鬼金棒

Open Now

Now Closed

今日又黎銅鑼灣的鬼金棒食lunch。 點解係又？ 因為好食返轉頭囉，價錢亦好合理。 是日午餐味玉辣麻味噌拉麵 (小辣)增量义燒辣麻味噌拉麵 (中辣)味玉辣麻味噌拉麵， 小辣度啱女仔食， 麵身硬度適中， 义燒又林又滑， 好似東坡肉咁， 好食。增量义燒辣麻味噌拉麵， 我就點左中辣， 配菜同味玉拉麵差不多， 但我就request 左麵要硬身d, 因為麵身較粗， 再加上硬身少少， 口感豐富好多， 加上湯底有香濃豬骨味， 飲多2啖都唔會好口乾。

之前吃過鬼金棒，已經令人一試難忘！今次決定帶朋友再吃，希望對方都有跟我一樣的感受。光是看門面，已經覺得符合店名，有鬼👹的形象提着魔鬼棒，而且店內更有敲鐘的聲響🔔，感覺很特別。我們坐在Bar檯上，可以自助斟水。而前方有個玻璃窗，可以看到廚師的下煮情況。之後，我們掃一掃QR Code就自助下單了，然後點了這些：🌶🍜芫荽辣麻味噌拉麵 $110拉麵一來的時候，已經極有視覺效果，因為芫荽鋪滿了整碗拉麵。湯底叫了少麻少辣，味道不會嗆喉，亦有蒜薑、味噌味，絕對是剛剛好，加上芫荽吊味，令食物層次加以昇華！另一方面，麵入面擺放了粟米荀和芽菜，以及半肥瘦的肉，而肉亦鎖住肉汁，亦可痴牙，相當美味！🌽🍜玉米筍辣麻味噌拉麵($100)＋芫荽（$20)另一碗是玉米筍辣麻味噌拉麵，味道與前者一樣，不過最驚喜是玉米筍，因為份量真的很多。而且它是栗米筍是有炒過，所以很爽口惹味！🥢增量豆芽菜 $30至於增量豆芽菜方面，沒想到份量會有如此多！廚師以熊熊烈火去炒它們，所以它極具鑊氣！伴着拉麵一齊吃，也是相當夾呢！總括而言，再訪鬼金棒👹也是一個很不錯的體驗呢！份量多之餘，又可以吃到麻辣滋味，希望下次也可以再吃🤪！

「鬼金棒」2️⃣間店舖都係旺區，分別係銅鑼灣同尖沙咀。我哋今次去銅鑼灣，叫左以下野食：🥚味玉辣麻辣味噌拉麵第一次食呢間，唔敢越級挑戰，隔離位叫左個小辣🌶睇落幾多油，但食落幾mild, 幾乎無咩辣味🤔連怕辣既我都覺得可以挑戰中辣。味玉即係雞蛋，咬落流心，正👍🍜炒豆芽辣麻辣味噌拉麵見到海量豆芽真心興奮😆 微微炒過既豆芽，無晒草腥味。叉燒同剛才一樣就唔啦，麵底係比較紮實既麵條，味道正路啦～佢既叉燒好似腩肉咁厚，🐽未試過食拉麵配咁大舊叉燒，仲整得幾淋。食肉獸既朋友仲可以選增肉叉燒 x2 我就夠皮啦👀🍚肉碎飯另外，隔離位叫左肉碎飯，肉碎竟然係一絲絲，同湯底的配料一樣，味道還好，有啲小失望。

「鬼金捧」是一家拉麵店，四周陰暗， 神秘感十足。， 牆邊及他的的開放式廚房頂頭放了赤鬼及青鬼擺設，值得有型又有格。而且這個開放式廚房可看到廚師在煮拉麵及炒食物， 間中還不時有熊熊烈火， 像在看 雜耍表演一樣，很吸晴。餐廳使用手機落單的， 只要素描職員提供給你的QR code，就可自選你心愛的拉麵款式，調出你想要的辣度及麻度，走配料及追加食物全由自己處理，超級方便。我是芫荽控又點可以不選擇「芫荽辣麻味噌拉麵」，揀了中度的辣和麻。成碗拉麵鋪滿滿的芫茜，單看已興奮。湯底味噌清香味濃，麻及辣程度對來我說是適中。拉麵彈牙， 厚切叉燒肉質嫩腍，入口即化開，非常入味。「特製麻辣味噌拉麵」有二件厚身的叉燒， 溫泉蛋及滿滿的配菜。這湯底因選了小辣小麻，入口後味噌湯更清香。吃麻辣的食物，又點少得飲汽水呢， 可口可樂是不錯的選擇，解辛辣也很不錯的。

