火山石 (Closed)

上次幫襯台灣ET鹽水雞，今次幫襯旁邊哩間拉麵店，店名叫火山石.店名鬼好型！點咗客吉烈豬扒拉麵.優點：1, 首先哩間拉麵藏於一個叫搵食巿集之內，哩個巿集幾正，有韓國菜泰國菜日本壽司等等，坐得舒服，冷氣夠凍.2, 火山石選用比較幼身嘅拉麵條正合自己心意，夾自己口味，因為自己唔中意粗身麵條, 眼前嘅麵入口比較冧，唔係硬嘅口感，亦都夾自己中意嘅口味.3, 吉烈豬扒份量足夠無偷工減料，豬扒係厚切，豬扒無點醃制，點沙拉醬就足夠，而且外脆內軟，滿意！缺點：1, 湯底味道好"死", 只有咸味無鮮味.2, 拉麵店一直嘅問題，亦都可能係店鋪不大，所以飲品選擇唔多.3, 價錢貴咗少少.4, 自己口味問題，拉麵總係有D類似木耳嘅物體，係自己唔中意嘅食物.

火山石嘅烏冬標榜係手打，猴子係烏冬控，所以忍唔住要試吓佢哋嘅手勢，叫咗一客海鮮烏冬。海鮮烏冬嘅主要食材包括大蝦、青口、帆立貝、蟹柳，仲有溫泉蛋。 首先要試嘅當然係烏冬，食落又真係幾彈牙嫩滑，十分有口感。主要食材方面，大蝦都尚算鮮甜，溫泉蛋個蛋黃煮到啱啱流心，食落濃郁香滑。 至於青口同帆立貝，望落都好似幾新鮮，不過食落就冇預期中咁鮮味，而且咬落仲有啲渣，有啲失望。 價錢方面亦唔算便宜，HK$65一碗，飲品要另外購買。

其實一直都好鍾意食呢間餐廳 所有員工一直都態度好好 感覺好用心但最近有新職員 問佢可唔可以要普通嘅沙律醬都唔得 (明白唔係奉旨比嘅 所以都態度好好咁問一句) 點知職員態度惡劣 話一直都冇提供㗎喎 其實我以前食過亦知道會提供 希望今次都可以比定係唔俾我都唔會介意但係唔希望嘅係用咁惡劣嘅態度 會喺嗰個職員無返工先繼續食呢間餐廳 食物質素良好

星期六LUNCH唔知食咩好，見上網介紹所以黎到搵食市集，呢度有好多唔同國家菜式既鋪頭，要咩有咩!! 咁岩想食日本野所以就揀左呢間!佢主要係賣丼飯同拉麵/烏冬，而我見到鐵板黑椒牛肉飯個名幾吸引，聽落幾有鑊氣就揀左。鐵板黑椒牛肉飯但係結果令我好失望我一心諗住既鐵板牛肉變左個汁煮肥牛，冇鐵板上，牛既份量仲要幾少下，係飯既份量就比較多!個汁係黑椒汁黎，比較重口味，但加落飯度食都OK既，但由於肉既份量太少所以食到最後好多飯剩但已經冇晒餸肥牛加埋洋蔥一齊煮，味道十分十分普通，成個飯、肉同配菜都比較馬虎!!以佢既味道、賣相，咁樣收$50既價錢的確太貴，同場比同樣價錢既鋪頭應該會有更高質素既選擇，所以下次唔會再食呢間，唔推薦大家食

是日晚上來吃, 點了一個安格斯烏冬和牛舌面，十分滿意，可以常來。安格斯烏冬內，除了有烏冬，安格斯薄肉，還有粟米，木耳和溏心蛋。安格斯薄肉很薄，但牛肉味夠，而且脂肪部分很少，近乎沒有。也是因為肉的關係，整個湯底很濃牛肉味，一不小心就喝了很多。其他配料則很正常。烏冬也不錯。但而價錢而論，安格斯烏冬不算平宜七十蚊算偏貴，但這道還算對得起價錢。牛舌面的牛舌是厚牛舌。這面聰明的地方在於有把牛舌好好醃製過，味道很好，很入味。口感上，是偏軟的。面質幼細也不錯。

