蕃廚 (Closed)

西九龍中心 8 樓美食廣場呢兩年成為我其中一個飯堂，除了因為間中會去深水埗做嘢，更加重要嘅係，呢度有非常多嘅黃店。今次幫襯較新嘅蕃廚。下午茶時間，買熱狗送汽水。熱狗款式唔少，我左揀右揀都未決定到食咩，同事就話不如試下九龍皇帝熱狗啦。好，就咁決定，橫豎我最鍾意試啲睇完個名都唔知係咩嘅嘢🤣。熱狗到手，嘩一聲嗌咗出嚟，條腸嘅花紋超靚呀😍。呢個熱狗好簡單，就係唧滿茄汁嘅花腸畀左右兩邊嘅蕃茄片夾住，其實真係唔知同九龍皇帝有咩關係😹。不過，雖然如此，個熱狗其實唔錯，花腸正常水準，個包就有烘過，軟熟中帶微脆，好食👍。

今日閒閒地又碌下電話,見到蕃廚又有好西,就係哩個蕃茄濃湯一口雲吞,配小食同飲品~一口雲吞可揀羊肉或者牛肉,加$3可以加芝士,而小食就有薯格,雞翼或者意式肉丸可揀,咁都係$38,咁啱老細b同朋友係度,原本想問佢地要唔要熱狗,點知佢地都話要一口羊肉雲吞,咁就order 左三客羊肉一口雲吞,配雞翼,請老闆送過黎比我地,老闆一整好就拎過黎,超靚仔,完全唔似係$38既貨式,紅色蕃茄濃湯浸住米白既羊肉雲吞仔,伴以翠綠西蘭花.我果份加左芝士,燒至微焦,再加上香草,仲吸引.潷起一粒雲吞連芝士,芝士仲有d 拉絲,連蕃茄濃湯一齊放入口,羊肉輕輕既騷味,芝士香味,加埋茄濃湯酸甜味道,一併係咀內爆發,好好食,食曬d雲吞之後,好想搵d 意粉黎撈埋個汁,真係好正!雞翼,香脆得黎唔乾身,小食都冇馬虎架...街坊黎到食左一粒.話聽日要再食XXD幫我買埋吖唔該~~

有日碌碌下社交平台,見到蕃廚小二出左post,有椰皇油螺烏冬,哩個配搭有d 奇怪,但又好鬼吸引,於是就whatsapls order 左一份拎返公司食,因為太趕,請老細拎落西九地下比我,忙完一輪,打開個袋,發現多左兜鳳爪,多謝老細呢~椰皇油螺烏冬,點解唔係用椰皇裝既XDD?但賣相好正,碧綠西蘭花配雪白椰皇肉,加埋肥嘟嘟油螺,挾住烏冬試下味,係,凍左,痴埋左一舊,但係一放入口,椰皇芳香直上大腦,其實老細係咪用椰皇水煮烏冬架?點解咁好食既?螺肉煮到恰到好處,剛熟而唔韌,男人食左啖,都話椰香味好好食,鳳爪聽聞係小二話要食所以老細整比佢食順便便埋限定既,鳳爪雖然唔夠泰國店果d勁酸辣,但親民d 唔食辣既人都可以食到.期待再有限定蟹蟹意粉!仲有佢哩個紙袋,超耐用,夠環保!