肺炎肆虐快兩年了，係銅鑼灣黃金地段好多店都關門大吉，惟獨呢間拉麵店係川流不息, 美食做本地人生意都夠哂數！已知湯底濃而不肥，所以揀咩配菜都好有信心。第一碗：抄豆芽拉麵 無辣無麻第二碗：增量叉燒拉麵 小辣小麻再加肉碎飯$35，上面既係韮菜粒加蛋$15可惜忘記了自己係可以食到中辣中麻既！ 下次一定要記得。糖心蛋，粟米芯和芽菜靚料好食。好入味服務很快手周到，枱上有水自己倒食幾辣都唔怕。店外排滿長龍。早去有著數。

👹過江龍辣辣麻麻地獄時刻👹推介指數 ❤️❤️❤️❤️🤍東京超人氣辣麻拉麵，主打辣麻元素配味噌湯底，嗜辣或麻都可以慢慢自選級別。5款麻度、5款辣度，總共變化25款不同口味。早前新登場的沾麵一直好想食，和朋友閒談間原來對爆茜拉麵有興趣，有腳開餐啦🥳🌶辣麻味噌沾麵 HKD100 (小辣小麻)✨秘製湯汁由日本鬼金棒秘製後直送到香港，自家製麵條爽口彈牙，掛上濃湯汁，忍唔住一口接一口～麻辣度容易入口，下次試下升level 先🤤🌿芫茜辣麻味噌拉麵 HKD110 (走辣小麻)✨和沾麵一樣均附送炒過的豆芽菜、玉米筍及慢煮叉燒，不同的是面層的芫茜。走辣小麻大慨是原味中加一點麻。🥚味玉 HKD15✨玉子經醬油醃製後淺啡色外表，弄開後湧出鮮橙色既流心蛋黃。蛋味香濃滑溜，且味道剛好。💢增量叉燒 HKD35✨和沾麵拉麵一樣的厚切日式叉燒，豬腩肉質地軟腍且滑，豬肉味香濃帶甜，脂肪部份更入口即溶。 #必追加🧊可樂/雪碧 HKD15@總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🔖鬼金棒 (銅鑼灣)🪑銅鑼灣謝斐道530號地舖

今日lunch拉麵癮起🍜，經過鬼金棒咁岩唔洗排隊，即刻入去食😋呢到嘅拉麵可以自己揀辣度同麻度，岩哂唔同口味嘅人👍🏻我地嗌左1碗味玉辣麻味噌拉麵，1碗玉米筍辣麻味噌拉麵。味玉辣麻味噌拉麵有最愛嘅流心蛋，好正😍呢碗叫左無辣同小麻，岩哂唔食得辣嘅人！隻蛋真係流心㗎😍😍😍另外一碗玉米筍辣麻味噌拉麵，有海量嘅粟米🌽好夠份量哈哈～呢碗揀左小辣同中麻，朋友表示好香，麻度亦夠麻嘴唇☺️仲叫左增量叉燒，超大舊😝個叉燒煮得好腍好嫩，一啲都唔”鞋”，如果鍾意食叉燒絕對可以叫增量食飽佢😎水吧枱前就有水機禁水出黎，有紙巾仔俾怕辣嘅人抹汗🤣仲有樣好貼心嘅地方，就係有提供圍裙，著白色衫都唔驚彈到周圍都係！

每次行街經過都好想入去試下，今日終於來做試啦，呢度係用 QR CODE 手機落單，十分衞生方便，我點了增量叉燒辣麻味噌麵($115)，辣度同麻度都可以自己選擇，如果怕辣既朋友可以選唔辣，我呢就揀咗中麻同中辣，因為我生酮既關係，唔可以食麵，呢間舖頭好好，可以張麵換成芽菜，我超級開心。叉燒大大件非常厚身，而且好入味，肥瘦位置分佈得好靚，叉燒好淋，我非常鍾意，我會為咗佢再來，配合埋中麻中辣嘅味噌湯黎食好惹味呢到免加一

