肯德基家鄉雞 (KFC)

Open Now

Now Closed

五月上旬‧晴上次寫過老麥的雙牛芝堡食評，今次，我寫的是肥佬上校的芝士雞腿包。即叫即做，包是熱的，不錯。內裡夾了連皮的雞腿，敗在煎得不香，不過肉質叫嫩滑。加上芝士及大量的茄汁，反而濃味得滯。十元，吃得飽，抵食，今時今日已是賣點。

早起的鳥兒有蟲食....好開心, 今日睇住熱烤卷出爐, 重唔拿拿林order番兩條過下癮4號餐 美式熱烤卷 $17 跟咖啡, 卷內有煙肉、滑蛋、薯餅、芝士醬......yummy yummy! 薯餅脆卜卜再混合芝士醬還有炒蛋滑滑. OMG,超標啦！超標啦！煙肉幫助把卷帶有鹹香味......再配咖啡就一流。3號餐 秘醬燒雞熱烤卷 $17 跟蜜糖綠茶, 卷內有秘醬燒雞、滑蛋、鮮茄、蕃茄醬......不得了....不得了...秘醬加蕃茄醬...酸甜甜, 重有茄蛋配燒雞......我投降啦！幸好有杯蜜糖綠茶打救我, 幫我從痴呆裏叫醒過來。心型雙妹嘜迷暈黨, 我告訴你們 ---- 這才是武器！

話說之前有coupon，係十蚊有個早餐。就有個薯餅、香蜜鬆餅同杯野飲。呢日實在太好，可以抽到時間過黎嘆個早餐。可能人要返工，所以餐廳既人流唔太多。個早餐其實唔算太多野食，個薯餅同M記既差唔多樣。但個味道會好食，而且好脆口。入口仲有小小辣辣地，個薯餅好食過M記既。而香蜜鬆餅同平時食既都差唔多，整得好鬆軟，牛油味好夠。整體上都幾好食，食落又脆口。雖然只係十蚊到既早餐，但都無將貨就價。食完個早餐，飲杯熱奶茶。個奶茶都幾有港式風味，茶味算幾香濃。雖然唔可以同茶餐廳比較，但朝早可以飲番杯似樣既奶茶。做野都會有精神既。而家百物騰貴，食個早餐都十幾廿蚊。好彩，佢地有時都有出coupon，我先會出黎食早餐。

平時我係唔會去KFC等地方食餐的,但因有coupon同埋今日心情靚靚,所以自已一個人去食喇我個餐有分量好大,好飽不過我覺得我似早上食"lunch"或"tea"囉,又肥又盛,唔太似早餐,似食brunch多D鬆餅 - 鬆過頭,好易碎,太甜腸 - 冇乜特別,ok雞朳 - 好肉酸,似隔夜的,係味道ok番茄粉 - 酸酸的,好醒胃,但太味精咖啡 - 進步左好多好多我先前飲係又酸又冇乜咖啡味,今次有咖啡味,但都麻麻,有待改進

同朋友做完野經過就上來吃一個餐點了5號+F 0.0b這個包好吃煙肉味很突出裏面的生菜+番茄很爽口,芝士很細塊最正都係雞腿一邊吃一邊流汁好味!!

呢日一個人叫左KFC外賣,叫左4件最近大熱的"狂惹燒雞",要了三件雞鎚和一件雞胸, 因為我較喜歡食啖啖肉的雞!狂惹燒雞, 一打開盒真係好香 !不過香既只係佢出面個層皮, 如果把他撕了的話,入面既雞肉,其實係冇咩味道既........但難道見到有咁多肥膏的雞皮你會不忍手撕下嗎 ?本身叫了墨西哥脆脆, 後來他們介紹新出了的「芝士香草汁格格脆薯塊」,問我有沒有興趣試試, 既然係咁就試了這個 !!把普通的格格脆薯塊淋上, 墨西哥脆脆的芝士汁和香草汁,賣相確實不錯...但我還是喜歡原本脆卜卜的薯塊。

之前唔知邊度有coupon，有個咁既早餐。呢日返學之前就路過呢度食個早餐先。是日所見，人真係唔多。可能人唔會太早起身。始終係星期六嘛。芝士雞扒包好多年都唔會食既，個包都算大個。個雞扒會有沙律醬，個配搭真係幾特別。我又幾鍾意咁食，個雞扒包要熱食先好食，凍左就唔想食。總之，芝士雞扒包加沙律醬係幾好既配搭。熱奶茶當然無大記既咁好飲，不過都唔算差既。唔係有coupon都唔會食，因為都唔算平而且好多時都唔係太順路。

有早餐coupon,買家鄉雞扒芝士包十熱咖啡 / 茶, (送細鮮茄通粉)真奇怪!雞扒芝士包加埋沙律醬,又ok喎趁熱吃雞扒很脆,好味道,我喜歡吃送的鮮茄通粉湯是暖,不夠熱度熱奶茶也不夠熱度這價錢算便宜,有coupon吃得過現買KFC現金劵5本有9折,若是有學生証買一本都有9折,扺買呀有2009KFC卡有85折,就更加扺買有早餐coupon加現金劵,重平多$1 蚊呀,哈哈!

琴日同左女友去左呢間店到食晏,叫左個雞肶磨茹飯餐,雖然味度一般,但個份量好多,隻雞肶都好大隻,連野飲都係$26,抵到爛啦.

