奇興咖啡餅店

Open Now

Now Closed

朋友係沙田返工，一問之下原來呢間奇興美食中心都幾出名。今日同男朋友一試，發現水準一般之外環境衛生仲好差。圖中所見只係餐廳既一少部分。可以不約而同地係不同既方位都見到客人遺留底既紙巾....除左紙巾外地下都唔見得係乾淨。黑媽媽咁。呢張圖係我坐底既位，地下仲有食物。所以坐底時都非常小心。(因為著左白鞋)唔係話要求D咩.....只係連舒服放鬆地坐底都難。叫左兩個常餐。一般般茶記水準。名過於實。唔係午市都仲要係門口等左15-20分鐘...五香肉丁唔似罐頭咁乾同老。不過味道好甜....又唔夠辣。蛋撻既出貨量好大，門口一直有一個呀婆幫手賣蛋撻。賣單時已經無晒。蛋撻係唔錯既。如果想試既可以唔洗黎，食完一次應該咩都夠。如果對蛋撻有興趣係門口買就得。建議大家都唔需要入餐廳。

本身同同事O係附近食米線, 但兩間都好鬼多人..所以轉左去食呢間茶記.Menu有分星期幾有唔同既選擇, 都叫有得揀.干炒牛河炒得幾乾身, 都唔算太多油.而且D牛肉都算多同都幾夠味.黑椒雞扒配意粉味道正正常常. 雞扒有兩大塊, 都係飽肚之選.個黑椒汁都幾惹味~平時經過見到佢D麵包同蛋撻都想試下,今次就一人叫隻蛋撻食~我同同事都比較鐘情牛油皮蛋撻.個蛋撻冇想像中咁好食, 拎上手好淋咁, 冇牛油皮既鬆化既感覺.

聽日早機飛台北,朋友話想食蛋撻所以就放工去買定,聽朝hand carry帶上飛機之前睇過屋企樓下只有餅皮蛋撻,所以酥皮只好放工去新城市附近望下望過百佳同一兩間茶餐廳只有餅皮,只得呢間有酥皮,咁唯有係呢間買啦望到其實都覺得麻麻地,但焗住買蛋撻用鐵兜仔裝住放係櫃入面,拎上手時佢已經係凍既,連暖都唔暖...睇圖都見到酥皮焗得未夠火候,蛋漿偏淺色,已經同酥皮分離左,我估佢都出左爐一段時間...有得選擇我一定唔係呢間買,又貴喎6蚊個!

繼續寫我最喜愛的多士，星期四下午放假遊沙田新城市，今次到訪奇興茶餐廳，也繼續試多士，今期試占醬多士+熱奶茶。果醬＋花生醬 + 麵包2片 （沒有要求留邊），烘底雖夠平均和看到微微烘了的黃金色，但它是我吃過的最薄，約只得1cm薄，雖側它有2片夾著，但欠缺口感，一陣風就食完， 很少醬料，可以看到少少果醬，花生醬與果醬輕輕混合，幾乎吃不到花生醬味。厚度：薄烘底：輕微烘過饀料：少，好少！沒有了再想來吃它的多士慾望

平時有帶開飯翻工食既咁今日就冇帶飯拉 跟同事去左佢地平時買開飯既餐廳外賣翻舖頭食拉 甘就叫左個豬扒炒烏冬吾係成日都有得叫架依碟野好多大小小型既茶記都無得叫既見到奇興有喎 好快就叫左拉等左10分鐘都吾洗 行得雖然睇相賣相好似幾油甘其實真係還好 完全接受到 係好食既會不會再嗌 我諗我會 因為真係好食 仲要塊豬扒係吾乾 鬆軟的

呢間鋪係沙田好耐，冇大大個招牌，但門口總有一爐爐自家製麵包。今日好早去到沙田新城市附近，唔係好多餐廳開左，心想食個港式早餐就醒起佢。點既早餐係蛋牛三文治配茶，再加8蚊配個迷你雪菜肉絲米。先上黎既係雪菜肉絲米，米粉係粗版本，唔係全直會有微攣個款，口感幾好，肉絲ok有肉地既，雪菜唔會太鹹。滿意呀！蛋牛治就正常，新鮮整夠熱度，唔叫到烘底，如果唔係再正啲。叫左熱檸水清清地，檸檬高質一啲苦都冇，good呀！價錢比起大大美連鎖店貴些少但食物質素係有既！

突然想食茶記 於事就係沙田隨便搵間試下去左奇興試下見諗住咁多人食應該無伏掛。。。同朋友分別嗌左個常餐五香肉丁麵同沙嗲牛麵，滿心期待……但野食黎到之後一睇心知不妙。首先五香肉丁麵一向眾所周知係應該好濃味，而且顏色上會呈現深紅色似辣椒醬既顏色，但呢個五香肉丁不但無色亦都無味。同時，另一邊沙嗲牛麵亦都黎到，情況亦一樣伏.... 食雞都應有雞味，但呢碗沙嗲牛麵毫無沙嗲味無汁，裡面既湯亦好明顯是加水造而成的，牛肉亦不予置評， 所以成個過程完全唔知自己食緊咩野😑😑😑😑😑伏伏伏伏