專注做好一件事！去日本最鍾意捐窿捐罅搵拉麵，唔同嘅拉麵都會各有不同，豬骨湯底、魚介湯底、雞湯湯底；粗麵、幼麵；拉麵、沾麵；叉燒、豚角，每一家店都會有驚喜。是日約咗拉麵控，揀咗來自日本、以辣麻味噌拉麵作招徠嘅 #鬼金棒 ，湯底分五種辣度和麻度，可以按自己嘅「抗辣力」而選擇，唔辣人士都可以揀走辣留麻，同樣試到佢哋嘅特色！◽️ 芫荽辣麻味噌拉麵 $110本人唔荽但朋友荽，一見到這款拉麵就立即叫。滿滿的芫荽鋪面，一到上檯就聞到個荽味， #芫荽控 值得一試！拉麵同樣爽彈，湯頭濃稠，嘗到豬骨味，同時混和芫荽香味，味道豐富。◽️辣麻味噌沾麵 追加味玉 $115喜愛吃沾麵嘅本人當然揀沾麵，湯式好濃郁，粗麵口感彈牙，沾麵一放一夾好掛湯，食到陣陣嘅辣味、麻味，嗜辣人士可以揀中辣再挑戰！叉燒大大嚿但煮至軟腍，好有肉香；追加嘅味玉有滿滿蛋香，加埋流心效果，好滿足！現場掛有和風佈置，加上帶節日氣氛的背景聲，有暫時飛到日本的感覺！

好耐無食鬼金棒了，而且仲新出咗沾麵同拌麵選擇，一放試一下新野🤩 麻辣味增沾麵＄100小麻無辣新出既沾面系列，一定要試下啦，第一時間落單！大致同拉面差不多，但湯底比較濃稠，味道更濃郁更突出！麵質係我喜歡的彈牙口感🥰＋增量叉燒加味玉＄50一舊叉燒點會足夠，緊係要加多一舊😋 增量叉燒x2 辣麻味增拉麵＄135小麻無辣叉燒又林又香，油花香口豐腴🤤，有少少咬口得黎啖啖都有豬油香。湯底香濃已不油膩，飲哂湯底都唔會口渴。更可以將拉麵轉做芽菜底，岩哂減肥中既我😇＋味玉＄15

每次見到店面個design 都覺得好得意想入黎試，終於俾我試到。個特製麻辣味噌拉麵係咩都會有啲，有叉燒、玉米、味玉同蔥花芽菜。拉麵啲配菜都幾好食，個栗米仔煮得好入味，平時唔點食粟米既我都覺得幾正。重點來了!佢呢到嘅叉燒份量真喺無得輸，大到我淨喺食肉都可以食飽(皆因平時啲日本叉燒"皮薄"餡靚，所以追加左份量)，細食嘅女仔真喺唔洗再加量已經可以啖啖肉。註:湯底偏重口味，辣度可自行調節友人狀態不佳就嗌左一碗增量叉燒辣麻味噌拉麵（無辣小麻）再追加左味玉，真係一啲都唔辣，麻可以試中麻。友人愛佢嘅麵底同其他拉麵店唔一樣，偏粗身小小，有嚼口。增量叉燒就多半舊叉燒，份量十足。味玉食得出係日本蛋，仲要係流心架添。下次一定要試小麻中辣。

