蕃廚 (Closed)

店鋪決定營業至9月14日🤕，在結束之前，特地與朋友再去幫趁。當晚客人絡繹不絕，直至八時半以後。每次去蕃廚，務必吃其蝦多士。蝦多士即叫即做，最有誠意的是配上其自家特製的蕃茄醬，醬汁和蕃茄粒份量毫不吝惜，把蕃茄粒醬汁鋪滿在每片多士上，更加提昇蝦多士的鮮甜味😋😋😋😋😋，大滿足，一掃而光。後生仔的海南雞飯，由旺角店吃到西九龍中心，最喜歡是其濃濃豉油味的醬汁，每次加在黃羌飯上，永遠把飯扒光。叫海南雞飯餐時最喜愛是其免費贈送，絕沒落味精的例湯。至於煎蝦碌，永遠總覺得不用煎到那麼熟😅。想到富有人情味的店鋪幫趁，以後又少一間了。實在不拾，有緣再見🙋🙋‍♂️!

今日左西九龍中心美食廣場度食野。金沙美腿 $35 +$8 有葱油麵呢个係招牌菜，眼見好多人都嗌。金沙其實係咸蛋黃碎，但呢 d 咸蛋黃碎不會太咸。而美腿即係雞腿，' Wow!' 果隻雞腿就真好大塊，女仔淨係食隻腿都夠飽。如果5夠食，可加$8䓤油麵。沙薑蒜泥白肉 配白飯 $45呢个冇乜人嗌，但是因為我本身鐘意食蒜泥白肉所以有留意佢。薄身嘅蒜泥白肉浸在油裏，勁滑溜、入口容易。再加上有一層厚厚嘅沙薑放在其上，味道濃烈，餸飯一流。而所用嘅油並非紅油，不會感到好辣。#西九龍中心#西九美食#美食廣場

金沙美腿（$35）即係咸蛋黃炸雞脾，即叫即製，需時十數分鐘。雞脾算大隻，切肉離骨炸，有少少炸過龍，雞皮有丁丁硬，但可接受，雞肉軟嫩，咸蛋黃醬不少，超邪惡，連埋肉一齊食，咸香味十足。另外送咗一碗蕃茄湯，仲要幾大碗添，蕃茄、紅蘿蔔、洋蔥、肉絲，勁足料。

蕃廚經過深水埗西九龍中心，行到肚餓記得八樓有美食廣場，揀咗好多間餐廳，飲諗咗好耐足之諗到食咩，就係食雞髀，老闆好好笑容招呼我，一路炸雞髀一路望住我打卡，任我影佢唔嬲，中舉起v字手勢笑，呢個時勢仲笑得出真係對食物好有熱誠！另外我想講8樓美食廣場嘅椅子同枱，設計上好唔方便輪椅人士，首先就係固定咗，無得移動，中間仲有第三隻腳唔知搞乜鬼，輪椅泊左又唔係，泊右又唔係，硬到飛起，拆咗佢啦！1.金沙美腿$35（9/10）炸雞髀就食得多，但加上鹹蛋真係未試過，鹹蛋黃壓碎連埋雞髀肉一齊食，雞髀肉肉質嫩滑多汁，唔會炸過龍，流沙黃嘅味道真係前所未有咁好味，鹹蛋同雞髀真係好夾，我仲同老闆講，叫佢試下加榴槤，咁樣仲邪惡，哈哈！2人總共價錢$36個人口味總評分：9/10@dragoncentremall地址：深水埗欽州街37K號西九龍中心8樓美食廣場57號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#蕃廚 #西九龍中心 #美食廣場 #香港美食 #深水埗美食 #深水埗好去處 #hkig

蕃廚💛芝士肉醬燒大菇 $25蝦多士 $30送熱薑茶🥰*有得儲Mee積分💛 人均消費: $27.5 (2人)-🐖：芝士肉醬燒大菇🍄勁勁勁勁勁好食🤤好多汁 好Juicy 啲肉醬都好多 多到跌晒落嚟咁👻個芝士都好正 可以拉絲🧀所以加埋 就超完美😚不過$25嚟講 份量好似偏細 大啡菇suppose應該可能更加大粒 對🐖嚟講 係好細嘅size🤭比起坊間 細咗少少 所以呢一方面感覺上 有少少唔抵．蝦多士🦐🍞好正😋工序應該都比較難整啲 比較複雜 比起坊間買$40價錢相對 比較抵🤩有部電視 有講到佢平時點樣整蝦多士📺佢係將啲蝦 切成蓉至粒狀🔪之後再擺喺麵包上面 點d白芝麻再去炸🔥都算係足料👻入邊有好多蝦 見到蝦嘅顏色🦐面頭有好多白芝麻 好香口😚有啲似煎堆🤣佢食落去有啲薄身 同埋有啲油不過都好好食🤤點埋嗰個醬 就更加好味🫶🏽本身佢都比較重芝麻味 冇咁惹味 嗰醬令到佢加分醬就有啲似蕃茄醬🥫同埋佢個醬就真係有一粒粒蕃茄🍅·熱薑茶☕️當加埋個小食 係一set 好抵🤩佢勁好人明明唔係買Set 都問要唔要😚大大碗薑茶👻成碗都係薑🤣勁薑 好足料飲到底 可以見到勁多薑粒即刻飲完 勁暖笠笠🥰適合好凍嘅天氣同埋暖下個子宮❄️

