一豊 (Closed)

今日去咗屋企樓下呢一間一豊日本料理。之前都好想黎食，但一路講，都未曾付諸行動 ，今晚就決定去試下啦~環境乾淨夠光猛，佈置用左唔同日本風格嘅旗幟，叻外配上竹葉，有種舒適感覺，影相亦非常之靚。1人前晚餐，包括味噌湯，沙律，小食（可以揀三文魚手卷或者汁煮茄子）同主菜，另外我地再加左$18追加個軟殼蟹手卷。芥末蜜糖汁沙律沙律菜新鮮，爽脆清甜。而面上淋滿左由芥末同蜜糖混合而成嘅醬汁，芥末味突出，味道少少酸甜，十分開胃。汁煮茄子茄子好腍，汁唔會太鹹，加上木魚，增加口感。大蝦野菜天婦羅烏冬，烏冬好彈牙，湯底好香豬骨味。而個天婦羅，粉漿啱啱好，唔會一咬落去就甩晒，隻蝦都幾大隻，咬落彈牙，口感不俗。而d蔬菜都好大件，南瓜好甜，非常好食。極上海鮮丼飯，三文魚肉切得夠厚身，魚油香滑，質地柔軟。三文魚子咬落去汁液濺出，鹹鮮有趣。而帆立貝清甜，薄切透亮，口感軟中有爽。牡丹蝦頭滿滿蝦膏，蝦身飽滿，肉質細緻且鮮甜不膩。至於海膽最令人驚喜，有入口溶化嘅感覺，鮮味非常突出。軟殼蟹手卷雖然較迷你，不過軟殼蟹的份量頗足，炸得乾身，咬落香脆唔油膩，都唔錯！食飽之後，服務員都繼續為我地斟水，又好有禮貌，感覺良好，下次可以再黎

十幾日無出街食飯，今日難得放假，減緊肥都要放縱一下，6點鐘就一家四口衝左落去，之前都食開，覺得食物同服務都幾好。例牌叫個二人餐，加個刺身盛，太太同呀仔再雙打一個叉燒拉麵，掂啦！

天水圍嘅日本餐廳真係唔算多所以難得地搵到間唔錯既之前試過一次晚市，今日難得復活節放假男朋友就帶左我黎餐廳食午市一於食好西～嗌左一個套餐: 火灸松葉蟹棒三文魚帶子飯呢個午市套餐冇得輸有前菜中華沙律，麵豉湯，正餐，熱飲同一粒雪米糍嘅甜品睇得出魚生都好新鮮，而且相當肥美每一件魚生都至少有３件，真係極度豐富呀咁多樣加埋都只係60蚊多d，認真平靚正呀

每次来这次吃下午茶，便靓正，这边服务好，味道好，而且总是会有惊喜，不是惊吓，她们都会额外多提供多几个赠送寿司🍣，感觉很不错，希望大家都可以过来尝试，真心推荐！

天水圍一向都比較少日本菜餐廳，區內選擇少既情況下，好多人都會寧願搭程車落元朗，但最近發現左天耀商場入面有間「一豊」，水準拍得上出面既日本菜，一洗天水圍美食沙漠既頹名。焗西蘭花用左爆多芝士焗製，而且味道濃郁，口感豐富。日式大阪燒區內應該得佢一間有，木魚絲同埋沙律醬落得重手唔度縮，好味！鹽燒牛舌唔係薄切，舊舊厚身，而且火候控制得宜，油脂分佈平均，係水準之作。北海壽司拼盤最抵食，百幾蚊有曬唔同種類既壽司，而且師傅有心機，唔係就咁放塊魚生落去就算，面頭有黑松露、柚子醬等令壽司味道更加有層次，鮮味更加突出。總括黎講，一豊可以話係區內性價比較高既日本菜，而且距離西鐵站較近，來到天水圍既朋友可以一試。

第一次來.. 因為 始終天水圍食日本菜的選擇唔多，膽粗粗試下呢間，職員好熱情 ，OK 唔錯，價錢合理.. 選擇都好多，晚餐有啲都係幾廿蚊我叫左海膽飯$258, 海膽好甜, 不過薄切牛扒飯d牛扒好乾.. 軟殼蟹手卷$32好大舊又好味，正~ 重有1664飲.. 滿$200可抽獎一次，下次用.. 有一客蟹籽沙律，一瓶酒.. etc不過夜晚九點幾開始清潔，一邊食嘢，職員一邊用漂白水喺旁邊抹野清潔，好大陣味，令到我男朋友冇曬食慾，嗌走，有啲扣分..

