過橋麵檔

Open Now

Now Closed

朋友帶路直入元朗，除左B仔之外，必食霸王雞！果然無介紹錯，份量好大，我地兩個人share岩岩好。唔好以為雞係辣的，其實唔係辣，不過好惹味，雞肉嫩滑撈埋上面的脆蔥蒜，好味！菜飯有豐富菜粒，好有菜味，出去食飯有菜食下，感覺健康啲另外嗌了小吃尤魚so，加左楜椒粉，好惹味，而且唔厚粉，食落不會太油

其實都住得幾遠,次次去親元朗都必食霸王雞菜飯,我成個都同女仔朋友去,一個飯兩個分都夠食,勁鍾意上面d蔥花生,勁香勁好送飯,另外炸魷魚穌都好好食,炸到armarm好

霸王雞菜飯好食 菜飯足料 雞都好新鮮 仲叫多左個自選麵 好大碗 送每樣都俾足 不過有舊牛腩上面有少少綠色野 唔知咩黎 性價比唔錯 值得再試 上菜速度黎講 飯就極快 麵就等左陣 環境ok 小小逼 枱下有鈎 鈎住個袋 非常好

又係元朗搵食記成日行過呢間過橋麵檔終於有機會入去試下味道啦😋大大隻肥雞掛晒係度傳聞小店最出名嘅霸王雞菜飯餐齋睇樣果然夠晒霸飛肥雞面放滿䓤同炸蒜咬落雞肉非常嫩滑充滿䓤同蒜嘅香味再將䓤蒜配埋菜飯一齊食個人覺得口感更好友人叫左另一款咸雞飯餐同霸王雞相比當然有點兒失色啦😂不過雞肉依然嫩滑而且十分入味唔洗點任何醬汁已經夠晒咸😅配上無味嘅菜飯立即平衡返口感👍🏼 

元朗真是個飲食天堂，傳統風味與新派菜滿佈，如果是「無飯夫婦」就更加如魚得水。有時候一支公走落元朗，時間尚早便會去食車仔麵，如果車仔麵收檔，就會跑到對面吃學記大牌檔吃牛腩麵。如果不就腳，就會去過橋麵檔食雞。當中最喜歡薑雞肉其實只是一般，反而將芽菜及蔥絲蘸一下甜豉油食，又香又惹味，似乎是妹仔大過主人。菜飯油份不多，但芳香軟熟，將蔥絲伴和，超正的享受。例湯花生雞腳湯，呷一口，順滑甘甜，夠火喉。難怪每到晚飯時間，基本上都要等位。

我係門口見到好多人等咗15分鐘！夜晚9點重咁多人應該好食！一路等位時候,諗吓又睇吓！今日中午冇食lunch,(早餐食得好豐富) 所以夜晚可以食D飯!咁就要個咖喱牛腩飯, (我冇加椰汁,因為打咖喱時已經加咗)佢係自己打咖喱種嘅味道,😋😋😋👍🏻👍🏻👍🏻唔係買現成個D返囄開水個D!牛腩好𣺉,D薯仔,青椒,洋蔥入味度爆呀！霸王雞菜飯(走炸蒜走䓤),走咗咁燶味嘅配菜,清清哋得返D醬汁雞, 又入味😮👍🏻👍🏻,!咖喱牛腩飯走炸蒜走葱的霸王雞菜飯(醬汁飯😆)

今日專登入元朗搵食！緊係要試下好出名嘅過橋麵檔先！6:30去到，都要等15分鐘。 <<霸王雞菜飯>>$52嫩滑嘅雞塊鋪上大量炸蒜、葱絲、薑絲、辣椒絲，十分惹味！呢幾款濃味嘅材料加埋，醬汁味道絕對有保證！雞下面有大量索哂以上醬汁嘅芽菜，送飯食一流。不過雞塊好少肉，骨佔大多數，感覺不太好。有少少後悔無加$8要指定部位，加左應該會食得開心d。 <<白灼腐乳生菜>>偏咸，無特別，除非真係好想食菜，否則唔建議點。 <<咸檸七>>加$12好好飲！粒咸檸勁大粒，第一次見咁大粒，鍾意飲咸檸七嘅我表示見到好開心！！咸檸味道唔會過咸，與甜甜的七喜配搭，味道甚佳！