黎到西九龍中心閒逛，識食一定貢上8樓food court搵食，呢間蕃廚係fb成日睇到佢啲限定野食都流晒口水，可惜住得太遠而打消念頭，今日終於可以黎堂食試試。水牛城雞翼：用上左好多蕃茄茸加辣椒醬煮成醬汁，食落十分酸，因為以前食過水牛城雞翼會帶番少少甜酸嘅味道，個人覺得今次食到唔算太好食，而且醬汁太稀食得較唔方便。邪惡西蘭花：呢個係不敗嘅配搭，蒜蓉芝士焗西蘭花，大量蒜蓉帶黎少少辛辣，食得好過癮。輕食餐：迷你熱狗配蟹柳吞拿魚沙律，個個都話蕃廚一定要試熱狗，整體都夠新鮮，蔬菜唔會出晒水，吞拿魚沙律就普普通通。

睇完米紙介紹，黎試下呢間西九龍中心8樓既蕃廚，咁啱門口部電視就播緊條片，門口貼咗好多野食，店員忙於處理外賣，好似好忙咁，完全冇發現收銀有人，直至我出聲。芝士蛋松露熱狗($38)，俾咗個電子感應器，話要等8至10分鐘，等待期間，我已幫襯埋隔離泰家，點完食完，個感應器都冇响過由於睇食評有人話實際要等廿分鐘，我以為係常態黎。索性坐到去佢門口前張枱慢慢等，一步之遙出餐總會知啩。望入去也不見有出餐，店員又好滋悠，一路玩電話一路煮餸。我困惑望實收銀，良久佢先反應過黎，叫我過去，我話我等咗半個鐘喇喎，仲未有咩？佢先指指旁邊，話Click咗個感應器好耐都冇人黎，個餐擺埋咗一邊。我當下Ｏ晒嘴心諗：我就坐响你門口，感應器冇反應你係咪可以嗌下number？不過店員態度良好，連忙道歉，食嘢要緊，算了。係時候認真品嚐我既食物但唔知是否影响到食物水準個熱狗完全唔熱，連暖都唔係，中間掂住青瓜的部分仲有啲凍，sad最慘係，茄汁同黑松露的配搭真係好古怪。蛋如果只配黑松露會好食好多，配上茄汁帶酸，真係好唔夾。終於知點解坊間黑松露意粉多數係白汁底，唔係茄底。如果茄汁係放响條熱狗腸上面, 而唔係蛋上面, 應該會好食好多。同埋

個人好鍾意️去西九龍嘅food court度食嘢❤又平又抵食🤑上次就試咗呢一間嘅芝士蛋松露熱狗🌭️分量十足 個炒蛋鋪滿成個熱狗 都幾嫩滑🥚入面仲有啲蔬菜🥬不過芝士同埋黑松露醬唔算太多 所以味道唔算太出～

是日去咗深水埗游泳池游水，出咗嚟覺得肚空空，上去西九龍中心搵吓嘢食，見到隔離海南雞好多人等外賣，就喺番廚度見到一個寫住「極邪惡」嘅金沙雞脾 $35 加 $8 有埋蔥油撈麵 野飲諗住小食填下個肚就算，點知如圖：嘩頂，我去游水係諗住減肥，冇諗住搞壇咁大嘅嘢。佢個雞髀揸得鮮嫩多汁，帶返個頭盔先，係以 $43一份餐去考慮，抵！鹹蛋黃加再埋啲鹹蛋黃油，惹味！下次我會游夠二千米先再過嚟食，蕃廚太危險！好似講漏個麵，個蔥油撈麵都冇乜特別（我叫左少葱油），如果你唔係真係咁肚餓，唔使特別加。以上！

今次就揀左熱狗雙食(芝士松露路蛋➕波隆納肉醬)芝士松露路蛋一拎既時侯就好大既香味蛋吳夠滑波隆納肉醬肉醬就好多肉味應該係豬肉醬黎個汁都特別結 : 個包吳脆腸就普通腸芝士松露路蛋👍🏻首推#芝士松露路蛋#波隆納肉醬#二食熱狗#蕃廚