今晚老細請食飯～仲要係日本菜…我的至愛！多謝哂…二十位同事到齊後，首先食啲冷盤先有沙津同生蠔10元一隻的生蠔鮮甜美味～帶有少少海水味…真係食得開心！跟住整番個串燒雞軟骨……正然後嚟個牛舌……香，軟，濃～好好食吖！入口滿口牛味～肉質軟～而且醬汁香濃入味！輪到一品料理…估不到有安格司牛食～香燒…惹味！另外～有個燒羊架，即叫即燒！食到燒大蝦…真係好幸福囉！最後輪到主角岀場…新鮮嘅刺身同壽司！食到耳仔都動一動！值得一提…呢個雞亦…我吃了四隻吖！

呢間一豊其實係天水圍都開左一段時間，幾個同我一樣住天水圍既friend子都話幾好味，但一直都無機會去試下，今次咁啱去天耀個頭探朋友，夜晚就揀左呢間去食啦。刺身拼盤刺身非常厚身，而且油脂豐富，食落去好有滿足感。北海壽司呢個北海壽司係幾有水準，首先成個天水圍應該得佢呢間日本菜有螢光魷魚食，而且其他食材都好新鮮，除左刀工好，仲用心搭配唔同醬例如黑松露、柚子醬等，令到味道層次豐富。總括黎講，一豊算係區內少有既高質日本菜，住係天水圍既朋友唔想下下食爭鮮或者搭輕鐵出元朗搵食，可以近近d試下佢，讚哦👍🏻

是日放假，老婆話想食日本野，但又吾想落元朗，醒起天耀商場早排新開左間日本料理餐廳，食過一次質素都吾錯，所以決定今晚再去😁食日本菜必食項目，牛舌(牛脷)$48哇，份量好足，食落好軟腍，一d都吾會um蕃薯南瓜天婦羅$45外皮炸得鬆脆香口，份量都吾少油甘魚腩 $78油甘魚系老婆最愛項目之一，今晚仲系order左腩位添，入口極富油香，而且好新鮮😋。特選五目丼 $138呢個都好抵食，有5種新鮮刺身，仲包括有豐富油脂既拖羅，仲有劍魚同油甘魚都出色👍🏻😋店員推介鐮倉卷$128，我地都order左份試下細細既卷物上舖住豐富的吞拿魚蓉，仲有粒粒三文魚籽同海膽，口感豐富。埋單4百幾，算抵食，我俩都食到好飽，本身打算去食甜品既，都吾食住啦🤣

今日同朋友入天水圍做義工，完左之後係附近天耀商場揾食。見一豊個餐牌都幾多選擇就入左去食。入面環境好寬敞舒適，我地嗌左2個丼share同一個卷物。三貝丼，可以一次過試曬3種貝！分別有北寄貝、帆立貝、活赤貝，好鮮甜同好厚肉，食落完全冇雪味！蟹皇丼，成碗放滿左蟹腳、蟹鉗、蟹籽、蟹肉、蟹膏，份糧好多！將蟹籽、蟹肉、蟹膏同壽司飯撈勻一齊食，唔單止鮮味十足，口感層次勁豐富！芝心軟殼蟹卷，芝士好濃郁，軟殼蟹炸到金黃香脆、啖啖肉好有咬口，仲有蟹膏、蟹籽同蟹棒，勁足料！性價比好高！總括嚟講，價錢合理又幾有水準，下次再去天水圍都要帶朋友去食！

