過橋麵檔

Open Now

Now Closed

呢間餐廳已經食過好多好多次，今晚本身諗住係屋企煮麵算，7點幾朋友先搵我食飯🙄，好彩仲未煮，咁就出去食啦。突然間好想食霸王雞，剛巧朋友又未食過，咁就出發去喇。8點幾去到，門口應該有超過10個人排隊，人多係好正常不過既事。朋友話唔算太餓，所以我哋都係點左個'霸王雞菜飯'和'滷水拼盤三款'霸王雞菜飯，大碟，雞肉嫩滑，芽菜入味， 薑蔥鋪滿面，最鐘意就係芽菜🤣，價錢黎講係超抵👍🏻👍🏻滷水拼盤：有豬頸肉、豬大腸、鹹豬手片，最鐘意就係豬頸肉真係無得輸👍🏻👍🏻👍🏻

週日去到元朗，本來男朋友去老馮飲茶仔，等位嘅人不少；於是轉場，呢間過橋麵檔都一直係想試之列，但次次經過都有唔少人等位。唔知係咪當日落微雨，感覺人流冇平時見到嘅咁多，決定等一下。而事實上，我地最終只係等左10分鐘唔洗過橋麵檔嘅位置都幾多，被安排坐四人枱，搭枱係基本，張枱就唔係好大，每人點左一個飯，我同男朋友點埋滷味，僅僅放得落。供應霸王雞、豉油雞、巴辣雞、鹹雞，跟菜飯/粉麵/白飯，另有咖喱、湯麵、小食、炒粉麵飯、滷拼等，定價唔算好貴，同連鎖茶餐廳差不多。經濟鹹雞菜飯套餐 $62 (配老火湯)鹹雞菜飯相當有份量，講真先唔好講味道，起碼幾抵食先啦。老火湯都唔hea，飲落唔會淡茂茂，亦都唔係味精湯，雞腳都已經煲到腍哂。鹹雞有脾有胸，肉多骨少，比起霸王雞更有雞味，但就唔係好夠鹹，脾位當然會滑啲，胸就點都鞋啲，正常。加埋好大兜飯，兩個人都夠食。霸王雞菜飯 $54 (配凍檸茶+$7)霸王雞嘅份量一樣多，我事後先見到原來可以加錢指定部位。冇指定就脾、胸、翼乜都有啲啦，雞肉明顯比鹹雞嫩，但都唔算話好滑。面頭有炸蒜、蔥絲、薑絲，加埋大量豉油，食落都唔會好鹹，最正係墊底有大量芽菜，送飯一流平時我就唔鐘意食菜

嚟呢度食嘢源自同老公嘅一個小插曲， 事緣有一日無意睇到老公嘅電話入面有個電話號碼寫住（霸王雞） 之後我問老公嘅時候佢竟然奸笑之後過咗冇耐老公就帶咗我黎呢間過橋麵檔， 我終於明白原來呢個就係佢所講嘅霸王雞當然立即點黎試試，之前一直冇諗過一間門面咁普通嘅麵檔，原來入面係臥虎藏龍呢個霸王雞佢揀選嘅雞都係比較鮮嫩，而且仲配埋好多薑蔥及生蒜溝埋，佢嘅醬油係鹹甜適中，唔會太鹹佢嘅套餐仲包埋一碗菜飯，完全可以將雞嘅 油膩感覺消除，配合埋佢霸王雞嘅醬汁同蒜蔥等一齊食，口感係非常之match呢間價錢唔貴值得再嚟

很多人介紹過元朗必食的「霸王雞飯」，今日聞名不如見面，終於食到喇！😛😛即使過了午飯時間，店內也座無虛席，有趣的是有每檯食客都是吃著招牌雞飯！！怕吃虧的我，當然要跟著試試～霸王雞以例牌送上，上面更舖滿蔥絲。果然，祇看賣相已令人垂涎三尺！😋味道方面，本來已有很多蒜蓉辣椒和豉油調味，令醬汁滲入每件雞肉，而肉質亦算鮮嫩，跟味道較清的菜飯有相輔相成之效😂😂吃到最後，驚喜發現碟下隱藏了不少芽菜，伴以霸王雞醬汁，十分惹味！雖然餐廳沒有時間限制，但看著門外等候的人愈來愈多，也不敢怠慢地吃着。非常豐富、美味的一餐，難怪不少人也專程光臨。下次再來的話，想試試另一推介，「滷水拼盤」～

