Video
Read full review
2008-05-29
9 views
今日同個同事去咗愉景新城既KFC食lunch, 雖然呢間分店既水準好唔穩定，但係一來諗唔到去邊度開餐，二來都想試下新出既雞扒飯，所以都冒險試下啦。可惜今日都係令人失望而回。我哋買咗兩個餐包括一個雞扒飯、兩件家鄉雞、一份細薯格、一杯氣水同一杯柚子蜜。今次未開餐先激憤，我哋明明話堂食，個收銀機都入咗 “diet in”，但係個店員畀咗份外賣我。雖然話食物一樣，但係外賣既柚子蜜比堂食既小一半，好彩我係個有修養既人，見個店員又笑曬口咁 say sorry，ok ! 今次我唔同你計！由於佢用咗外賣盒，所以我哋坐底打開個盒先見到啲食物係咩樣。Oh no! 啲家鄉雞黑盟盟，好似翻炸過咁樣，我個同事即時走去換 (亦由於佢太心急，我無時間拍底罪證)，但係換返唻既依然係黑黑哋，叫做好過之前嗰兩件咁囉！雖然食落件雞都ok，但係我哋都唔敢食皮，實在係無理由咁黑既！咁我到底想講咩呢？！我之前係呢間KFC，食過一件凍到好似做好咗之後，放咗兩個鐘咁樣既家鄉雞；又有一次食過乾到唔係炸過頭，就係翻炸過既家鄉雞；今次就遇到件黑盟盟，好似用千年油唻炸既家鄉雞。雖然唔係話次次都係咁，但係三次裡面會有一次係咁，你都唔想再幫襯啦
我哋買咗兩個餐包括一個雞扒飯、兩件家鄉雞、一份細薯格、一杯氣水同一杯柚子蜜。
今次未開餐先激憤，我哋明明話堂食，個收銀機都入咗 “diet in”，但係個店員畀咗份外賣我。雖然話食物一樣，但係外賣既柚子蜜比堂食既小一半，好彩我係個有修養既人，見個店員又笑曬口咁 say sorry，ok ! 今次我唔同你計！
由於佢用咗外賣盒，所以我哋坐底打開個盒先見到啲食物係咩樣。Oh no! 啲家鄉雞黑盟盟，好似翻炸過咁樣，我個同事即時走去換 (亦由於佢太心急，我無時間拍底罪證)，但係換返唻既依然係黑黑哋，叫做好過之前嗰兩件咁囉！雖然食落件雞都ok，但係我哋都唔敢食皮，實在係無理由咁黑既！
咁我到底想講咩呢？！我之前係呢間KFC，食過一件凍到好似做好咗之後，放咗兩個鐘咁樣既家鄉雞；又有一次食過乾到唔係炸過頭，就係翻炸過既家鄉雞；今次就遇到件黑盟盟，好似用千年油唻炸既家鄉雞。雖然唔係話次次都係咁，但係三次裡面會有一次係咁，你都唔想再幫襯啦！
其實，我同同事都明白，呢邊係工廠區，假設大部份人既收入唔高，無幾多個願意花$30食一個唔飽肚既lunch，所以呢間分店平日人流唔多 (有時lunch time都坐唔滿，要到假期先會多啲生意)，作為店主係要想辦法節流。但係我哋都真金白銀唻幫襯，你又做到咁差，真係好趕客。花多十元八塊就可以係餐廳舒舒服服咁食一個套餐，我仲點解要食啲咁難食既野！？你再唔堅持食物既味道，真係會一個客仔都無架！
另一樣野就係，我發覺KFC既政策，係將啲無咁靚或者細細件既雞件賣畀外賣客，我試過幾次係唔同既KFC分店買外賣都係收到”次貨”，今次係又一例證。
P.S. ︰個新出既雞扒飯如我所料，無驚喜，脆皮同雞肉比例一比一，未食過就一試無妨。
Post