喺香港好食嘅拖羅唔少，但抵食嘅拖羅呢，真係十隻手指數得晒！  咁岩入去天水圍探完朋友，肚餓行過屋邨商場，竟然有間日式餐廳，見肚仔餓，餓底嘅我即刻入去試下，究竟天水圍嘅刺身壽司店，會唔會同市區嘅唔同呢？呢個拖羅丼有兩件拖羅，兩件時令鮮魚，仲有燒三文魚腩。三文魚腩甘香唔使講，啖啖魚油香，好正！主角拖羅雖然唔係好大件，但入口即溶，成個口即刻充滿吞拿魚嘅甘香，真係好正！仲要價錢唔貴，只係$138咋，出面可能$90一件拖羅，呢度有齊咁多刺身都係$138，真係抵到爛！可惜一個人得一個胃，如果唔係可以試埋其他野，下次嚟可以試下其他野食🤤🤤🤤

好少去天水圍 今日去左天水圍搵食原來以前天耀街市 改左做好多間唔同而又裝修得好靚既餐廳連松記甜品都裝修得好靚今日就試日本野佢平日夜晚有刺身優惠每2個人可以嗌1份個三文魚腩好厚 仲連魚皮添更加有口感 好食而且都好新鮮 帆立貝刺身都有好多份 好抵食海膽手卷又超級足料 三十幾蚊一個好抵食 你睇佢個樣 都係好新鮮去到日本料理必試牛舌 呢間既牛舌好香牛味 而大份 仲嗌左一份卷物 唔記得叫咩名啦不過就係呢間店既主打吞拿魚蓉+魚子+海膽 卷物靜係睇個卷物樣 已經覺得好靚色香味俱全我地仲嗌左一個dinner set 包野飲 生菜沙律 + 刺身丼 好抵食 值得再黎如果以天水圍既日式食肆黎講 呢間真係有95分

今日同個friend 係天水圍食圍，好在佢肯車我入去炸💕💕我地去左一豊食日本野叫左三文魚同帶子刺身，都有好多塊架，全部都好肥美同厚刺叫左份鹽燒牛舌，我估吾到會咁大快！佢話用左特別嘅野去調味！真係不錯仲有份鐮倉卷$128，佢一黎到我已經覺得好滿足!有呑拿魚蓉，三文魚籽，同海膽！勁大份，全部都好！三文魚籽都吾係好腥！叫左份燒三文魚腩，佢係比較長身 都幾多魚脂，好食！夠肥美！正！佢呢間價錢都ok!!裝修好靚！

  同屋企人經過天耀新裝修嘅地下街，見到呢間日式餐廳好似唔錯，又唔算貴，就坐底試下佢係咪真係有料到先🤔  一坐底，侍應已經畀日式綠茶我哋飲，每人一包茶包，茶味幾濃，唔錯唔錯！  屋企人叫咁一碟八件嘅上野壽司，本來都冇咩期望，但食落有驚喜❤蝦壽司好鮮甜，鍾意食蝦嘅我覺得真係好似去咗日本築地市場咁。帶子壽司都好甘甜，啖啖肉，冇平時嗰啲低級日式餐廳咁一陣雪味，令我好滿意！老豆好鐘意食一口牛，叫咗碟畀佢試下，口感唔錯，幾有咬口，仲有好rich嘅牛油香，加埋烤過嘅花生碎一齊食，真係齒頰留香。

親子三文魚海膽丼，海膽雖然細份啲，但勝在夠鮮味，三文魚刺身啖啖肉，三文魚籽有好香濃嘅咸香鮮味，加埋壽司飯撈埋一齊，簡直係好味呀！上野壽司併盤，有八件壽司同手卷，件件都好鮮味！你睇到鰻魚壽司都係原條上，吞拿魚他他手卷有勁多吞拿魚腩碎，有好豐香嘅油脂香，啖啖鮮味！海膽卷物嘅海膽好新鮮，絕對唔似得喺超市買嗰啲海膽咁黑晒又唔新鮮咁，$128有8件簡直係超值呀！呢間一豐喺天水圍嚟講，都算係上級嘅日本料理餐廳，簡直係隱世級日式料理呀！加上佢啲刺身壽司同丼物嘅價錢都唔貴，性價比嚟講都算幾高，推薦住喺天水圍嘅朋友去試下！