泰廚房子 (德福廣場1期)

Open Now

Now Closed

食下午茶，叫左個炒金邊粉本身對花生過敏，落單個陣都問佢有冇花生話有同埋可以走花生。黎到見到落左花生係旁邊，同佢講反話花生敏感唔食得。個侍應個樣串勁咁拎反走，見佢拎左個餐具就咁係垃圾桶到整走d花生碎，再比反碟野我🤢佢個餐牌都有寫明有食物敏感，可以向員工提岀。

突然之間打風，放工未食嘢，路過搵嘢食之際，見到泰廚房子的待應同我地講打8号風以上食嘢有七折，真係辛苦晒，打風仲要返工，經常路過呢間餐廳蛋都未食過，所以決定去試一試。點了兩個午市套餐，冬陰公雞湯飯，飯和配料也多，雞肉不嚡，另外點了青咖喱豬扒飯，好大塊豬扒😍而且粉漿不多，炸得剛剛好，另外加了$38點了馬拉盞炒通菜，和加了$16點了兩串串燒。因為是點午餐的關係，所以包飲品就點了兩杯青檸梳打。七折後，只需$150多少少，下次經過就算正價都會再幫襯。

九龍灣開會過後來到泰廚房子。門口擺咗餐牌出黎，寫的價錢好似好平，入到去發現原來是外賣價。OK, 咁應該我自己睇錯。絕對唔係特登呃人的吧？Anyway, 叫咗泰式扎肉魚餅湯河($53)呢啲正路嘢，應該穩陣吧？sorry, 想不到我錯了。上檯一刻，覺得完全係求其掟料落去既模樣,呢張相我完全冇郁過佢。賣相都不重要，重點是河粉同湯底係完全冇味，河粉真係淨係得粉味。味如嚼蠟，難．食！扎肉同魚餅係正常。蘿蔔都幾淋不過食到一半發現碗嘢入面有啲嘢！平靜地坐著爆一下粗（向自己）平靜地撩走佢有點Dirty!飲品ok是日體驗，服務不差。店員有禮，招呼周到。坐得寬敞，環境不差。只是味道和衛生不佳，應該都不會再黎。

服務態度差，有位女職員態度勁差好冇禮貌食物全部都好咸琴日俾張食物優惠卷職員，佢收左但冇即時講話紅日吾用得。到我地食哂先話我地知紅日吾可以用要收返我地錢。又拒收信用卡俾咁嘅價錢食啲咁嘅嘢真心吾值

勁慘上次去，等咗差不20分鐘有多，職員先同我講溜咗單。😑 已經夠肚餓，點知見到原本幫我落單個個人仲斯斯然咁喺度食飯。--🍲 冬陰功蝦湯金邊粉 HKD$49冬蔭功湯味道偏淡，無咩辣味椰汁味。入面有魚蛋、蝦、豆卜、雜菇。粉嘅份量都幾多嘅。.🔥 泰式乾炒豬肉河 HKD$48佢嘅河粉係泰式粗河粉，炒得唔會好油。.💚 青檸梳打(套餐飲品)難得唔使加錢，而且糖漿唔會太多，唔會太甜。如果青檸多，會再好飲啲。.套餐另加🍀 木瓜絲沙律 HKD$25沙律嘅汁味道偏甜，完全無咩辣味，而且木瓜唔夠脆，有啲似整定反係雪櫃嘅感覺。

好耐冇嚟九龍灣，睇完梵高畫展，於是喺德福搵食，選擇唔多嘅情況之下，又諗住泰菜應該唔會差得去邊，就揀咗呢間泰國餐廳。本來set lunch都幾吸引，但因為太肚餓，諗住食好啲，就叫咗$298嘅二人套餐。小食拼盤唔吸引，排到疏疏落落咁，春卷同魚餅味道都麻麻。炒芥蘭唔錯，有鑊氣！咖喱蝦配蒜蓉包，蝦係幾大隻嘅，但肉質唔靚，好似煮咗好耐咁爛爛地。烤雞一般，斬得好大舊，唔多嫩滑。整體食物都唔多好食，最離譜嘅係本來個餐有甜品，但我地唔記得叫就埋咗單，而阿姐完全冇提我地，失望