🍴炒豆芽菜辣麻味噌拉麵 HK$100、味玉（追加） HK$15、增量叉燒（追加） HK$35 🍴玉米筍辣麻味噌拉麵 HK$100、味玉（追加） HK$15、增量叉燒（追加） HK$35湯底麻度、辣度各有五級，唔辣至中辣用白碗，我呢隻紅碗係大辣，而選用卡羅萊納死神辣椒嘅鬼增辣就用黑碗，我雖然嗜辣，但唔鍾意特登挑機，食嘢係享受，唔係受苦，所以揀咗大麻大辣。味噌湯底本身唔算好濃，遇上多種辣椒製成嘅辣同埋唔同山椒製成嘅麻之後，麻辣完全融入湯底，味道層次瞬間提升，辛辣香而不嗆，唔會麻到痺晒，可以放心連湯飲。朋友嗰碗係小麻小辣，佢平時唔太食得辣，都覺得麻辣唔夠突出，升一級食中麻中辣會更滿足。增量叉燒比普通叉燒大一倍，有如東坡肉咁肥美，肥膏入口即化，瘦肉軟腍入味，夾起成舊咬落去滿足感爆棚。芽菜同玉米筍爽脆香甜，鑊氣十足，浸一浸湯底更加惹味。溏心蛋流心軟滑，蛋香濃郁。麵條較粗硬，尚算掛湯。📍鬼金棒銅鑼灣謝斐道530號地舖

22 Oct 約20:00到銅鑼灣店試食第一次,排隊等左十五分鐘左右,入到去就坐後用QR code點餐都算正常。等拉麵黎嗰陣我同老婆都四圍望下,然後噤下電話,之後老婆大人細細聲同我講呢間野衛生有問題,於是佢叫我留意一下一位帶眼鏡既樓面叔叔,我見到佢既行為,差d未食野就嘔,事關我飲緊佢杯水........嗰位樓面叔叔隻手掂完垃圾桶/拖地桶,之後走去收碗,再用腳踩入出拉麵下面個垃圾桶,將d垃圾壓縮,當然佢都有伸手入垃圾桶內整理,之後再去抹飲水杯同埋攞個麵比客,全程我無見佢換過手套或者洗手,隻手就直接掂去個碗邊😖最後講番碗麵,係重味的,偏鹹,我叫既係莞茜麻辣嗰款,感覺似食緊個打邊爐自己撈嗰碟用黎點既醬汁咁。由於衛生出現問題,不會再有下次了.....

_____好味指數：🌟🌟🌟🌟 🌟抵食指數：🤑🤑🤑🤑香港好食嘅拉麵店有唔少，但如果要揀一間印象深刻嘅就非鬼金棒莫屬👹其一就係餐廳嘅設計，見到支「金棒」就知係佢✨第二就係佢係唯一一間我食過嘅麻辣拉麵🔥而且餐廳仲係採用open kitchen，可以睇到師傅嘅功架同你碗拉麵誕生嘅過程👶🏻✅辣麻味噌拉麵首先佢哋嘅「麻」同「辣」係可以分開選擇，每項分別有5個級別🌶就算你食唔到辣都試吓加啲麻，麻而不辣嘅感覺係好過癮嘅呢～湯底係用濃厚味噌再加入豬骨、雞骨及海鮮熬製🍜所以特別濃稠有厚實感，配埋麻辣調味層次更加豐富🌈同時要提嘅係佢哋拉麵麵質比較粗同偏硬，好煙韌同有嚼勁🤤如果你鍾意食粗身啲嘅麵咁佢好啱你🙆🏼‍♀️✅芫荽辣麻味噌拉麵我最愛嘅芫荽呀😍如果你係好荽之人咁一定要叫呢個！滿滿嘅芫荽真係特別吸引（可能冇人再敢約我食飯🤣）另外加咗增量叉燒同玉子，上菜時見到咁豐富真係特別滿足🤩玉米筍同芽菜爽脆清新🌿糖心蛋半熟程度啱啱好，蛋黃味濃郁🥚叉燒非常厚身大件🐷而且肥瘦位置分布得好靚，記得要成舊食先可以同時享受軟腍同結實嘅口感🤤

服務好好，坐底後用QR code 落單，見佢遂枱客問用唔用到，收到單又行過黎講聲，疫情前最後一次去日本食過呢間鬼金棒。呢間 加左麻油炒芽菜再夾埋粗面一齊食 口感一流，叫左炒豆芽菜辣麻味噌拉麵 另加正常發揮 糖心蛋 ，义燒屬於厚义入口軟淋好入味， 湯底叫左最少辣 ，最少麻，食開譚仔5少辣既我，可以飲多啖湯，味噌湯頭飲多幾啖都唔口渴，最後食埋條甜甜地玉米荀，整體份量算多 女士食完一碗 好飽!香港店都 一貫拉麵店望到煮房煮面炒野 ，回憶返哂黎。