係YT睇到某條片留意到呢間鋪, 見D野食好似幾吸引專程黎試11:37黎到結果仲未開鋪(寫開11:30), 最後等到差唔多12點先叫得,叫左個雞扒牛舌蕃茄湯螺絲粉+肉醬熱狗+紫心撻($94), 落單先知原來每份主食都有罐汽水送同跟紫心撻只要+$8, 賺左店員開頭話要等8分鐘最後等左15分鐘左右先黎, 雖然有個取餐個鐘但店員都自己親自拎過黎講聲唔好意思要等咁耐雞扒牛舌蕃茄湯螺絲粉 $48黎到個擺盤好靚, 雞扒煎得好香, 牛舌亦都唔韌, 兩樣野都醃得好入味底層有少少肉碎連埋茄湯螺絲粉一齊食幾開胃波隆納肉醬熱狗 $38黎到個熱狗熱辣辣, 送埋手套比你用, 熱狗包烘完外層硬硬地脆脆地, 靜係呢樣野已經為成個熱狗加左唔少分肉醬亦都好多料, 有芝士, 青瓜, 洋蔥, 蕃茄同肉碎, 每啖都有香濃肉醬味同豐富口感, 呢個性價比我覺得比Z字頭個間仲要高少少,但一定要即刻食, 因為食到尾個包開始凍就差少少玉紫心撻 $8新鮮出爐個餅皮好脆, 都食到有紫薯味, 食完唔會嬲, 下次黎可以再叫

食完上次嘅水牛城雞翼，好好味，好掛住😋😋😋今次捉埋我朋友一齊食😂😂😂哈哈咁就可以試多啲吾同的野🥰🥰😘不過我身邊嘅閨蜜明明好瘦又話要減肥🤣🤣我呢個惡魔天使梗係唔會放過佢啦，我同佢講小食有大啡菇，吾肥🤣🤣🤣冇澱粉質開餐啦小食都幾靚仔喎呢隻玉紫心撻好靚👍🏻😍好有驚喜好食， 底餅好香而且不太甜，味道剛剛好好👍🏻👍🏻👍🏻芝士肉醬咖啡菇濃厚多汁，好野味😋芝士茄子🍆，不過不失，如果兩個比較喜歡食咖啡菇😁水牛城雞翼同上次一樣都冇失水準，不過今次比我最大嘅驚喜反而係玉紫心撻😋😋😋真係又靚又好味😋

雖然小店，選擇得好似湯，炒同埋小食，但中間都好難揀，都幾吸引（仲好似定期係社交平台有special menu 🤤）今次揀左茄汁磨菇雞排意粉，因為比較大食所以嗌左多意粉，都真係比足一大碗！個蕃茄汁唔會太酸亦有真蕃茄無渣流攤🤪意粉唔會太淋，食落都有咬口，唔錯😆個雞就唔會太鹹/淹得太西利，呢個價錢真係都唔錯😛特別要讚係即黎即整，雖然要等幾分鐘但食既時候所有野都熱，等都值得🤤p.s.希望試到special menu，好似都幾吸引🤪

蕃廚❤️❤️❤️之前試過一次外賣牛脷片意粉🍝味道不錯，今次就試吓其他嘢先點了九龍皇帝熱狗🌭️和水牛城雞翼🥰🥰🥰九龍皇帝熱狗😘份量都幾大，料好足， 裡面放咗好多塊蕃茄片。咬落啖啖肉醬、味道剛剛好，夠惹味。💜水牛城雞翼$30滿滿鮮茄醬醬汁的水牛城雞翼鮮茄汁醬汁滿滿的，味道濃郁，一點點辣味，非常吸引，好香。吃完一隻便立即想吃另一隻雞翼的衝動。 因為即叫即整，都要少少時間下次都會再嚟，有興趣想試佢嘅芝士波隆肉薯格。

深水埗買完game碟就順路去西九食個午飯。西九8樓美食廣場係我最鐘意去嘅food court，一來價錢親民，又多特色小食。今次就試咗呢間蕃廚。主要賣啲比較西式嘅食物，例如熱狗，意粉，意式小食等。今次試咗熱狗同蝦多士。呢到即叫即整所以都要啲時間等。唔趕時間嘅我又點會介意，最緊要係食物上枱熱辣辣。波隆納肉醬熱狗 （$38）份量都幾大，料好足， 裡面放咗好多塊蕃茄片。咬落啖啖肉醬，味道重，夠惹味。辣茄醬蝦多士 （$30）蝦多士有四大塊，炸到脆一脆。勁多芝麻舖係面。裡面有層薄薄嘅蝦肉，真係食到有蝦味。不過個辣醬就略為遜色。茄味唔濃淡淡的，辣辣的。我比較鐘意唔加醬食。

