過橋麵檔

Open Now

Now Closed

今晚家人想食過橋麵檔的霸王雞菜飯，梗係好啦，我都想食佢地的豉油皇雞扒菜飯，另外再叫咗2個小食。霸王雞菜飯 - 雞肉一般，唔算嫩滑，無以前咁好食，但份量OK。豉油皇雞扒菜飯 - 同平時差唔多，都算入味，水準保持。菜飯品質炸雲吞 - 賣相就麻麻地，不過咬落去，外皮好脆，唔錯。涼拌雞絲粉皮 - 賣相同樣係麻麻地，食落口感一般，粉皮唔夠爽，雞絲亦相對較少。總結：過橋麵檔整體同以往相比，食物質素確實係差咗啲，但作為元朗街坊我地會繼續支持。

山長水遠入到黎元朗 稔住重遊舊地去食番半隻雞 叫左一個set飯同半隻霸王雞等緊啲野黎既時候，留意到佢地啲碟都用哂紙盒去裝，好似食緊外賣堂食咁，應該係市道真係唔好幾好，要cut cost ，連洗碗都無埋…等左一陣，霸王雞黎啦，好失望，發現半隻雞竟然脾又無翼又無，成碟差唔多都係骨，仲要加左價，之前半隻雞100蚊有找，宜家仲要加到112。稔住去搵個侍應反映下，開頭個侍應都算好好聲氣了解下發生咩事，之後個侍應同左個應該係”女負責人”講，個女負責人就黎我地張枱黎睇下啲雞，估唔到佢只係一味係咁話佢地無可能做啲咁既事，不斷重複，死口唔認，連隻脾都搵唔到，其實都唔係稔住要佢做啲咩，稔住同佢反映下，點知個”女負責人”就開始發老脾，話我都廢是同你講就走左去….心稔…無野呀麻…估唔到一間之前要排隊先有得食既餐廳會用啲咁既態度對待客，唔係應該以客為先，或者會稔下廚房會唔會做漏左，而唔係覆個客”我地唔會咁做，我都廢是同你講”…真係對住啲咁既”女負責人”，真係不可一，不可再…唔怪之得要轉外賣盒同再無人排隊…

今晚放工一邊坐車返元朗，一邊用外賣平台app睇食邊間，最後決定叫過橋麵檔外賣，家人一向都鍾意食霸王雞飯，而我就鍾意食豉油王雞扒菜飯，另外再加多一份炸雲吞就啱啱好。收到外賣返到家中食物都仲算熱，我的雞扒份量都算幾多而且亦夠入味。而家人的霸王雞飯肉質都算嫩滑而且同樣夠味 (不過以往就更加入味)。至於跟飯方面，用菜飯除咗係食得較健康外，食落亦相對感覺無咁油膩。炸雲吞皮夠晒脆，而且雲吞肉餡亦美味，一份有10件其實都算係抵食。

同朋友齊叫雞！飯！哩班朋友仔好鐘意食雞😂我地一齊唔喺食雞飯，就喺食雞煲😂唔喺雞煲，就喺炸雞！總之總有一樣餸以上喺雞-過橋麵檔以前就好似我地嘅飯堂咁，成日都會去食10次有9次都係叫霸王雞飯，淨返個一次就喺因為唔喺同佢地食，所以叫其他嘢食😂-諗返轉頭，原來已經成年冇去食過咁濟，今次返去就好似食回憶咁💛好懷念位依然要等，啲雞依然好滑，啲蔥依然好多，最鍾意食雞底嘅芽菜！真喺超級正🤤平時食好少飯嘅我，每次嚟到過橋麵檔食霸王雞飯，都食得哂成碗菜飯！一嚟啲菜飯好食，二嚟啲蔥同芽菜真喺好好送飯🤤