今日去左阿敏度探佢對貓貓，真係好可愛呀! 唔怕三寶又肯比人抱~肥肥的勁Q! 之後就去左搵食，經過一間叫「過橋麵檔」，我覺得佢似係過橋米線D朋友XD，但係阿敏話呢度出名食雞飯架!!!!食雞飯??? 就入去試下!!!入到去真係見到好多人叫雞飯食，我叫左個「霸王雞菜飯」，黎到好大碗飯呀!!成個山丘咁，D菜都有D味喎，個飯濕濕地，幾好味! 唔好以為雞小呀，雖然比面頭既蔥蓋住，但係真係有好多雞! 面既蔥同花生粒都好入味，至於D雞，件數唔小啊，起碼有成十幾件，一定飽肚!可能我好好彩，我聽D店員講，每3客就會有一客係雞脾，咁岩我嗰個係雞脾呀! D雞肉好滑嫩，骨同肉可以輕易分開，底既霸王雞汁又夠惹味，感覺十分好吃! 霸王雞有少少麻辣味，但唔算太OVER，麻辣鮮香，色香味俱佳。呢個霸王雞菜飯最特別既就係墊底既芽菜，堆芽菜既份量都幾多，芽菜又夠林，索晒D霸王雞汁味，食落真係原汁原味!! $52呢個飯真係抵食，連埋湯OR野飲都係加$6咋!

今晚收工同屋企人黎左食嘢，等左20分鐘左右就有位，即時叫左佢地最有名既霸王雞飯果然無令我失望，份量好大分，啲雞好滑肉質好嫰，係底既姜葱同芽菜吸曬啲雞汁同鼓油好入味跟住再叫左蝦醬豆腐蒸尤魚，原來蝦醬同豆腐係咁夾架，豆腐煮得好滑，配合埋蝦醬姜絲個味道好好，清得嚟又好容易入口，非常好味！今餐食得好滿意，希望下次可以試多啲菜式

雖然住在元朗區，但真的很少在區內發掘美食。今次竟有住在九龍區的朋友極力推介這間的霸王雞，又說食過返尋味，我就特意來試試。 一到餐廳門外，已經排滿客人，等了大概15-20分鐘先有位。眼看店名，給人感覺像是以麵聞名，想不到會是雞令人百吃不厭。 入座後，我立刻點了霸王雞菜飯，另外兩位朋友就點了車仔麵。單看霸王雞的貌相，很吸引，有豐富的配料，而且分量亦很多。雞的表面放滿蔥& 薑絲、炸蒜、少許辣椒；底層仲有好多芽菜。雖然配料充足，但雞的味道較遜色，唔算好有雞味，可能因為冰鮮雞及調味略淡的緣故。但幸好雞夠滑，而且有醬汁、配料、仲有菜飯，加埋一齊食味道和口感也不錯！另外朋友點的車仔麵，貌相相對普通，她們食後覺得與在其連鎖米線店吃的差不多，但就勝在配料多選擇。眼見都有不少網友推介，下次有機會再來試試。雖然餐廳環境不太寬敞，坐在卡位也覺得有點迫，但以平民價有這質素的霸王雞菜飯，算是超值了。

食左九萬幾次過橋雞都唔明點解有人黎呢度唔嗌覇皇雞而嗌車仔麵，唔通真係見佢舖頭名叫做麵檔所以嗌麵？今晚，一切既迷底都經已解開喇，原來過橋個車仔麵湯底甜甜地，啱哂我呢啲咁sweet既妹豬，加埋佢嗰個辣油真係好好味架，不過牛腩就太靭下次唔會嗌，雞翼得啊，要番兜。以後食覇皇雞食到悶都可以黎食車仔麵喇。