其實呢本身食呢間野，就係諗住是但入去食下，所以本身就冇諗住寫食評嘅，但係實在因為太一般啦，所以希望警告下大家。琴日我哋總共點左幾個菜嘅：羅宋湯胡椒粉絲蝦煲明爐烏頭通菜紅咖喱雞但真心，我哋琴日點呢幾樣野，剩係得羅宋湯係OK嘅。首先嗰個粉絲蝦煲，依家就唔好抱有太大期望，因為除咗三四隻蝦之外，真係其餘全部都係粉絲，仲要係一啲好鹹又乾嘅粉絲，所以都真係幾一般，如果我係你我就唔會揀食一樣野啦。跟住就係烏頭，你都知啦其實泰國菜烏頭係好經常食嘅。但係喺呢度嘅就真係好一般，首先佢嘅酸辣湯，既唔酸又唔辣，所以基本上就剩係得鹹味。而且條烏頭既唔大又唔滑。另外有樣嘢我好唔鍾意嘅，就係佢有好多魚鱗，當然我唔知咁樣係唔係正宗，係唔係我見識短淺，但係我個人來講真係好唔鍾意食魚有咁多魚鱗。通菜，都係嗰個字，咸。紅咖喱雞就唔係咖喱雞，你係咖喱雜菜煲，基本上你見唔到幾舊雞，而且啲雞嘅模樣係好劣，你唔會係見到雞件，而係幾條雞，所以成件事係好唔抵。而且佢呢個紅咖喱係好重奶味嘅，我個人來講就唔係太鍾意。所以總言之，我覺得呢間泰國菜，如果你唔係諗住做白老鼠嘅話，就可以唔使試啦。

呢度食物質素唔錯，幾正，幾正宗。但最令人難忘的都係貼心的服務，伙記對每台食客都好仔細留意佢地既需要，作出適當既服務配合。而且非常好客，令人感到很開心，一餐很滿意的晚餐

因為朋友鐘意食泰國菜，平時番工見到德福平台依間泰國菜近近地，收工就一於黎試下佢！依間餐廳細細地唔太起眼，可能加上係平日夜晚，人唔算多，不過質素都ok！兩個人叫左個蝦嘅Pad Thai, 生菜包同馬拉盞炒通菜！個Pad Thai 好大份，唔會炒到太乾身，都幾好食，不過塊蛋皮就勁乾無乜蛋味，麻麻地好食，真係有無都無所謂！生菜包啲肉碎好辣！唔算好食得辣嘅我就真係唔太食到，但係其實係幾惹味嘅！個通菜係我覺得幾樣野入面最好食嘅！因為真係好入味，但又唔會太辣，岩哂我依啲鐘意少少辣但係太辣又頂唔順嘅人野飲就嗌左個椰青！都幾甜！同個椰青入面係超多椰子肉食，刮啲肉刮到手都攰埋haha但係正嘅！整體黎講都唔錯，價錢都係正常價，兩個人除番開每人$150到，可以一試！

母親節專誠嚟同各位母親一齊食泰國菜慶祝，不過嚟咗呢間泰國菜食就有點令我失望。一邊環境算迫，本身六個人坐，我哋諗住唔使搭枱，點知六個人坐隔離有一個剩都要逼我地搭枱呢個真係有點失望。食物價錢都算貴，不過下午茶食個飯都要50幾蚊，不如食午餐好過。母親叫咗個泰式海南雞配黃薑飯，海南雞帶骨，不過都食到啖啖肉，算係咁，但係就冇咩味道，最失望係個黃薑飯，煮得太林，成餅粥咁樣，食唔到粒粒飯粒，呢個下次真係唔會再食。個泰式豬手飯都係同樣質素，好就好在個豬手冇骨，而且炆得夠林，食落味道都唔錯，但係個飯一樣係慘不忍睹。最後叫咗個豬肉碎生菜包，豬肉碎多啲，但係辣椒粒都多，食得勁辣，基本上淨係食到辣未，完全食唔到豬肉嘅鮮味，冇咁辣會更加好。個烤魚質素都一般般，不過個賣相又唔錯，而且魚肉都夠熟，突然有點過熟同埋魚肉太老，點冬陰公食都尚可嘅。本身諗住母親節食好啲，不過食到呢個質素其實都有點失望，應該下次唔會再黎了。