泡泡小子今日係附近開工，14:30去左搵食市集， 睇左好耐都揀唔到食乜好， 經過深思熟慮後決定揀依間食日本拉麵、烏冬、飯的小店（火山石） 咁岩佢由午餐轉下午茶， 咁就試下佢個下午茶。餃子拼吉列蝦烏冬+檸檬茶$39試一試佢， 咪以為下午茶平d佢馬虎整！ 話你知，佢絕對唔馬虎， 烏冬唔會過淋（煙un), 熱辣辣， 好味餃子、吉列蝦都好好味，即叫即整， 又係熱辣辣、脆卜卜，感覺有點熱氣（但小子鐘意食熱氣野架）$39 個有熱辣辣既餃子拼吉列蝦烏冬+檸檬茶，真心覺得抵同好味

位於大圍新開既搵食市集係一個food court形式既市集，佔據左兩層，有唔同類型既餐廳火山石係其中一間手打烏冬專門店除左手打烏冬，大家仲可以揀拉麵、丼飯。醬油牛舌手打烏冬（$52)有四件厚切牛舌，口感香軟。另外仲有大量粟米同木耳絲醬油豬軟骨手打烏冬（$52)豬軟骨好入味，又夠哂淋，而且膠質豐富！兩個烏冬都係配左木魚清湯，我覺得配醬油牛舌同醬油豬軟骨都好夾！落左order之後先發現原來可以轉其他湯底，仲有辣既湯底，而且唔駛加錢！下次可以試下辛辣豬骨湯

自從大圍新開幕了搵食市集後就又多了一個美食天堂了吃貨們還不速速前去火山石是主力以提供日式小食及便當為主飯類及烏冬等都可以選擇牛肉炸蝦、雞扒、牛扒等各式各類的配料我還是以點小吃為主的點選了雞翼薯條話說這隻雞翼實在不得了如果我沒講錯這隻雞翼在進鍋炸之前就應該已經醃製一陣子了裹上的粉漿應該也有一定的調味要不然是呈現不出這種味道的這雞翼真的是有功夫呀還有也點選了最愛的日式餃子餃子皮薄肉餡適量味道完全融化在一起

介紹番大圍「搵食市集」有咩好食啦～烏冬及拉麵控，我推介“火山石”畀大家。點解我咁講，首先講價錢合理，份量十足，質素都不錯啱晒我呢d要求多多嘅為食蕉。價錢方面午市套餐$42起包飲品，我呢碗日式餃子烏冬，先贊一下個湯，唔似味精湯，味道好清甜，合格。烏冬麵質彈牙，不是cheap cheap的牌子，又合格。配菜ok，好正常都合格。最抵贊係個日式餃子，不乾不油，而且溫度啱啱好，又唔會燙咀，更不唔會一口油，餡料好足，椰菜同豬肉味都好夠味。簡單食料，優質牌子，加上用心烹煮，成個套都很好，真是意想不到。另外吉列炸蝦配薯條，通通都不油，而且薯條是粗身有薯仔味嘅，仲唔會落好多鹽，唔鹹，我好喜歡，至於炸蝦比較普通，但都合格啦～

火山石烏冬專門店喺我當年喺旺角食烏冬既首選！佢既烏冬用石鍋上，熱辣辣，真係好好味，可惜今年年中好似已經結束營業。但今日竟然比我喺大圍重遇佢！！呢間有烏冬、拉麵、飯同小食可以揀仲有晚市優惠套餐對我黎講，始終烏冬先係佢地既主打！所以我就揀左牛舌烏冬配清湯有四大件牛舌，啲牛舌全部都係厚切，口感軟熟，完全無韌既感覺，而且佢有先煎香兩邊，即使放左落湯食落都仲好香！雖然無左熱辣辣既石鍋，但水準依家保持到！朋友既日式叉燒拉麵配豬骨湯豬骨湯香濃，拉麵用左幼麵，可以吸哂啲湯，麵身爽滑彈牙好開心可以見返火山石，以後想食烏冬就可以黎呢度啦

大圍真係越來越多好嘢食，就好似喺新開嘅搵食市集裏面，想食咩國家菜都有，當然唔少得女士最愛嘅日本菜啦。呢間火山石主打嘅似乎係平價便當，雖然店舖細細，但都有好多拉麵、烏冬或飯類選擇。由於假日，好想同朋友曬太陽，所以冇喺市集裏面食，叫咗個吉列豬扒煎蛋飯、日式燒鰻魚飯、餃子同吉列蝦take away，準備picnic去。本來想試埋佢個七味豆腐，但係賣晒。佢嘅豬扒一啲都唔厚粉，淨係睇個賣相都贏晒。另外，就算我哋隔咗一段時間先食，個吉列蝦都仲好香脆，值得一試。

