鰹烏冬 (寶華閣)

Open Now

Now Closed

食烏冬都可以很健康，山見烏冬即山藥烏冬，烏冬已經夠滑，連山藥都滑，全碗烏冬真係可以食晒都無負擔，對於不喜歡食肉嘅朋友，值得一試 再另外叫了天婦羅雞件＆新出嘅鹿兒島紫薯甘栗餅，天婦羅雞件外層鬆脆，粉漿夠薄，雞塊夠嫩夠juice，係我最鍾意嘅炸雞質感；至於新出嘅鹿兒島紫薯甘栗餅，紫薯嘅甜味唔會搶走栗子嘅味道，栗子是一粒粒的，兩者混合在一起，真不同平時食嘅薯餅，紫薯我是一般的，但這個可以再encore這間分店真值得推介給大家，間中就會有新品出現，所推出嘅菜品又能夠迎合到很多人嘅味蕾。

每次路過這裡都是大排長龍，次次緣慳。今天乘它剛開鋪沒有其他客人時，專程來試這裡的名物: 手造烏冬和雞脾，静静等候了差不多20分鐘，送來的手造烏冬的確新鮮彈牙，海帶和葱不少，湯熱燙，有鰹魚香，好吃。雞脾用蛋型不銹鋼碟上，附刀义，令我想起九州吃過的燒大雞脾，九州那次的雞脾是燒到皮漲泡，冒出鲜味無比的雞汁和芳香的雞油，刀一切開，煙一熡一熡，汁和油流在雞脾肉上，我冒着燙傷口的危險，一啖放進口內，後來索性拿起雞脾，大口大口吃，那一股原始人吃的滋味，是文明世界難得的痛快，至今難忘。可惜是眼前的雞脾祇是暖，切出來是有汁的，但雞的脂肪因沒有烤熱，狀態是固體，沒有成為液體，還深藏在雞皮裡，我期望的熱辣辣雞汁混着雞油和雞肉吃並不存在，更可惜是雞脾本來是味道醃得不錯，附着許多蒜粒，就是祇差那一點點温度，這雞脾就可以很美味。

今日係晚上8：24pm時係到堂食。雖然現在係10月但天氣都非常熱差唔多成30度。由然天氣咁熱，我入去既時候就已經決定好一定要食冷鳥冬，最後我用手機點左個海苔冷烏冬。上菜既時候，職員比左個柚子冷烏冬我，當時我打左個特，因為我係好少食酸野。之後我望下個手機落左既單，發現我個order 變左柚子冷烏多同時間海苔冷烏冬就售罄。我果時就明白到餐廳強行幫我轉左個order, 同時間我連對單既資料都冇埋。我試過食一條柚子，但都係太酸完全頂唔順。我冇同職員反映過系統落錯單，佢有幫我換過原味冷麵汁但烏冬本身有柚子酸味，我都係食唔落。最後個餐我完全食唔落諗住起身走去隔離茶餐廳，職員就話換個清湯熱烏冬我，我見佢咁有服務態度，禮貌上ok同食左少少湯烏冬但食唔出好味。我肯定唔會再黎因為餐廳強行換左個餐又唔出聲，但我會多謝餐廳職員。

昨晚同朋友去完，好好食🤤🤤🤤🤤🤤推介👍👍👍👍👍1. 雞皮餃子❗雞皮好香，脆脆哋完全不油膩，一口接一口2. 凍柚子烏冬❗麵條有柚子味，真係充滿驚喜，非常清新的味道，夏天食真係好正，而且烏冬十分彈牙，再配合埋帶柚子香的麵汁，略粗的麵條可以掛多啲汁，真係好夾，會為咗呢個麵我會再嚟幫襯😃😋🤤。3. 天婦羅炸菜櫻花蝦餅❗以為炸菜會好乾？又唔係喎，帶啲芫茜香味，炸得好酥脆同埋夾埋櫻花蝦一齊係好夾4. 炸雞件❗好多時食炸雞都要點汁或者炸得太乾，但係呢度的炸雞面帶些椒鹽，雞件保留肉汁並與面頭的椒鹽味道好夾，唔駛點汁醬都已經好好味5. 凍蕃茄❗已去皮並且配埋青瓜絲，芝麻醬一齊，夏日必選的清新健康小食6. 海苔烏冬都係十分出色，夏日的又一清新選擇，帶點點海苔味，麵條同樣彈牙，配合薑蓉，芥末，蔥，芝麻的麵汁十分搭配😃整體而言好欣賞淨烏冬配搭多款小食，小食包括炸物及關東煮等，真係同香川縣嘅烏冬相似，凍熱烏冬+自選炸物小食，真係無諗過香港都有咁日式嘅烏冬口味。😃

