Video
4-min walk from Exit C, Wan Chai MTR Station
continue reading
Opening Hours
Mon - Fri
12:00 - 15:00
18:00 - 22:30
Sat - Sun
11:30 - 22:30
Above information is for reference only. Please check details with the restaurant.
Signature Dishes
今日收工又冇約人食飯，所以就打算試一間未試過既素食餐廳。灣仔其實都有幾間選擇，而我今次揀咗一間印度餐廳叫「新派素食」。其實我係比佢個名吸引咗。我本身都幾喜歡印度菜，始終好多素食選擇，再加上「新派」🤔可以有幾新呢？所以決定去咗呢間。環境⭐️⭐️⭐️⭐️地點位於灣仔正中心，修頓球場附近。其實好方便，而餐廳環境舒適，地方乾淨而餐廳面積幾大。所以其實可以坐得幾舒服。價格⭐️⭐️其實食物唔算好貴。但比兩粒星主要係我覺得性價比低。雖然我order超過一人份量，但越對唔係一條友$321。我冇刻意睇價錢去點，但一個咖喱，一個黃飯，一個Naan, 一份咖喱角=$321(我覺得唔值)。由其係個黃飯竟然收$68。而其他印度餐廳收$20-30。個菠菜芝士咖喱仲離譜，$82 (出面通常$60)。個價錢比起平均貴20-30%。睇完張單，心直頭尖叫咗一聲🙄👎🏼食物⭐️⭐️印度咖喱入面我食得最多就係菠菜芝士咖喱。呢一間嘅菠菜芝士咖喱嗰隻綠色直頭覺得係人造色素咁。我食咗十幾年都從來未見過咁鮮色。隻色鮮到似Spray Paint噴出嚟咁😅，但重點淡而無味。連送飯，點Naan都唔夠味去承托。黃飯又唔夠香，同埋唔知佢放菠蘿入去做乜。個咖喱角仲伏。🙄，咬入去只感受到一Pat冇味既豆蓉。成餐飯我都好疑惑咁諗，其實我食咗乜?竟然食一餐飯可以令我懷疑人生👍🏻Overall本人對呢間餐廳表示極度遺憾，完全唔明點解佢改個名叫做新派。其實就係一間普通嘅印度餐廳，完全feel唔到佢新喺邊。如果將來有任何朋友想約我去呢間餐廳，我會同佢割袍斷義🤫
continue reading
成日話印度菜特別多素食而且味道仲要唔錯添今日黎到呢間灣仔近金鐘既素食店發覺店員好識sell野叫完主菜問你要唔要配飯之黎又問你要唔要飲品夠曬主動!!!個番茄湯超級咸唔知點解可以咁咸不過最後我都飲曬呢個素菜卷好乾身就咁食幾乎無咩味不過如果配本身每枱都有既醬汁就唔同講法建議落右面酸酸甜甜果種加埋檸檬汁就好食好多小心最左手面隻醬好辣架!!!我最初睇個名以為係芝士火鍋點知原來係類飲咖哩醬配印度芝士粒醬汁非常濃郁芝士口感特別而且果種香味好正唔會羶非常濃滑但係又無西式芝士果種臭味值得推介乳酪比較酸少少唔能夠空口食可以淋落nan bread度食一凍一熱有啲啲味覺上既衝突塊nan bread好味較坊間所賣既薄就咁用手食都唔會沾到油脂而且就咁食同點乳酪甚至乎點芝士鍋醬汁都唔錯炒飯味道其實幾似中式唯獨係米粒質地唔同比較細長同硬身最鐘意既就係腰果奶昔用腰果黎整都係第一次聽好似唔係間間印度店都會有得賣佢果種味道好特別加埋奶之後唔似堅果類會有既味道雖然唔係好識形容但信我效果係令你喜出望外的!!!
