一豊 (Closed)

最近天耀開左間新既日本野，主打丼飯，睇落幾吸引，平時鐘意食日本野我去到門口，見裝修都幾有風格！同埋入面已經滿晒人，睇黎都幾受歡迎。坐得好舒服而且好光猛。餐廳新開，選擇但唔算少。最後點左一份蟹肉沙律、一份火灸四色丼、蟹籽軍艦同一份炸蠔。蟹肉沙律味道正常，份量都幾夠。而沙律太多沙律醬，蟹肉份量充足至於吉列炸蠔就中規中矩，賣相唔錯，炸得金黃色。蟹籽軍艦好食，蟹籽夠多，飯亦唔會太多，搶晒蟹籽既味。黎到重點，原來呢間餐廳既主打係丼飯 (落哂order先知 ，慘)火灸四色丼，就係最好食既，種類夠多，望下張圖，四種刺身燒得十分靚仔，香口而保留刺身應該有既鮮味，呢個價錢黎講性價比真係超哂班！(後來先知原來蟹皇丼係主打，幾乎1/3到一半客都有見呢樣，先知丼飯係主打，不過價錢真係唔貴，會係天水圍既飯堂!!)

平時真係好少會入天水圍，果日甘岩返完大陸係深圳灣坐巴士到天水圍，見肚餓就係度搵食啦！六點零鐘，見啲餐廳都開始多人，因為想食日本野，就揀左呢間啦！一豊似係新開既餐廳，好新淨，裝潢別緻，以竹作主題，入門口位有條石仔路，座位以竹支同葉分隔，俾人舒服既感覺。估唔到係呢度會有黑松露薯條食，哈哈薯條粗薯，熱辣辣，好脆口，有少少紫菜粉係上面。好中意個黑松露醬，好香，好好味，個主角好似係黑松露醬而唔係薯條甘上野壽司鰻魚好長！燒到焦焦地，皮位有少咬口，夾埋鰻魚汁食，正！海膽份量算多，幾鮮甜。蔥花吞拿魚蓉手卷，新鮮，啖啖肉，有少少蔥既香味！其他壽司仲有甜蝦、、帆立貝、炙燒三文魚同油甘魚等，味道鮮甜。生薑黑豚肉丼珍珠米，黑豚肉同雜菌炒香，有少少汁係飯度，材料滲入左生薑既味道，撈混晒食唔錯，好開胃，又唔會太濟。豬軟骨湯烏冬豬骨湯唔算太濃，但豬軟骨入晒味，好林！烏冬好彈牙，正！食物整體上唔錯，座位亦坐得舒服，價錢唔貴，可以再去！

一次機緣巧合下跟家人來到天耀然後就找了一間日本料理吃，結果出乎意料地還不錯，首先價錢方面還不貴而且環境看起來衛生整潔，食物方面，日本菜水準中上，釋除都叫幾新鮮嘅，壽司魚生一粒都不錯。

無黎天耀一排，原來改變左好多，街巿唔見左，變左做商場低層，有賣衫的店、有餐廳等，而天耀街坊買餸，就要過天盛果邊，方便左定唔方便左，見人見智，但近來天水圍食肆真係多左唔少，唔再係美食沙漠。好似呢間一豊，就係元朗好出名果間「丼家」班底開嘅，比丼家大間好多，坐得舒服又無咁趕住走。夏天日日熱辣辣，假期最好節目係嘆冷氣訓到自然醒，然後舒舒服服去商場食嘢。鰻魚炒飯：炒到香口，唔會太濕或太乾，啱啱好，醬汁亦唔會太多，好怕太重口味嘅鰻魚飯，鰻魚切到一粒粒，細粒左少少，但肉質都有彈性有魚香，炒飯配埋紫菜、蛋、紅蘿蔔等，口感豐富。西京麵豉炒雜菜：欣賞雜菜種類夠多，有椰菜、西蘭花、翠肉瓜、冬菇、紅蘿蔔、本菇等，蔬菜都新鮮，但煮得較腍，而且麵豉味唔太夠，較清淡，炸蒜應是罐裝貨，較硬。芝士焗生蠔： 可能我地沒即刻食，芝士層已變硬，但芝士幾濃郁，內裡好多忌廉醬汁，生蠔煮熟後縮細左少少，但蠔味夠滿濃郁唔腥。鹽燒三文魚頭：食鹽燒魚頭，個靈魂在於個汁，呢度有酸汁、蘿蔔蓉、檸檬做成個好酸醒美味嘅汁，點咩都加好多分，三文魚頭肉夠滑，唔腥，燒到皮脆口，只係肉算係比較少。金菇牛肉卷：可能唔係肥牛關係吧，牛肉係實淨左少少，又有少

