過橋麵檔

Open Now

Now Closed

有一個朋友帶左阿哥去食霸王雞之後阿哥話好味就帶左我地1家去試呢間餐廳都好多人排隊..我地當日排左15至20分鐘就有位我地叫左半隻霸王雞1個滷水拼盤..另外仲有1個小炒王真系非常抵食..3個人只系食咗250幾蚊如果大家系元朗又諗唔到食乜既時候佢系一個非常好既選擇🤣

▬ ▬ ▬蔥油超香。霸王雞菜飯▬ ▬ ▬.元朗實在太多好嘢食，to eat list已經好長，趁著今日入元朗， 第一站元朗朋友已經帶咗我去食呢一間菜飯。。單睇門口，已經知道係一間平民嘅小店，座位排得密密麻麻，唔算坐得舒服，不過朋友帶我嚟，一定係食物質素取勝。餐牌上面選擇都幾多，有冰鮮雞同新鮮雞，最後我哋點左兩個冰鮮雞菜飯。.▪️霸王雞菜飯$54超級多蔥一見到啲蔥排成一座山，已經覺得好期待， 而且蔥油超香。雖然係冰鮮雞， 但係好滑一大碟大概有12件仲有雞翼尖、雞髀肉個菜飯亦都唔會太淡雞下邊仲有啲芽菜入曬味好食啊.朋友點巴辣雞菜飯辣都可以噴火等於譚仔三小辣以上越食越辣食一啖芽菜我要食返三啖飯分量一樣係好多一大碟都有12件左右。後來見到隔離枱加$8 原來會多一杯熱飲同一碗湯，真係唔錯喎，多謝朋友推介，我下次會再返嚟食嘅。餐牌上面仲有另一款係新鮮雞，價錢當然貴啲啦，要80幾蚊一個餐，下次有機會再試啦。

巧合下，今次又黎到元朗搵食。今次去左間專食雞既餐廳。霸王雞，我鐘意好多蔥，夾埋雞一齊食。依到唔止霸王雞，仲有豉油雞。。。兩個都叫左霸王雞，一個配菜飯，一個配米線。不論霸王雞定係米線的分量都多。雞胸略嚡，其他部位都可以。一碟係雞胸加雞翼，一碟係雞胸同雞脾，雞下有堆芽菜墊底。如果要指定部位，當然要加錢。味道就足夠，如果再多少少蔥就仲好。坐位等同普通茶餐廳，大家要留意，有落場時段。下次要試下豉油雞，睇下好唔好食。

呢間每次行過都好多人等位，因為佢地最岀名嘅雞飯係又平又好味。平日少人啲我地兩個人就去食下，嗌左一個覇王雞同一個豉油雞菜飯，啲雞好滑，菜飯都好味，美中不足係未到八點已經賣晒啲湯😅

霸王雞，又叫蔥油雞，為淋上蔥油的白切雞。不過在香港，很多時蔥油太小。不過，最近就品嚐了一間，在家附近的店舖，過橋麵檔，招牌霸王雞，雞嫩皮滑，不過雞胸略嚡，最重要有大量蔥油，入口蔥香十足。霸王雞，最重要的拍檔，是一碗菜飯，好的菜飯必須多菜，每一口飯都可以品嚐到菜的味道，以及菜的口感，這一點，過橋麵檔做得相當出色。一份霸王雞套餐，下午六點前食，只需要54元，值得一試。過橋麵檔 (元朗)人均消費60元，抵玩指數⅔元朗建德街25號大福中心地下1號舖緣份天成，初心為本。喜歡用文字分享我的味覺之旅，有興趣請follow我～緣食魔宮。抵玩指數最高為三星，所有不用自掏錢包或劣評者， 將不給予抵玩指數。

-霸王雞菜飯： 嚟過橋麵檔食霸王雞真係冇得輸！！！ 可以由上、中、下嘅角度呢度去分析呢個霸王雞。上：有一絲絲嘅蔥 + 一粒粒嘅香蒜。中：雞啲肉質好嫩、好滑，有少少微辣。下：雞底下好多牙菜， 芽菜索曬啲汁味。而汁方面係淡淡嘅獨特味道，有少少豉油嘅味，唔會太鹹，送飯一流。 所以加上一碗菜飯簡直天衣無縫，食多玩都仲得！！ 可能呢間實食店在太出名，又太好食。所以長期都係好多人排隊。而我今次就選擇咗外賣，買返屋企，慢慢品嚐。__________________地址：元朗建德街25號大福中心地下1號舖

