泰廚房子 (德福廣場1期)

Open Now

Now Closed

一早來到九龍灣見到間間店都一排長龍唯有泰廚房子不用排我地懶得等所以就入來見到好多台都係叫餐包似既早餐所以叫友人食餐包個款我就食泰式肉碎米粉再加杯奶茶奶茶是泰式奶茶 味香茶滑友人叫的餐包配泰式肉碎十分惹味值得推介

中午和朋友逛九龍灣，肚子餓了就到德福廣場平台的一間泰國菜吃個中午飯。這裡的選擇也不少。我叫了一個lunch set, 青咖哩豬扒飯 加 青檸柑桔。飲品的柑桔是鹹柑桔，飲品很醒胃。不過朋友點的青檸梳打就不好喝。豬扒超級大塊，不過很薄，很好切。青咖哩也不辣，適合小朋友吃。不過賣相有點差。。 。但味道是不錯的，豬扒也很脆朋友叫了炒pad thai，不過叫了走花生但沒有走到。青檸沒有酸味。。。但粉的質感不錯，沒有很軟。

香港久違了的服務態度 ，泰廚房子的服務態度非常好，女經理好親切好細心。鹽燒魚& 生菜包真係好好味,讚讚讚，好抵食，呢個價平過去九龍城食泰國菜。服務、價錢、交通和環境都讚

心血來潮好想食泰國野，就walk in左入黎試試裝修都幾特別，因為好少泰國餐館既燈光咁暗淡，但又唔係會愈坐愈眼訓個種兩人叫左一份菠蘿炒飯，泰式雞肉串燒，春卷同雞翼炒飯唔錯，接近係泰國食到既味道串燒同春卷都可以唯一要改善既就係雞翼，食落好乾又無乜肉，好似食緊骨咁樣如果想食普遍既泰國菜，可以試試

今日忽然好想食辣野🌶，提到辣野🌶自然就諗起泰國🇹🇭菜，所以就揀咗呢間泰廚房子嚟試下，雖然卜 menu 寫要2點半🕝先開始有下午茶供應，但我地2點🕑入座時店員姐姐🧒🏻已經畀下午茶☕️我地叫喇，下午茶款式同午餐唔太一樣，慳家嘅我最後梗係叫下午茶餐啦！青咖哩豬扒🐷飯：一上碟時大家都畀綠到有啲螢光💚嘅青咖哩嚇咗一跳，好彩食落係正常嘅咖哩味，而且豬扒🐷足足有一隻半手掌🖐🏻咁大，薄薄一塊炸得好香好鬆化，不過汁就略嫌唔夠送飯🍚食，食到一半要麻煩店員姐姐🧒🏻加碗汁，整體嚟講都味道唔錯😋亦都好抵食。冬蔭功雞絲🐔金邊粉🍜：先嚟試飲個湯但咸味十足，辣味🌶就不足，雞絲🐔比較大條，配料有草菇、芫荽、豆芽，金邊粉食落有啲硬身，食完一碗都覺得未夠飽，但以下午茶嚟講份量已經算足了。

今日系九龍灣個頭做野 系德福行過搵到呢間餐廳 就坐低試試 我叫左個海南雞飯 海南雞賣相幾好 但細心留意碟上好多油喔！望到未？🤔🤔如果佢地出菜前留意下個碟抹抹咁就好喇 個碟既presentation 吾多吾少都扣左d分😖海南雞算醃得入味 吾會太咸 岩岩好 但食左幾舊後 特登望到有幾舊都系錦樣 好似差少少未熟wor 😅😅呢幾舊我直接無食到驚番去肚痾啊😅海南雞飯仲包個冬瓜湯 冬瓜湯無落味精 入面都有好幾舊冬瓜 算系禁啦😉😉

晏就到德福附近食飯 見到平台有間泰國菜 我就望望個餐牌 都係個d咖哩 海南雞 個d 本身諗住是但食個晏 就入去諗住叫個海南雞算數但係入到去見到隔離枱有個女仔叫左個綠咖哩 成碟飯食晒 心諗人仔細細食咁多 有冇咁好食 所以我就叫左個綠咖哩豬扒飯一黎到 嘩 勁大碟 真係勁大碟 塊豬扒你地見唔見到摺左下？？大到勁誇張呢張圖可以做個對比～ 隻叉係特別長講番個飯先 d綠咖哩 有少少spicy 但可以接受 夠惹味 豬扒好大塊 我切左20 舊都有 一啖飯一啖豬扒最後我所有飯都食晒 個汁令到好開胃我決定 第日係德福呢頭食晏都會去呢間泰菜食！

今日收工後幫父親拎年糕過節，路過九龍灣德福廣場，想搵間中價食肆食下午茶，行行下見到泰廚房子見到大門前下午茶餐的宣傳板大約都係48-60左右正好合適我想要的價位入內後，不需要等位，waiter熱情的招待我，我也開始選擇我的下午茶餐，最後選擇了猪手飯配油飯奉送泰式奶茶都係57蚊，本人認為下午茶的份量算足夠的，味道也很不錯，我下次有機會的話會再次光顧，希望有更多款式選擇，水準也保持下去，繼續努力加油very good

13/1(星期日)嘗試了四份早餐, 食物美味令人滿意, 但奇怪每份早餐都並不完整, 問: 三份早餐欠多士, 三杯咖啡一杯未有煉奶。覆: 多士已派完, 全部都已落煉奶, 可能溶左啫！問: 你個餐牌唔係話有多士咩？點解係派哂? 咖啡已試味, 肯定未落煉奶。覆: 係呀！派哂就冇㗎！煉奶未落幫你落啦！以上對話莫名其妙, 既然冇哂方包, 你可以落單時話比客聽, 個客可以自己决定, 你計成本時個餐已計算多士成本, 唔係免費派㗎！ 服務不似預期, 擺明招待不周, 令人髮指。