過橋麵檔乍看之下必定以為是以麵作為招牌菜，但試過的人都知道，霸王雞飯才是這裡的招牌菜，可謂典型的鋪名不符實，但霸王雞的味道如何卻要一試才知。這天晚上八時多才來到店前，但依舊人頭湧湧，等了十多分鐘才有位置。坐下後很快就決定點霸王雞飯與青檸梳打。雞飯很快就來到，雞的面頭上鋪滿了香蒜與蔥還有些許辣椒，看上去非常惹味。吃下去也沒有令人失望，雞肉嫩滑可口，配以碟上的醬汁後更加是非常入味，十分難得。雞的下面還隱藏了芽菜，吸滿了雞汁的芽菜也是美味非常。配上菜飯來吃可謂人生一大享受。筆者人生中吃過無數雞飯，但如此好食的雞飯也是非常少見，足以排進前三，難怪店內座無虛席。若非要論瑕疵則可能味道略咸，食開清淡之人未必喜歡。青檸梳打味道不錯，雖無甚特色，但解渴卻是一流。埋單霸王雞飯連青檸梳打合共69元，以晚飯而言也不算貴，而且其中檸打價值13元，霸王雞飯本身只需56元，若單點的話則抵很多，加上雞飯實在高質，所以十分值得一試

Bought take away for my teammates today, they chose 霸皇雞 with rice. I forgot to take pictures of my lunchbox because I was staving..The chicken is tasty but not soft enough, a few pieces were hard to chew. The set included drink and I ordered iced lemon tea, which was too sweet and I better order less sweet next time.

元朗出名多美食，基本上街上任何一間風評都不差。今日來到出名食霸王雞的過橋麵檔。一入店內基乎每枱一個霸王雞飯，可知是必叫item. 與男友點了一個霸王雞飯($56)，杏汁豬肺湯($44@1/$88@2/$89@3)，車仔淨餸($9/餸，三款起)霸王雞菜飯: 雞份量頗多，肥膏少，肉質冧滑但略嫌不夠雞味，不適合喜歡肉質結實的朋友。大量葱同炸蒜放雞件上面及芽菜墊底，好好送飯。芽菜很爽甜，但食食下索了鼓油就好咸，有點可惜。杏汁豬肺湯: 3碗價錢比2碗貴$1，當然點3碗。店員好細心先上2碗，遲啲上第3碗擔心會凍。湯以盅上，一直係蒸爐保溫住，面頭封住錫紙。上枱熱辣辣，𥚃面好足料，磨了杏汁配上3件豬肺同螺片車仔淨餸: 點了牛腩、羅白、豬紅。豬紅無特別; 牛腩有好多牛筋，好冧入味;最正係羅白大大件又甜而且一啲渣都無！無得頂

同朋友兩個人去食,六點幾去到都要等位.....等左十幾張,20分鐘左右啦! 入到去地方唔大,都要同人搭台,不過好在台底有個歐比你掛野!我就叫左個霸王雞菜飯,個樣好靚又大碟! 隻雞算幾滑,D蔥好算,係底既配料都吸到味! 個菜飯味道都幾好,值得一試

今次去左元朗出哂名既過橋麵檔食差不多三四年冇食過既霸王雞飯。估吾到隔左咁耐，佢D水準依然冇變過。個霸王雞飯同以前一樣咁好食咁香，D雞肉好嫩，皮香肉滑一D都吾會話煮到好老。個汁雖然係鼓油，但都食得出係特製既，加埋D雞油甜甜地送飯一流！仲有D雞既分量同以前一樣咁多，就算係大食D都吾洗驚會吾夠飽。依舊都係菜飯上，價錢仲要好似同舊時一樣冇乜點加過價，呢D野真係好難得！希望佢可以繼續keep住落去啦！！

到啦到啦！1月7號啦！賴生每日撕1張日曆，終於撕到1月7號，等到屈小姐出Camp，可以見到佢啦😭😭😭，最好最好既係屈小姐拖住極度疲累既身體，又再次山長水遠入新界西黎搵賴生😭😭（心痛死賴生啦😭😭）唯有帶佢食番間好野慰勞佢啦！再一次，賴生帶屈小姐黎到過橋麵檔，由於屈小姐太熱氣，加上賴生（被話）仲病緊既關係，今次我地既目標唔係霸皇雞（咳咳冇得食辣野喎😭），而係轉戰另一樣想食好耐既野 - 太極鴛鴦炒飯！分析下今次既敵人頭目先 ：太極鴛鴦炒飯（5星）- 份量超夠！雖然只係$79蚊，但勁多料既！單純炒飯底已經超多蛋絲+有成足足4-5碗飯既份量！而且汁係勁夠嫁！一定足夠你撈晒所有飯！- 紅汁： 蕃茄洋蔥雞絲！超多蕃茄，洋蔥同雞絲，係鋪滿既！個汁係有蕃茄酸甜，另外，洋蔥實在功不可沒，除左賦與呢個汁有爽脆口感之餘，更加賜左甜味比呢個汁！開胃得黎易入口- 白汁：菠菜帶子粒忌廉汁！又係勁足料啦！加左菠菜絲令到個汁個賣相好靚，令人食慾大增！最欣賞既係⋯佢加左忌廉，個忌廉味勁出，好少食到個鴛鴦炒飯係咁重忌廉味！真係好impressive!- 撈埋鴛鴦食都好夾！唔會互相遮左味！仲令蕃茄汁個酸甜味更出，白汁又無咁漏