今日我同朋友去沙田食個午飯，我唔想成日譚仔就決定試下尼間奇興，初初入到去環境需然是細左些少，不過枱凳餐具都幾好冇咩油漬，服務員態度唔錯，差就差在我接下來叫嘅夏威夷雞球飯，汁同白飯分開上睇落唔錯，不過食落就令外一會事碗汁淡而冇味，白飯就太乾同硬，撈汁食d白飯都唔係好索水變軟一樣都乾同硬，我只好用凍檸茶送飯，越食越好似頂住頂住個個胃咁，碗汁我覺得好淡唔知仲撈唔撈落飯好所以我係冇理到碗汁，不過我都撈左一半，食到最後終於都太乾硬出事我哽住喉嚨，我同朋友講我去洗手間就跑左去希爾頓洗手間到嘔晒剛剛食完嘅食物出來，我嘔完番去我朋友都幫我埋左單走左出去搵我，最後講番我個餐47蚊凍飲加3蚊合共50蚊，咁今日真係比錢買難受

我叫了一個常餐，價值$45order 時叫個落單待應remark把面煮軟一點，上到桌上，麵是硬的，某待應仲話擺佢一陣就會軟架啦，我真心嬲，叫佢煮過，點知佢煮都無煮，拎番原先果碗劣質面出黎，好唔尊重客人...不值一去..

星期日懶懶閒到5:30pm才吃「下午茶」(差點要叫晚餐了...)沙田奇興是市中心少有的茶餐廳，「唔憂做」收7pm，地方不寬敞卡位亦比較小，不過無損筆者到來的意欲。這裡常餐的多士不飛邊，雖「環保」但較難入口，牛油很「慘」地放在碟上，打開便溶了大半...反蛋有「脆邊」效果，有自家製feel，中間半熟，較油。火腿中規中矩，不咸。原本想叫雪菜肉絲米粉，但雪菜已售罄，想不到炸菜比想像中軟身但不失香口，配上較為焾的肉絲和米粉，口感不錯。較為失色的則是凍咖啡，奶較多，咖啡不濃香，而且到最尾溶冰時更為淡。最後還是忍不住額外叫了個出名的牛油蛋撻，盛惠$6，不便宜，下午出爐到現在近6時亦不新鮮滾熱辣，但味道仍然合我心意，有興趣試的朋友就要在3點3嘆茶餐時來試試火侯。

在沙田市中心找茶餐廳，好多人覺得是難事，不過識路的人就絕對不會覺得難，只會覺得選擇少而已，仲有，就是好吃的...的確不多。在市中心範圍內，算是令人感覺到有老香港味道，而且亦夠好味的，相信只有這位於偉華中心地下的《奇興美食中心》。這一天，早上上班時間來到沙水轉車，想食左個早餐才上班的我，就想起這一店了1早餐，慣常食麵，是次我不想食啖啖肉的雞扒/豬扒麵，但又想味道濃郁少少，於是我點了一個五香肉丁午餐肉麵。這些罐頭肉美食，絕對是香港茶餐廳的特色之一，早上，個個匆匆忙忙，一個快靚正的早餐是必須品，所以，茶餐廳就找來煮一煮就行的午餐肉、火腿、腸仔、五香肉丁等等煮個公仔麵給客人食。而是日，用的肉丁粒粒方正而不散，味道帶香也帶少少辣勁，餐肉是火腿午餐肉，入口的肉感出眾，味道又夠香，早上吃了這一個麵，有滿足的感覺。奶茶非常之好，又濃又香又滑，也能夠帶給我滿足。很好的茶餐廳，給了我雙重的滿足感，在沙田市中心食茶仔，《奇興》是一家值得常來的地方。

一個人最愛的外賣~鴨腿湯飯配凍檸茶HKD46幾抵食鴨腿湯跟飯分開盛載個人好喜歡唔會令飯浸得太軟想連湯食或分開也可每次送來都是熱呼呼的先講鴨腿湯較油但湯不會鹹及落味精好清甜而且係用西洋菜加冬瓜拗出黎的湯底冬瓜同樣易咬又入味鴨腿就好軟,唔會黐牙,好入味又夠香,連骨都可咬到味道很不錯每次都必點呢款飯唔會爛,夠咬口因個人較愛硬飯可整碗吃掉檸茶少冰真的少冰唔會過酸澀味道還可以我個人感覺呢個餐好抵食還包外送味道不錯都只需HKD46抵食

食個LUNCH早幾年3字尾,..而家要4字尾5字頭..仲要無湯..叫左咖哩牛筋腩飯..份量唔多..d飯又偏硬..咖哩唔香..去大xx個d食好過佢多多聲..仲要得個3-4舊仔腩..筋好似得一舊都只係..普普通通到無得再普通但就收得貴到好似去左隔離大商場咁..你估自己係翠x??最豈譜杯凍檸賓+5$..甜到喉嚨唔舒服..確喉..真係夠哂那西..仲有蛋撻..6蚊件..但就keep唔到溫..一睇就硬哂成舊..係得皮叫過得去.但蛋黃就失哂水準..唔會再黎..以後都!!!

呢度蛋撻食過好多次  我就鍾意曲奇皮  蛋撻配熱奶茶 so match!!! 啲奶茶都好香好滑  蛋撻當然唔駛講啦  蛋香味夠 同男友每人都食兩個先夠皮  只可惜遇唔著啱啱出爐另外呢到啲菠蘿都好正架~一場黎到既朋友可以一試!!!

周六整個港式早餐！不過不失！腸仔通粉：分量足夠，不過腸仔冇煎過，味道正常。蛋牛三文治：夠料，白麵包新鮮，讚！熱咖啡：好多泡，唔夠咖啡香味，質品不足！唔得！熱奶茶：標準港式口味，奶茶滑，苦澀味濃，正！