過橋麵檔巴辣雞菜飯霸皇雞湯米線鹵水三拼價錢💲: $62/ $62/ $53好味程度😋: 4/5服務🍴: 3.4/5環境🗾: 3.4/5性價比🥢: 4.4/5回頭率😚: 3.7/5-元朗好多平民野食，難得一家入到去梗係要搵啲老少咸宜的鋪頭。所以今次就去左呢間出名食雞的餐廳，試試佢地。環境就係普通茶餐廳，不過味道搭救，都幾滿意🤓-✅巴辣雞+菜飯。普通份量已經足夠2人分！雞肉嫩滑，雞皮有厚厚的黃油🤩 雞唔會有冰鮮的味道。巴辣醬就係好多的辣椒+小小口水雞的味道，惹味香濃。不過後勁都真係有D辣，食到的朋友先好叫因為係冇得選擇辣度🤭 底下墊住D芽菜可以索晒啲汁😚 菜飯好食！滿滿的小棠菜幫白飯加左口感，可以食多幾啖‼️-✅✅霸皇雞+湯米線。霸皇雞鮮係呢到的招牌！雞肉一樣大份夠嫩，食落唔會好鞋，都幾滑。呢個的重點在於大量蔥+炸蒜+小小辣椒同豉油，好香口😗用小小葱油同炸蒜撈飯不得了！湯米線的湯底都叫有味道，唔會淡某某，米線比較粗，唔會煮到一patpat😬-🆗滷水三拼(大腸+鵝腸+豬耳)。呢個的鹵水就一般般可以唔叫了🤐因為個人認為可以再入味D。豬耳爽脆，都唔見有咩豬毛既👌🏻 大腸係最入面的一款，入面帶小小肥

以前做嘢嗰陣就已經成日叫呢度嘅菜飯過咗咁多年上返嚟食返以前嘅味道 一樣都係咁好食啲雞超嫩口勁滑 每一嚿都啖啖肉 佢嘅炸蒜同芽菜先係極品 加埋佢辣辣地咁真係超好食！將啲汁撈埋佢個菜飯一齊食真係食過返尋味 難得返嚟呢度附近都一定要要來食佢🤣🤤🤤🤤啲雞咁大碟性價比你講都高㗎！呢度來講佢嘅霸王雞菜飯就應該係最出名㗎啦 不過佢另外都仲有好多款菜飯揀嘅仲有豉油雞菜飯以前食過都幾好食㗎！因為今次係下午茶時間嚟食仲有下午茶餐添 不過下午茶就冇菜飯揀 但朋友都揀咗嗰涼拌手撕雞粉皮 啲雞一樣咁嫩呀 但佢嘅麻醬係自己另外加 佢會比一大支你自己撈㗎！

好耐冇食過了 都有幾年時間 之前任何時段都爆場 去親都要等十幾張 而家小左好多人了入去直接坐低都係得兩張枱有人 。咁就點餐喇 點知個侍應態度好差 講野又大聲，是但叫個飯就算。黎到 味道差過之前，野飲又細杯左，貴過之前好多，雞皮幾舊都有大大條毛，環境一般 ，貴唔係問題 品質keep唔到 出面咁大競爭 唔係要你進步阿，最小唔好退步掛，最搞笑既係我食食下 知待應埋黎叫我埋單先得唔得 大佬而家又要笠個口罩 行出去嘟8達通 再行返埋位食 你覺得我咩感受阿？ 差！

通常唔知食乜就一定會食佢地既招牌 --- 霸王雞菜飯🐔豉油，炸蒜，辣椒撈埋底下既芽菜真係精華🤩配埋菜飯真係好送飯!!主菜既雞份量都算多，雞好嫩滑都好夠味。雖然店舖係叫過橋麵檔，有車仔麵，咖喱飯，滷味，連小菜都有。整體質素都唔錯架👍🏻鍾意食辣既可以試下巴辣雞，辣得好過癮🌶🔥

每次經過門口都好多人排隊。起初以為食車仔麵主打，後來發覺原來最出名嘅係霸王雞。剛好一次早上十二點前經過，竟然無需要等位，當時即刻入去食早午餐。見到餐牌有輕盈版，平兩蚊之餘仲包野飲。一問店員情況下話只少三分之一既份量。出於好奇心底下一於嘗試一下份量夠竟有幾多，發覺都係幾舊之差，唔係大胃王都可以選擇。味道上霸王雞的確好有雞味，唔會有雪味。醬汁調味剛剛好，唔會死鹹，表面有一埋炸蒜+蔥花，配上醬油絕對惹味。絕對可以翻食。

