KAT (Closed)

今天路過美居中心,發現到這間小店。剛巧肚子有點餓，所以決定入去一試！這店舖雖是很細，但感覺乾淨舒服。坐下後我點了冬瓜茶和雞扒腸仔香草蕃茄肉醬麵！店主很細心的問我要仙草或檸檬冬瓜茶，我答可否要淨冬瓜茶和能否做到小甜？因為本人好怕飲好甜的飲品！店主都就無問題！當飲品到來時，真的忍不住要大讚個杯好靚呀！估唔到十幾蚊杯冬瓜茶都有隻咁靚嘅杯，仲要做到我想要的甜度。（試過好多次在別些地方叫小甜冬瓜茶永遠都係甜到暈！）而食物方面，雞扒肉質好滑，香草味好香，蕃茄亦不會過酸，只是略嫌麵質淋了一點，但總括都係好味的。其實店內很多食物我都覺得好吸引，好想試！有機會我一定會再試埋其他！我很少寫食評的，但是感覺到店主對食物好有要求，絕不會因為食物售價平而是是但但交行貨，這點是我很欣賞的。

同事介紹先知有間店係到買珍珠奶茶飲品店。小店當然要支持下。飲品選擇好普通嘅，但加珍珠，椰果，仙草或蒟蒻都唔過$20一杯 仲想點。最愛買百香果加椰果。不過記住要少甜或半甜，因為叫左少甜都覺得甜甜地，有時唸，會唔會老細忘了少甜呢。因為我試過一次揾人代買幾甜，個次少甜左都仲好甜 但因為大旺制，可能亂左，但平時都記住少甜安全D呀！佢近呢幾個月，加左好多少食三文治，熱狗，冷麵等少食。上次早餐太飽，試下佢碎蛋三文治 加左生菜同蕃茄，如可多加生菜仲好啦！其車試過冷麵，個麵身就“林”左少少 可以爽身D就好，同埋有水，隔清或再倒下水先比客更佳。但老闆好好傾，支持下少店 到附近，不況幫襯下。