肯德基家鄉雞 (KFC)

Open Now

Now Closed

呢個時勢想平平哋食個😙又飽肚又好食嘅下午茶真係好困難😊沙田嘅嘢食話多唔多話少唔少，當然有平有貴啦，有小店亦都有大型連鎖店😚禾輋新翠亦都有好少連鎖快餐店嘅選擇啦，有時間都會想食吓啲煎炸野，咁KFC就係其中一個選擇啦😙😋雞排辣汁蘑菇🍄‍🟫飯大大塊雞排，皮脆肉嫩😚外皮又有少少辣辣地，好惹味☺️當然有重蘑菇既蘑菇汁送飯食啦☺️員工好好，我同佢講多汁佢真係比多啲我😂舔舔脷指數👉🏻5😋/10😋滿分 可以一試😋

抵食雙人套餐每人只需36蚊，即可享用四件炸雞，兩件葡撻，一盒蘑菇飯，一盒白汁雞飯，兩杯汽水。喺打風嘅日子，都可以食到熱辣辣、香噴噴、新鮮出爐嘅炸雞，CP值很高，推介大家食呢個餐。

當你唔知道食咩好既時候 就會好想食啲炸野 感覺好似會精神100% 今日下午 有啲肚餓 睇下有冇吸引既下午茶先~ 甘啱就見到KFC 做緊XO醬封味錫紙焗雞優惠 真係好抵 緊係要再去食啦啦 今次呢個雞女好出色 雖然佢唔係炸😂😂但比係歷史以來其他kfc既雞都好食 佢用錫紙包住 十分之熱lala 一開 xo醬味道十分吸引 超級香 雞肉滑 有彈性 同xo醬味道好夾 佢係雞下面仲有放左蘿蔔一齊去焗 味道好香甜 蘿蔔都十分入味 本來以為好奇怪既組合 原來好好😘😘仲有緊係我係kfc 既最愛 薯格 今次大滿足 食左個大既薯格 十分好食 十分滿意 外面鬆脆 裡面軟淋淋 充滿薯香♥️♥️$20 2件XO醬封味錫紙焗雞(優惠餐品)格格脆薯塊(大)$27.5

買個外賣一入去講左要E2，用優惠換多2樣野。一開始已經冇問要咩雞，要咩飲品之類，比完錢自己講返個要求...等左陣拎得，發現出尼既係A2，原來佢一開始就開錯單，我自己都冇發現，好聲好氣同佢講返，第一句就話我之前明明講A2...等重新執過D野啦，一拎左直接企一邊check，上次買直接比少左個包，要我返到屋企又出尼走多轉，今次check真D好，點知真係比少左個優惠券食物....返到屋企全部打開，冇醬汁冇餐具，仲發現自己D野縮水縮到一個點，真係買一次失望一次...

真係估唔到，開得咁多間分店出品一定有保證🤔食物質素一定不會參差～今次叫左個4人餐外賣：D炸雞好咸～應該係後期加工工作人員問題，可能落鹽果下重手左，炸雞時間無問題～無過火～皮脆～肉滑～咬落去雞肉有汁，呢D真係要注意，一間咁大型連鎖店真係絕不能錯的錯誤。

kfc周圍都有有，都食過好多次。呢間我都幫襯過幾次，佢大部份時間都好少人，但佢樓底好高又好闊落，同埋裝修係新淨嗰類分店嚟。不過可能人流低，無整到其他分店有嘅自動洗手機係度。對上幾日紅假嚟食kfc當食咗聖誕雞，全場得我哋呢枱，叫咗個2百蚊左右嘅4人餐，除咗新出個湯(甜咗少少)，都係果d炸雞呀，燒雞呀，葡撻嗰d咁，雖然呢間流量比較低，但我覺得佢d嘢好似整得好食過第一城間分店。快餐店應有嘅味道，當然唔叫好好食，但成班人坐下食下嘢嚟講真係好地方嚟嘅。

今日嚟試新出嘅椒鹽雞，and蘑菇飯（一定要多汁），葡撻，熱咖啡☕️睇上去真係10分不錯，感覺係好新鮮嘅口味又好吸引，食落呢都幾野味，蘑菇飯就唔使講啦，葡撻都係照樣係好熱辣辣👍🏻👍🏻不過就未必會返轉頭再食呢隻新口味

$25 蕃茄粟米通粉🍅+炒蛋🥚+蜜糖鬆餅🧆+蜂蜜綠茶🍵 呢個早餐我細細個就食架啦😝😝因為朝早唔系太有胃口，通常都系食呢個餐，貪佢唔系好多野。中學嘅時候仲系十幾蚊（暴露年齡😝😝）估唔到通脹咁嚴重🤪🤪。個炒蛋好似比以前膠咗啲🤪🤪蕃茄通粉夠熱，以前有火腿依家好似無咗。扭扭粉質地唔錯唔會浸得太淋。鬆餅夠脆，蜜糖夠唔夠就睇下每次店員嘅心情啦😝😝。蜜糖綠茶都幾正，香甜解膩。