今日同我的愛人去元朗食好西呢檔雞飯我們之前都食過，不過今日係第一次同我的愛人食我們都鐘意霸王雞飯，雞滑，入味油雞反而冇咩特別，略嫌豉油味唔夠濃，未完全𣵛入雞，整體黎講我係鐘意，下次想試下d面。順帶一提，隻雞都比多肉位，唔會比太多骨位，唔錯！

講到元朗美食 又點可以少左呢間既霸王雞菜飯呢！💁🏻 星期六晚飯時間等左半個中左右，小妹第三次食，都係必食霸王雞菜飯！$53 好大份！好吸引呀！見到都流晒口水😍 好香口！雞肉滑身幾juicy , 入面仲有好多牙菜，好入味架！送飯一流！正正子😍原來呢間吾止食雞出名 呢個燉湯都好受歡迎！見到十個有九個都叫左，我地緊係吾可以執輸啦😹 不過個價錢好搞笑，$44一碗 $88兩碗 $89三碗😂 咁岩我地三個人，一人一碗試下。杏汁味道非常出！如果一向吾中意食杏霜既朋友要考慮飲吾飲喇🤔 螺片同白肺都燉得軟腍，好易咬😄👍🏼 夠足料呀！超特別既燉湯！好滋潤！感覺飲完可以美白😍

呢日為食豬去到元朗，搵搵吓見呢間餐廳嘅好評非常多，一於試吓啦。夜晚8點鐘左右嚟到係要等位嘅，不過等咗3個字就有位。選擇都唔少，價錢亦合理，不過留意返某啲食物星期六日同假期係有附加費。見餐廳好多人食霸王雞，為食豬都叫咗一份，另外要咗個咖哩牛腩飯。霸王雞菜飯: 雞嘅份量唔少，但唔知係咪部位問題，都係骨多肉少。雞肉嫰滑，就算係瘦肉部位都唔會“鞋”。霸王雞嘅配料好豐富，雞嘅面頭鋪咗大量薑蔥絲，炸蒜粒同辣椒粒，而雞嘅底下亦有唔少芽菜。豐富嘅配料唔單止為雞嘅味道增加層次，配合芽菜食更可以同時體驗爽脆同嫰滑嘅口感。咖哩牛腩飯: 有別於一般茶餐廳嘅咖哩，呢度嘅咖哩好似更有印度風味，少少辣但好香。細心嘅係椰奶分開上嘅，客人可因應口味自己加椰奶調較辣度。另外，咖哩入面竟然搵到蕃茄同青瓜，令咖喱食落更清爽。牛腩煮得都算腍，同時保持咬口，但就唔算入味。為食豬仲加咗12蚊要咁曲奇碎紅豆冰，呢杯嘢飲就令為食豬有點失望。首先面頭大量嘅cream已經令為食豬怕怕，曲奇碎同紅豆份量太少，冰又太多。實際上都冇咩嘢飲落到肚。

入得元朗無可能唔食霸王雞菜飯.. 每次一到夜晚時段就排晒隊.. 等左成十幾張枱終於到啦.. 開心開心見到有新野就試下巴辣雞.. 我自己本身好鐘意食辣.. 難以抗拒.. 不過無想像中咁辣只係覺得好多油.. 同埋芽菜都吸哂油.. 感覺好油膩.. 再多啲辣會好啲..招牌菜霸王雞我每次入元朗都必食.. 食落啲雞感覺都似新鮮雞.. 雞肉好咬口.. 食咁多次水準都無變差.. 份量依舊.. 配上菜飯一流..我加左6蚊碗例湯試下.. 期望太高.. 其實同茶餐廳飲嘅一樣.. 當然飲完都係口渴架..

霸王雞飯其實即係完全無雞味既雪雞加個豉油汁大家應該幻想到個湯係ok gei, 起碼無味精。。好似係五香拼盤飯， 正常ok......但。。對面四周圍打冷個d應該好食n倍