形 (海天晉滙)

Open Now

Now Closed

同朋友夜晚尼 周圍冇咩人 都要等咗2個鐘 途中又冇咩外賣 堂食唔多人 一個鰻魚炒飯 個飯又濕 個飯食咗5啖就冇 又勁少 又冇鰻魚 一定唔會再尼 從來未試過食嘢食到咁勞氣 真係可以唔使再尼

餐廳整體環境好舒適，好寛趟中間仲設有好大既酒吧枱職員都好友善好有耐性介紹除左cocktail 好飲之外餐廳提供既伴酒菜都不輸蝕～而且價錢十分合理雞泡魚乾$58十分推介👍🏻👍🏻魚乾煎得好香好脆送酒小食必叫👍🏻另外再配上蛋黃醬，令魚乾味道更提升👍🏻另人食到停唔到😋😋唐揚烤雞件$28大大粒既烤雞，烤得金黃色同樣都配有蛋黃醬令烤雞唔會太單調👍🏻和風炸薯條$38薯條分量不少，好適合三五知己一齊食用👍🏻薯條係至愛既曲薯😋😋炸得金黃色，外脆內軟不在話最讚係薯條上滿滿既醬舖滿沙律醬和茄汁，仲有日式飯素👍🏻怕唔夠飽，餐廳都有提供幾款主食選擇價錢同樣都係十分合理👍🏻👍🏻黑毛豚肉炒烏冬$78烏冬係用日式醬汁炒成，微甜而且煮得好淋好入味👍🏻豚肉都好嫩，好肉易進食除左豚肉，仲有椰菜和雜菌令整個烏冬唔會太單調，仲好健康～鰻魚炒飯$78炒飯分量不少，一人食用一定會飽鰻魚分量都不吝嗇，切成細細粒確保每一口飯都有鰻魚👍🏻醬料方面用左鰻魚汁炒，甜甜地好喜歡😋😋

實在太耐冇去旅行所以定時要食返餐日本菜感受下鄉下既氣息，好難得係屋企樓下有呢間日式料理店，環境舒服而且真係地方夠大，台與台之間留有唔少距離，感覺上安全D。雞泡魚乾 + 玉子燒雞泡魚乾燒得夠乾身又唔會柴皮，食落仲有煙韌既口感，雞泡魚味幾濃郁而且燒得好香，送酒真係一流! 另外玉子燒雖然簡單但好考到廚師既功架，佢地燒得好嫩滑而且蛋味極濃，面頭再加少少醬汁，整體質素非常高!青葵蟹籽雞肉串 + 安格斯牛柳串燒方面都一樣咁高質，雞肉保留到肉汁食落好嫩滑而且青葵份量岩岩好又唔會太辣，燒既時間真係好準確，好耐都冇食過燒雞串可以咁嫩。而安格斯牛柳都一樣高質，仲可以係粉紅色既牛肉，真心拍得住日本既餐廳!伊比利黑毛豚扒肥瘦均勻而且一樣都係燒得好靚，肥膏地方食落都唔油膩，肉質同樣鮮嫩!日式櫻花蝦炒飯炒飯係粒粒分明而且櫻花蝦數量極多，新鮮炒起我地幾分鐘已經食哂了!!!

隨著將軍澳新商場海天晉滙的開幕，有不少高質素的餐廳進駐。今次想介紹的是一間新派西日餐廳——形，既是居酒屋，又是酒吧，西日合壁，非常型格。雖然是西式餐廳的裝潢，沒想到日式料理的出品卻非常高質，頗有驚喜！有別於傳統的日式居酒屋，餐廳採用時尚的西式裝潢，光線幽暗，很有情調。甫進餐廳，最吸引目光的是圓形酒吧和巨型酒架，很適合與朋友小酌一番。有趣的是，店內還放了一張美式桌球桌，尤如去了外國的guesthouse的common room一樣。無論是外國人還是小朋友，他們都互相切磋球技，非常歡樂。餐廳的a la carte菜單以日本料理為主，由前菜﹑沙律﹑串燒﹑炸物﹑飯麵都有。雖然是西日餐廳，但是菜單沒有西式的菜式，不會顯得不倫不類，稱它為居酒屋最合適不過。餐廳的價位還算親民，串燒一串平均在$30-$50左右，炒飯﹑烏冬也只是$100以下，性價比頗高！♢ 🥗明太子沙律 $68推薦必點！這不是普通的明太子粒，而是完整一粒粒明太子方塊，口感爽脆，味道濃郁。而且用了芥末醬來調味，食起來辛辣可口，頗為惹口。明太子的份量不少，比青瓜絲還要多，性價比很高！♢ 🧈牛油燒帶子 (時價) $128很巨型的新鮮帶子，大