呢一日唔知食咩好，就黎呢度食夜晚果餐啦。見呢度出左新既芝士脆雞餐，就試下先啦。芝士脆雞講真，我覺得最吸引既係個芝士醬。個芝士醬好香濃，同個雞好既味好夾。個雞上髀仲要有陣蒜蓉牛油味醃過，所以更加好食。墨西哥脆脆呢個就爭啦，唔脆既，一都唔好食。蘑菇飯無乜特別，唔算難食都唔算好食。紅豆冰呢個就幾好飲，除左紅豆之外。仲有椰果，食落去好爽口。呢個餐都算唔錯既，有個芝士醬就好食好多啦。

日期：2009-07-03 在網上"KFC"買了新推出的"芝士脆雞"($18~2件)、"厚燒雞腿包"($18)及香蜜鬆餅($22~3個)。在家用小焗爐翻熱。1.芝士脆雞(配芝士脆雞醬)---廣告稱以車打芝士、巴馬臣芝士和忌廉芝士醃製，但根本完全沒有芝士味且雞肉乾嚡!芝士醬中混入了辣椒粉，芝士味濃，辣味頗重。2.厚燒雞腿包---漢堡麵包夾著厚身燒雞腿扒、厚蕃茄片、生菜和炸薯餅，配上黃芥辣和蛋黃醬(Mayonnaise)。燒雞腿扒是用"Roast(熱力燒烤)"方式烹調而非用"Grill(明火燒烤)"。雞腿扒厚身，肉質嫩腍，帶蜜糖甜味。厚蕃茄片和生菜爽甜，炸薯餅微脆且薯味足。黃芥辣味道濃郁惹味，蛋黃醬酸甜醒胃。3香蜜鬆餅(3個)---外脆內鬆軟，牛油味香濃，蜜糖味香甜。

在網上"KFC"買了新推出的"厚燒雞腿包(2個)+"瑪嘉烈葡撻(6個)($60)。1.厚燒雞腿包---漢堡麵包夾著厚身燒雞腿、厚蕃茄片、生菜和炸薯餅，配上黃芥辣和蛋黃醬(Mayonnaise)。燒雞腿是用"Roast(熱力燒烤)"方式烹調而非用"Grill(明火燒烤)"。雞腿很厚，肉質嫩腍。厚蕃茄片和生菜爽甜，炸薯餅不香脆但薯味足。黃芥辣味道濃郁惹味，蛋黃醬酸甜醒胃。2.瑪嘉烈葡撻---酥皮很鬆脆，蛋餡十分幼滑Creamy，蛋奶味和雲呢拿味濃郁。楓糖香甜，整體甜度適中。

KFC外賣($84)，用了葡撻優惠卷，送4個葡撻，真開心。本來送貨員送漏了2個，我打電話給店舖職員，15分鐘後，4個葡撻終於團聚了。1.芝士白汁煙肉雞皇飯---芝士白汁味道過鹹，芝味很淡。配料有蘑菇，煙肉和雞肉，份量足夠。白飯硬了點。2.雞串骨---肉質算腍，味道微辣，十分惹味。不過一串份量太少。3.公司家鄉雞烤卷---烤餅卷著家鄉雞柳、蕃茄、生菜、煙肉和芝士，配上滑蛋沙律醬和芥末醬。雞柳肉質軟腍，蕃茄生菜新鮮，煙肉鹹香，醬汁酸甜惹味。4.家鄉雜菜雞湯---味道濃郁，湯料算足，薯仔煲至起沙，質素不俗。5.瑪嘉烈葡撻---酥皮十分鬆脆，蛋餡幼滑Creamy，雲呢拿和奶味濃郁，甜度適中。

想食個雞卷好耐,今日就叫外賣黎試下啦...公司家鄉雞烤卷: 雞卷打開後的樣子,不太討好,但係味道唔差有蛋沙律醬,煙肉,生菜,D雞都幾滑..佢話入面有埋芝士,不過反而唔係好食得出...墨西哥脆脆: 佢竟然送漏左芝士醬比我.....冇芝士醬我不如唔好食 !?最終都打返去叫佢送黎...哈哈,不過都幾驚會加料.......但愈食愈覺得唔好味,又普通..為芝士醬而食..普遍d野食都幾貴......而且味道又麻麻..都係唔好食太多

今日早上來呢度食早餐，因為出左個薯餅烤卷。點知就賣哂，個收銀就建議我食個肉鬆烤卷，但我又唔想食。所以就食左個炒蛋早餐，配雞扒同鬆餅。我太大意啦，我唔訣得個雞扒要走汁，佢倒完我先醒起。我同佢講唔好意思，佢又同我講番對唔住啊，係我自已唔記得，佢又何罪之有呢？呢個收銀既態度唔錯，收銀服務既態度同銀座比，呢間好好多。雞扒走左汁係好食，又唔會太鹹。更唔會因為汁令到雞扒淋哂。炒蛋普通啦，我覺得有鞋口，而且蛋味唔多夠。蕃茄通粉同大記既無得比，個湯底好淡。但唔知點解，個湯會有幾多既蛋絲，不過都無乜野既。鬆餅呢個係我最愛，今次又幾好食。個餅甜甜地又脆卜卜，蜜糖又搽得好勻。呢個係今餐最好食，亦係我最期待既。凍奶茶都唔錯喔。雖然食物就麻麻，但服務令我留下深刻既印象。笑臉實有既。