肯德基家鄉雞 (KFC)

Open Now

Now Closed

去開新墟口痕，又唔想行去VCity咁遠，最後喺巴倫紐樓下KFC，茶餐$28但有個磨菇飯又太多，最後開apps睇，搵到送葡撻/汽水coupon,諗住揀又唔俾揀，原來要買夠$10先用得，最後揀咗巴辣香雞翼兩隻$12.5,就可以😌用到coupon。apps俾完enjoy卡，唔夠2分鐘就可攞。巴辣香雞翼冇市區咁juicy，葡撻唔錯😌，不過食完三樣香口嘢有d口乾🙂‍↕️

KFC早餐$18-舒適又無投訴唔知你試過未，我最近試咗KFC嘅$18早餐，真係舒服得嚟！佢嘅鬆餅質素真係唔錯，煎得香脆又鬆軟，好似高級餐廳嘅水準。最最最重要係，仲可以配埋港式奶茶，啖啖都係一流水準。整體黎講，呢個$18早餐真係物超所值，唔單止平，仲可以食到美味又舒適。如果你追求簡單又美味嘅早餐選擇，KFC嘅$18早餐絕對係一個值得考慮嘅選擇，無論係匆忙嘅早上定係悠閒嘅早餐時間都啱啱哋。舒服又無投訴，真係食完之後心情都好好！

嘩早餐黎計，kfc呢個價錢，食物既份量真係無得輸，38$有件蛋，有條腸，有件雞，仲有大薯餅，都未止，仲有一碗蕃茄湯通心粉，一杯即磨咖啡，同行某快餐店真係完全無得比，如果諗唔到早餐食咩，不妨試下。

朋友叫外賣套餐一齊吃,三百幾已經12件家鄉雞 + 8件巴辣香雞翼+格格脆薯塊,仲有家鄉雞皇飯等等,人多都不錯的選擇,仲要準時送達,雞都熱辣辣,聞到很重的炸雞香味味,道正常,粉皮厚肉汁都仲有少少

前幾日去完澳門，唔夠喉，今日開始又好想食葡撻喇，但係又冇假期去，所以去KFC食佢嘅葡撻滿足下我個胃先。整體都不差，蛋漿多、幼滑香濃，甜度適中。不過外皮唔夠鬆化。唔會焗到好燶，好硬。

同朋友仔睇完戲出嚟，突然好肚餓，就去咗KFC度食椒鹽雞豐盛套餐，平時我地都好鍾意食椒鹽既菜式～所以揀左呢個一齊share套餐包括有2件椒鹽雞、家鄉雞/香辣脆雞/狂惹香燒雞、菜絲沙律、經典葡撻同汽水。椒鹽雞外層炸得香脆又金黃，外脆內嫩，十分滋味。而且佢地既椒鹽係用黑胡椒、白胡椒同辣椒特別調製而成，十分香口另外我仲加($10)叫左「2件椒鹽雞翼」～～平時都好鍾食巴辣香雞翼，估唔到加左椒鹽後更加惹味！我地都食到停唔到口飲品方面我就加($6)升級要檸檬利賓納～～清新原片檸檬🍋配上冰涼既利賓納🍹，味道酸酸甜甜好透心涼！

KFC嘅M1餐賣HKD39.5，除咗有雞髀同雞胸各一件同汽水一杯，仲可以喺五選一嘅配搭度揀一款，為咗兩個比較更加貼近，呢次我揀咗薯格。以”We do chicken right”走入香港人嘅世界，無論雞髀同雞胸都比較乾身，油份唔算好多，墊底嘅牛油紙並無透晒底。有人同小編講過，食雞最緊要雞皮，不過KFC嘅雞皮就唔夠吸引啦，淋晒！真係少少脆都俾唔到呀！

