一豊 (Closed)

被欺騙了的⋯⋯烏冬之前午餐食過叉燒烏冬，係用贊岐急凍烏冬，又滑又煙韌。今日又再去食，點知……上次食A5，今次食J4，點知個烏冬係完全唔同！今日食呢個炸雞球烏冬，明顯係平價烏冬。上圖係上次食嘅叉燒烏冬呢個係今次嘅炸雞烏冬於是問店員，佢地話分唔到有咩唔同，於是攞入去問廚房，廚房話係因為學生餐，但明明我地叫呢個餐牌上嘅餐唔係學生餐囉！最後，廚房都係堅持佢啱，所以，唔會再有下一次！

2點半後到， 想惠顧午餐， 但原來午餐2點半後就無， 要食下午茶， 36蚊炸蝦咖喱飯， 飯係多，炸蝦兩隻，個咖哩汁得一粒薯仔同一粒紅蘿蔔， 個汁已經唔好食， 仲要得兩粒配料， 咁不如收多人20蚊俾多少少餸喇， 鰻魚飯加蟹籽沙律， 沙律size正常， 飯都正常， 鰻魚薄薄3小片 …… 我應該影相給大家看，但實在沒有興致 ， 真的不要因為下午茶張貨就價吧， 完全沒誠意的餐廳 ， 下午落場休息吧， 迷你沒問題， 但味道都要好和有配料， 飯多都沒有料配食

屋企樓下有兩間日式小店.....呢間一向比較少人......以前食過......真係唔及果間......今日一試......好食咗喎....媽媽好滿意個牛舌定食....厚切好開心.....好大方呀.....小食可以無限追加!仲有港式凍檸茶.....美中不足冇麵豉湯....

今日好想好想食日本嘢醒起屋企附近有間日本嘢但又冇試過於是就買take away叫咗照燒雞排定食同極試牛柳粒溫泉蛋鍋飯雞排定食（$68）配少少沙律菜，兩個壽司同炸物份量好夠，雞都不錯不過有啲汁應該會好啲但意外地個沙律唔會食到草清味牛柳粒溫泉蛋鍋飯（$75）仲有粒蛋係另上的，好細心可以自己打落去不過始終係溫泉蛋，未熟哂，令到個殼都唔係咁容易摵個牛柳粒有啲黑椒汁好惹味可以拎嚟撈飯冇咁dry仲好意外竟然有啲菇，仲要好入味！！！如果係堂食，有個鍋，可能會仲正！

🌈一豐 Kazutoyo👾店舖好有日式風味🇯🇵環境佈置好有心思之餘屋村食肆來講物方面都有好多選擇。👾雜錦魚生碎火山冷麵沙律 $78✨舖頭唯一嘅冷麵菜式夏日熱辣辣🌝加上佢嘅醬汁酸酸甜甜喺炎熱嘅夏天食係一個好好嘅選擇👍👍👍材料非常豐富配有魚生粒之外重有大量魚子食落口更有層次😛😛份量其實有啲多🤭一個食其實都食唔哂，建議可以兩個人一齊食🥰🙈👾壽司拼盤 加配價 $38✨魚生肉質都好新鮮🤩肉質都好飽滿試過用同一價錢食到一啲急凍魚生魚生上有冰粒😅好彩呢間冇總括來講，性價比超高！🥳@meatymonsters#勇敢作反食肉獸#mm天水圍 #日式

抗疫時期，唔敢出得太遠開餐，所以去樓下買外賣算，呢間一豐我從來冇食過，因為覺得唔會好食今日決意試一試佢，外賣左個滑蛋吉列豬扒定食，凍檸茶$65+$3凍飲定食通常有個麵豉湯，但呢間冇返屋企打開，望落可以，但飯量細，我呢啲細食夠飽，但應該好多人會唔夠飯日式定食有條春卷...怪怪的，最重要係淋的，唔脆一啲菜加麻醬，一小舊豆腐...冇誠意豬扒可以，炸得剛好，佢叻在冇乜點醃或冇醃，因為醃過嘅豬扒係好難食，但應該都係雪藏豬扒，肉味欠奉滑蛋啲汁可以整到水銀瀉地咁樣，睇到都冇胃口啦，邊有滑蛋吉列豬扒係有咁多汁水架凍檸茶可以，正常水準總結：唔會再幫襯，咁基本嘅料理都整唔好，其他野點會掂...