牛頭角店班底去了長沙灣，當然跟隨他們啦～其實之前長沙灣店嘅烏冬煮得真係過左時間，所以才會轉往牛頭角食，現在竟然員工去了長沙灣，可以唔使去到咁遠。因為食得出有用心去煮的，尤其是烏冬，煮過火真會唔好食，但食開好食嘅，真會食上癮。彈牙嘅烏冬真係唔係到到食到，更何況冷烏冬有海苔味，柚子味，夏天食就一流，對於不喜歡食冷烏冬嘅我，真令我對冷烏冬改觀。店舖除了食烏冬外，還有其他小食可選擇，雞皮餃子，天婦羅櫻花蝦什菜餅，天婦羅雞件，天婦羅廣島牡蠣，竹篋魚扒，乜叉雞中翼，唐揚魷魚圈，番茄青瓜沙律。有呢d小食點綴一下，令到呢餐晚餐食得特別開心。還有係會有驚喜，期待又有新品可以嚐試。

離我咁多次鏗烏冬，第一次叫呢個熱嘅烏冬，佢係用竹筒裝住嘅，有啲好似熱水咁樣嘅嘢。開頭我以為只係一個冷麵款嘅烏冬，不過溫度係熱原來係有熱水浸住嘅而呢個熱水就係冇咩味嘅。即係唔係湯。然後會配上一個冷麵汁呢個冷麵汁其實都幾好因為一啲都唔鹹，但係又有足夠嘅味可以掛係個烏冬上面。都會有埋一啲蔥同埋薑肉剩低嚟講夏天又唔想成日食凍嘢其實都幾好。另外我哋就係叫咗一個豆乳湯都係好常叫嘅。今日因為太晏嚟到啦，我哋都冇再叫三個餸，但係梗係需要一啲蛋白質啦，叫咗最愛嘅雞髀同埋煎得好香嘅鯖魚。之前手快快撳錯咗，好彩即刻搵職員幫手cancel佢咋，唔係又叫錯晒啲嘢啦。

2大1小隔星期就來會一會炸雞件外脆內軟必食！炸蟹棒脆得黎爽口，唔係淋之之芫荽天婦羅第一次食，有驚喜！炸物很出色，唔會油淋淋！骨付鳥有係高松既味道，好食！烏冬彈牙順滑，香港黎講算係好出色了！

男朋友有少少唔舒服，所以想食凍烏冬，上網搵搵着呢間喺公司附近，都冇試過今日一於嚟試吓。呢度平均一碗清嘅拉麵冇餸㗎，拉麵係四十幾至50幾蚊。但係基本上你都係會加送，加送就會變咗跟餐，咁就大概平均每一個人九十幾至到$120不等。由於唔記得男朋友嘅凍烏冬，今日淨係同大家分享我嘅Menu先就係咖喱熱嘅烏冬加雞髀味道其實都幾好食，我平時唔係食晒成碗麵嘅都食哂，唔知係咪因為餓。雞髀好大隻，味道都唔錯。我覺得呢間最特別嘅係有素食天婦羅同素食嘅餐，好take care到素食者既一間餐廳💕

位於長沙灣 地鐵站出行八分鐘左右🚶🏻分兩邊舖位 有吧台 同餐台 位置唔算太多因為高人氣 經常要排隊入座 🫢今次星期日中年去 排了十五分鐘 可以接受👍🏻前排去完日本 就當然覺得香港既烏冬好貴 無計 呢度都要至少$4x一碗 計埋菜唔止！😅我就叫左鰹魚清湯烏冬🥰相當高質 烏冬偏粗 好彈牙 口感不俗鰹魚湯清得黎鮮味十足🐟出品拍得住日本！讚！方便指數: 4/5 環境指數: 3/5美味指數: 4.5/5回頭指數: 4/5地址: 長沙灣元洲街464號寶華閣地下4號舖

鍾意食烏冬嘅，我又到鏗烏冬。今日嗌咗好多嘢，仲要試咗之前冇食過嘅炸嘢菜，原來呢個炸野菜主要係用芫荽去整嘅，我本身唔食芫荽㗎，原來炸完嘅芫荽嗰個味係好少，我知芫荽係好嘢嚟嘅，原來炸咗之後係我係會食㗎。我下次都要叫呢個野菜餅先。另外當然唔少得蛋白質啦，我梗係叫咗燒雞髀，同埋鯖魚。👍🏽👍🏽👍🏽兩個主要嘅烏冬底，一個叫做係用蛋撈嘅熱烏冬，另外一個就係鰹魚湯豆乳烏冬。嗰啲烏冬真係好彈牙又大碗。啱晒我呢個大食鬼

