鬼金棒

Open Now

Now Closed

📍鬼金棒📌特製辣麻味噌拉麵(小麻小辣)一次試到幾乎全部配料的首選款拉麵～有兩塊叉燒一顆味玉一條玉米筍和少許芽菜蔥花芫荽(可走)湯底非常濃郁，選擇小麻小辣也不會太刺激！面是偏硬的日式拉麵，口感很好～塊狀的叉燒比平時的片狀更加滿足，夠鐘的炮製使得它非常入味還有一絲甜甜的味道，很好吃！味玉是半熟蛋，輕輕夾開，蛋黃緩緩流出，入口香甜。玉米筍和芽菜的點綴清新爽口，更豐富了拉麵的層次。📌芫荽辣麻味噌拉麵(中麻中辣)芫荽愛好者的心頭好，不過放心，芫荽並不會掩蓋拉麵本來的味道！為了吃的豐富還加了玉米筍和味玉，玉米筍量好多有七八條非常滿足！其他的配料都與特製拉麵相同，中麻中辣也不是特別辣！秘制調味粉每桌都會有一個小金屬罐，開始我以為是七味粉，不過聞起來應該不是。感覺是多重香辛料的混合，吃起來主要感覺麻麻的，很有特色，加入面中很適合重口味的我！是一家又足量又足味的拉麵店～

一夠鐘已經即刻衝落街排隊，都已經要排滿晒人，最少要等四至五張枱！冇壞嘅，好嘢就梗需要等待！先看餐牌，麻同辣都有5級Level可以挑戰，唔好麻辣的朋友麵可選擇原味無麻辣，而勁辣的朋友就可以挑戰最高級別的「鬼增」👹！我同朋友都揀入門級的小麻小辣小試牛刀！朋友仔超歡喜揀咗芫荽辣麻味噌拉麵，爆荽一絕👍🏻👍🏻而我就超like叉燒，揀咗增量叉燒辣麻味噌拉麵，再加玉米仔👍🏻以為麻辣個湯就得辣味？完全帶驚喜，麻同辣出色之餘，味噌湯底配合得非常好！層層分明的叉燒，入口即溶，肥瘦適中👍🏻拉麵更加不用說，軟硬適中🤘🏻食過絕對會番轉頭，下次挑戰二級💪🏻💪🏻💪🏻

回訪多次的拉麵店🍜依間拉麵店幫襯左好多次😍每次都食到lamlam利🤣天氣凍想食辣野，又想食拉麵🍜唔怕，依間店幫到你😆.增量叉燒x2 辣麻味噌拉麵 $135依到啲叉燒好出名😍肥瘦適中仲要好肥厚😎唔係甘多間店做到，唔少人為左叉燒而黎‼️湯底方面可以自選麻同辣既程度☺️怕麻辣既人兩樣都可以走晒😇簡左小辣同小麻，超惹味，唔會話好鹹/肥膩.特製辣麻味噌拉麵 $120依碗都簡左小麻同小辣🤣湯底係一樣架，但唔既既係叉燒無甘大件🤪同埋多左隻流心蛋😚拉麵底係直面黎，唔算太粗同埋硬度岩岩好

已經唔係第一次到訪呢間日本過江拉麵店，熱門麻辣拉麵絕對令人一試難忘！辣度、麻度方面都可以比客人自由選擇，唔食得太辣既朋友都唔使擔心🍜 拉麵選擇既種類繁多，除咗有味道特別既就係芫荽拉麵，香濃入味，而叉燒拉麵非常大份，屬於比較肥厚既肉質，啖啖肉香噴噴，唔食太肥膩嘅朋友就要注意下～ 值得一讚既就係整體拉麵味道好濃郁但完全唔會覺得過份油膩，拎到一個好好既平衡，令人食得好開胃滿足，屬於回率高既一間高質拉麵店～

中午唔知食咩好，就諗起呢間日本過江龍拉麵店🤤🤤佢地主打麻辣味噌拉麵，可以自選麻度同辣度～～店內裝修以日本神怪👹主題，充滿日式風情呢🇯🇵🇯🇵🍜增量叉燒辣麻味噌拉麵 $130✨上次試左增量叉燒X2差d食唔哂，所以今次只係叫左增量叉燒😋😋增量叉燒真係好大舊，肉質軟腍啖啖肉！！辣度方面叫左中麻中辣，味道啱啱好，越食越惹味🤤🤤我仲加(+$15)加左隻流心蛋🥚，一咬落去蛋液慢慢流出黎，好正❤️❤️🥚味玉辣麻味噌拉麵 $100✨因為朋友唔食得辣，所以叫左走麻走辣～～材料方面有流心蛋、玉米筍同叉燒等，好豐富🤩🤩玉米筍好爽脆，叉燒軟腍入味！拉麵口感軟硬適中，十分爽口～～湯底依舊濃郁，即使唔食辣都好滿足👍🏻👍🏻