🍽🍽🍽🍽🍽🍽🍽🍽🍽🍽🍽🍽🍽D2 美祿®️恐龍套餐🦖$55-5星巴辣雞腿包 -1件香辣脆雞-辣汁蘑菇香飯(普通)-經典葡撻-美祿®️恐龍😋 加配可可球美祿®️鬆餅 $10🍽🍽🍽🍽🍽🍽🍽🍽🍽🍽🍽🍽✔為咗呢個KFC X「美祿®️」「恐龍樂園」系列而嚟！成個套餐勁滿足❤️除咗可以試新嘅KFC X 美祿「恐龍樂園」系列產品😆，仲可以嘆晒咁多樣KFC 招牌食物，大滿足！✔️「美祿®️恐龍」同「可可球美祿®️鬆餅」濃重香甜美祿經典嘅麥芽朱古力味道😍。 前者涼浸浸，凍冰冰，夏天飲最啱！面層加上上香濃幼順美祿️粉增添風味，賣相同味道都得🙆‍♀️後者用咗kfc 傳統招牌鬆餅做base，再加上美祿粉製成，面層再鋪上邪惡朱古力醬同美祿可可球，味道香甜✔試完新產品再食埋其他KFC 招牌產品！鐘意5星巴辣雞腿包同香辣脆雞肉汁juicy，辣辣過癮。辣汁蘑菇香飯惹味，爽脆蘑菇配濃郁蘑菇汁，撈飯一流。經典葡撻唔使多講，撻皮酥脆，蛋漿香軟滑溜。

由細到大一直都好鍾意食KFC，因為KFC嘅雞係揸得鬆脆着迷而又多肉，而蘑菇飯最愛最愛最愛有胡椒辣嘅蘑菇飯又香又滑，一盒已經夠飽啦抵佢賺咁多年錢我都一會一直一直一直支持

時不時就會掛住kfc d炸雞，今次叫左一桶雞 有家鄉雞同香辣脆雞，兩款都好好味😋本身Order左薯波但係佢話全線都無貨無得試下新野，仲加多$9要多一個鬆餅，勁重牛油味

睇戲前食個KFC醫左肚仔先❤️KFC啲嘢永遠食唔厭，佢啲炸雞真係好正，鍾意食佢辣雞，不過我唔鍾意食皮就會去左層皮😍咁樣起碼冇咁肥，佢啲雞肉勁嫩口，薯蓉都好正😚

黎得kfc 緊係要食佢啲雞啦 但因為太肚餓既關係 叫左個炸雞扒飯 天氣有啲凍 就叫左杯熱綠茶暖暖身雞扒新鮮炸起 仲有肉汁咇出黎但就太少蘑菇醬 如果下次多啲就好啦 下面啲飯無汁餸總括都ok既 廿幾蚊

今日提早了收工，見到行一陣有間 KFC就提早去食一個下午茶餐，款式當然都是以炸雞為主 ，有飯或葡撻，選擇不少又不貴，二十三元都可以有一個餐，竟然看到一個雞脾皇葡撻餐配熱 檸檬茶二十九元，十分吸引，如不如葡撻只需二十五元，最後我有要到，好快就可以拿食物， 這間KFC都幾乾淨而且執桌都十分快手，一看之下雞脾十分大隻有驚喜，當然有些是炸皮啦， 但份量都十分大隻，一咬之下啖啖肉，皮脆又帶微辣好味道。葡撻反而有失望，感覺上焗得不 耐所以沒有香焦味，只可講普通，檸檬不太酸幸好茶底不苦都不錯，這個餐講真都幾飽肚又抵 食。

自從下載左某手機程式之後 經常喺裏面都可以使用優惠券 依一次我哋用咗$72嘅二人套餐 包左兩件炸雞 兩件燒雞 兩個葡撻 兩個大飯 兩杯汽水，平時平均一個餐都要40幾蚊，所以依一個優惠券真係好值得使用。👀👀👀燒雞來講 雞胸嘅肉質好滑 ，而且醬汁條配得非常好，食完一舊即刻想食 炸雞嘅品質一如既往夠晒香脆 唔使醬汁原味已經係最好食 加上一如既往高品質嘅葡撻 成個套餐都真係好抵食 ，有時覺得KFC嘅葡撻甚至比澳門出名嘅葡撻更加好食。😄😄😄😄

口痕想搵啲嘢咬下，KFC呢個小食杯都係一個唔錯嘅選擇。-滋脆杯GO CUP (G3)：薯條🍟加雙色番薯波🍠薯條比較粗身，但表面炸得唔黃金色，唔夠香脆。買呢個小食杯主要係想試蕃薯波，不過佢同台灣傳統既地瓜波唔同，KFC細細既蕃薯波無咁煙韌同有咬口，而且內裏嘅空氣感唔重，取而代之係甜味好夠蕃薯蓉（紫薯既外皮包住黃心蕃薯蓉；黃心蕃薯既外皮包住紫薯蓉），為呢個唔算煙韌既蕃薯波加返分。-葡撻：😋😋KFC熱辣辣葡撻一貫好食，好香既酥皮，加埋內裡甜甜既蛋心，仲有燒香左既焦糖，趁熱食好味道！