肯德基家鄉雞 (KFC) (Closed)

是日打風, 放左工唔想返屋企住, 同朋友去左荃灣行街打算去愉景FOOD COURT食平平2餸飯, 點知去到咩都CLOSE哂得番KFC同M記, 好耐無食過KFC就入左去食2個人叫燒雞餐配薯格, 乳酪布丁, 4件巴辣雞翼1. 燒雞: 夠惹味, 都算滑2. 薯格: 脆3. 巴辣雞翼: 我食果隻好似特別細, 基本上無肉食4. 乳酪布丁: 好重乳酪味, 朋友話唔LIKE, 但我好鐘意. 可惜, 唔滑燒雞, 薯格, 巴辣雞翼都係唔熱的咁少野食左64蚊, 又唔飽肚有選擇都係去餐廳好

曾幾何時這裡的葡撻掀起過一番熱潮，幾年後再試，味道實在叫人跌眼鏡，蛋漿很實吃起來似吃「糕」多一點，千層酥皮也放了好些時間，脆而不酥，$6／件，也不過原來如此的感覺。

是日到荃灣租借畢業袍,順道去愉景新城填飽個肚~~諗唔到想食乜之下,去了KFC吃個下午茶~~Order了一個芝士雞扒飽 + 熱咖啡,個人好鍾意食KFC的雞扒,因為夠晒大塊兼肉質嫩滑,第一次試芝士雞扒飽,覺得芝士搭配雞扒都唔錯,不過我都係鍾意配生菜多D~~~咖啡方面,近來的KFC咖啡真係好飲左,改左做即磨咖啡~~感覺良好 唔鍾意飲太多奶的可以叫佢少奶,因為佢落奶的份量都幾重手,唔係個個都鍾意 = ]

本星期3於沙咀道外賣速遞35元白汁雞皇意粉作午餐,意粉和白汁份量正常,紅蘿蔔3幾粒,薯仔3幾粒(5毫子尺寸),青豆10粒以下,雞肉碎5粒以下(尺寸比蠶豆更細),本人最後開了兩包紫菜伴食,大公司的餐盒竟然連茶餐廳也不如,付出35元換來一個齋外賣,真是十分過份 ( 以為是白湯 )

第一個差~服務~有日去買早餐~我叫係一個包嚟的~佢話要立即整~要等一等等左好耐都未有~我見到廚房的人~在食一個疑似我點的那一種包~佢食完先開始整我嗰個...........我唔係話員工唔可以食嘢...但唔係個客等外賣時當住人面前食law....第二個差~今早叫了個芝士雞包~又係話要立即做...好啦~我見到有個人~夾左2條雞條入去...原來就係整個包俾我~但我明明見到我後面嗰個~佢堂食~係一大塊雞扒嫁wo...我拎到~個包...凍的...雞條~凍的~咬落似雞乾~個包又凍~個雞又凍又乾...想點呀!!!!!!第三個差~有一次又係早餐時~單買了一個鬆餅~唔知係唔係d蜜糖太貴~我完全食唔到蜜糖味...用肉眼都好難看得出........佢係夠脆~但冇味~又有乜用.......冇眼睇~明明唔多客都唔俾心機~我地呢d街坊客...見到d員工咁...d質素咁~~點會仲想幫襯呀~抵你冇生意~

5.5.095月第一次打食評...唔打都對唔住自己=.=呢度真係要BLACKLIST!!!!首先買左個8號早餐....$24.8我比左$40....佢只係找返$11.2???仲有4蚊呢??明明係佢做錯仲好似當冇事咁...一句唔好意思都冇又話個錢箱閂左拎唔到....叫我一陣再黎!!激氣!!隔左陣佢都仲未找比我, 又再問多次, 最後有個同事幫佢拎比我講返個餐, 原本應該好豐富但見到真係唔多掂.......嚴重大縮水首先食個通粉....凍的....而且裡面係冇料D湯完全一D熱都冇.....裡面得2條蕃茄皮...一粒肉都冇雞扒細到暈....D炸皮超厚....落埋D好似"張"糊既汁十級難食!!!! D雞肉又老又"鞋"....得個咸字到塊蛋....唔知點解成塊火腿咁樣又扁又平的長方形......只覺好實....個鬆餅算係最正常個樣....但都唔見得好食完全冇鬆可言....好硬.....入面又好實....食食下仲見到枱底有隻麻雀係度經過=_______=都未見過點解有麻雀走入KFC杯奶茶原本都OK....但佢比左啡糖我.......同埋我見其他人食係有個膠杯...但我就紙杯唔話你縮水都唔得LA...