以前唔知道自己鍾意，食過之後非常喜歡，我講的是芫荽拉麵，或者就是你改變了我的口味，鬼金棒。今晚仲帶朋友去，兩人食三款。芫荽麻辣味噌拉麵 $110 加$15温泉蛋芫荽多到似海，香味撲鼻。除咗芫荽，仲有很多芽菜，所以呢碗麵不只有邪惡，其實幾健康。中辣小麻的湯底啱我。麵爽彈。玉米筍麻辣味噌拉麵 $100玉米筍新鮮爽口，少少麻辣好好食，味噌麵底豐富濃味，但應該冇味精，食完返屋企冇口乾。叉燒唔係普通，大大件五花腩。碎肉飯 $35看來細細碗，其實都幾夠食，我鍾意加啲辣湯，仲正。

唔駛等位竟然自私食。 角落頭粟米芯個心唔熱。油。面微微燒“龍”close up X燒有肥又有瘦黑咗小小。又凍。又油但份量夠多。我鐘意後加。後悔了湯底不死咸。夠味。冇口乾。面頭層油係有點厚。

📍KinkanboWent to give it a try just because of the coriander mountain! Weirdly, despite the mountain of coriander, I still can’t taste it 😅The ramen is seriously thick and bouncy but it makes sense to go with the thick broth. The broth is not for me as it’s too oily. The Cha siu is fine but again, it’s a bit too oily. Price: HK$110 pp Revisit: 6/10

行完寶雲道落左去食拉麵鬼金棒有兩間一間係尖沙咀而家去既係銅鑼灣謝斐道侍應態度就麻麻地淨係一入門口話要寫紙仔佢就感覺好差餐廳有bar檯亦都有二人位二人位就一般用電話落單亦都有份傳統menu既基本上全部湯底都係一樣只係配料唔同同埋叉燒既多少當中只有兩款係有配蛋而實際上係仲有餐牌無既伴麵同沾麵另外仲叫左個大肉飯舊叉燒成舊東坡肉咁口感都唔錯好肥美鬼金棒其實主打就係麻辣拉麵但女朋友唔食辣其實係可以揀唔麻唔辣既個湯相對就清好多叉燒一樣都係咁大舊但隻蛋就唔係好夠糖心我叫既係小麻小辣沾麵無蛋個麵就正正常常無咩特別件叉燒都係一樣咁厚身但係個湯就唔係幾夠杰食落去就成個辛辣麵咁既味道小辣其實就係完全唔辣既早知叫勁d但唔知係咪小麻令到個湯就酸到痴線女朋友果碗我就接受到呢個就真係搞唔掂最後個湯都剩番幾多埋單三樣野255無加一價位中等但完全唔係我鍾意既口味其實不嬲拉麵我都唔建議加辣感覺好似破壞左個湯底咁都係見呢間有D特別所以想試下今次真係見面不如聞名如果硬要黎食既話我就覺得揀番唔辣會仲好而且服務都麻麻咁都唔會再有下次架啦

上次帶兩個女黎，見到佢地原來食拉麵係咁有胃口😍我就多咗帶佢哋去拉麵店。呢度嘅湯底有辣有唔辣，大人小朋友都好容易搵到自己喜愛嘅味道，而且配料仲可以任意增量或減少，對於我平時一帶二嘅媽媽，真係好方便！～叉燒係大大件嗰種，炆得夠淋又入味，唔會有酥味，豬骨湯底濃厚帶甘，飲幾啖已覺得個人好溫暖。✨叉燒飯都好唔錯，一粒粒日本珍珠米，米飯粒粒分明，醬汁甜甜地，甚具風味。妹妹揀咗肉碎呢一款，每啖飯都有肉碎拌勻，好適合下飯👍🏻