同屋企人出元朗食飯，好耐都無食呢間過橋麵檔，咁岩有位泊車，於是就入去食喇。以前成日嚟麵會叫呢度嘅霸王雞，真係好正架，今日有人感冒唔食得，咁我地就叫小菜喇。見到佢有四款小菜係客飯，我地就點左當中三個，跟左三碗飯。蝦仁炒蛋：有韭黃睇相都見到隻蝦仁都幾大隻，食落彈牙無雪味菠蘿咕嚕肉：呢味餸係屋企煮好考功夫，當然要出去食，肉夠脆，食落無話好多粉。菠蘿酸酸甜甜幾開胃過橋小炒王：呢味好夠鑊氣，好多料，有豆豆，有帶子，有肉粒，有腰果。三個人食三碟都食唔曬，份量都好多，唔浪費打包走，夾埋一盒其實都有多一人份量價錢都幾相宜，50-60蚊就有一個餐。好想讚下呢度老闆服務態度好好，而且見佢好多事都親力親為抵佢好生意

平時經過見到實在太多人, 今日5:30PM就黎食 (其實咁啱經過, 就入黎試下)霸王雞半隻: 好多蒽, 香蒜舖面, 雞其實味道唔錯, 而且好滑, 不過味道略為偏淡.海王豉油炒麵 $48 : 一般之選, 冇乜特別.石磨杏仁螺片白肺湯 $93/3盅 : 超得! 冇得輸! 好濃好潤, 入面都有D料食下, 係咁易都有塊螺片同有一兩件豬肺, 都算係咁啦!兩個客飯生炒骨菜配飯: 細細件, 易入口, 生炒骨炒得好脆口, 肉又爽實, 唔會一pat pat.蝦仁炒蛋: 呢個味道都係偏淡, 不過滑蛋炒得唔錯, 蝦都好大隻, 不過應該係急凍蝦, 所以冇乜味.

日：$48夜： $54過橋麵檔的餐牌最容易理解.......每一個餐和餸菜都會有日夜的價錢分別！！今次由於我是吃晚餐，所以價錢就當然是「夜」這個價錢........日和夜的價錢差別其實不算大，可惜如果要叫飲料的話要另外加錢。😐😐😐說會重點，這個鮮果海皇星洲米 ，整體味道OK⋯⋯》海鮮有八爪魚，青口之類，米粉的份量都算正常，自己一個人都可以全部吃掉。米粉炒得都幾乾身，口感可以。底部收藏了芒果，哈哈，寶物果然沉歸底。

夜晚9點幾殺入元朗食晚飯, 雖然好妟, 但都滿佈食客, 不用等位還好。座位迫迫夾夾的, 食客快來快去, 不會待久。食物尚算多元化,多選擇~車仔麵區~自己揀麵,餸, 湯底。因為有點夜, 所以點車仔麵食好了, 清淡一點。食物一般的一般, 完全沒有驚喜, 蘿蔔不太淋, 不太入味。醉蛋分開上的, 這個夠特別, 流心蛋用酒浸住, 好味道。麵&其他自選餸的都是一般正常味道。普遍食物質素這一般, 所以價錢方面, 個人認為略貴。車仔麵還是'永年'較出色。

元朗冇人唔識嘅過橋麵檔，佢嘅招牌菜當然係霸王雞，霸王雞嘅配料有炸蒜蓉、蔥花、辣椒、芽菜、薑絲同豉油，雖然唔係新鮮雞，但味道依然引人入勝。如果你想食新鮮雞嘅話，咁就要叫鹹雞，但係價錢相對地比霸王雞高大約三至四成，值唔值就見仁見智。其實佢除咗霸王雞菜飯之外，過橋麵檔中出名嘅係一個鴛鴦炒飯，一邊係蕃茄汁，另一邊就係芝士白汁，如果同朋友一齊去食，就一定會叫返個炒飯一齊share，真係好好食！仲有佢嘅滷水拼盤，豬耳好入味，其他配料都唔輸蝕，值得一試！