天水圍其實無咩日本餐廳本身打算同男朋友去食天一某間日本餐廳但我醒起天耀好似有間日本餐廳未試過甘咪黎試下囉 點知就伏左我地係晚餐時段入去既餐廳入面吾係好多人 所以吾洗等位入到去就叫野食 選擇種類都多既我地就揀左三文魚、赤蝦、花之戀壽司都ok大件既但係！！！師傅你會吾會落得太多醋啲飯好酸…但都接受到既…刺身就中規中矩之後叫左燒鰻魚，鰻魚都幾好食喎燒得都幾好，而且都ok大件合理另外我地仲叫左咖哩炸雞烏冬簡直係災難炸雞係啱啱炸起都幾脆 但太鹹甘就食下個烏冬啦 係咖哩撈烏冬 鹹到呢⋯返到屋企勁口喝總結 其實我地未食飽 但已經吾想再叫其他野買單二百尾 我覺得吾值囉 有個小抽獎 但無抽到因為吾會有下次咖哩甘簡單都整到甘鹹 壽司飯又酸 想點呢？

唔好以為係天水圍食唔到好既日本野，最近在天耀廣場發現一間隱世日本野，點解話係隱世？因為係地庫，好容易比人忽略左佢既存在，話說果日係想去天耀廣場既另一間日本野開餐。不過實在太多人排隊，所以先係天耀廣場周圍行下，無意中在地庫見到呢間日本野就試下喇！一入去已經有驚喜，好有FEEL既日本裝修，唔知真係以為去左日本，喜出望外，超乎想像。因為只係第一次去一豊，叫左既壽司全部都唔錯，完全唔會令人失望，有一款壽司最有驚喜！就係火炙醬油漬三文魚赤腩，呢款壽司真係好食到好似去左日本咁，而家講起都即刻想食！吉列炸生蠔又係估唔到咁好食，食得出隻生蠔好新鮮又好肥美，仲有叫左碗拉麵同樣唔會失望！

入天水圍探吓朋友搵去食午餐，近近地就樓下一豐日本店食，點餐點了餃子松葉蟹棒拉麵配加州卷和凍奶茶。滑蛋吉列🐷定食配加州卷。我欣賞餃子松葉蟹棒拉麵個餃子是另上碟的，不會因浸到湯裡林晒，所以餃子很脆。但湯底是暖不夠熱，味道一般。滑蛋古列🐷定食個飯好大碗，豬扒無咁juicy .比較硬無味道。不過啲餐都比較大份，份量多。都掋食架！

天水圍天耀邨翻新後多咗好多野食感覺地方寬闊🌅係廣場嘅低層有間日本餐廳叫《一豊》最後決定走入去試下啦🎊餐廳入面有個套餐有沙律、小食、主菜同湯✨太重手落得太多醋啲沙律菜咸咗好多🥗但唔係難入口 還可以接受上面亦加咗三文魚肉 賣相唔錯🥩刺身同壽司🍣不算太差 有水準無論上碟或者食物質素雖然驚喜不大 但無太大落差😵主菜醋飯配上燒過嘅壽司🍣壽司雖乾身但醋飯配合下互補不足 可惜味道一般🍂餐廳最特別地方係收銀位有個輪盤🌀當客人食滿價錢後 就可以轉一次輪盤下次再幫襯就有優惠或送小食🎁設計用心 吸引食客🎉

咁岩黎到天水圍工作，見到呢間餐廳靚靚仔，價錢又好平，上openrice見到食評都唔差咁喎，就入去醫一醫肚。環境不錯，下午茶時間無咩人，清靜。不過服務麻麻，個待應生可能怕醜掛，講野19999999我聽不明白。發下夢咁啦。【火灸松葉蟹棒三文魚飯】$38一上到枱，心諗，好抵食喎真係！！好啦：i ta da ki ma su！所以話，食飯係要睇價錢。好普通，個壽司飯太酸了，又好實。我加咗鼓油都中和唔到陣酸味，而且其實餸好少，所以連我呢個飯桶食得有d辛苦。【芝士年糕】$15呢舊野好難食。第一，食野睇價錢既話，上面個飯都唔緊要！呢個芝士年糕大伏啦。$15得一塊，唔算平啦。佢可以炸到塊年糕硬又實又油到死。有圖有真相啊今次。佢係油到我點煉奶，煉奶係會"扇"走。總結，以身試伏既話，今次係大成功啊！如果果期好窮，就黎食啦。講抵食，我會推介爭鮮比大家嘻嘻。

