過橋麵檔

Open Now

Now Closed

21-9-2019夜晚同朋友們係元朗搵食, 附近既日本菜館原來要訂位, 冇得walk in, 所以就試下呢間同樣知名既麵檔。麵檔有各種小食, 如豬耳, 魷魚鬚, 醉豬手等, 又有類似車仔麵形式既多餸大碗麵, 有20多種配料可選擇。但其實按靚姐推介, 雞才是主角😍有鹹雞, 霸王雞, 豉油雞, 巴辣雞, 鹽水雞可供選擇, 再配以菜飯或招牌麵。我點了霸王雞菜飯, 加一杯oreo碎紅豆冰特飲。霸王雞鮮嫩入味, 而且雞件數不少, 抵食。紅豆冰既oreo碎唔太甜, cream稍多了一點。店舖還有其他款式既客飯套餐, 始終覺得日間黎食划算d😂😂p.s. 此舖有日/夜2個價錢; 夜市(6pm後)一般貴$6

夜晚諗唔到食咩就會嚟過橋麵檔🍜之前黎一定係食霸王雞菜飯🍚今日見口淡淡想食啲濃味野🌶就叫咗個巴辣雞米粉🙈本身想配上海麵賣晒之後諗住配河粉都賣晒👉🏻👈🏻因為晏晝食咗飯所以唔想配飯😂之前食過米線比較硬🙊所以今次無奈地揀米粉🥺個人會比較喜歡食上海麵 有咬感 又唔硬😋巴辣雞比較辣🌶冇得選擇辣度好濃味 我會用巴辣雞汁撈麵👍🏻🍜好正 巴辣雞不是麻辣 有小小似口水雞味要親身試過先知😎但係如果唔鍾意食濃味野會建議揀返霸王雞飯👄霸王雞係招牌菜🤘🏻另外在叫咗個咖喱牛腩飯小小辣🌶咖喱椰汁味比較重 不過不失😄最好食都係雞飯🙈

都係元朗特色，大大碟佢個霸王雞菜飯喺雞地上面有大量蔥蒜辣椒，有好多豉油浸住隻雞，令到成碟霸王雞10分野味但係就食唔到有雞味，再配埋佢哋嘅菜飯，真係夠晒飽肚可能呢啲就係元朗嘅特色啦！

好耐之前已經聽過元朗嘅朋友讚呢到嘅霸王雞好食，但元朗真係太多好嘢食，終於前日有機會試吓霸王雞啦！我地到店大約12:30午飯時間，店內都坐滿8成人。望吓餐牌諗住叫個午餐，但原來係無午餐set，大部份都係散叫；唯獨有個「價細」霸王雞飯套餐係有跟飲品，盛惠$53元。店員話呢個set會比散叫雞飯細碟啲，飲品亦都局限咗4款，唔可以轉。由於我太想飲凍檸茶，我就唯有散叫咗個巴辣雞配菜飯；而老公就叫咗個價細套餐。兩個餐嚟到Size確係有分別，「價細套餐」比散叫大約細25%左右，不過配嗰杯飲品就大過散叫加$8的凍檸茶。$53一個餐加埋飲品絕對夠一個正常食量女仕食！講番味道，餐牌到話霸王雞有少少辣，但其實唔辣的，唔食辣嘅朋友都可以一試。雞肉好滑，每一啖配上生蔥炸蒜食好香口，麻油味都好香。難怪會成為店內招牌菜。至於巴辣雞，揀佢的原因純粹因為我鍾意食辣。點知令我非常驚喜！食得出辣汁由辣椒、洋蔥、麻籽等配料煮成，辣得嚟唔會太咸，又有點麻感，有點似食水煮魚嘅味道。不過都真係幾辣，鍾意食辣嘅朋友可以挑戰。