終於都試咗呢間喺東京開過嚟嘅過江龍麻辣拉麵！門口有一支狼牙棒，非常之搶眼，店入邊嘅擺設裝修同播住敲擊嘅聲，感覺真係喺地獄等緊受審一樣，非常之有feel 👺👹我哋今次係坐吧枱位，對住玻璃窗可以睇到煮麵嘅過程，落單方面係用QR code落單。另外想讚下餐廳嘅貼心😂我食嗰日係白色衫，佢竟然有提供即棄圍裙！細心！湯底有5種嘅麻嘅程度同埋5種辣度揀。我哋兩碗都係揀咗小麻同埋小辣，都係唔好對自己個胃太大刺激好啲。🍜味玉辣麻味噌拉麵佢哋嘅蛋係超流心，成隻放口一咬就feel到蛋液流出嚟👍🏻所以追加一隻係正確嘅！湯底香辣有味增同豬骨味，但唔會太過嗆喉或者過咸。粗身嘅麵條彈牙之餘又掛到湯，吸晒湯汁嘅麵條非常之惹味👍🏻🍜炒豆芽菜辣麻味噌拉麵望住佢哋炒芽菜，超惹🔥。係超級多芽菜，炒香左之後爽脆，沾少少辣湯就更加好食。佢哋嘅叉燒肥瘦適中，醃得香濃帶微微嘅甜，肉質鬆化，脂肪嘅位置唔算多但係入口即溶，絕對係值得追加嘅item！食緊嘅時候望到隔離枱有個外國人竟然食緊芫荽拉麵，等我下次都挑戰下呢個咁重口味嘅配搭

🍀之前食過鬼金棒嘅皇牌芫荽拉麵🍜，一直都想試下其他款，今日趁SOGO thanksful week，近近地過嚟充飢先💪🏻✨增量芽菜叉燒拉麵✨溏心蛋叉燒味噌拉麵每款拉麵，都可以因應個人口味，去增加唔同嘅配料，超濃郁嘅湯底，係呢度嘅王牌，五款辣度中，我最喜歡小麻小辣，會令成個湯底飲落更惹味。溏心蛋一咬即爆漿，麵條係粗條嘅傳統日式拉麵，口感彈牙。加上入口爽脆，炒過嘅芽菜，已經夠香噴噴。即時再level up❤️

今次已經唔係第一次嚟呢度食，好掛住佢嘅辣味增拉麵，所以就同朋友再嚟挑戰一下，八點幾嚟到呢度出邊都仲要排幾張枱，證明開咗咁耐都仲咁有人氣，質素keep到。入到去會比張QR code喺電話落單嘅，我就叫左個增量叉燒味增拉麵，要中麻同中辣朋友就叫咗個味玉味增拉麵等咗10分鐘左右就到，可以望到入邊廚房嘅師傅即刻整嘅，黎到第一件事梗係飲啖湯先啦，好香嘅味增再加埋啱啱好嘅麻辣味，係其他拉麵店會唔到嘅味道但又唔會好鹹，大大嚿嘅叉燒肥瘦均勻，而且好厚切再加埋大量嘅芽菜同埋玉米筍，淨係食啲配菜都已經好正朋友個碗都有叉燒同糖心蛋，個糖心蛋做得好好佢讚口不絕我哋食到咁上下覺得唔係好夠飽，就加咗個肉碎飯個感覺有啲似台式嘅滷肉飯，啖啖肉撈飯超好食仲可以加少少湯加落去，一人在share半碗飯就啱啱夠飽啦。嚟咗咁多次佢質素都冇變，真係好抵讚

講起銅鑼灣嘅拉麵，朋友即刻介紹呢間餐廳比我，Lunch時段爆場，不過都好快有位。廚房玻璃牆身，透徹見到廚房乾淨衛生。掃QR code落單，即叫即製，店員好有效率。「增量叉燒辣麻味噌拉麵」有辣有唔辣，因為介口中，揀咗唔辣，湯底味道好濃郁，叉燒份量十足，麵質口感豐富芽菜晶瑩爽口好新鮮。加埋流心雞蛋，咬一啖，紅心蛋王湧出來。「味玉辣麻味噌拉麵」小辣辣度剛好，好惹味。粟米芯爽口，仲可以追加配料，下次會試下加芫茜，應該仲好味。忍唔住要再追加多件叉燒，又淋又入味，完全唔肥膩...必食加埋汽水Gur一Gur, 超滿足

拉麵以辣麻湯底作主打已經少見，鬼金棒更可以自選辣度及麻度，今次點選的玉米筍麻味噌拉麵加味玉 (即溏心蛋)，個人愛小辣配搭中麻，味噌湯底配上少許刺激的風味 (大約三哥10小辣程度)，疊得高高的玉米筍，與煙韌彈牙的麵條簡直是絕配。