奇興咖啡餅店

Open Now

Now Closed

9月15日晚，外面還是三十度，晚飯都是外出食吧．食肆就在屋企附近，一向都知道這間賣蛋撻出名，日日下午茶時間都大排長龍．今晚原本想食燴牛肉意，坐低看看餐牌，見到快餐C，有雞，豬或牛扒(可雙拼)，跟飯或意粉．那我便要了個雞扒搭牛扒意粉跟茄汁上．味道一般無乜特別．因跟餐，有湯跟飲品，正．連凍飲，價錢都是29元，抵．總結是現今的價格來說叫作 "平" ，但食物就好一般．不過自己會幫襯，因太近屋企吧．

夜晚十一點突然想食下蛋撻,就諗起奇興!!!!去到賣剩好少咋,都唔夠十隻就要左4個!!不過賣剩既賣相都唔係太好....爛爛地咁哥哥仔就好好人咁送多兩個比我!!變左半打食落口味道都係一流酥皮真係好正雖然凍左,不過一諗到如果熱辣辣既時候既美味...真係愈食愈想食呀!!!

5月31日 - 同朋友係西田行街, 佢推介呢間"奇興", 佢話蛋撻係好出名, 眼見都好多人幫襯...但我係叫左個湯公仔面配雞翼, 午餐肉同太陽旦, 飲熱o茶, 但感覺好一般, 而且午餐肉個踝好怪, 唔係平時食開既味道, 下次都係試蛋撻, 可能會好d...

又要OT，同老婆連續幾晚係度食飯。11:30 last order，12:00左右 closed. 第一晚：咖哩牛腩河配白菜仔 ($36) - 咖哩香而少辣，牛腩多，可能係太夜所以比晒我地！河粉碎得濟..第二晚：咖哩牛腩飯配西生菜 ($33) - 尋晚未夠喉所以encore！咖哩牛腩同上，但同白飯分開上。西生菜用左上湯灼，幾鮮甜！第三晚：滑蛋蝦仁飯配白菜仔 ($33) - 滑蛋退步了，比以前少，而且鹹左。蝦仁細細粒，冇蝦味，冰鮮貨。第四晚：星州炒米配生菜 ($36) - 蝦仁同上，炒米大大碟，雖唔夠鑊氣，但勝在唔油，落左紅椒去炒！生菜突然細碟左。 部份海鮮類已悄悄加價.. 衣度既辣油幾香，不錯！笑面係比咖哩牛腩和星州炒米

22$ 漢堡,炒蛋,沙爹牛肉麵 +2$凍立克沙爹牛份量夠,麵又唔太林,再加左d素食令味道帶點甜,同多一樣送口感都唔得d,漢堡都有d擬似沙爹汁係面,炒蛋都過得去,今次凍立克唔駛講就有味..莫非認得我..嘿埋單都有講多謝有睇我另一篇茶餐廳 就知那強烈對比

母親節知道媽咪鐘意食酥皮蛋撻, 而且知道奇興係沙田出名好食, 就去左買黎試下啦, 不過感覺上同其他麵包店買既味道差唔多, 可能係因為唔係熱辣辣, 不過層酥皮的確唔太油膩, 亦唔會一拎就碎哂~~~下次都係等佢新鮮出爐再買過...

今次叫左 乾炒沙爹牛肉河..凍檸茶..入去前見到第2台有叫到..朋友見到我賣相都話我會後悔..果然比佢臭口講中左.. 仲差過乾炒牛河..沙爹兜得唔混循..有塊係乜味都無..洩露左佢本身d牛唔係好鮮..就算有沙爹既都唔覺入味..無錯!唔入味係令人沮喪..之後杯凍檸茶同上次凍立克一樣!真係無誠意咁求其沖就係..飲得出落得太小糖漿..今次一如以往話杯野無乜甜味..佢比廚房..我睇住條友好將d糖漿黎手就倒落去(大個d壺)所以攪到杯野過份甜..真係好甜..無理由再叫佢換..好似玩佢咁..但佢而家落咁多好似變左佢玩我)或者我問題啦..應該肯定d叫佢落多小小...小小就夠啦..

今次再食..快餐鮮茄斑腩飯..湯,,凍立刻等左唔駛3分鐘就到齊..湯有味..ok嫁~~個飯整體份量標準..斑腩再脆d香口d就very good不過人地快餐加上呢個價巳經不錯..又多汁..一碗送比你..自己中意加幾多落飯都得,..好似d快餐店咁..我當然慣左成兜倒哂落去..今次最大問題發生係杯凍立克..飲上口一啖真係淡到好似水咁..即刻話比d侍應聽..見住佢倒哂成杯..兩分鐘後比個杯有味既我..總算跟進到!好!