這間餐廳的位置不是太好找，是在德福花園的平台。今天跟朋友到來吃晚飯，在眾多餐廳的選擇下我們揀了這一間。我們叫了一個菠蘿炒飯，除了炒飯外，也配上了一份菠蘿🤩那份菠蘿是有燒過的，很好味。菠蘿炒飯裏，也有很多海鮮有蝦也有魷魚！有一些肉鬆在側邊，配上來吃也很好吃。另外叫了一個咖喱軟殼蟹， 咖喱的味道很好甜甜的不辣的。迷你雞鎚，有一些香茅味。泰式炒菜也是泰國餐廳必叫的！這裏的菜炒得剛剛好，沒有太熟， 而且很惹味。

同fiancé 叫左個二人餐，開頭重以為海南雞好細份唔夠食，點知一人一大碗黃薑飯都塞飽我地😂😂，飯撈埋個辣汁又係無得輸！我真係勁鍾意撈辣汁食油飯/黃薑飯🤪雞唔算肥，都幾多肉，雞味唔係好濃，都算幾滑。好欣賞佢個肉碎生菜包用左牛油生菜！每塊size好平均，唔會太大食到好輪盡，又或者太細，又夠新鮮乾淨！肉碎味道不過不失，唔夠香，但交到功課。飛天通菜就夠鑊氣，幾惹味。跟餐重包兩杯野飲，叫左青檸梳打，味道唔太甜幾好。食飽重有奇亞籽西米露，正常味道，唔會難食。食完真係好飽！

第一次去到德福廣場睇戲，睇完戲就見到呢間餐廳幾多人排隊，我哋就去咗呢度食午餐😝😝😝我覺得午餐嘅價錢有少少貴，座位坐得逼，有啲唔舒服，不過食物嘅質素都算OK🤣🤣我哋叫咗呢一個泰式豬手飯，豬手整得超級入味，而且有好多嘅骨膠原，食落去都好淋身😆😆😆豬手有幾好食，另外仲有半隻嘅雞蛋，再加了一個餐湯，我覺得算唔錯啦～另外仲有個豬頸肉湯河，湯底就比較清啲，所以味道都比較健康，豬頸肉如果再煎得香少少會更加好，不過蘿蔔就好鮮甜！

今晚行開九龍灣，男朋友表示想食泰國菜，所以就去左泰廚房子食晚餐。位置於德福商場outdoor平台，7點去到仲未full，不用等位即入座。泰式炒鮮蝦金邊粉賣相好吸引，實物同menu中的相是一樣的！有三隻大蝦，肉質都鮮甜，不過個人覺得金邊粉較油膩和味道偏淡，撒少少碟邊嘅辣粉撈混食會惹味d。蒜茸包一籃有四片包，$20來説算平，但包是凍的，而且好硬好難啃，蒜茸牛油味亦不重。kk明爐魚我們揀了酸辣湯底，一開始味道偏酸，煮煮下就愈來愈辣，魚肉吸收哂個湯嘅精華，不過條魚overcook左，肉質偏鞋身，有點扣分了。炸蝦餅超好味的蝦餅！即點即炸，熱呼呼的喔！外層薄脆，裡面的蝦滑超爽口彈牙！點少少酸辣配醬更加醒胃，真心推介！真係啖啖肉架！

這天平日放假，上午和家人到德福廣場閒逛，至中午時分看到這間餐廳餐牌的食物頗合自己口味，決定一試。由於正值是上班一族的放午膳時段，大約需要輪候三張枱，三人座位大約輪候了十分鐘便可入座。青咖喱珍寶豬扒飯- 單看這個賣相可能會有點駭人，一來豬排真真的很珍寶，豬扒大得佔了半隻碟子。而青咖喱汁的顏色亦帶螢光，感覺有點奇怪，看到鄰座的食客吃得津津有味我亦放膽一試，青咖喱汁帶香甜的椰味，家人覺得咖喱汁偏甜，但本人喜歡這種獨特的椰香味道，覺得這種甜還可以接受，豬排有點五香粉的味道，尚算惹味。泰式鮮蝦炒金邊粉- 這個以韮菜豎起的擺盤方式呈現，賣相也相當吸睛吧！金邊粉有蝦子，雞蛋，芽菜，魚片，花生醉，辣椒粉及青檸，炒至色澤均勻，熱騰騰，是即叫即炒的，味道鮮，抵讚！海南雞飯-隨餐配冬瓜湯 ，雞肉嫩滑，油飯金黃色的，油香味四溢，值得推介。

兩口子帶小友到德福商場附近上training，訓練堂為時一粒鐘，時間剛啱好夠我們去吃完早餐後再去接他....就近在商場附近吃。走了一圈，發現這裡竟然有泰式早餐吃。平時吃慣港式的ABC又或是粥加油器的我，對此當然甚感好奇....除了有泰風味之外，這兒當然亦有較正路的港式ABC式早餐供應，今天太太就點了最普通的甚麼餐肉火腿腸仔煎蛋....愛嚐新的我固然對此全不感興趣....我點的這個餐，最有泰式風味的元素，就只是這個香辣肉碎包了....焦點所在當然是那炒辣肉碎。食時帶點甜甜辣辣頗惹味，料想不到將之夾進麵包中味道又頗夾呢；只可惜包身烘得有點不夠熱脆，不然香氣還會更突出....蒜蓉多士烘得帶微黃咬落脆口，只是蒜油下得量不多稍覺大煞風景；其餘的那片煎餐肉及蛋，對我而言只是屬陪襯角色，吃不吃倒是沒有太大所謂....吃至此，望一望錶，時候過得真快，又是時候去湊我那頑皮小友下課了....