Video
Opening Hours
Today
08:00 - 21:00
Mon - Sun
08:00 - 21:00
Above information is for reference only. Please check details with the restaurant.
抵食雙人套餐每人只需36蚊，即可享用四件炸雞，兩件葡撻，一盒蘑菇飯，一盒白汁雞飯，兩杯汽水。喺打風嘅日子，都可以食到熱辣辣、香噴噴、新鮮出爐嘅炸雞，CP值很高，推介大家食呢個餐。
continue reading
當你唔知道食咩好既時候 就會好想食啲炸野 感覺好似會精神100% 今日下午 有啲肚餓 睇下有冇吸引既下午茶先~ 甘啱就見到KFC 做緊XO醬封味錫紙焗雞優惠 真係好抵 緊係要再去食啦啦 今次呢個雞女好出色 雖然佢唔係炸😂😂但比係歷史以來其他kfc既雞都好食 佢用錫紙包住 十分之熱lala 一開 xo醬味道十分吸引 超級香 雞肉滑 有彈性 同xo醬味道好夾 佢係雞下面仲有放左蘿蔔一齊去焗 味道好香甜 蘿蔔都十分入味 本來以為好奇怪既組合 原來好好😘😘仲有緊係我係kfc 既最愛 薯格 今次大滿足 食左個大既薯格 十分好食 十分滿意 外面鬆脆 裡面軟淋淋 充滿薯香♥️♥️$20 2件XO醬封味錫紙焗雞(優惠餐品)格格脆薯塊(大)$27.5
continue reading
買個外賣一入去講左要E2，用優惠換多2樣野。一開始已經冇問要咩雞，要咩飲品之類，比完錢自己講返個要求...等左陣拎得，發現出尼既係A2，原來佢一開始就開錯單，我自己都冇發現，好聲好氣同佢講返，第一句就話我之前明明講A2...等重新執過D野啦，一拎左直接企一邊check，上次買直接比少左個包，要我返到屋企又出尼走多轉，今次check真D好，點知真係比少左個優惠券食物....返到屋企全部打開，冇醬汁冇餐具，仲發現自己D野縮水縮到一個點，真係買一次失望一次...
continue reading
真係估唔到，開得咁多間分店出品一定有保證🤔食物質素一定不會參差～今次叫左個4人餐外賣：D炸雞好咸～應該係後期加工工作人員問題，可能落鹽果下重手左，炸雞時間無問題～無過火～皮脆～肉滑～咬落去雞肉有汁，呢D真係要注意，一間咁大型連鎖店真係絕不能錯的錯誤。
continue reading
kfc周圍都有有，都食過好多次。呢間我都幫襯過幾次，佢大部份時間都好少人，但佢樓底好高又好闊落，同埋裝修係新淨嗰類分店嚟。不過可能人流低，無整到其他分店有嘅自動洗手機係度。對上幾日紅假嚟食kfc當食咗聖誕雞，全場得我哋呢枱，叫咗個2百蚊左右嘅4人餐，除咗新出個湯(甜咗少少)，都係果d炸雞呀，燒雞呀，葡撻嗰d咁，雖然呢間流量比較低，但我覺得佢d嘢好似整得好食過第一城間分店。快餐店應有嘅味道，當然唔叫好好食，但成班人坐下食下嘢嚟講真係好地方嚟嘅。
continue reading