同男友之前經過見到有一間勁多一排隊既餐廳, 當時只係從佢既招牌"過橋麵檔"推斷佢地應該係賣魚蛋麵, 車仔麵...差唔多過左1-2個月再經過竟然會想去試, 不過今次睇埋餐牌先知佢原來主打係賣雞...而且有男友最愛既菜飯, 所以就二話不說乖乖拎飛等位...我地叫左巴辣雞菜飯, 霸王雞菜飯...巴辣雞菜飯: 巴辣雞上面有辣椒同蒜蓉, 而且仲有辣油浸住...雞既份量一般, 可以再多d ...雞肉唔厚唔多, 不過係滑既, 雞皮有唔少, 有少少肥, 不過我好鐘意食雞皮, 所以都OK...不過雞骨有d多...本身食唔覺得太辣, 但d辣慢慢會上黎, 夠咸夠辣, 仲好香...菜飯方面, 份量唔少, 菜無黃到...唯一問題係菜大小不一, 不過唔影響佢既味道...霸王雞菜飯: 我覺得味道都唔錯, 咸咸地...有炸蒜同蔥係上面...味道似山東燒雞, 又係我幾鐘意食既味道...我十分明白呢一間過橋麵檔點解要排隊, 價錢同區算貴ddd, 但係味道就對得起價錢有餘...當然會再去食啦, 不過希望唔駛再排咁耐啦...*BTW佢地既水吧做得好好呢!

今日全日都在元朗出沒, 行完山順道去探朋友班後, 已經到咗傍晚時份, 突然諗到住元朗既朋友介紹過一間日式拉麵小店, 去到發現有長長人龍同埋已經截龍.... 無緣品嚐, 唯有再去第二樹捃食.路過這家名叫過橋麵檔既食店, 店名都有幾組人等緊位, 望入店內都滿晒座 , 所以拎張籌試一試.本人係一個好鍾意飲湯既人, 所以有燉湯好多時都唔會放過, 仲比我見到有特價野 , 1盅44蚊 兩盅88蚊... 但再加多1蚊就可以再多1碗 !雖然今晚三個人食, 但其中一人唔太"好"杏味既野, 但大家都覺得無理由唔要3盅囉....識計數既梗係要3盅啦 !龍杏螺片豬肺燉湯其實我好怕超強勁又假假地既杏仁味, 好彩這盅燉湯既杏仁味唔係假果隻, 都算幾足料，都唔錯 !因為嚟食之前去咗飲紅豆冰同食咗半隻炸雞脾, 所以唔諗住食粉麵飯, 只係想食餸菜...  見依樹好多人都有ORDER雞, 雞有四款: 鹹雞/ 霸王雞/ 豉油雞/ 巴辣雞 , 但見鹹雞價錢貴一截, 細問之下原來鹹雞係用新鮮雞 , 其餘三款係用冰鮮雞既 !最後揀咗鹹雞一隻 !  隻鹹雞都算大隻, 雞肉尚算嫰滑, 鹹度反而覺得可以再鹹番些少 , 鹹度偏淡咗少少

少見的麵店有新鮮咸雞食, 好味! 加上又有車仔麵. 當然兩樣都叫了. 由於叫了一隻咸雞, 太多肉了, 所以車仔麵只加了清菜及雲耳, 三個人食都飽哂. 總括而言, 味道唔錯, 值得一試.杏仁豬肚湯, 唔算杏仁味, 一般人較易接受到. 清菜+雲耳, 雲耳幾爽口, 清清地, 唔錯. 新鮮咸雞, 仲有連雞雜上, 少有, 隻雞好好味!

今晚一人晚飯，最好就係食車仔麵，一碗麵，幾個餸，既簡單，亦滿足。响元朗，以車仔麵自居的食肆有好多，近期新寵係過橋麵檔車仔麵。聽說過橋麵檔係以手推車仔麵起家，是真是假我無考究，但味道一定好味。今日點了麻辣雲耳，白蘿蔔，雞扒，河粉辣汁。河粉底好滑，亦好大碗。雲耳選用細細的貓耳朵，放在湯內，突顯唔到麻辣味，但勝在爽口。白蘿蔔炆得夠淋，微微的清甜，而且有成五六舊。至於雞扒，意想不到的好味，雞扒炸過，好香脆，而且有醃過，好入味。不可不提辣汁，此辣汁應該係其中一款雞--巴辣雞嘅醬汁，濃濃嘅蒜香味，夠晒麻辣。除此之外，過橋車仔麵每碗都係多蔥多芫荽，唔食嘅朋友記得走青，如果唔係有排揀。但鐘意蔥同荽嘅朋友一定大愛。過橋麵檔唔單只霸王雞好味，連車仔麵亦相當不俗。雖然一麵三餸要$44，但大碗得誇張，有機會一定要試!