呢次係第二次黎呢間餐廳食午市首先，餐牌比上一次黎既時候(大約一個月前)已經轉左，價錢提升左唔小，每個SET都要58元以上另外飲品方面更加係0選擇，只有罐裝烏龍茶，轉汽氣要加8蚊 食物質素亦很差，叫左叉燒拉面，結果舊叉燒又多根又厚，根面就係明將級數，絕對唔值58既SET囉到食完，坐左唔夠兩三個字，已經有職員分3次咁問要唔要加水，又大動作咁係你面前執台，意圖快D趕人走 (但明明出面根本無人等緊，店內亦有不少空位) 趕客行為令人十分反感

好友最近搬入天水圍，咁岩今晚大家屋企冇飯食，於是即興約佢食呢間日本餐廳~一坐低睇完menu 就已經決定左食海膽炒飯、鐮倉卷、燒牛舌、雞軟骨、油甘魚頭 =]海膽炒飯$98上既海膽真心好鮮美，炒飯亦炒得好香！鐮倉卷$128 有8舊，用料新鮮，每一啖都充滿海膽、吞拿魚、三文魚子，份量好多，好正！雞軟骨炸得岩岩好，唔會話好咸/ 油膩~油甘魚頭多肉多汁，質感黏牙 =]燒牛舌唔好講笑，遠處都聞到燒牛舌既香味，食上口肉質厚身但唔會韌。overall 每人都係around $150, 好抵呀!!

今晚同朋友入左天水圍做義工，完左之後決定食好D ~我地揀左附近商場既日本餐廳 "一豊" =]先黎個蟹籽蟹肉沙律～蟹籽、蟹肉既份量很多，材料新鮮，愈食愈開胃！ 之後黎個美人丼，超級推介比中意食吞拿魚既朋友！！它入面既多刺身，包括：中拖羅、吞拿魚他他、吞拿魚蓉及三文魚 =]用料睇得出唔係HEA，而係貴價食材，食上口好有鮮味，冇記錯 $ 128 咋，抵食！ 另外，朋友想要少少熟食既壽司～於是揀左玉子、北寄貝沙律、熟蝦，味道都好唔錯！ 另外我地亦點左個煎餃子食，層皮煎到脆卜卜，正～食入口d 肉都熱辣辣，好推介！ OVERALL ：味道：★★★★★環境：★★★★★服務：★★★★★衛生：★★★★☆抵食：★★★★★

最近開左唔少新商場，而舊商場都紛紛加入戰團來個大變身，迎合番時下新一代。而天耀哩個商場都唔例外，除左翻新左原有既商場之外，仲將樓下街市都變埋商場，對區內市民黎講，我諗有好有唔好吧。今次都黎到由街市變成既商場，地方唔係好大，不過都有幾間唔同風味既食肆選擇。仲有時下年輕人好愛既日本野食添！美人丼…有中拖羅、吞拿魚他他、吞拿魚蓉、三文魚。雖然份量唔多，但勝在刺身都算新鮮，當中最愛中拖買同三文魚，夠嫩夠肥美！底下既飯亦好味，粒粒黏糯，亦有用壽司醋調過，淨食飯都有味道。芝心軟殼蟹卷…一客有四大卷，有蟹子、蟹膏、蟹棒，飯卷入面就係炸軟殼蟹，蟹炸得好脆！唔會太油膩。仲加左沙律醬令整體唔會太乾，不過所謂既芝心原來淨係得芝士粉，如果有埋cream cheese就正喇海膽帶子卷…海膽雖然有d散，不過味道都夠鮮甜冇醒味，帶子亦甜美嫩口。