我本身以為入去買個雞卷的~但見到依家D雞卷有3種WO最後我揀左~薯餅煙肉蛋卷哈哈~好似唔係好夾咁卷埋一齊之後~薯餅被焗林了~但呢D材料加埋~都唔差WO~薯餅唔似m記~但味道ok~煙肉香~配炒蛋ok~不過就好似貴左少少~16.8~唔係好平~仲有一杯汽水~呢種早餐~都係少食為妙啦~

上堂之前黎呢度食早餐，之前買左KFC既coupon，今次有得用啦。呢間KFC朝早都唔算太多人既，我就食左個雞扒炒蛋同加錢飲凍Mocha。雞扒炒蛋雞扒特登要走汁，但個收銀唔記得左，要我叫一叫先記得。個雞扒都唔差既，肉質還算鮮嫩。個皮好脆架，呢個係走汁既好處。而炒蛋都好滑，但牛油味又唔會太重。而鬆餅一向都唔錯既，又唔係太甜。皮脆內軟，算係我愛上佢既理由。凍Mocha唔係太好飲，佢係預先加八成既冰再加朱古力漿。之後加凍咖啡，再噴cream同朱古力漿做裝飾。個味道好普通，咖啡味比較重。就算係特濃咖啡加鮮奶都無今日飲既咁濃咖啡味。由於佢地之前落左幾多冰，所以飲完都有半杯冰。呢杯野轉飲加七蚊，好彩有coupon，唔係真係蝕哂。呢餐只係食物唔錯，飲品真係令我好失望。下次唔會飲呢飲品啦，真係唔好飲既。另外，佢地明明有碟都唔用，要用即棄餐具。係好對環境唔負責任既行為，希望可以改善下啦。

有個胃如黑洞的男友~不知道是好是壞~~剛在家吃過一個即食麵知半盒macaroni n cheese~上巴士前又說想買勁多忌廉蛋糕~最後半個小時下車之後~又嚷著要吃肯德基~快要昏倒了~~~~!很久很久沒有來過愉景新城的這一帶了~美食廣場這一邊就更加是小比第一次踏足~沒想到原來這裡也有這麼多國美食~而且全個商場也好像只有這區多人點~~六時多的pre-dinner~選擇了吃新推出ge雞脾皇一人套餐~衡量過普通的一人常餐~有2件雞1個小蘑菇飯和汽水~已經$29.5~但現在一大雞脾加上大裝蘑菇飯也只需$24.5~沒有不叫的道理我隊的服務員十分新手~也沒關係~~餐廳的入座率大概七八成左右~多為十來歲的小伙子和孤獨的老人家~我倆很快就坐下了~這陣子吹得強的雞脾皇風又如何呢?還不是普通沒切開的雞脾~~沒有特別之處~但感覺上拿著整隻雞脾吃比起吃排排骨的雞胸來得有趣~隨餐的大蘑菇飯反而是超值之選~大裝的蘑菇飯比起小的大上不至一倍~而落單後即盛上的蘑菇汁份量多得湧下盤了~小比總覺得這帶黑椒味的汁醬與薯蓉那個有九分相似~但這個味濃得多~可惜飯底偏淋又黏~是多水焗多久的後果~小比只吃蘑菇就夠了~其他的沒興趣~就

