火山石 (Closed)

大圍真係越來越多好嘢食，就好似喺新開嘅搵食市集裏面，想食咩國家菜都有，當然唔少得女士最愛嘅日本菜啦。呢間火山石主打嘅似乎係平價便當，雖然店舖細細，但都有好多拉麵、烏冬或飯類選擇。由於假日，好想同朋友曬太陽，所以冇喺市集裏面食，叫咗個吉列豬扒煎蛋飯、日式燒鰻魚飯、餃子同吉列蝦take away，準備picnic去。本來想試埋佢個七味豆腐，但係賣晒。佢嘅豬扒一啲都唔厚粉，淨係睇個賣相都贏晒。另外，就算我哋隔咗一段時間先食，個吉列蝦都仲好香脆，值得一試。