昨晚同太太第一次去試下，價錢同一般泰國廳差不多。 進入餐廳後，因為我太太有左BB，店員會主動提供一杯暖水給我太太，另外會提供凍水給我，十分細心。之後太太去外面商場的洗手間回來時， 忘記帶雨傘，店外又下著雨，店員亦主動出去，遮我太太回來。今時今日香港既小店， 重有咁樣既服務， 真係買少見少。食物方面， 昨晚試了芭堤雅燒雞， 肉質嫩滑， 又香， 唔錯。環境方面， 進餐時店舖內人數不算太多， 座位也比較寬闊。 總結來說， 是一間值得再去的泰國餐廳。

因為某原因 偷得浮生半日閒去左德福食個悠閒午餐點了#泰式香葉肉碎炒河 $68坊間比較少見唔係配飯 而係炒河 河粉係寬版 較濕碎 加左d欖菜、青椒同少量菜 唔香辣 但幾惹味！略嫌油多左d另配左小食#沙嗲串燒 雞牛各一$15有兩串 用香茅燒得幾好 不過個醬我麻麻地 係屬於帶花生椰香果種🥜 而我偏愛唔花生唔椰漿但較spicy醬一路燒一路掃果種風味#馬拉盞炒通菜 係午餐可加點既$38 一碟 有菜食真好 但$38黎講都幾細碟下 香氣唔夠 偏油 冇食到魚露香同埋冇辣真係差d!跟餐叫左青檸梳打埋單另有加一服務費但整體算唔錯 服務都幾好

行經德福花園找地方食早餐，發現多年無幫襯嘅 Sidewalk Cafe 一間拆細做三間。其中一間做泰菜。就試一試有什麼泰式早餐。其實都係同港式差不多，係粉麵多左河粉，金邊粉選擇。都好過餐餐食通粉，公仔麵嘅。最特別係有生菜包早餐😳。我點左個雞絲雪菜肉粒河粉。餐跟蒜蓉多士煎蛋。河粉味道一般，湯底無味，要加魚露先有味，雞肉就係清淡，加埋雪菜食就幾夾。杯凍啡就真係唔掂。完全無咖啡味道。顏色似朱古力，飲落似一杯沖得好淡嘅朱古力😅整體不過不失，除左通粉公仔麵外多個選擇都係好事。

今日與好友到九龍灣聚餐，我地去左泰廚房子食泰菜~餐廳唔算大，卡位燈光較暗椰汁雞湯(小) 雞湯入面有秀珍菇、草菇、雞肉和車厘茄味道酸酸may may咁，好開胃，食到椰奶香，雞肉都嫩滑~泰式炒鮮蝦金邊粉呢個賣相唔錯，面頭有蛋絲包住個粉另外仲有3隻大蝦係面，仲有香茅、青檸、花生碎和辣粉作調味料馬拉盞炒通菜通菜都炒得好翠綠，唔會overcook咸咸辣辣幾惹味沙嗲串燒(半打) 雞、牛串燒好多油，多油到要用張紙巾索一索先得雞串: 雞肉肉質都可以，都算嫩滑牛串: 牛串味道都正正常常，唔會好韌再配上花生醬不錯~但可惜太過多油，呢下就真係扣左分服務員態度古怪，收碟完全唔會問我地仲要唔要，直接收，但係我地係未食完既

今次來到九龍灣德福午餐，時間尚早發現原來平台上的好幾家餐廳，都有做早吃有85折的優惠。見到有間泰菜好像都幾多人食，又四四正正，就入去試下食呢到既午餐。店內裝修幾好格調，簡約風，不過每桌之間就好逼，冇想像中坐得咁舒服。如果有3-4個人坐到卡位，就會舒服好多。叫左2個餐，一個是蟹子炒飯，這個不是午餐沒有包飲料。份量都算中等，沒有什麼泰式風味，同普通的炒飯冇咩分別。$68來計，如果冇85折再要加一既，其實真的沒有什麼吸引力。另一個叫左午餐泰式炒貴刁，份內好少，一上菜朋友問要唔要同服務人員反映下，我心想都是算吧，先試下味道。本來叫左走辣的，不過都是有D辣味。味道就真係好一般，又係沒有什麼特色，其實如果唔講都真係唔知係在一家泰國菜餐廳食緊。其實好少食泰國野會令人失望，呢間都真係令人意外地失望。而且性格比低，我估下次唔會再來了。