通常成差唔多九點先食嘢，喺長沙灣鏗烏冬係我嘅選擇，價錢合理，烏冬又好食，又熱又凍，又有唔同湯底。太夜唔需要食咁多。，個餸又可以俾你揀，通常我都會食個雞或者鯖魚。

夜晚唔知食咩好，咁岩經過呢間舖，就入左黎試下！！！🍜呢間嘅烏冬係手打架，除咗嗌咗牛肉溫泉蛋湯烏冬加多底之外，仲嗌咗魷魚鬚天婦羅同埋炸蠔🦪平時好少食炸蠔嘅我，會驚蠔唔夠新鮮同埋炸粉會多，但係一咬落去，勁好食，啲炸粉啱啱好，唔會好多。😋😋😋牛肉溫泉蛋湯烏冬嘅份量都好多，特別係湯底好濃好好飲，牛肉同溫泉蛋好match，值得推薦👍🏻👍🏻👍🏻我仲加多底烏冬，因為真係同個湯底好夾，兩個人食到好飽😂店舖嘅環境同埋店員嘅服務態度都好好，夜晚都好啱同啲朋友一齊去呢間試吓

1️⃣鍾意食烏冬真係值得試下呢間，烏冬煙煙韌韌，鰹魚湯底幾鮮味，加咗生蛋（月見）味道就再濃厚啲。就算叫呢款無乜配料，食晒一碗都無難度😹2️⃣關東煮🍢係一人份量，個人覺得湯底口味偏清淡，食落唔太特別，感覺同即食關東煮相去不遠。3️⃣入座咗一輪店員都無抹枱😖枱上有堆天婦羅碎，上菜時佢直接用托盤遮/壓住咗，都好嘅眼不見為「乾淨」🫣4️⃣玄米茶同水自助斟，個茶都ok好飲🍵5️⃣QR code落單，埋單$83，相當抵食👏🏻👏🏻

星期日當晚約六點八黎到，已經full左，個男店員好好人，叫我哋入去收銀櫃前個張櫈坐住等，好在等位大概都只係等左十分鐘到就入得。我叫左醬油烏冬（冷）加天婦羅，天婦羅共有五樣，有一條多春魚，一條唔知咩魚，一條蝦，一舊冬菇，一舊茄子，幾樣天婦羅略嫌冇咩味，如果多少少鹽會更加好，好在炸蝦炸得幾鬆化。下次都係會食返骨付雞烏冬一如以往食的咁煙韌有咬口，天時暑熱食冷冷的烏冬，感覺都可以降下溫。有自助玄米熱茶，每次都飲幾杯，可以消滯。

因為太耐冇食過CP值咁高既烏冬店，所以要寫寫。唔知大家平時食開咩價位，但住係新界東既我，現時去附近既小店食個烏冬拉麵都要一舊水，基本上個配搭就係一碗麵一個小(小)菜加多碗麵豉湯，有d仲要齋麵就一舊水，唔係話佢唔值，只係我覺得貴同唔捨得，尤其我知道鋪租貴係主因。所以昨日第一次食呢間望住個menu真心驚訝，兩碗基本款烏冬，再加3個小食，最後每人100，仲要幾飽，好擔心CP值咁高店家會做唔住🥲食物質素絕對對得住價錢，我叫左鰹魚冷烏冬，另一半叫左月見熱烏冬，烏冬口感真係煙韌，好食，但我地兩個都覺得湯底稍為淡左d, 但點都好過咸得濟，加上有其他調味料任加(呢點最衝擊到我)，所以烏冬印象幾好小食好食，多人推骨付雞話夠juicy，但我個人覺得天婦羅更勝一籌，就係唔記得問要天婦羅汁，食完先醒起😂😂難怪感覺欠dd，呢吓我要怪另一伴同店員點解唔俾我啦🤭🤭🤭搞到我有遺憾呢個全芫荽既天婦羅，嚇窒左我唔食芫荽既另一伴🧑🏻‍⚕️小朋友唔應該㨂飲擇食然後今日同事間傾計，佢問我有冇試新出既炸雞，炸雞先係最好食🫠果然回憶總是要美好中帶丁點遺憾，促使你一定會重遊舊地店位置有d窄，正因為咁又覺得幾有小店氣氛，而且店家有籃提供