住左沙田咁耐..都知呢間野好似蛋達出名..之前都試過..但就唔覺有咩特別好食..今日晚上6點左右..口渴多過肚餓..但唔理啦..索性走入去食個餐..有飯有野飲算..結果叫叫豬頸肉配蛋炒飯,餐飲=凍賓納野飲來先..口渴好快就飲左大半杯..嗯.不過不失..到碟飯,想像中耐左..要等12mins大約..其實係用鍋仔碗裝..份量夠哂的..豬頸肉橙色的..因為係酸酸地..d炒飯就軟硬度好好..有埋好似係菜心個d莖切碎加入去的..d豬頸肉係最側邊..我諗係為左避免d汁滲哂入d飯度..影響炒飯特式..嗯..都算彌補到本身我唔太中意酸既肉類既意興..整體黎講!算係想食茶餐廳又經濟d既NEW TOWN 新選擇..

啱啱係附近食完lunch, 記得以前經過呢到d 蛋撻好香咁, 就黎買咗6個返屋企laa...點知唔記得問阿姐幾多錢...佢俾執咗先同我講$24...嘩...成$4一個...-_________-'''心諗可能真係好好食la...但係食落又唔覺得有咩特別wor...係就係新鮮出爐...不過佢係酥皮gei...我都係覺得曲奇好d...味道都ok gei, 幾香...唔太甜...不過size較小, 要成$4一個又真係貴咗d wor...

呢間奇興開到12點，老公連續4晚OT，老婆4晚都係度陪我食飯。第一晚: 枝竹牛腩飯($32) - 牛腩OK稔，份量足，枝竹偏硬。第二晚: 滑蛋海鮮炒河($36) - 好大碟，都幾多蝦同埋魚，唔會太咸。第三晚: XO醬海鮮炒河($36) - 偏油，味濃，有鑊氣。第四晚: 黑椒牛柳炒意($36) - 河粉賣晒所以轉意粉，牛柳唔夠稔，而且份量少。白灼白菜仔，菜心，芥蘭OK. 我地都有時黎食早餐，份量足，老婆喜歡呢度的米粉，熱HORLICK夠濃。而新鮮出爐的蛋撻也值得一試!雖然2007年尾裝修左，但係都冇加價。

路過偉華上層,想起這裡的蛋撻,住沙田多年,卻未試過。見有點餓,買了兩個,一人一個。似乎幾多人來買蛋撻,新鮮出爐,熱得燙手。甚少食酥皮蛋撻,多食的都是曲奇皮。酥皮蛋撻,酥皮鬆化,蛋漿滑但蛋香不足,嫌甜了少少。路過的可以一試,但專程卻沒必要。

琴日同女友係沙田行街，離遠望見呢度，醒起佢D egg tart幾有名，女友都聽過佢大名，但係啱啱食完飯太飽la，食唔落。於是立刻心裏面畫一張mental map，今朝特登早D去食個蛋撻早餐。只係叫蛋撻加奶茶。好好彩有一盤蛋撻剛出爐，太好la..^_^只見D蛋漿爭D好似岩漿咁湧出嚟，好熱。食落蛋頗香，唔太甜，應該冇落太多糖精；酥皮做得相當唔錯--- 夠脆、鬆化，跟九龍城豪華可算處同一水平。奶茶就屬普通貨色...淨係食egg tart都值得一個笑臉la...

奇興在沙田已經有多年歷史，這裡新鮮出爐的蛋撻可算馳名市中心，多人專誠開車式多走幾步來這裡幫襯。是日路經這裡，剛碰上蛋撻新鮮出爐，二話不說馬上買來品嘗，其蛋撻味道不容置疑，熱食絕不遜色；而剛見到有整盤新鮮出爐的菠蘿包搬出來，當然亦馬上幫襯一個，但結果是食味很差，冷冰冰之餘麵包沒有彈性，感覺像食龜包多過菠蘿包，而上面的菠蘿皮又不夠脆身，吃了一半已無力再啃下去了，失望！故無論蛋撻怎好，亦不能只以蛋撻來召來而忽略其他配角的，況且菠蘿包亦是香港本土驚典啊。

好懷念...酥皮夠脆, 蛋又香又滑, 剛出爐真係好正我細個住沙田時成日食, 不過好多好多年無食la...