肯德基家鄉雞 (KFC)

Open Now

Now Closed

講起kfc早餐我真係好鐘意食蜜糖鬆餅成日都用yuu換過口癮蜜糖鬆餅表層脆脆地 入面就幾鬆軟不過如果蜜糖多番啲就好啦另外早餐配既雞扒都好食唔會過熟 夠滑身整體來講唔錯

今日行街經過見到KFC門口拉咗呢個海報！OMG又係我最期待嘅優惠桶餐啦因為耐不耐就有鋪癮好想食煎炸嘢或者好想食甜嘢最近就係好想食煎炸嘢啦！今日瞓醒覺趕住出門口咩都冇食直至到差不多，下晝兩三點先有時間一個人叫左$50/6件雞桶餐另外加咗杯凍檸茶坐低堂食慢慢嘆雖然都好多人見到好多公公婆婆同埋學生都叫呢個餐但係上餐速度都好快俾完錢都唔使3分鐘就已經拎到個餐啦皮脆肉嫩又多肉汁見到呢個紙杯蓋就知道KFC已經實行走塑啦所以而家去到KFC都冇膠手套派啦唯有用多幾張紙巾抹手，或者直接去洗手啦

今天下午 ，天色比較陰暗 。我走了過去附近的 港灣豪庭廣場地下 ，肯德基餐廳， 午飯。 但是餐廳內坐滿了客人， 我便叫了一個 外賣， 雞扒辣汁蘑菇筒飯餐 ，配一杯汽水， 都是30元。 雞扒炸得 又香又脆 ，蘑菇亦很好味， 加一杯可樂， 價錢 經濟。

今日嚟到港灣豪庭嘅KFC食下午茶，決定叫個蜜蜜燒雞全翼茶餐。間鋪頭好似唔夠人手咁，直頭叫啲客人唔好去櫃檯落單，用手機落單，有少少混亂。搞咗一陣，終於用手機落左單，嘢食又唔算來，差唔多等咗10分鐘左右就有。蜜糖雞全翼係偏細隻，但味道都唔錯，甜甜地，唔會好燶。個蘑菇飯呢，叫咗多汁，好彩個侍應都算大方，肯比多幾羹汁我，多汁嘅蘑菇飯係幾好食。葡撻就係發揮到平時嘅水準，一陣焦糖喺面，咬落去之後有香濃嘅奶味，好食。下午茶餐，總共係$25，都幾抵食。

純粹係想評論下呢個美祿鬆餅首先我覺得係好食，食落雖然唔係好覺得係 美祿味，但係都係有濃濃嘅朱古力味，食落唔算太乾，但略嫌佢上面嘅朱古力醬太少， 唔係好夠甜，面嗰幾多美祿波波都算係脆嘅，雖然已經唔係啱啱開盒嗰陣咁脆，但係整體嚟講係好味

因為係附近有野要做，所以要晨早出去大角咀食早餐，經過見到KFC個早餐都幾吸引，所以決定係度食返豐富早餐先！成個早餐薯餅 同 鬆餅係最正！尤其係加左多蜜糖嘅鬆餅！😋成個餐都係31蚊，依家係其他嘅茶餐廳食個早餐都唔止呢個價，起碼都要差唔多$40一個餐！最抵讚嘅一點就係餐廳嘅職員👩‍💼好有禮貌，又好有耐性教客人點樣用點餐機點餐！令到人流可以有效地分流，盡快可以點到餐，唔會堆積喺餐廳大堂嘅排隊位造成混亂！

今次叫左個99蚊餐，有8件雞，加8件巴辣香雞翼，即total 16件雞，同朋友2個人食。個8件雞我叫左4件粟米牛油黃金雞，2件香辣脆雞，2件燒雞。牛油黃金雞好好味，甜甜地，但唔會太甜。但略嫌粟米牛油的調味粉落得唔太均衡，如果多啲粉會更好。脆辣雞冇乜特別，同平時食個啲差不多燒雞不過不失，肉質唔錯，有彈性，平時都會鍾意炸雞多過燒雞，不過一個人食8件，食2件燒雞中和下都係唔錯既選擇整過而言，性價比高，最好食係黃金雞