這次來肯德基，發覺薯格份量極少，以前像溢滿紙盒，現在的薯格，只有可憐的幾件，十件都沒有，幸好學生夠多，即炸夠熱辣辣。巴辣雞腿包越來越求其，麵包、菜、雞扒、蕃茄、包，要有的材料也有，但毫無感情，冷冰冰的放在一起，汁醬少許，原個包乾乾的放在紙盒內，連紙包著也沒有，如何保持溫度，如何讓客人拿穩而不令材料四散、汁液溢出？雞腿又鞋又乾，肉汁欠奉，比麥當勞$25脆辣雞還要差，用了$5優惠都要貴過麥當勞，把鬼。

今日由早上10:30等DHL來收國際件等到接近一點都唔見人，唯有叫外送午餐，在過去的三年食過幾次家鄉雞都難食到震，諗緊佢究竟就嚟幾時執笠，今日諗住食多一次去Certified佢，點不知除咗蘑菇飯啲汁多過蘑菇太多之外，連白飯及蘑菇汁的顏色都做到三十幾年前喺多倫多食上癮嘅味道同質感😱😱😱👍👍👍，家鄉雞對於我來說有勾魂的味道，今日食嗰啲炸雞和燒雞好唔油膩，控制得很好！又唔會用千年油炸到黑蚊蚊之餘炸完啲雞之後有撈起燶粒👍👍👍唔知究竟邊個上位做咗營運部負責人呢？實在太好了！今餐花了$134，除咗雞之外我每樣只係食咗一啲，因為唔想增肥，但係又好想食！不過可惜罐裝汽水沒有無糖飲品。

肯德基近日推出至RICH 鹹蛋黃金脆雞，當然要試吓。～二人套餐 （$69）鹹蛋黃金脆雞 （2件）原味雞 （2件）大蘑菇飯 （1客）大雞皇飯 (1客）汽水 （2杯）～一人套餐 （$53）鹹蛋黃金脆雞 (2件）狂惹香燒雞下髀 （1件）普通蘑菇飯 （1客）經典葡撻 （1件）汽水 （1杯）吃過鹹蛋黃金脆雞，發覺並不是如廣告所講「啖啖GOLD純度鹹蛋黃」，因鹹蛋黃並不算多，只是間中會吃到黏在炸雞皮上的少許。況且這款新脆雞似乎比較細件，尤其是雞下脾，肉很少。鹹蛋黃尚算有點香味，但意料之外，雞肉竟是醃得微辣，並不是我杯茶。我並不吃到金香脆嫩的口感。總研言之，新的不如舊的，下次我還是吃回傳統的家鄉雞吧

突然炸雞癮起，又發現未試呢個新味道嘅炸雞，一定要嚟試下嘅！一打開盒就聞到好香嘅麻辣味，但食落又唔係好辣亦都係好麻，啱晒啲唔食得辣嘅人、而又好想食麻辣味嘅朋友。但對於我黎講，我覺得辣啲會好味啲，佢呢種辣度仲溫和過普通香辣脆雞。😆😆其實肯德基個磨菇飯我都幾欣賞嘅！有時仲會專登淨係買個磨菇飯食，但大家又有無留意到唔同店個磨菇飯嘅辣汁都唔一樣， 好似呢間買咁，就一啲都唔辣。😂😂輪到甜品葡撻啦！真心無得輸！咁多年都咁好味，雖然佢已經細size咗好多！抵就唔係好抵食，但味道依然好味😋

來到這裏快餐店吃了一個雞包和雞肉飯，飲了一杯檸檬水，感覺還可以，價錢中等，間中吃下西餐也是一種幸福，餐廳裝修簡單乾淨，看見有學生有上班族來這裏吃東西，感覺融為一體這就是香港人的生活吧。特別推介薯蓉，那種兒時的味道。間中也會有優惠的早餐，雞肉卷、通粉是例子。

近幾星期在沙田運動場上跑步班，思前想後，心很想食炸雞，最後見到KFC 便入店內！現在kfc 套餐選擇多了，相反一人餐比起兩三年前少，可能我無留意吧是日點了二人套餐：兩客普通雞皇飯，兩件上髀雞，脆著塊，兩杯百事，兩件辣脆雞。我同朋友見好似唔多足夠，於是加多五隻雞翼由於我地係十點關門前，最後雇客，我講希望多汁，結果好多汁，正呀！磨菇飯炸雞都係辣既好食，辣既炸雞用麵包糠炸起，比較脆口，而且唔辣，我唔食辣，都唔覺辣

今天來到禾輋廣場，看見肯德基門囗放置的宣傳板上介紹的桶飯超值選，非常吸引，令人垂涎欲滴。時間已經是十二時了，肚子都會有點餓了，我倆毫不猶豫便進入店內點了兩個桶飯，大快朵頤。雞扒拼厚切餐肉桶飯餐 $33賣相不個俗，無骨雞扒脆得脆口感，內裡的肉又不會韌，味道有點微辣。不吃辣的我也能接。厚切餐肉非常有囗感，但個人覺得味道有點過咸，但配白飯來吃是最好不過。白飯上的蘑菇汁為這個桶飯增添了另一種味道，亦令整個飯變得不會太乾。這個桶飯還包了一個飲品。吃一口飯，再喝一口汽水，真令人滿足。不想飲凍汽水，可選其他熱飲。33元的頓午餐，真是難得。