肯德基家鄉雞 (KFC)

Open Now

Now Closed

今次係荃灣荃新天地的KFC食早餐之前見到話有個新出既「薯餅蛋包」早餐，就走去試試。hash brown & egg with coffee 整體試口感幾得別，蛋唔會太乾，配上熱咖啡一流。

上堂前食個飽飽早餐,今日就去灣呢間kfc,買個外賣返去食,開始走塑,所以餐具全部都紙製,幾好,如果袋都換紙的就完美了。點左2個餐,一個係醬燒雞排豐盛早餐,內有醬香雞排,雞排都得入味,鬆軟厚焗蛋,蛋味香,不油,中間比較嫩,香腸比時食紮實,香蜜鬆餅,外層微甜脆,內裡鬆軟帶有面粉香。飲品加3蚊升級到雀巢美祿,巧克力和麥芽的香跟甜真的久喝不厭,早餐必選。第二個餐就醬燒雞扒醒神早餐,都差不多,不過就轉左薯餅,跟咖啡。不錯,下次試下堂食,睇落地方都舒服。

🍗肯德基家鄉雞（KFC)📌荃灣荃新天地2地下·好想食一個香口的下午茶，KFC和Calbee 熱浪薯片熱辣聯乘創造了熱浪香辣脆雞。T4 香蜜鬆餅茶餐（$28）一個外層蜜味香脆，中心鬆軟有黃油香的鬆餅🥞，口感一流，一次過有兩種口感，太好味了。還有兩隻熱浪巴辣香雞翼，外層的脆包含了熱浪薯片的吸引，辣味的雞翼特別吸引，內𥚃的雞肉還是嫩嫩的好惹味香口。KFC的熱奶茶很不錯，香濃、奶味和茶取得平衡，有點兒回甘。

🤴🏻好好見出咗新嘢就外賣到我公司附近嘅food court一齊食，但比漏咗雞卷，因為我要返工先食完後🤴🏻自己返去問佢攞返！同收銀講件事，佢就pass俾執餐嘅員工，該店員話要先打電話俾佢哋確認，但單上及OpenRice上都沒有電話，而且只相隔唔夠兩個鐘（6:00-8:00pm ），最後店員好唔情願俾返個雞卷我哋，仲叮囑我哋如果再有下次要上官網搵返個電話打俾佢哋先，我真係無語啊😳😳～～～合味道香辣海鮮脆雞～～～Hea雞，都估到係只係落啲味粉上去，但味粉嘅味道唔到位，味粉嘅份量亦都點到即止，只有向上嘅表面有微微嘅味粉，底部係冇㗎😥😥！差👎🏻～～～蜜糖芝士脆雞卷～～～特登返去攞返嘅雞卷，🤴🏻話唔好食，雞肉份量少、表皮好硬、菜係黃嘅！差👎🏻～～～巨峰椰果七喜梳打～～～非常普通，唔特別嘅飲品🥤！😐😐～～～朱古力榛子雲朵☁️葡撻～～～呢個好好食，棉花糖半溶狀態，可惜朱古力味太油，有種上輕下重嘅感覺！😗😗

12:40pm 掛8號風球，🤴🏻就提早放工，我就依然要返工，咁不如返工前約🤴🏻食個花生🥜Lunch先！☺️☺️～～～花生醬香辣雞腿包～～～底層有適中嘅花生醬，花生醬係帶有花生微粒增加少少🤏🏻口感，都幾香花生醬味，同巴辣雞腿包夾唔夾就OK啦，起碼冇違和感，唔討厭先😚😚～～～花生醬香辣脆雞～～～肉眼可見有大量嘅花生醬，香炸外皮配上花生醬都幾特別，裏面嘅肉就唔會有花生醬味啦，不過今次嘅炸雞都幾多汁，合格啦🤭🤭！～～～粉紅葡萄柚梳打～～～感覺好細杯，唔似廣告上咁樣😅😅，係一杯淡葡萄味嘅飲品，試過一次就算😗😗

