加藤屋 (慈雲山中心) (Closed)

下午茶時間badboy同朋友去咗加藤屋食tea，第一次幫襯，badboy係近幾個月先知有呢間嘢🤫🍘加藤豚肉飯(細)$29+$10日本南瓜薯餅(追加)因為係下午茶餐，所以都預咗肉唔會多，飯都會少啲，所以追加咗份薯餅。餐飲揀咗玄米茶，好似健康啲🤭豚肉出奇地幾好食，口感嫩滑爽口，醬汁簡單但好味，同豚肉好夾。醬汁夠撈勻成碗飯，三扒兩撥badboy就食完碗飯😋然後南瓜薯餅又係另一驚喜，食落似蕃薯嘅甜味多啲😳完全無平啲食開嗰種南瓜獨有嘅味道。薯餅熱辣辣好脆，好好食😋🍛鐵板香草腸配午餐肉飯$54朋友揀咗咖哩味，賣相好吸引，幾好食但+$3有埋芝士會更加正🤭

我買過兩次，兩次都係雜炊，份量夠大，第一次覺得幾好食，所以有第二次，但第二次食就發現原來佢真係超級重味精，食完後我一口氣食左兩支700ml嘅水加一杯餐飲，喝左成晚⋯⋯，之後唔感再食份量好多👍🏻👍🏻👍🏻味道幾好不過太咸👍🏻👍🏻溫馨提示必須要有大量嘅水先好買來食

選擇唔算好多，見圖兩張影屏幕餐單，快餐形式，俾完錢等叫號再自行捧餐。格局屬於平食速食，啱趕時間、午餐預算唔多、志在有冷氣舖坐住食嘅人。想追加小食就更加冇咩可揀，得菜或湯可供追加。話學生口味，因為同行之學生將佢點嘅「泡菜麻辣牛肉飯（小辣）」用咗20分鐘內，三扒兩撥搞掂咗。餸汁冇乜不過見佢食得幾滋味，冇咩流汗即係應該微辣。至於「鐵板咖哩雞扒飯」都冇揸流灘，至少都熱到汁都鼓起泡上盤。汁底估唔到比日式咖喱辣得多，反而係小辣。份量絕對夠哂充饑，對得住呢個價錢。

今朝全日撲Mirror飛，可惜成朝只能測試網速今日幫唔到老婆買Mirror飛，不能盡上前夫的責任，唯有平平地走去食加藤屋；別睇小加藤屋，他可是良心版吉X家，店舖因為檢疫措施，桌面都返上黃黃的隔離版我點了日式牛肉雜炊，配上壽喜燒日式濃湯，盛惠HK$48，十分掂食先評評牛肉，水準維持中上；性價比十分高再評評其他配菜，配上蟹柳，獅子狗卷，海帶，雜菜，正常水準至於壽喜燒濃湯底，個人覺得鮮甜，但不會過份地甜；啱我的口味總括黎講，以HK$48既價錢，食到這樣水準的食物；在今時今日的香港食店，講的都是要賺盡，我認為加藤屋絶對是少數的良心店，香港有幾多店能夠堅持以良心待客呢?

鐵板黑椒牛肉飯 $54我加左$3 追加車打芝士👍🏻黎到熱辣辣，鐵板夠曬熱，同芝士撈勻一齊食真係好好食😋仲有一杯野飲送😍簡直係又平又正🤩會再返黎食呀😋😋😋😋😋

話說有一排已經冇食吉野家所以就試咗呢一間嘅牛丼飯都係用同吉野家差不多嘅肥牛醬汁同埋洋蔥都有不過米飯好似好食啲外賣拎到返屋企都仲係熱嘅溫度控制得OK但味道整體而言都係吉野家好味啲

【#肥波的外賣生活】🎈今日食左超耐無食嘅加藤屋，依然都係超好食😋牛丼裡面牛肉嘅份量超多，牛汁撈飯超好味！絕對唔會比吉x家差！佢嘅泡菜都好好食架！仲有咖喱飯🍛都做得唔差！🎈而肥成叫左個牛肉雜炊泡飯，佢之前已經好鍾意呢個泡飯架喇，但我唔食泡飯所以無食，但見到佢啲餸菜都幾多幾大兜😆每一次佢連啲湯都飲埋就知道呢個泡飯好岩佢口味💛📍 加藤屋 @katoyahk 📍 慈雲山毓華街23號慈雲山中心地下1-3號舖#黃店 #黃大仙黃店 #慈雲山黃店 #加藤屋 #牛丼 #牛肉飯 #黃店系列 #黃店推介

放假無所事事，唸住出街食個lunch，但係又唔知食咩好，見到加藤屋唔算太多人，加上之前未食過，就入去order左個牛肉雜炊😎-牛肉雜炊配烏冬 個湯底唔錯，好重牛肉味，仲有配其他餸，例如玉米🌽、獅子狗、雜菜🥬等，食落唔會太寡😋😋 感覺加藤屋都幾抵食，有牛肉飯之餘，又可以揀鍋物定食、雜炊、咖哩系列或者鐵板飯，真係無得輸🤤

加藤屋真係一間我會不斷不斷不斷回訪嘅黃店💛 佢價錢親民味道又唔錯，令到我真係好想做加騰屋打手💕 雖然食過好多次加藤屋，但係我每一次都係嗌鍋物雜炊，完全逃不出佢嘅魔掌🥲❣️ 鍋物雜炊嘅配料好豐富，有金菇，冬菇，椰菜，豆卜，紅蘿蔔，半隻雞蛋，木耳絲同粟米🌽 好似食緊一人邊爐咁 牛肉或者雞肉嘅份量一啲都唔少😍 每一次食雜炊我都係嗌烏冬作為我嘅主食，烏冬口感彈牙😋 湯底方面，鍾意食辣嘅我當然係嗌麻辣湯底，食落有啲似譚仔嘅麻辣湯底，十分惹味!!!