過橋麵檔最出名食霸王雞，餐牌寫住霸王雞加菜飯或者麵，$54（日），$58（夜 ，6:00pm後）～～～小小辣，因為霸王雞本身有少少辣，但是菜飯不會辣的～～～**配冷熱飲品或者湯要加$8，特飲要加$14————》所以我淨飲水沒有加飲品～～～菜飯一大碗，尖尖的一碗菜飯。飯裏面有菜，今餐飯就算沒有叫蔬菜，都可以吸收到纖維啦😆😆😆😆過橋麵檔的霸王雞我個人覺得好出色😍😍😍雞的肉質10分嫩，平時食雞我不會食雞皮的，唯獨霸王雞的雞皮我會食。😁😁😁因為雞皮上面沒有雞毛，而且雞皮都好滑。雞的上面有好多一絲絲的蔥 ，雞的下面就有好多芽菜，整碟菜的最頂部有一些香蒜粒，好好味。😋😋😋😋😋

其實我搬左入元朗都差唔多3年了~在我每日搭小巴的途中, 都會見到過橋麵檔的宣傳招牌。我一早都知呢間野d霸王雞飯好出名~但就係唔知點解咁耐都冇試過。今晚突然心血來潮過左來試上openrice見人講, 要等位等好耐~可能今日星期5(算係平日?), 我地又19:15左右就來到, 所以都仲有位, 唔洗等, 直接有得入去~但其實我地坐左5-10分鐘左右, 就開始多人了,開口好多人拎左飛等位~ 所以想食, 都係早d來啦~入去睇完餐牌, 我地2個人叫左一個巴辣雞菜飯($58), 一個霸王雞菜飯($58), 一杯oreo碎紅豆冰(+$14),同埋加左個例湯($8)。合共$138。oreo碎紅豆冰(+$14)ummm.. 紅豆冰味道ok的~但就唔係好覺有oreo碎, 可能淨係得面頭少少~同埋面頭個cream麻麻, 唔係好食既cream來~巴辣雞菜飯($58)雞嘅份量其實都幾多! 都幾大碟!1個人絕對夠食! (我有d食唔晒tim.. 飽到傻左)呢個雞都ok辣~ 味道ok~ 但食個陣要撥走雞上面d野(其實我唔知咩來)因為如果一齊食, 我覺得過咸。至於雞件~ 唔鞋, ok的~ 但都唔會係d人講到係好滑~真係稱

黎過呢間個條麵檔好多次，但係都未試過呢間餐廳嘅車仔麵😆原來都幾好食今次叫咗豬膶雲吞雞翼三個餸😍加埋腩汁個米粉上面加咗少許蔥花，雞翼炆得非常入味，雲吞入面嘅肉又夠味，而且蝦既分量亦相當足夠，加多$8仲可以跟埋杯凍檸茶

國慶三日假就係食<2>已經食過好幾次嘅霸王雞，入元朗推介美食之一同屋企人行完元朗，想食d元朗特色野食，就帶佢地嚟試下依間食雞專門店必叫霸王雞一份，$58已經好大碟，見到隔離枱有人叫一隻，應該要4-6個人先食得曬配料夠份量，尤其係炸蒜同蔥好多，加埋少少辣椒夠野味！雖然係雞胸位多，不過都好嫩滑，夾埋蒜+蔥+芽菜一齊食睇落去份量唔少，食下食下都已經食曬成碟。菜飯就正正常常，菜係幾新鮮嘅，整體性價比高推薦！第一次叫咸雞菜飯，一上枱見到唔係分開上有d失望，份量同霸王雞比少好多咁，可能因為隻碗大掛...個餐名叫經濟咸雞菜飯餐，但要$6x，霸王雞先$5x，邊到經濟呀雞肉食落有dd咸味，但肉質偏老，雞肶位都唔滑，味道似咸味白切老雞，中伏喇！早知叫返霸王雞仲好是日老火湯係雞腳木瓜湯，湯料幾多，味道清甜，應該冇乜味精。個湯為依個餐加左唔少分另外再叫左個雞絲炒麵，麵係炸過嘅，好香脆偏乾身。配埋上面d汁同送一齊食，就岩岩好唔會乾！雞絲同芽菜份量都有好多，食完d麵都仲有淨，唔錯都係$4x一碟，可以一試首推都係霸王雞，咸雞飯就免了