突然收到消息說政府將禁止晚上堂食，對我此等嗜食一族真是莫大打擊，於是在禁食前一晚捉住老公去渡過這"最後一夜”，其實巳收到消息很多朋友會在這一晚出來覓食，為了不想太多人群聚集，我和老公決定去將軍澳一間我們從未去過的餐廳，以往在門口經過就已經覺得非常吸引。進去入座後就覺得装修也非常輕鬆舒服，中置有桌球枱，還有飛鏢等供客人玩樂，另有倘大的電視播放着足球賽事，拿着啤酒觀看比賽，真是相當寫意。這家餐廳主打日式燒烤，選擇也非常之多，十分適合佐酒之選。侍應先奉上了一份小食，甚有開胃之效。我們冷盤先叫了一客蟹籽沙律，蟹籽和蔬菜等份量非常之多，足夠我倆分享，清新一下腸胃。由於我倆都有點餓，故決定叫一些飽肚的，所以先要了一客日式櫻花蝦炒飯，以為這些日式餐廳炒飯一定不及中式餐廳，誰不知竟然鑊氣十足，媲美楊洲炒飯有過之而無不及。炒飯外再叫了一碟和牛炒烏冬，嫩滑和牛配上幼條烏冬，味道恰到好處。衹叫炒飯烏冬好像有點在茶餐廳吃飯，於是再多叫了一份伊比利黑毛豚扒，軟滑的黑毛豬給醃製得極之香口，遺憾是今晚開車到來，未能喝酒，不然這碟豚扒必定是佐酒之選。

餐廳的裝潢十分型格大方，每次經過都會給餐廳的裝潢吸引。門口附近是高腳座，最適合跟朋友飲兩杯。裡面有一大張桌球檯，供顧客打桌球。中間位置是水吧台，以木裝飾，非常有時尚感。餐牌大多以串燒為主，也有小吃、沙律、飲品和甜品。剛坐下，餐廳便送來牛蒡漬和蒜頭漬$20。⭐️野生䱽魚一夜乾$168類似中式的鹹魚，內臟已經挖空，中間空心，可以滴上幾滴檸檬，也可以配蘿蔔蓉吃。入口鹹中帶鹹，適合配酒一起吃，不然會過鹹。⭐️鰻魚炒飯$78份量適中，有鰻魚、粟米、蛋和紫菜。鰻魚粒入口肥美，炒飯屬於較濕潤的口感，天氣凍吃點米飯感覺更暖。⭐️鮮冬菇$20冬菇表面燒過，入口外熱內軟。

有次食完飯經過，新開餐廳， 午餐都幾優惠，記住有機會來試，星期日🗓，商場位置問題，唔算多人， 一試無妨點了: 香蔥溫泉蛋🥚配慢煮12小時豬軟骨飯 $78 + 菠蘿汁$8🍍先送上前菜，沙律🥗，前菜味噌蒜頭 味噌淮山, 好味，沙律菜🥬都好新鮮，菠蘿汁🍍比較甜，下次試特色飲品🍹，豬軟骨好滑， 好淋， 覺得好味，加埋溫泉蛋🥚個飯滑一滑，米飯🍚份量比較少，如果好肚餓，可能要加底先夠飽!蒲燒鰻魚飯$68 食得出鰻魚係上等貨 ，即叫即燒， 值回票價， 如果鍾意食飯素的你啱曬， 鰻魚飯上面好多飯素， 不過落鹽鰻魚汁偏小，女士食份量剛剛好!