天水圍係之前也許有一個不好既名字 但係而家既天水圍紀對比我地大西北區既朋友黎好熱鬧 對於有小朋友既我黎講,更加羨慕到極點 單單一個天水圍區已經兩大間既遊戲室 但係我地住既屯門區係一間都冇.... 唯有我地呢d 住屯門既就約下d 媽媽們過去玩下係啦 早前有媽媽介紹叫我過去天耀食下飯 因為天耀係領匯裝修之下,將原本既街市改左為幾間既食市 其中有一間日本餐廳仲幾好食咁啵,叫我有機會一定要黎試下 有日同小朋友去完PlayHouse後捉老公過黎搵野食 去到天耀村,原來商場分高低兩座 低個座就係舊陣時既街市,好彩老公對於天水圍都熟路 唔係真係搵餐飽都唔知間野係邊 去到低座附近已經見到有一豊既廣告牌 係行到最盡頭就見到呢間餐廳啦 不過位置佢地唔大,我地都冇拎bb車入去 同埋門口會有一幾行用石頭既切法設計 幾特別的,但係大家出入時要留意一下 要知道帶住小朋友去食飯,最著緊都係問定會唔會有BB登呀? 冇就要問定可唔可安排坐卡位呀? 今次係餐廳就可以又有BB登又有卡位坐 而本身我地係打算叫一個飯一個拉麵一個壽司加多個刺身併盤 但係個日爸爸係坐定冇耐就話個肚唔舒服 就係咁我就話唔點過刺身好啦,個刺身盤都

老婆難得有空，當然要帶她食好嘢。聞說天耀商場經翻新後，感覺喚然一新，有不少新商店新餐廳進駐。走進商場內，見到有間新開張的日式餐廳，價錢合理，決定試一試。餐廳環境舒適，裝飾以竹為主，猶如置身於竹林的感覺。美人丼超多刺身款式，有中拖羅，吞拿魚他他，吞拿魚蓉及三文魚，全都選用了貴價食材，每款都很有鮮味，100多元的價錢可品嘗多款刺身，非常超值。咖哩吉列豬扒飯豬扒卜卜脆，肉質嫩滑，咖哩亦很惹味。蟹捧壽司/火灸蟹捧壽司/火灸三文魚壽司蟹捧超大條，鮮味十足，帶有點點蟹味。三文魚經火灸後更有入口即溶的感覺。

新鮮魚生！位於天水圍的日本料理餐廳，主打魚生丼！其中蟹皇丼真係無得輸，飯上鋪滿蟹肉，加上蟹膏和蟹籽，將蟹膏和蟹籽撈勻後，整個飯滲透著蟹膏香味，拌埋蟹肉食一流！鐘意食魚生嘅朋友，就可以試究極丼，海膽、魚子、魚生和蟹肉都有，一次過滿足多個願望！內有蟹腳、蟹鉗、蟹肉、蟹膏和蟹籽，份量大，真係一點都不吝嗇而且好鮮味究極丼($168)：有選擇困難症的可以選，內有12款刺身，連海膽、魚子、魚生和蟹肉都有打開上面的刺身，是豉油和wasabi沖繩六品刺身盛($138)：有三文魚、油金魚、八爪魚、左口魚、甘蝦、北寄貝，刺身新鮮油脂夠，而且全部都係厚切，食落啖啖肉鹽燒三文魚腩($48)：三文魚腩是最高脂肪嘅地方，廚師燒到岩岩好，外皮內嫩，筷子破開，啖啖魚油咇岀嚟芝麻雞翼($42)：炸得好脆，上面佈滿芝麻，好香加州反卷($28/4件)

最近去到天水圍做野 估唔到屋邨商場都可以食到高水準日本料理 餐廳都幾大 環境闊落上野壽司（8件）HKD128有火灸三文魚,劍魚腩,甘蝦,油甘魚,鰻魚,帆立貝,海膽同吞拿魚蓉手卷賣相相當唔錯 鰻魚仲好大條 食壽司最緊要係新鮮 全部都唔會有腥味 美人丼 HKD128估唔到咁大碗 女仔應該食唔哂 入面仲有中拖羅 吞拿魚他他 吞拿魚蓉同埋三文魚 哩個價錢仲可以食到質素唔錯嘅中拖羅 抵食！三文魚腩刺身 HKD65三文魚腩好肥美 咬落去口感好好 同埋都好新鮮鹽燒鯖魚 HKD48鯖魚唔會燒得好乾 味道岩岩好 送酒一流！餐廳仲有一個招牌菜蟹黃丼 見到都幾多人食 下次一定要試下！