過橋麵檔其實出名是霸黃雞，而不是車子麵，更不是過橋米線。我點了霸黃雞菜飯套餐配一杯飲品。喜歡辣的，可選巴辣雞，也非常愛歡迎。這裡上菜速度十分快速，約5-10 分鐘試齊晒。霸黃雞的底層鋪滿芽菜，中層是白切雞，頂層鋪滿了翠綠的蔥絲，再撒滿金黃的炸蒜，淋上鼓油和熟油，充滿蔥油香。吃了一口雞，真的非常嫩滑，估不到50幾蚊有大份量同咁高質素。菜飯也好有誠意，混了好多菜粒。難怪每次經過橋麵檔，都有好多人在排隊。如果你到元朗，一定環試下食間非一般的麵檔。

下午係元朗睇完向日葵，晚飯就決定去試下呢間好多人推介嘅過橋麵檔。我哋每人叫咗一個餸，分別係豉油雞加菜飯，同埋蝦仁炒蛋，嘢飲係蜜桃紅茶。豉油雞整得好入味，咬入去雞肉淡淡充滿醬油味，食飯送飯一流，而且肉質鮮嫩又滑。蝦仁炒蛋多蛋好滑，啲蝦又大隻咬落去好彈牙鮮甜，絕對係海蝦並非係養殖蝦。不過個蜜桃紅茶就普通咗啲。餐牌有好多款菜式 ，兩個人食咗$157，晚餐來講都算抵食。店內環境還可以，坐得都唔算10分逼。好彩早攞飛不然可能要等15至20分鐘。門口仲有好幾台客排緊隊

每次只要行開元朗，都會鍾意去過橋面檔食佢個雞飯，因為貪佢五六十蚊大大份之餘d雞又夠滑，有埋菜飯夠曬健康，每次食完都會飽到捧著個肚離開，可能因為本身係九龍好少見餐廳d雞飯咁足料，所以每次去食都有好滿足感覺。 今次叫左份豉油雞菜飯+ 蜜桃紅茶，友人叫左份滑蛋蝦仁。豉油雞好滑，不過同之前食開霸王雞同巴辣雞相比較，都係比較偏愛後者，可能因為少左d蔥同辣椒係面頭，令食落感覺爭左d。 滑蛋蝦仁飯，滑蛋都好滑，不過略嫌味道淡左d。

平時唔太鐘意食白切雞既我對依個霸王雞真係讚不絕口！因爲好驚會有好多骨同鞋口，但依個絕對唔會個甜醬油加埋上面勁多蔥同炸蒜一齊食真係冇得輸不得不提個菜飯完全唔乾身仲好香

有一年喺元朗住，間中都會去呢間度食。因為佢啲雞真係份量又多又好食今日去開元朗再食返以前試過經濟套餐嘅新鮮雞，覺得冇咁抵食。所以都係食返普通果種，已經好足夠啲蔥切得幼，啲雞唔係剩係得骨。連埋啲豉油餸菜飯食好好味。不過今次佢啲菜飯有啲硬

果日入去元朗搵朋友相聚，聚後同老公想在附近食埋晚餐才返家。朋友極力推介呢間過橋麵檔，非常多人等位同等外賣，我地算好彩，等左一陣店員就帶我地去另一間比較細舖位坐，還好，比較靜又冇咁迫😊朋友推介霸王雞菜飯，所以我二話不說說點呢個食！果然名不虛傳，碟雞比想像中大碟，覺得有半隻雞既份量😆而且真係好好食，好多蔥香蒜在上面，非常惹味。雞肉都好味，雖然食唔中脾位，但都好嫩滑入味。個菜飯不得了，以前出面食既菜飯都係做樣得零丁幾粒，但呢個係真菜飯，菜粒既比例相當多！好食！老公喜歡食辣，點左巴辣雞菜飯，一樣咁好味，紅紅辣油包住，真係火辣辣。唔夠喉，再叫左個自選滷水拼盤：牛脷、雞腎，咸豬手。好入味又大件，老公好中意食😋😋