位於將軍澳海天晉滙個商場陸續多咗好多新餐廳😬其中一間係呢間叫”形”既餐廳餐廳係以西式裝修，環境好舒服放鬆好適合同朋友飲下酒吹吓水😍食物有日式串燒同一啲小食餐廳內有飛鏢同一個大嘅桌球玩上次同朋友食係Halloween個日黎食過印象唔錯最近媽媽放假就帶佢嚟品嚐一下😬Stir Fried Pork Udon 烏冬第二次食，推介😬真係唔算多啱啱好但味道真係好啱我🤟🏻我鐘意炒得黎唔可以乾身但要有汁，又唔可以太淋佢夠味得黎又煮得剛好😌Chicken Cartilage 飲酒傾偈，點可以少得炸軟骨🤤🤤Deep Fried Shrimp 炸得時間啱啱好炸粉好薄，我鐘意🤟🏻Lychee Wrap 豚肉包住荔枝卷，一咬落去好清甜口感非常特別Crab Roe Salad 呢個真係夠大份非常足料Deep Fried Chicken 炸雞咬落多汁比我想像中大碟啱啱炸好就拎出黎熱騰騰 唔會油膩👍🏻🍸🍹Margarita 龍舌蘭、檸檬汁和鹽，口感濃郁見到有Special Drink 當然要試下！成份有rum countreau鮮士多啤梨酸酸甜甜既沙冰配上酒第一次飲幾特別 適合女士

這帶開了不少新店，特別過來試試這酒吧餐廳。這裏空間很寬闊，裝修西式中間有bar 台、桌球枱及擲飛標，更有大電視看足球賽，飲嘢及hea 的好地方。今次我們來食晚飯，這店主要供應日式食物。我們叫了一些串燒：1. 月見日本免治雞肉軟骨棒用免治雞肉軟骨棒，沾上蛋黃混合醬汁黎食，味道很好。2. A4 和牛串燒本來打算叫安格斯牛肉串燒，店員推介這便叫了，肉質適中，味道不錯。3. 法式鵝肝：外表一般，味道卻襯得很好。入口在口中溶化，加上水果中和，正！另其他串燒、炒雜菜、稻庭烏冬也不錯，全單有八五折，可再訪。☺

近年將軍澳站附近興建了很多新型豪華住它。它們的底座往往都有食市，方便住客之餘，也為將軍澳提供不少好食好玩的特式餐廳。無寫錯，係好玩嘅餐廳。因為今次朋友就帶我去了一間叫“形”的西餐廳。餐廳面積寬敞，一入去就見到一張桌球檯，可供食客隨時玩樂。四周牆壁上也掛了一個個電視，以後大家有好地方同朋友一起睇波了。而餐廳的中央位置擺放著大型酒吧檯，鐘意的話，一個人可以坐下來，慢慢品嚐各類型嘅美酒。每檯都有一碟小食，是日式牛蒡漬及日式蒜頭漬，都幾好味。之後，我與朋友叫了個唐式炸雞件，炸廣島蠔，一串雞軟骨，鰻魚炒飯，黑毛豚肉炒烏東，炸飯團，生力啤（LIGHT). 總之，樣樣試下。食物質素都幾好，這個我沒想到的，而且服務員態度很好，地方很大，很舒適。所以，我應該會再約朋友來幫襯吧！

將軍澳有 ”形”居酒屋今日同朋友經過將軍澳天晉商場，估唔到咁神秘嘅商場，有一間西式裝潢嘅日式居酒屋 “形”。 西式裝修，場中間有一張大吧枱同桌球枱，外國味道十足，另設有室外座位，配上日式居酒屋串燒美食，完美crossover!前菜方面先來左一份，牛蒡漬物和大蒜，胃口大開。日本螢光魷魚漬味道比較濃香爽口，配上青瓜絲中和一下，感覺不錯。蟹籽沙律$48一大份，分量十足。沙律菜都比較新鮮值得一試。日本燒雞皮香脆而沒有油膩感覺，但是感覺沒有任何調味，如果鹽燒個人會覺得更加好。青葵蟹籽雞肉串雞肉串配上沙律醬和蟹籽，口感鮮嫩。月見雞肉免治雞肉軟骨棒十分推介！免治雞肉串帶有雞軟骨，口感特別，配上日本鮮雞蛋醬油，風味滿分。牛舌芯牛舌爽口，帶有少少油香口感，燒得絕對唔乾，肉汁香而不膩。雞泡魚乾外表同其他地方食嘅雞泡魚乾冇太大分別，但係咬落去好有驚喜。新鮮燒，熱辣辣而且唔會太硬，食落口比其他地方食過嘅較香。鰻魚炒飯二人份量，粒粒分明，唔會有炒唔勻嘅情況，啖啖鰻魚香！二人埋單另外飲咗一杯啤酒兩杯白酒都只係$7xx左右，環境地方好，員工有禮貌，同埋食物質素好，性價比一流。絕對會想再回頭試其他未食過嘅菜式，即使飲