KFC（肯德基）是全球知名快餐連鎖品牌之一，以其著名的炸雞而聞名。無論你身在哪個國家，都會有間KFC係你左近！炸雞品質：KFC的炸雞是他們的招牌產品，並且一直以來都保持著高品質的口碑。經過特殊的調味和獨特的炸製技巧，KFC的炸雞外酥內嫩，帶有誘人的金黃色外皮和多汁的肉質。他們的秘方調味料讓每一塊炸雞都充滿了香氣和獨特的口味，使得每一口都令人愉悅。無論是原味還是辣味炸雞，KFC都能滿足各種口味的需求。多樣化的菜單：除了經典的炸雞，KFC還提供各種多樣化的菜單選擇。他們的炸薯條是絕對不能錯過的，外酥內軟，是理想的伴餐選擇。此外，他們還提供各種不同口味和風格的漢堡包，從經典的雞肉漢堡到創新的素食選擇，滿足了不同消費者的需求。他們的配菜選擇也相當豐富，例如沙拉、墨西哥卷餅和炸雞翅等，讓你能夠根據自己的喜好和飲食需求進行選擇。結論：無論你是炸雞愛好者還是快餐愛好者，KFC都能為你帶來令人滿意的用餐體驗。無論你走進哪一家KFC，你都可以期待品質一致的美味炸雞，並且享受到他們多樣化的菜單選擇。

KFC是美式快餐中广受欢迎的品牌，我尝试了他们的炸鸡桶，口感非常棒！炸鸡外皮酥脆，肉质鲜嫩多汁，入口即化，一整桶足够分享给家人和朋友。此外，KFC的薯条也非常有特色，味道十分美味，给食品增添了更多的口感层次。值得一提的是，KFC在服务上也优秀，员工热情礼貌，为客人提供贴心的服务。总餐厅氛围也非常温馨，超级适合家庭和闺蜜聚餐。总之，KFC是一家非常值得品尝的美国快餐品牌，值得一试！

一日之計在於晨，早上係我哋最精力充沛嘅時間，所以唔食得好啲點樣發揮到好表現，自己覺得肯德基嘅早餐其實唔錯，性價比仲高過麥當勞同其他茶餐廳，不過最可惜屋企附近冇肯德基，所以冇得成日食，今日因為工作關係，所以有幸可以食到。早餐嚟講其實選擇並唔多，今次試咗醬燒雞扒通粉豐盛全餐。醬燒雞扒通粉豐盛全餐 ($36) : 有醬燒雞扒、滑蛋、香腸、香蜜鬆餅、蕃茄濃湯扭扭粉、即磨咖啡。雞扒夠入味之餘啖啖肉，鬆餅更加係我嘅至愛，另外滑蛋雖然唔係滑嫩口感，但係份量都幾多，唯獨是蕃茄濃湯扭扭粉份量就少咗啲有點可惜。

午飯時間買個外賣返去食，一邊食薯格飲汽水，一邊睇戲，賞心樂事🥳可惜沒有「雞、飯、薯格」合一的一人餐😔所以點了這個套餐再另購薯格，三十幾蚊但有4隻雞翼感覺好抵😌🌟M6 巴辣香雞翼 $34 + 薯格 $16 = 本次消費 $50另加購薯格都係得6塊…咋，物價貴呀😪突然發現原來openrice有KFC 95折美食券購買，即$20減$1，本人第一次喺openrice買折扣券。從店務員口中得知下，原來同一張訂單可以使用多張95折美食券扣減，我即買即用，原來都真係幾方便同簡單使用👍🏻所以今次合共扣減了$2✌🏻另外可以儲yuu積分😙如果你唔嫌麻煩可以填埋收據上的問券(唔需要5分鐘時間)，下次減$5優惠，樣樣少數怕長計呀😆雖然優惠金額只得些少，但希望呢個優惠都長做長有啦，畢竟快餐都經常用得著，食到變常餐😂如果你會堂食的話，設施齊備，有洗手機、自助斟水機，座位亦算寬敞。自助落單機