元朗多美食，應該每個人也知道。但是要知道，又便宜又好吃的，就不是人人都知道！幸好，友人家住天水圍，常去元朗尋找美食。有一天，他便帶我去了這家餐廳，他只說：「一定要吃霸王雞！」吃過一次後便愛上了這家的霸王雞，所以在之後又帶了一班朋友去！半隻霸王雞：$98份量很足，沒有那些只有骨頭佔大多數的情況出現。雞也不會太老，肉質也不會太腍，正正常常但是配上灑在上面的炸蒜和蔥絲，混在一齊吃，很好吃！而且，在底下有大量的芽菜，充滿豉油味，送飯一流！半隻豉油雞：$98肉質和份量和上述一樣芽菜依然好送飯，但是我覺得豉油雞的精粹是要夠「入味」，何是我覺得不夠入味。水煮牛肉煲：$66 套餐不要以為套餐，就會份量比較小。這家的份量真的跟街外的差不多雖然辣味只有一點，麻味也缺乏，但是那種酸中帶辣的感覺，很開胃！牛肉則肉質正常，冬菇很好！入哂味！杞子黃金南瓜蝦球 $66 套餐超級有驚喜！想不到的好吃！！！！！首先，蝦不是很大，南瓜多過蝦。蝦質一般，不過不失，但起碼沒有雪味味道上，就驚為天人，濃濃鹹蛋黃味再加上一點芝士和沙律醬味，配搭得好好又夠哂特別！大拼盤  $120不值得大家花錢，因為很多也不入味和不夠味！這盤超級

而家又貴又難食， 啲雞鹹到苦， 芽菜又少， 啲蔥又唔新鮮， 嗰碗例湯18蚊 衰過飲滾水。 一個雞飯 一碗例湯一杯凍檸茶 90蚊落樓， 一定冇下次，，，，，，，，，，，，，，，，，

今日要介紹嘅就係過橋麵檔，相信唔少人都聽過呢個大名，過橋麵檔最出名唔係食麵，而係食雞🤣事不宜遲，馬上入正題。🐓霸王雞茶飯 午市$57 /晚市$63食左十幾廿年，最得我歡心依然係霸王雞，面層鋪滿辣椒絲、薑絲、蔥絲、炸蒜等濃烈霸道嘅配料，不負霸王雞之名，勁度十足，雞肉非常嫩滑，就算雞胸肉都絕無起渣，菜飯亦都不馬虎，油飯同菜嘅比例啱啱好，食到淡淡油香之餘亦不會太膩，最後墊底嘅芽菜吸收晒所有精華，一條都唔可以放過😋😋

元朗食雞前幾天去了過橋麵檔晚餐，叫了半隻霸王雞，鼓油雞菜飯，熱檸水。半隻霸王雞非常大碟！真霸王。雞上鋪左了炸蒜，蔥絲和一點辣掓。雞底有大量芽菜。雞味道不錯，也挺滑，最讚的是份量很多！只是雞偏咸，連飯食較好。鼓油撈雞汁，雞肉連蔥絲，蒜，一口食，好味。鼓油雞菜飯也好食。有很多雞！底也有芽菜。鼓油雞很滑，味道上及滑度比霸王雞好。我較喜歡鼓油雞。菜飯ok，都叫多菜及大碗。這間店價格比真高！野食好食，價錢又平，良心店，推薦！

呢日放假訓到好晏先起身,跟住同女朋友出左元朗食野, 去左食過橋麵檔。我中意食佢霸王雞飯!霸王雞配菜飯 另加例湯霸王雞可配菜飯又可以配麵~菜飯都幾大碗, 都幾好食的~例湯幾足料,幾多湯料的~味道都可以。女朋友就叫左配麵,麵可以揀, 米粉河粉個D, 女朋友就叫左上海麵。上海麵係上海幼麵來, 都幾彈牙, 幾好食的~係個湯有少少淡, 落少少辣油會好食D!當然主角係霸王雞啦!霸王雞真係好好味!首先佢勁大碟, 份量十足!其次佢大多都係跟脾的(我食左咁多次都係),雞肉好嫩滑,配上豉油炸蒜蔥絲同薑絲~真係好鬼正!個底仲有大量芽菜, 我覺得連蔥絲同薑絲,可以中和返, 唔怕太重味!