平野有好野，要同大家分享吓。大圍火車站對面，一個好鬼熱鬧的food court ，叫搵食市集。大大個招牌，都幾 eye catching 。Food court 食飯有個好處，可以同時享受不同種類的食物，一次過滿足幾個人不同的願望。例如呢間火山石，係日式料理餐廳。主打是拉麵烏冬同丼飯，但同時又有好多炸物小食，相當不錯。餐牌有呢個，價錢大概$50 左右，加汽水就加$6。仲有晚市優惠套餐，$48 一碗連汽水，好抵，我當然不會放過。叫左日式叉燒烏冬$48， 包一罐汽水。份量幾多，四大片日式叉燒，配料如粟米木耳絲都應有盡有，絕不欺場。叉燒是厚切，半肥瘦有口感，食落堅有豬味。而且食得出有略略煎香，唔油膩。烏冬係彈牙滑嘟嘟果種，配合木魚清湯，顏色雖然淡但卻濃味，好得！天氣開始涼涼地，食返碗暖笠笠既烏冬，簡簡單單好滿足。性價比高，下次再來我都會食返呢個。我歎烏冬的同時，旁邊隻小學雞就獨享佢盤雞翼薯條。三十五蚊咋，便有兩隻芝麻雞翼，同埋一大盤肥嘟嘟即炸薯條。見佢食到津津有味，試左兩條，果然好新鮮，即炸。仲要俾三包茄汁，夠豪氣唯一缺點是，food court 比較細，坐位不多但食客多，難揾位囉。但CP

今日我去左試試都好多人排隊食嘅火山石😋。呢一間係日式餐廳，有手打烏冬同拉麵，日式丼飯同小食。😳佢個價錢唔貴，單點都係平均$50 一個，👍🏼而且佢份量唔細，我覺得幾抵食。👍🏼晚飯時間，佢推出晚市套餐優惠就係加$20有一個日式小食同嘢飲🤤。 一set 晚餐套餐大約$70，價錢都好貼地。👍🏼⭐️吉列豬扒拉麵+加+脆香雞柳❤️佢好貼心將吉列豬扒同拉麵分開。⭐️吉列豬扒佢會俾埋日式丘比沙拉醬。如果你想要豬扒汁，佢都會另外有得俾你，豬扒汁嘅味道似燒烤醬。⭐️拉麵個湯底好正，奶味牛油味好香濃，好想飲晒佢啲湯。粟米又係好香甜，粟米本身已經撈好咗牛油。👍🏼⭐️脆香雞柳本身有啲黑椒一齊炸，所以都幾香囗。🤤

在大圍搭單車之前, 我和朋友到了這個搵食市集先填一填肚子。第一次來到這個搵食市集, 這裏有很多間餐廳。我們到了這間專吃日本菜的餐廳點餐, 餐牌上有多款烏冬、拉麵、丼飯、小食供選擇。我朋友是一個非常喜歡吃鰻魚的人, 所以她想也不想便說要試一試這裏的鰻魚。點完餐後, 便找了一個位置坐下來。日式燒鰻魚飯上有玉子和青瓜， 白飯的份量很多。另外，我亦加了炸芝麻雞翼配薯條作小食。鰻魚飯上的燒汁味道不錯, 很惹味, 配飯一流。玉子很嫩滑，有蛋香。

原來火山石進駐左大圍搵食市集，當然要支持下啦當然要食返舖頭主打既手打烏冬，有辛辣豬骨/木魚清湯/豬骨三種選擇。辛辣湯辣而不鹹，辛香惹味，愈食愈想食。手打烏冬粗幼適中，食落煙韌有口感，同湯底好夾自家出品既吉豬肉質紮實，啖啖肉，炸得酥脆又唔油加配既溏心蛋生熟程度預得岩岩好，蛋黃呈半熟狀態，入口濕潤軟滑，好好食無諗過日式餃子係炸既外皮炸得香脆，肉餡飽滿有肉汁，唔會好乾。中意食濃味既，舖頭亦有提供自助調味吧仲有豬扒汁添呀，如果食飯我一定會瘋狂加黎送飯。午市有優惠套餐，四十幾蚊包埋餐飲，學生仲有折扣優惠添