continue reading
印度友人約請自助素午餐，選了灣仔印度新泒素食餐廳。自助餐包一杯飲品，我們都要了青檸梳打水。青檸不酸，不用加糖都可口。前菜有新鮮青瓜、蕃茄、洋蔥、西生菜等。當然還有各款餐前小食如印度脆餅Padadam，很脆口並有些黑胡椒帶適中咸味，開胃好吃。吃Papadam 也可以加上蕃笳香菜吃。另外有印度炸圈Medu Wada，外脆內軟, 點些綠色菜醬吃，味道不錯。煎米糕 Fried Idli, 質感軟身。亦可沾入Sambar印度扁豆雜菜湯汁吃。主菜有雜錦燒烤tandoori platter, 有辣的椰菜花、雜菜卷、炸薯角。脆炸波菜Palak Pakoda，沾些扁豆醬吃。香料菜蓉薯仔Jeera Aloo，可嚐到印度香料特色。還有燜黃扁豆Dal Tadka 可配飯吃。我則不太喜歡印度米飯的質感及散粒狀。值得推介是黃豆碎粒Soya Keema 味道口感都做得不錯，可配煎餅烤餅吃，有些像中式生菜包的饀肉，咬口及味道都很好。自助餐有即叫即做的印度烤餅naan，新鮮熱騰騰帶有蒜香及牛油香味，是我所愛。印度煎餅dosa 亦是我喜歡的，像春卷皮，但dosa更軟薄，脆得來沒有中式春卷皮的硬質感，印度朋友還叫了masala dosa給我試, 薄片內夾有薯蓉，又另有風味，也好吃。最後，甜品有西瓜及牛奶甜食Seviya Kheer，通常印度甜品是極之甜，但這奶食微甜加上粉絲及腰果粒，我完全可以接受且味道口感也不錯。印度菜尢其是辣的非我所愛，不過今天的素自助餐很滿意，尢其是印度烤餅及煎餅，非常好吃。
continue reading
響親灣仔飲野都會揾野食既！今日就去食印度素菜，每次黎都會試下佢地唔同既咖哩。坐低侍應會先問你飲乜野，我叫左個Lassa, 似乳酪飲品，有分咸或甜，我當然要甜啦，佢地仲有芒果味既，但今日我只想飲原味。坐低就會送上一個頭盤，紅色醬汁最甜，仲間綠色有青檸有薄荷味，最尾既係辣味而且有咬口既野。雜錦燒烤賣相一d 都唔吸引，除左啡色同綠色既素卷，有白椰菜，椰菜底，青瓜伴碟同埋硬芝士。最後呢d 咖哩有秋葵，蕃茄。唔係幾食到芝士！初初食都唔覺辣既，但食到最尾，d 辣味湧出黎就食唔到喇！我地叫左兩份nann, 一份芝士味，一份蒜蓉味，個人覺得䒬蓉味配呢個咖哩好味d.呢度既份量偏大份！兩口子就唔好叫咁多款喇！
continue reading
印度菜，數數手指都只係食過兩次，兩次都唔係主動安排，抱住試吓無妨心態一班人去食。今次亦唔例外，不過比較特別的係首次食印度素菜，果然係叫新派素食！餐廳位於灣仔商業大廈內，似乎有點歷史，但餐廳環境都算企理寬敞。一坐下就會附上一種辣辣喊喊嘅薄脆餅，可以任添，不過對我太辣了。看看menu其實有點無從入手，因為唔係樣樣菜式都有相，不過第頁都有個溫馨提示，可選大中小辣。幾經討論叫了如下：特色印度焗雜菜串：淋淋的幾條混合焗菜，沒有印度菜的濃烈香料，算係幾啱食。薯仔炸圈 & 另一樣唔記得係咩：好味，因為本身鍾意食薯仔，又不是辣，推介！香炸素菜咖哩角(綠豆及薯仔)：跟普通咖哩角差不多，不會過分辣，同樣好味！印度咖哩-以下有相兩款已攪唔清係咩咖哩、而另一款芝士菠菜(無相)：有相嘅兩款咖哩，鍾意食印度菜的會鍾意，而我就各浅嚐一口。反而另一款芝士菠菜唔辣唔太香料濃，啱我食！Naan (原味烤餅、蒜蓉烤餅)、薯仔千層煎餅：其實仲有叫多款烤餅，但都分不清是什麼，唔配咖哩就咁食一樣好味。「新派素食」整體都算OK，奈何我對印度菜都仍是陪食程度，鍾意食印度菜嘅朋友應該要一試！
continue reading