【嫩滑霸王雞🍛配料+份量十足】間野叫過橋麵檔，唔係主打麵食，而係雞。佢有鹹雞、霸王雞、豉油雞、巴辣雞多種選擇，我就揀左openrice 熱門 top choice - 霸王雞。(比個like支持下啦)Overall👍- 切雞燒味種而言，佢既雞比出面燒味店既雞既多料同出色- 但未至於好濃味，重口味既人唔會覺得驚艷。你可以想象佢係茶記燒味type，可以隔兩三日食一次既港式菜式- 推薦會係因為佢大大碟，雞肉嫩(唔會Un)，上面topping夠味，又有芽菜白菜______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作霸王雞菜飯 (💝7.5/10)- 霸王雞份量好大(好相信大部份女仔都食唔曬)，上面鋪滿蔥絲、乾蒜粒同適量指天椒我喜歡咬走雞皮時品味一下雞油香，再夾少少蔥蒜同一兩粒指天椒，一次過放入口。細味雞油香，同嫩滑口感，加上清新爽口既清蔥同微辣(真係好BB BB辣，唔

過去7-8年，每星期最少幫襯一次。但11月初再去，已經強制使用安心出行。永別了 過橋麵檔；永別了 霸王雞菜飯。我唔會再黎食。希望更加多既香港人了解，再自己決定是否需要幫襯。想當年，我家姐帶去食，真心好好食。每星期都例牌霸王雞菜飯，食極唔厭。有fd黎元朗，我都會推介黎食雞飯。然後唔知第4-5年先發覺，加8$可以轉脾。可惜，私隱同良心上不容許我再食。法例都未強制使用安心出行，餐廳自行先強制。一世唔會再食

今日同老公特登揸車返元朗拎嘢夜晚路經當然係去食返個過橋麵檔嘅霸王雞喺九龍好少呢類咁多蔥嘅雞飯食而且仲要配菜飯，個菜飯勁靚啲菜唔會霉哂，可能因為佢哋真係太旺成日都要企喺門口排隊！ 但係真心個咖喱值得一讚，唔係螢光咖喱！ 咖喱入面又有青瓜好正！

一班同行難得約齊到元朗食飯，小妹今日跟隨大隊來到這家「過橋麵檔」食午飯。店舖比較親民好地道，不過疫情期都算有空間。🥢例牌咸雞行家極力推介話這裡咸雞菜飯好好食，咁我就順從民意試吓，賣相又真的幾吸引，皮光肉滑入口咸咸香香好有雞味，不過胸位有點鞋。🥢椒鹽豬扒飯椒鹽炸出的豬扒特別吸引，香氣惹味入口鬆化可口，加上蔥花更提升香氣，另外我欣賞菜飯😍，咸咸地有少少豬扒油特別好味。👍☕️跟餐有杯飲品，我要消膩叫了熱檸檬水。😋

睇OpenRice食評及YouTube介紹，尼間麵檔號出名係食雞，講到咁好食！滿懷歡喜去試佢個新鮮雞！點知又係中伏！真係雞如其名！鹹雞！咸到你唔信嘅雞，＄113（例牌）咁有信心收人呢個價錢出品應該唔會差掛？可惜可惜真係好咸，肉又靭，咸到博命飲水！滷水三拼，都係咸，但叫得滷水預咗你咸，大腸鵝腸不過不失，鹹豬腳好鹹好靭！咕嚕肉：非常一般，真係唔知點講凍檸茶走甜，色澤味道一般唯一要讚呢間舖頭：侍應服務非常之體貼，小館來講有咁熱情已經非常之好！

元朗有兩間過橋，本來食開馬會個間，待應都唔係本地人，但好好禮貌，所以都幾中意食。之後搬左去咗呢間食，待應都係華人。第一次去，有個疑似係老闆既男人，待應都好好禮貌，臨走個男人重問聲岩唔岩食，真係幾驚喜，非常滿意。今日樓面全部係姐姐，我埋單時俾520蚊，應收119，個收銀找錢俾我時都唔係好肯定咁好慢咁抽左4張一百蚊俾我，我當下都真係以為佢找多左，所以我好細聲問下我朋友係咪岩數。點知個呀姐勁大反應話:唔係呀嘛，咁都要計？跟住後面有另一個呀姐勁大聲咁話: 你俾500蚊咁咪找381囉！其實全程我都無同啲呀姐對答過，但係佢地就大反應到鬧翻我轉頭。乜呢間野興鬧客既咩？我唔係要求你哋要做到顧客永遠是對的，但至少都保持應有既禮貌掛？！加上我又無話你錯，咁大聲為乜？唔會再食下次！