今日行過依頭，就見到依間日本餐廳營業時間岩岩開始就已經有好多人，所以揀左依間餐廳食lunch,餐牌既選擇都比較多，有拉麵/烏冬、定食，石頭煱飯，壽司同刺身首先叫左個九州叉燒拉麵（$55），叉燒比較厚身，蛋就並唔系溫泉蛋而係熟蛋但佢係幾好食，唯一美中不足係隻蛋另外因爲set lunch關係送三文魚壽司（唔中意食三文魚可以選擇加州卷）第二樣就係極上魚生飯，配送麵鼓湯，沙律同埋中華沙律（$75）價錢中上，但勝在刺身好厚身

剛剛行過，正想吃D野。行到門前看餐牌又冇人出來講解……入內叫餐問有冇得加錢由烏冬轉拉麵，男店員好不耐煩說(無呀)。再問有冇得轉凍飲(因為跟餐是熱菊花蜜)，男店員用非常無禮貌的方式講(有呀！自己行去OK買)。後來男店員只和其他女店員一起在對所有顧客評頭品足……看見水杯無水，也沒有理會(我的水杯足足30分鐘都是空空如也)……後來找數離去店員用非常無禮貌地說是否真錢。正當離開時，男店員看見一位衣服較光鮮，用飛快速度熱情地講解……

唸住同老公快快手食飽飽晚飯就返屋企睇波，見到有間日本餐廳未試過，就入去試下，我地果日點左一個吉列豬扒飯、一個牛肉鍋及几件壽司🍣一入店，男店員都好好招待，起初帶我地坐低2人枱，後來見我地點左個鍋，就拍埋另一張2人枱給我們，服務都几細心，而且笑容好好！不過，食物來的時候，就知道不能期望太高了首先賣相不是太好睇，似食緊快餐店嘅一人一鍋套餐咁，個吉列豬扒飯都算合格嘅，但壽司就超細舊，同埋個樣都唔係幾新鮮，價錢中等，可以話性價比低，因為標價都唔算平！所以我唸食一次就算，唔會想再去食！

出外工作最開心係試到未食過嘅餐廳，今日天水圍工作，上次試咗對面嘅星馬菜，今日就試呢間日本餐廳，去到門面日式淺木，入內淺木加大量日式裝飾（旗、膠竹、酒樽）1420入座，店內一個男店員走去我哋張枱講：係唔係叫下午茶餐？我哋問餐牌呢？佢又無理我哋，自言自語咁講都要等夠鐘（1430）咁又行咗去！我哋一頭霧水！另一個女店員走過來指示我哋枱面有點餐紙，同我哋講可以揀咗先，夠鐘佢幫我哋落！（呢個正常好多）落單後食物陸續到！壽司盛🍣（$45/8件）三文魚2件、墨魚、北寄貝、熟蝦、蟹籽、加州反卷2件，一碟上晒，賣相ok，壽司幾鬆唔會太實，紫菜新鮮爽脆，蟹籽卜卜脆，三文魚有油脂軟滑，北寄貝軟滑，墨魚🦑同蝦正常，反卷正常！好味！芝士年榚（$15/1件）唔知點解中間切半，又比埋練奶！年榚熱辣辣，芝士軟滑，點少少練奶甜膩幾好味！大蔥吞拿魚蓉軍艦🐟（$11）紫菜新鮮爽脆，魚蓉粉紅色好靚，軟滑肥美，加大蔥絲香口好味！芥辣八爪魚軍艦🐙（$7）紫菜新鮮爽脆，芹菜蔥粒好多，爽脆鹹香，但八爪魚碎太碎，無乜口感！一般！熱菊蜜🍯：夠熱，菊花味幾香，甜味唔假！好味同事食：日式餃子湯烏冬🥟🍜（$35）同事話太出前一丁味嘅湯底，好鹹