🥢 實在太耐無食快餐店，突然想食KFC，實在太掛住佢哋嘅炸雞，KFC就係慳荷包嘅選擇，CP值極高，仲要超級超級抵食又飽肚👶🏻 👍🏻 價錢平民化超級平，用佢哋嘅app叫仲有其他優惠可以用，仲可以儲point添😝 ✨ 今次叫咗個regular嘅雞餐，仲係鹹蛋黃金味嘅雞雞🐓🐓，除咗有雞胸同雞髀，仲有炸皮雞翼，全部都超級香脆，每一啖嘅雞油味都好出，外層塊皮又有鹹蛋黃味配合埋雞嘅鮮味，簡直絕配😍😍

剛剛同🤴🏻係對面譚仔三哥食咗一個好味但又好嬲嘅一餐😡😡（上一篇），反正KFC有新餐就同🤴🏻過咗對面又食過🤣🤣～～～意式香草燒雞🐥～～～感覺只係狂野燒春雞🐥上灑上香草🌿粉，就係多咗一陣香草🌿味，冇乜驚喜😃😃～～～燒雞🐥扒卡邦尼香草🌿焗飯～～～反而呢個焗飯有好香濃嘅香草🌿味，醬汁覆蓋晒成個飯，雞🐣扒幾厚唔差，OK以上😁😁～～～紅寶石西柚梳打🥤～～～最有驚喜就係呢個梳打，🤴🏻好鍾意❤️，西柚嘅酸甜味加有氣梳打，令到身心舒暢同時解膩！正👍🏻👍🏻～～～阿華田脆脆葡撻～～～食嘅時候要小心因為咬開後裏面嘅阿華田醬會多到流出來，雖然多醬但阿華田味唔係好濃，面上嘅脆脆唔夠脆，亦都幾油，一試就好啦😊😅

有效率！有一定水準。平時翻工要外勤，趕好多地方。荃新天地依間KFC我都食過唔少次。佢效率非常高，未試過要等好耐。而且佢啲食物通常都熱辣辣。今次又趕時間食KFC我見佢都好多人排隊，但係我落完單半分鐘就拎得。佢今次個巴辣雞腿包，塊雞熱辣辣，個蕃茄好新鮮好Juicy。唯一就係個包有啲乾，唔軟身擺得耐有啲啲有啲似法包。薯格是新鮮的，保持水準。平時我食$29好便宜的炸雞扒飯，又好味又飽肚，如果大家趕時間又想慳啲錢可以試下

今日好忙呀嗌咗個外賣嘅kfc下午茶套餐嗌咗一個爆脆雞餐有兩件爆脆雞經典葡撻巴辣香雞翼百事可樂好大份好夠食完全唔驚唔夠食啲炸雞都炸得好脆個經典葡撻好多焦糖今日啲服務都好好

如果時間許可, 返工前會去肯得基買返個早餐返公司食。肯得基既雞同鬆餅都係我至愛, 呢個早餐就有晒2 樣! 完全夾埋我口味!原味雞扒加埋個汁, 又淋又好味!鬆餅真心外脆內軟, 外層掃左蜜糖焗到好脆, 但裡面鬆軟, 濕濕的! 不過如果齋啡可以濃D 就更好了! 而家有少少太稀! 加上用優惠卷可以以優惠價$27.5 就買到! 好抵食!P.S. 本身諗住用餐廳自家APP 落單, 但加入購物車後發現唔能夠修改飲品 (我想ORDER 齋啡, 但佢預設為奶茶), 所以唯有落店先ORDER, 希望呢項可以改善。

平時吾太會買KFC, 因為怕熱氣。不過身邊的人都好中意😅😅😅不過今次kfc 聯承左kit kat 朱古力推出左新產品： KFC 鬆餅和葡撻配上雀巢 Kit Kat 朱古力，好吸引。一於要試下先。KFC 設計左兩個餐for 呢兩個甜點。朱古力鬆餅賣相吸引，不過朱古力味吾濃，同食普通鬆餅冇分別。唯一值得開心既係，中意鬆餅的人可以係夜晚都買到🤣🤣🤣🤣而朱古力葡撻就令人意外，除左面頭鋪滿kit kat 朱古力碎，咬一口會湧出濃濃朱古力漿，好正！不過就會甜左少少，甜魔favour 💕