份量睇落好少，但食落都食得飽，雞扒雖然煮得唔係好入味，但肉質唔錯，個醬都整得幾好，配返d粉幾match,不過野飲選擇少，得coke同zero,價錢黎講都算收貨vv

看到在 openrice —面倒讚好的食評，滿懷希望去買了2份熱狗帶回家和太太—起分享，但。。。。買了一份九龍皇帝熱狗，一份波隆纳肉醬熱狗，回家後，用焗爐加熱後吃。咦，焗完拿出來，熱辣辣，竟然全無香味？伏伏伏九龍皇帝熱狗，只是—條很普通的cervalet 腸加些茄汁，醬汁，味道？淡淡淡！！！ 肉醬熱狗，醬？是很稀很稀的醬汁，肉醬？等我試找些肉！！！味道？淡淡淡！！！整個經歷，如此食評的標題君子之交。。。淡如水

西九龍中心以前主要以大型或連鎖食肆為主，近年就多左新式小店進駐，百花齊放，而且價錢相宜，令好似小弟呢D "窮L" 有好多選擇。呢次，小弟揀左網上勁多高手推薦的小店 - KC蕃廚。呢間系西九龍中心入面的名店，其中主打熱狗（當然有其他如意粉之類的主食選擇）,以及一D非常有特色的小食。小弟揀左皇后熱狗，以及非常出名的薯格。老闆們非常細心，他們會提供手套比客人，唔會令客人整污糟對手。講番熱狗，小弟揀的呢款熱狗，原來以素食食材位為主; 主要有蕃茄，蘑菇，然後面頭加芝士同茄汁。麵包都夠大份，而且有輕輕烘過，所以鬆軟得黎帶少少脆。但最令小弟驚喜的，系餡料超豐富。小弟一路食，配料一路漏出來，小弟就算戴左手套，都只能夠用手擰返D料，避免浪費。至於薯格，薯個面頭的肉碎同芝士份量同樣超豐富，薯格放左一陣，都仲保持到脆的感覺。呢次的熱狗加薯格組合，系小弟最近食過的美食之中，最令小弟狼狽ge一次。但都無損小弟對呢間優質小店的大大讚賞。下次再幫襯個時，絕對會試埋其他名物，但希望唔會再食到 "le甘hea"。

幾鍾意西九呢度好多小店，間中黎行下可以發掘到啲抵食又好食既店鋪😌今次食呢間蕃廚，有好多款唔同野食，意粉、熱狗、小食應有盡有。而呢度比較多人推薦既係佢地既熱狗同埋蕃茄意粉🍅黎到就揀左個熱狗食，好大份好正～食完好滿足😋絕對係誠意之作👍黎開既話不妨試試。1⃣️波隆納肉醬熱狗 （$38）（外賣+$2） 熱狗即叫即整，見住店員炒啲肉醬、烘個包，淋上肉醬之後，仲會再加芝士上面用火炙燒🔥個熱狗一攞上手，已經feel到有啲重量🌭️好貼心既係，鋪頭會比埋手套你食個熱狗，咁就唔洗驚食到對手污糟曬。肉醬係好多好滿，覆蓋曬成隻熱狗。入面仲有啲紅蘿蔔粒粒、洋蔥粒、青瓜絲，口感非常豐富🤩熱狗腸係脆皮既，隔離仲有切片蕃茄，真係啖啖都係滿滿既料🤤肉醬唔會太過濕令到個包淋左，調味啱啱好夠味得黎唔會太鹹👍而面頭既火炙芝士更加加分🧀️包唔算好鬆軟既type，但係帶牛油香，而且有芝麻粒，食落幾香。 

返工前，先去西九龍中心蕃廚，攞我一早訂咗嘅季節限定 ～ 金翅花膠鳥。蕃廚爸爸好好人，知我未食過唔識搞，好細心咁逐個步驟，講解畀我聽，食嘅時候要點做。到夜晚整嚟食嘅時候，發覺佢哋無改錯名，金翅花膠鳥除咗味道好正之外，各種材料亦絕不手軟，特别係雞嘅份量，連我同事都忍唔住話，我一定食唔哂！最後，我食咗幾件雞，同其他所有嘅食材之後，仲有一大盒雞淨低，不過我唔會浪費，留返聽日中午，自己喺屋企加菜再食過！我後尾忍唔住，whatsapp 問咗蕃廚爸爸，嗰度係咪一隻春雞嘅份量，結果佢答我係喎，所以，一個人又點食得哂呀？原本我訂嘅時候，佢仲問我洗唔洗加十蚊，要埋個蔥油刀切麵㖭，好彩我怕食唔哂，所以話唔要了，否則，真係唔知點算囉！ 😍😋😜🤣😍😋😜🤣