肯德基家鄉雞 (KFC)

Open Now

Now Closed

肯德基現在都已經有粥品了 一直都很想試一下·🐔香蔥家鄉雞粒粥餐很綿滑的粥 加上了家鄉雞粒 哈哈 感覺還可以 就係整碎咗d雞粒 擺上碗粥上面油炸鬼都幾好食😋 +$就有豆漿又是一個早餐的好選擇

屋企裝修做到好忙,就連午餐都未食.不知不覺又到三點.我和老公去肯德基食下午茶餐.這個時間唔係好多人,好快就搵到位.我哋叫咗兩個茶餐(1)T4蜜蜜燒雞全翼$25一件蜜蜜燒雞全翼:雞翼燒得好靚,皮脆肉嫩.肉質爽滑.一客蘑菇飯(普通):鍾意佢嘅蘑菇汁有小小辣,下次如果再多啲汁.就更好啦！經典蛋撻一個:酥皮好脆,幼滑香濃,甜度適中,中間有啲焦糖,非常美味.中可樂一杯(2)R5 XO醬雞扒桶飯餐$29雞扒大大件,有粟米粒,加埋XO醬更惹味,又好食.

黎到肯德基一定會order葡撻😍葡撻外皮酥脆 內餡有蛋香加上面層的焦糖 邪惡誘人 巴辣雞翼😍😍😍😍😍都好正脆卜卜又辣辣地而家用yuu積分換仲抵😂每次經過最鍾意換定一打放喺雪櫃肚餓嘅時候焗返黎食配埋男朋友嘅愛心咖啡😍正正不過有時人手不足等得比較耐建議大家用app order再pick up會好點上次好肚餓咁等等到我就發脾氣👉🏻👈🏻大家唔好等到好肚餓先去食真心會爆炸🙈🙈🙈🙈🙈🙈

我用Yuu電子優惠券訂餐，收銀員竟然唔識幫你儲埋分。我問佢儲左分未，佢話你落單冇講要儲分，就冇儲啦... 態度仲非常差。呢啲咁普通嘅常識，咁都講得出口。之前網上討論區都有話KFC員工態度差，果然大開眼界，下次唔會再幫襯。

朝早去食早餐, 普通嘅快餐店照舊大排長龍, 等都等到唔開胃,見kfc有位就衝入去食. 雖然而家kfc已經先進咗, 有點餐機, 但係出餐嘅速度始終仲係有d慢,由比錢嗰刻到拎到份餐已經等咗15分鐘今次要左個燒雞扒早餐, 除咗雞扒之外, 有條腸同埋炒蛋,加塊多士咁樣, 我仲額外叫確通粉食, 如果唔係會唔夠飽塊雞扒係燒雞扒,唔似普通kfc炸雞咁油膩, 而且塊雞皮都唔算厚,幾好食 至於條腸仔, 應該係類似珍寶腸嗰類, 雖然個腸衣比較硬, 但都幾好食. 反而個炒蛋就有少少差, 食落去冇乜味. 碗通粉係茄汁湯底, 配粟米粒, 老實講粟米粒真係唔算多, 但勝在個茄汁湯底夠濃, 所以算打和啦 早餐推介就係佢個燒雞扒, 啖啖肉又唔會太油膩

員工動作援慢，兩三個員工同時包一份外賣。早餐餐廳貨存量嚴重不足，十點十五二十分時已沒有了任何雞扒，包括烤或家鄉風味。鬆餅和薯餅時常出現要等製作的情況。員工不會於第一次就告知有什麼食物沒有或快沒有，待客人思考完改什麼餐後又再說那個食物也沒有了，十分浪費客人時間，導致別人趕不及買早餐。在該餐廳打算買早餐，買烤雞扒薯餅跟我說沒烤雞扒，轉家鄉風味跟我說所有雞扒也沒有，轉一個沒有雞扒配搭的薯餅餐才跟我說沒有薯餅。結果只買了鬆餅。

自從海趣坊間KFC執咗後, 一直都好期望碼頭區會開返間, 我幾鐘意食佢啲嘢, 尤其鬆餅, 火腿芝士脆卷同埋狂惹香燒雞.知道佢會喺蝴蝶廣場開返, 都幾期待. 今日有機會去試下, 一望--間舖咁細嘅?得三張枱 (2張四人枱 1張六人枱) 同海趣坊果間爭好遠啊!應該主力做外賣啦!可能仲早啦, 得一個職員, 收銀係佢, 執嘢食都係佢, 一腳踢叫咗7號餐 ($31.00) : 香腸, 炒蛋, 炸雞扒, 鬆餅+奶茶鬆餅同之前一樣咁鬆脆, yummy! 炒蛋雖然唔算滑, 但竟然有奶香. 炸雞扒配上佢嘅汁, 略嫌咸了少許, 但都算唔錯.