我都忘記個餐名叫什麼，我只知道望完食物份量和賣相，我就燥燥地，個碗磨古飯少得咁可憐，就唔好俾我拉，得兩件雞，無味既，已經唔熱但又唔暖，點吃呀。個幾粒就係魚肉，無味。30元完全唔值，無進步，再係咁，笠硬。

kfc~間間都差唔多味嫁啦...但呢間近我屋企~我食得多d上次食的時候~加左$4.8~要左個朱古力粒粒味道不錯~中和左雞的辣不過發現左奇怪嘢..............點解食完粒粒....見到個發泡膠兜冇左一截....仲要半透明左...就嚟穿咁...姐係d朱古力粒熱溶左個發泡膠兜？食完...好不安.......

今日同個同事去咗愉景新城既KFC食lunch, 雖然呢間分店既水準好唔穩定，但係一來諗唔到去邊度開餐，二來都想試下新出既雞扒飯，所以都冒險試下啦。可惜今日都係令人失望而回。我哋買咗兩個餐包括一個雞扒飯、兩件家鄉雞、一份細薯格、一杯氣水同一杯柚子蜜。今次未開餐先激憤，我哋明明話堂食，個收銀機都入咗 “diet in”，但係個店員畀咗份外賣我。雖然話食物一樣，但係外賣既柚子蜜比堂食既小一半，好彩我係個有修養既人，見個店員又笑曬口咁 say sorry，ok ! 今次我唔同你計！由於佢用咗外賣盒，所以我哋坐底打開個盒先見到啲食物係咩樣。Oh no! 啲家鄉雞黑盟盟，好似翻炸過咁樣，我個同事即時走去換 (亦由於佢太心急，我無時間拍底罪證)，但係換返唻既依然係黑黑哋，叫做好過之前嗰兩件咁囉！雖然食落件雞都ok，但係我哋都唔敢食皮，實在係無理由咁黑既！咁我到底想講咩呢？！我之前係呢間KFC，食過一件凍到好似做好咗之後，放咗兩個鐘咁樣既家鄉雞；又有一次食過乾到唔係炸過頭，就係翻炸過既家鄉雞；今次就遇到件黑盟盟，好似用千年油唻炸既家鄉雞。雖然唔係話次次都係咁，但係三次裡面會有一次係咁，你都唔想再幫襯啦

之前睇過其他食家的食評,令我心思思想食,終於有機會啦!要兩個套餐,一個$29.5有兩隻山椒麻麻雞翼,一個日式咖哩飯,一杯汽水.一個$34有兩隻山椒麻麻雞翼,一個日式咖哩飯,一杯汽水加多一件萄撻.用八達通滿$40,仲送一件鬆餅.鬆餅幾脆,但冇乜味.萄撻好味,好香好酥.咖哩飯係日式咖哩,甜甜地,但啲飯唔得,好似焗咗好耐咁.山椒麻麻雞翼,皮好脆,一食落去首先有蜜糖味,再嚟辣椒味,最後仲咬埋啲芝麻香味.真好味!

5月14日晚, 爸爸和細妹話要留在家, 睇女人唔易做大結局, 因為母親節既關係,佢地驚出街食飯人多, 所以細妹提議買KFC 回家一邊睇電視, 一邊食! 要左$128 既桶餐, 份量足夠三父女吃到飽! 格格脆薯塊, 味道算香, 但有少少淋, 少少軟, 唔夠脆! 9 件雞同5 隻雞翼已經涼了, 但味道依然香, 仲有兩小杯薯蓉, 兩小杯飯, 兩枝小粟米, 四杯汽水! 一家人吃得很滋味, 食完便掉, 唔使洗碗, 可以專心睇電視, 好極!

新推出Popcorn Chicken人人話好脆、好好味~ <br>唔知係咪因為我take away 關係呢~ 淋o左~ 不過都幾好味~咪睇細細盒呀；入面都幾多粒o下~ <br>另外燒腿包我又係好鐘意食~ 雞肉嫩滑美味又唔熱氣~ 加多塊芝士落去簡直一流！ <br>yummy~ <br>