天晉3隔離新開左商場。入面都幾多餐廳。我畀其中一間餐廳非常之寬敞嘅環境吸引咗。餐廳非常大間，有室內同室外座位。室內有大電視＋大桌球枱＋好靚嘅酒吧枱。我諗喺度睇足球，氣氛一定好好。冇足球睇嘅時候，室內外環境都非常浪漫，適合情侶撐枱腳。整體食物表現有驚喜。 每樣食物都幾好食。🐖黑毛豚肉炒烏冬78蚊黑毛豚肉食落好似和牛咁。炒烏冬質地非常之好。調味亦都非常之惹味。加埋少少炒雜菜做底，中和返齋食肉嘅邪惡感。🍘燒飯團38蚊媽媽最鍾意食唔同餐廳嘅燒飯團。佢話呢個表現幾好，燒飯團加咗日本味素，再燒至面頭焦脆，有少少似飯焦嘅感覺。 飯糰中間熱辣辣，質感軟糯。經親切嘅侍應介紹我哋揀咗 幾串串燒， 全部都幾好食。其中最出色嘅有以下兩款：🍢豚肉露筍卷33蚊🥃豚肉荔枝卷33蚊兩串豚肉串燒都襯托咗蔬果。露筍新鮮冇揸，荔枝清甜。兩樣蔬果都中和咗豚肉嘅油膩感。餐廳夜晚行高檔格調。估唔到佢個lunch set非常之抵食。68蚊唔收加一有定食沙律加飲品💞

「形」係一個酒吧餐廳，氣氛好好。食物主打串燒，其中雞類更有12種部位可供選擇。1. 日本雞頸肉$35一聽到店員推介有不同部位既雞串燒，我就主動問有無雞頸肉，果然有！令人期待😍雞頸肉果然爽嫩彈牙！😋2.日本雞全心$42幾彈牙，亦唔會有羶味。3.月見日本免治雞肉軟骨棒$45用免治雞肉軟骨棒，沾上蛋黃混合醬汁黎食，果然正宗。味道亦都非常好！😋😋4.牛舌芯$45好爽冧，牛香味夠。5.豚肉荔枝卷$33好得意既組合，口感有豚肉既油膩亦有荔枝既清甜，咬落去會有汁滴出嚟😋6.雞泡魚乾好香，愈咬愈有鮮味出嚟😀7.鰻魚炒飯$78炒飯粒粒分明，亦好惹味😋8.和牛炒烏冬$88有6塊和牛，幾抵食！烏冬亦彈牙！總結，今晚既食物都幾好味，可以encore!👍🏻

星期五的晚上，最好就係同閨密去飲嘢吹水👯‍♀️將軍澳最近新開左一個商場海天晉匯，我地就去試吓其中一間 Katachi 的酒吧🍺呢間 Katachi, 環境好靚，地方好寬躺, 仲有大電視可以睇足球⚽️，桌球同埋飛鏢機可以玩🎯我地就叫咗4杯嘢飲，4串串燒，一碟炒烏冬🤤🤩 Happy hour 至到9pm 所有飲品Buy 1 get 1我地叫左4杯Classic Cocktail，杯杯都好好飲，好有特色😍🔹 Classic Cocktail- Mojito- Cosmopolitan—- Snow ball- Sex on the beach🔹另外叫左一碟和牛炒烏冬，和牛好滑好有牛味，烏冬係幼身既，配埋和牛汁，超級惹味😋🔹串燒都叫左4串，有雞肉軟骨棒、安格斯牛柳、鹽燒牛肉、日本雞頸肉。月見日本雞肉軟骨棒，仲有🥚蛋汁比你點黎食。一路飲🍺一路食串燒爽呀😍吹吹下吓水好快就3粒鐘，埋單仲要唔駛$400，真係要搵日再去飲過😂

星期日3點幾澳南閒逛，步入穩秘的天晋商場。發現當中不少食肆或凍肉店。今次嘗試了Katachi「形」串燒店。品嘗了荔枝豚肉卷、鹽燒牛肉、芝士雞肉和燒油甘魚鮫。丈夫點了德國白酒配搭。不能不提，星期日3:30半屬於Happy Hour, 白酒$288算抵令飲。食物整體很不錯，鹽燒牛肉嫩滑有肉汁，芝士雞肉咸香適中，油甘皮脆肉滑，心機之作。荔枝豚肉卷的荔枝甜美，偒豚肉略為淡了一點。總的來說、是可以再訪的小店🙂