定試下個香蕉薄餅!對於我呢位香蕉fans, 見佢即叫即整已經好開心, 跟住見到佢將成條香蕉切落個薄餅裡面, 嘩!! 太好喇, 一定唔係偷工減料.煎完之後佢就放左落袋比我, 好燙手~因為太熱ge關係, 所以返左公司先開餐之前我試過bbq燴香蕉, 的確係熱, 而且d香蕉仲溶溶地, 不過就唔算太好食. 返到公司, 一打開個袋, 未食已經聞到好香香蕉味!! 一咬落去, 真係不得了, 比bbq d香蕉好味得多! 可能因為煎過, 所以d薄餅同d蕉溶左一齊, 而且又足料, 每一啖都有香蕉!下次我會試下芝士薄餅, 我相信會更加好味~

本身我好鍾意好濃烈0既香料味, 所以對不同國家的咖哩有偏好. 無端端行過發現呢間充滿「喬寶寶」0既舖頭仔, 就覺得「正宗」, 原來佢的價錢好competitive 喎~, 咁平, 一塊原未薄餅都係$5, 牛肉的都係$10, 買咗塊返屋企食下. 好味喎~裡面有牛肉碎, 薯蓉, 馬豆同我諗係咖哩粉~ 雖然係多油, 但係都唔係成日食, 所以ok的．　如果addicted to重慶大廈咖哩店的薄餅，呢到可以止口痕～

one day, i'm in Shum Shu Po, i saw this indian fast food, $ 10 for 1 pcs Roti, price was very cheap, i buy 1 plain and 1 egg roti, the taste very same the singapore style, they made the tradtional feel same as bring me back to singapore.

晚飯前，想食小小東西，所以再來這裡買薄餅吃﹗今次試試牛肉薄餅，$10一件好抵食﹗唔需要番熱，就已經熱辣辣，應該是剛剛做好，牛肉有少少咖喱味，份量亦唔算少，差不多每口薄餅，都有牛肉﹗食慣清淡的我，當然會覺得件薄餅好油，不過偶然食一次，都無所謂﹗

下午路經過該店, 被他們的印度歌聲吸引停下觀看店子門口的食物, 包括有咖哩角, 薄餅, 雞翼, 雞腿, 等等。剛好肚子又叫, 又倦, 又熱, 見有坐面在內, 儘管入內稍稍休息及吃點東西。環境: 坐位簡樸, 冷氣足夠, 沒有一股印度味。食物: 1)羊肉薄餅$15, 少少辣, 少少香料, 味覺好想尋找香味的來源, 好味。2)炸雞翼(2隻)$10, 皮脆, 肉滑帶汁, 正。3)可樂$5。下次試下:咖哩羊肉及榴槤薄餅

本身就幾鍾意食薄餅, 所以對薄餅係有d要求. 佢新開時候, 好快就留意到, 見佢裝修簡陋, 仲以為係d短期租約, 點知到依家都仲係度wo.好耐之前就已經試過芝士薄餅$10啦, 但感覺就麻麻. 佢d薄餅係一早整定, 買時候係塊煎pan度翻熱一下. 其實一早整定除唔新鮮之外, 我仲覺得好污糟lor, 因為舖頭面對住條大街, 好多車係門口經過, 好大塵, 而且只係"係咁二"翻熱下, 一d都無新鮮時鬆脆, 多油就預ga la. 食落心又唔熱, 仲見到中間仲係麵粉,根本就未熟. 芝士味又唔重唔濃. 只可以話十蚊好大件下, 抵食夾大件, 所以好多人排隊lor.

本人本身喜歡食咖哩, 星期六放工後去深水步食lunch, 上openrice發現此食店, 故到此一試!去到見到此店是喀什米爾的當地人駐守,心想一定正宗! 又見鋪面有做外賣, 而且都keep住有人買薄餅, 應該味道都唔錯!見入面有位, 故入內叫了薯仔雜豆咖哩套餐($30), 跟薄餅及奶茶! 另外, 再叫一份香蕉薄餅及印度咖哩角!咖哩味濃, 夠熱, 點薄餅食一流, 但略嫌汁少, 只剛夠薄餅點, 若想再回味, 叫多一塊薄餅都唔夠汁點!奶茶唔錯, 唔似港式奶茶, 因未飲過印度奶茶, 故不知是不是印度奶茶, 但飲到最後有好多黑色一點點的茶渣!香蕉薄餅($10) 簡直一絕, 好味到不得了!! 原來煮熱了的香蕉是如此好味的, 一上枱己蕉香撲鼻, 下次路過也要再試!值得一提, 眼見餐牌內的咖哩角$10 3隻, 但店內張貼的就$10 2隻, 心想既然想食就點啦, 不理幾錢了, 點知落單時, 店員反問我們要$10 3隻的, 還是$10 2隻, 那我便問他有任分別, 原來$10 3隻的是港式咖哩角, $10 2隻的是印度咖哩角, 都幾攪笑! 既然來到, 無理由叫港式的吧, 所以叫了印度咖哩角, 上碟時咖哩角

朋友推介故昨天同bf來試吓, 經過見到裝修好簡陋, 門口有4位外藉人士叫賣薄餅同煮緊一些咖喱類食品.有十多個坐位, 電視當然播著印度電影, 叫了套餐:咖喱雞跟飯, 一客咖喱羊肉跟薄餅, 另加一客菠蘿薄餅, waiter 也是外藉人士, 識廣東話, 落單靠記不用寫, 故此見到隔離枱話漏單, 我們也不能幸免, 菠蘿薄餅最終沒有來. 咖喱雞沒有雞味, 好像煮熟才放進咖喱汁內, 汁也很稀沒有香味, 白飯不錯. 咖喱羊很好, 有羊味又夠so, 咖喱汁香濃, 薄餅外層香脆內層不夠熟, 好像吃半生熟面粉團, 外賣牛肉薄餅及吞拿魚薄餅俾家人試下, 但他們也說不內層不夠熟及分不開那件是牛肉那件是吞拿魚, 結果吃了一半便冇人吃了!!套餐$30包飲品, 拉茶有茶味又夠滑, 也可以選擇盒裝或罐裝汽水, 薄餅$5-$15, 抵食夾大件, 惜內層不夠熟! 及門外玻璃盒放了很多薄餅, 感覺不夠新鮮, 坐位也有些薄餅碎, 實在很多地方需要改善呢!