一直都想試加藤屋個鍋物定食，原來鍋物定食有得外賣，一直都唔知🤦🏽‍♂️，之前仲見堂食太多人所以冇食揀咗其他嘢食添😅😅😅鍋物定食配牛肉 $45我揀咗配牛肉同壽喜燒湯底，兩樣一直都係絕配嘅組合，而加藤屋嘅壽喜燒嘅甜度啱啱好，而且個鍋物都好多配料，有蟹柳，有獅子狗卷，菇，粟米，菜等，而且配嘅牛肉都唔少，好足料，連埋碗飯，一個人食絕對夠晒飽以$45食到咁足料又好味嘅午餐，絕對係平靚正，絕對值得再食

晚市終於開放番，雖然要寫紙仔但系要努力支持很鍾意食牛肉飯，因為覺得啲洋蔥煮到軟軟的，冇生味，啲牛肉都系好多汁入味，另外啲牛肉洋蒽醬汁撈飯真系好食！！下午茶都好低食廿令蚊，有野飲(可以要茶，面豉湯，仲有汽水)成個茶就系甘啦，個飯都ok嘅，唔會過真系超細碗大家記得努力支持哦~記得只系外賣先減十蚊雞

最近上網見到人哋教人煮牛肉飯，我又好耐冇食過牛肉飯，咁我又跟住買材料試吓自己煮。個味都幾似。但係肥牛洋蔥味醂加埋加埋成本都要成$40。有日行完獅子山經過慈雲山見到加藤屋，記得之前聽過朋友講話好平，咁一於入去試吓。晚市竟然仲減多$10。一個牛肉飯餐加多杯汽水竟然唔使$30。仲平過自己煮。講返食物先，佢外賣盒將個肥牛同白飯分開所以啲飯唔會浸到林晒，肥牛個味道都好似傳統嘅牛肉飯味道。D米係用珍珠米。味道不過不失但係性價比就非常之高

🍲日式雞肉雜炊(泡飯)配麻辣湯(🍚8/10) 推介❗️麻辣湯有d似係日式拉麵個隻湯，咸淡剛好又惹味，仲勁！多！配！料！有蛋冬菇椰菜木耳粟米紅蘿蔔獅仔狗金菇菜等等，雞肉份量多肉質嫩口，所有配料都好入味，材料勁多滿足感滿分！外賣碗飯會分開裝，係日本米不過煮得有少少硬，放埋落個湯度就岩岩好，呢個價錢，超抵！🍲日式豚肉鍋定食配壽喜燒日式濃湯(🍚8/10) 推介❗️壽喜燒湯根本就係吉野家火鍋個濃湯！對於係吉野家邊爐愛好者既小妹，已經吾記得無幫趁幾耐，但加藤屋絕對完勝吉野家！湯底更濃！更出色回味無窮！而且配料上面炊飯一樣種類同份量都好多，豚肉係薄片都幾淋，覺得轉做烏冬仲正，呢個價錢呢個質素必試！

如果想食牛肉飯又唔想去吉X家，又想平食牛肉飯既，可以去試下香港人的牛肉丼飯！加騰屋！加騰屋其實唔止做丼飯，中有好多唔同既選擇，例如有鐵板飯，咖哩飯，雜炊飯之類。個人認為鐵板飯好食過坊間既papxxx lunch。不過當然種類就後者多啲。咁我就嗌左個特盛牛肉飯，由唔記得幾時開始一直到現在，晚市正價套餐減10蚊，其實真係好抵食。平時學生都有優惠。咁講返牛肉飯牛肉超多，鋪到滿一滿，唔知以為唔洗錢咁。而且每粒飯粒都沾滿牛肉汁，唔會食得太乾又淡味。份量超多，真係大滿足💛💛💛另外汽水唔同坊間快餐店或便利店，得個死甜冇汽。呢杯超多氣又唔會飲落好甜咁。

好想食牛肉飯但又唔想去吉野家咁點算呢？ 唔駛愁啦 嚟加藤屋啦雖然今次唔係食牛肉飯 但係呢個鍋物都十分值得推薦 份量十足 種類又多 有粟米 蟹柳 木耳 溏心蛋！而且個麻辣湯仲要唔係死鹹死辣，真係不得了！最重要係個價錢 我兩個人食一個叫鐵板芝士牛飯一個叫牛肉鍋物 仲要加左兩件小食（薯餅同雞槌）埋單都係95蚊！唔該你加價啦大佬😂 你咁做點賺錢呀 點開到分店呀 好想瘋狂幫襯呀😂