$30蝦多士， 三角薄片，灑滿芝麻，蝦膠同多士可謂一比一的比例分配，蕃茄醬真材實料連蕃茄都睇到，帶點兒微辣開胃配埋清爽的青瓜絲。新鮮炸出黎，食落係無法言語的味道，因為掛住食所以ne款迷一般的口味等下次仔細食再補述啦。

到西龍，大食代， 小朋友發現呢間店， 點左蝦多士和薯格，非常喜出望外！！！！！蝦多士好正！！！d番茄醬好好味.....結果食完第一份再加一份！薯格都OK下次會再食❤️

好味到要comment like share呀!!!今晚去買晚餐外賣蝦多士(加埋响側邊嘅蕃茄沙律)芝士肉醬焗意大啡菇(個肉醬好味到飛天)水牛城雞翼(上面有個蕃茄汁)超濃蕃茄湯(湯粉個湯)我夠膽講有生之年最好食嘅蕃茄菜色!唔去自誤⋯⋯

一早起身就準備出發揸車去西九龍中心搵蕃廚買外賣，因為疫情問題選擇左外賣商鋪地點交通方便又有商場可以泊車。去到見到老闆熱情接待簡單介紹不同主食及小食，而且重點說明｛即叫才整 保持食物質素｝買了幾款小食 辣茄醬意式肉丸 辣茄醬芝士燒大菇 水牛城雞翼 肉醬芝士薯格。食物上 肉醬調教得好好 起馬好合我口味 雖說是辣但辣道絕對係給矛食慾唔係死辣辣到要即時飲野，雖言外賣但到家後肉丸都還有肉汁，喜出望外係小小既配菜西蘭花都輕輕調味如果係其他外賣配菜都係水灼完就草草了事。當然有少少想講 如果雞翼用比較大隻小小既會更加吸引。味道好好 肉醬調得好好味 即叫即整 等一等都值得！

又係西九龍中心😂🤣買完九份就係隔離買個熱狗🌭️食啦！叫左個納肉醬熱狗，好大個即整，好味，正，料又多！配埋九份杯嘢飲就perfect！推介俾大家，但$38好似就有少少貴啦！但鍾意熱狗嘅你值得try try! 黃店要支持下💛

今日過開西九龍，係foodcourt試左間新開食蕃茄意粉舖頭。我地2個人叫左個魚柳蕃茄肉醬意粉，同蕃茄湯螺絲粉，仲有個肉醬薯格加蝦多士。魚柳蕃茄肉醬意粉，份量好足，芝士蕃茄肉碎同意粉好夾，每條意粉都有芝士蕃茄汁，魚柳香脆得黎，口感好特別。另外個蕃茄湯螺絲粉，可以自選粉面同配料，我地選左牛舌加蟹柳。個蕃茄湯好好飲，好濃蕃茄味，牛舌好香口，唯一個螺絲粉比較淋身，下次會選其他粉試下。除左2個主食，2個小食都好正，特別係個肉醬薯格，又香脆，加上芝士蕃茄肉醬，真係食唔停仲有個蝦多士，好鬆脆，特別係個汁，甜甜辣辣，好開胃，下次要試下個熱狗先

食物選擇雖然吾多但食物質素高超推食AB餐超平俾一個超平既價錢就可以食到高級野仲有啲小食肉丸超正吾係pizza hut個個係高質肉丸仲有蝦多士。牛角包同芝士撻都係超推但個蝦多士係超正真係超好食必食跟住牛角包同芝士撻係流心架開頭我吾知啦一食真係反吾到轉頭超正所以我覺得尼間蕃廁真係平靚正架一定要試吖！！！