出面落大雨，有d肚餓所以就去左kfc避雨加醫肚啦😄叫左S1 香烤蜂蜜雞翼餐$24再用支付寶減$3 好抵仔葡撻夠熱， 不過可以再烤濃d會勁好😄唔會鬆鬆散散咁keep到個温度 ,算唔錯😜雞翼小熱，夠蜜糖味我食過d好hea ,冇蜜糖味嫁呢間水準算啊錯！位置算多，都算滿😄整體覺得kcf進步好多😜

嗌左kfc外賣速遞 係大角咀呢間分店送去附近 用左大約一個半小時 黎到d雞已經淋晒 皮一d都唔脆 而且用紙皮盒裝一d都唔美觀 成個紙皮盒都索晒d油 個盒都淋晒 見到已經無乜食慾 然後再食雞粒同埋薯格 都係淋到不得了同埋已經凍晒 嗌左飯又無比到餐具 總括黎講感覺很差 短期內都唔想再食kfc

屋企冇飯食，唯有喺附近搵吓有冇快餐外賣，可以平靚正咁買返屋企食啦。我發現KFC原來有呢個大桶雞皇飯餐，只係$26，😳包一個大桶飯，而且仲有嘢飲，好似幾抵喎。係絕對窮人因物啊！所以就黎試吓啦😏😏😏😏返到屋企打開嚟睇先至有驚喜！其實個筒飯都幾大個，而且除咗上面有醬汁即係蘑菇汁之外，仲有幾舊巴辣脆雞，等我唔係只係得雞送飯咁齋😆好貼心🙌🏻而且個飯嘅份量都唔細食，就算係男仔，食完個飯都絕對會夠飽🤩下次糧尾，都一定要記得嚟幫襯買呢個窮人因物啊😂😂

以前kfc會不定期有$50 6件雞嘅優惠活動，依加好似逢禮拜一都會有同埋『storellet』呢個app有得免費做kfc會員，只要你喺埋單個陣嘟返個code就可以儲分，每儲夠指定分數就可以免費換野食，都幾好今次就買咗$50 6件雞同用app用優惠價買咗$60蚊二人餐$50 6件雞4件狂惹香燒雞2件香辣雞$60 二人餐細蘑菇飯細白汁雞皇飯一份薯格4件狂惹香燒雞2杯百事total $110，但有成10件雞，兩個飯，一份薯格仲有野飲，我諗三個細食嘅女仔先食得晒，同埋味道比以前好，燒雞好香好滑，家鄉雞就正常味啦，辣雞如果再辣多少少會更吸引！不過個app好抵down，大家都不坊down嚟用，無謂浪費咗d分。

KFC分店眾多，唯獨大角咀多年來未有得食雞，望穿秋水卒之等到了，緊係拿拿聲走去幫襯。呢間位於港灣豪庭商場地鋪的KFC唔算很太，但吸引到一大班正值發育階段的中學生捧場。櫃面有三部自助下單機，據外國研究發現輕觸式屏幕表面含大量細菌，衛生程度堪憂，好在隔離有部自助洗手機供貴客食雞前洗手，非常貼心。開餐啦，揀左牛油蜂蜜脆雞，磨菇飯，加隻葡撻，好香牛油味，再加埋蜜糖，個味幾夾，可惜塊脆雞皮同雞脾太易分離，雞還雞皮還皮咁，豪無默契可言。磨菇飯一貫地唔夠汁，可幸的是葡撻夠熱燉蛋夠嫩滑。見隔留學生哥食桶飯餐，大大兜好想試下。題外話，呢間KFC好適合食二手飯，我坐到食完個餐張枱都仲未執好，好似等西利哥黎開餐咁。