朋友tag左我喺fb post度叫我去試吓食呢間新開嘅餐廳，之前經天耀見開左好多間新食店，但未有機會食，尋晚終於有啦！其實地下呢層都係茶餐廳，吉野家，泰菜果d，唯獨是呢間裝修呀格局呀係特別靚嘅餐廳位置喺角落頭，既獨特又低調。我同媽兩個人食，7點30去到，已經坐滿8成人，見到都是一家大細去食嘅比較多。行到成身汗好想嘆冷氣，一去到見到嘅係～燈光好光猛嘅環境，門口waiter即刻有笑容咁問「請問幾多位」咁樣，加分呀！坐低～冷氣夠晒凍！份點餐單我同媽睇左成10mins最後揀左only 三樣野因為我地細食，廢時浪費。點左 特選五目丼（三文魚，劍魚腩，油甘魚，拖羅＆時令鮮魚），和風海鮮沙律and大蝦天婦羅。佢碗丼d刺身好正，油脂都好夠吓，好肥美食落口感好正，雖然唔算話超級新鮮但都好大一片同幾厚吓，好回味d油脂香味，但如果再大碗d就好了因為其實有點細碗，同埋d飯如果可以再軟身d會更好囉，但好貴，138一碗 。天婦羅炸蝦勁爆脆好好食，食落脆卜卜口感好好，雖然好熱氣但真係勁脆，廚師仲炸得超靚，影相影唔出果種靚but實物炸得好靚，阿媽都不禁講左句「佢d蝦炸得好靚喎」咁囉，只係略嫌味道淡左dd，食慣濃味野嘅

天耀街市大裝修後，多左好幾間食店，家姐話想食海膽，就去呢到試下啦～家姐一貫想食乜就叫乜性格，即使晏晝流流都一樣唔睇價錢（≧∇≦）海膽盛丼（北海道、韓國、紫海膽）家姐淨係話好新鮮、好好食、好滿足（≧∇≦）三種海膽我都有試，反應同家姐係一模一樣XD我唔識點形容，只能夠話能夠係天水圍一次過食到三種層次既海膽飯，好幸福啊！不過佢舊炸金菇扇好硬唔好食（牽牽死都要食，我先知道原來好鬼硬）鰻魚炒飯（下午茶餐）我同個仔都係鰻魚控，下午茶計呢碟飯份量都唔少，日本米煮得粒粒分明，軟熟又有咬感，鰻魚粒雖然細細粒，但總算啖啖都吃到，口感爽彈，唔係我最唔鍾意淋身個隻。下午茶餐可加12蚊要多碗烏冬，我覺得唔太好食，烏冬質感有點過淋。媽咪最近有少少唔舒服，食過對面海南雞飯個間鋪話佢啲飯超難食，又乾又旱，但佢就對一豊既各類型飯好欣賞，早兩日細佬買左滑蛋鰻魚飯返屋企比媽咪（係特別叫的，餐牌無架），媽咪話好好食，佢食左超過一半有多；今晚細佬買左魚生飯比佢，媽咪食晒，好開心可以搵到間有質素既食店，令到媽咪有胃返胃口，多謝你呀^^希望一豊可以keep住水準啦～

放假懶出城，再去呢度tea。上一次放平日，呢度啱啱開，試過都覺得可返兜，男朋友怕熱，話再黎一次。今次叫左餃子烏冬同鰻魚炒飯，仲有冇上鏡小食吉列蠔。餃子炸得香口，皮脆，烏冬質感有咬口，湯底唔太鹹，唔錯唔錯。鰻魚炒飯炒得香，又夠大份，食左半已覺好飽。蠔，唔識對佢評價，因我超鍾意食蠔，只識話好食。今次送罐裝烏龍茶，但點解唔入日本嘢係韓文黎。但我同男朋友唔飲凍飲，問可唔可以換唔凍，職員即刻換，超快手，服務態度好好。呢間嘢食唔錯，真係要搵次食夜晚先。