鬼金棒

Open Now

Now Closed

❤️❤️❤️荽友天堂❤️❤️❤️超正重口味拉麵本身係芫荽控+芽菜控嘅我，鬼金捧完全係我嘅菜！😍😍😍😍😍😍😍😍😍主打麻辣風味嘅鬼金捧，湯底濃郁、非常惹味！配料有極多即炒芽菜，大大舊醃到勁入味嘅厚切叉燒，超級多芫荽。麵底係彈牙有咬口嘅粗麵。😋😋味玉生熟程度剛剛好，蛋味濃，都好值得加配！同行友人仲將佢嘅芽菜俾埋我😊😊😊 超滿足雖然餐廳主打辣麻味拉麵，但辣度和麻道都可以自由選擇。如果食到辣嘅朋友可以選擇試試中辣+小麻嘅組合。😄芫荽辣麻味噌拉麵 $110，味玉$15增量叉燒辣麻味噌拉麵 $115

自從上次食完尖沙咀分店嘅麻辣拉麵，心掛掛，嗰日做完show即興約朋友嚟銅鑼灣再食~食日本嘢可以睇住廚師準備食物真係幾治癒，當然最緊要食物質素係好啦！我一樣order粟米筍拉麵，小麻小辣，呢度嘅粟米信清甜爽口，啱晒我鍾意食素菜嘅人！平時諗起食拉麵都會覺得好油膩同埋好多肉唔夠菜呢度有埋芽菜，索哂湯，冇草腥味，真係唔錯朋友就食增量叉燒拉麵，中麻小辣，舊叉燒真係好大件😂😂😂😂一樣有芽菜配鬼金棒嘅叉燒真係唔錯，唔會好乾，肥同肉層次分明，肥夾部份入口即溶，正！另外order 咗一隻糖沁蛋share，正常質素~

冇得去日本，唯有食碗拉麵止下旅行癮，知道呢間喺銅鑼灣嘅拉麵店有得食芫荽拉麵，即刻帶咗朋友嚟試吓！間舖頭門面好靚，本身唔太食辣，見到佢有唔同嘅辣度選擇都好貼心！用電話Du QR code就落到單，好方便，我毫不猶豫就叫咗芫荽辣麻味噌拉麵，朋友就叫咗增量叉燒辣麻味噌拉麵！我哋特登追加個增量粟米筍，點知嚟到份量真係好多，好大嘅一碗，粟米筍表面都有微微燒過所以真係超級好食，就算咁大大碗我同朋友都全部食晒。增量叉燒辣麻味噌拉麵嘅叉燒就係超級大塊，本身仲同朋友商量緊使唔使要增量x2，好在無，唔係實食唔哂，叉燒肥瘦適中而且好入味，入口溶化。朋友雖然叫咗小辣小麻，但個湯底都好濃好惹味！終於嚟到我嘅芫荽拉麵，見到一大堆芫荽真係好開心，當然首先相機食先！因為唔太食得辣所以要咗唔辣中麻。湯底一樣好夠味，麵質軟硬度適中，加埋叉燒同埋大量芫荽嚟食真係好正！埋單每人百幾，價錢都好合理，有機會都會再嚟！

好耐無食過鬼金棒，依然好味☺️味玉辣麻味噌拉麵 $100芽菜炒得好香，見到廚師炒個陣個火勁高。舊肉好獨特，醃製得好入味，拉麵店黎講，暫時係食過最好味既叉燒就係佢喇！增量叉燒辣麻味噌拉麵 $115舊肉超大嚿，真係有增量到，不過覺得唔夠普通嗰舊咁入味。湯底又麻又辣，好正！今次叫左中辣，好似都唔夠喉，下次可以再辣d😂 想食辣拉麵，鬼金棒係首選！

舊同事約食飯，數數手指原來都成兩年幾冇見喇，好在仲記得佢最鍾意食拉麵，佢又係港島番工，即刻諗起要去間bookmark好耐既「鬼金棒」👹👻。📍銅鑼灣謝斐道530號「鬼金棒」位置好方便，一出地鐵站行3分鐘就到喇，去到門口見到佢裝修就預左今餐會辣得過癮。🍜🐖增量叉燒辣麻味噌拉麵（小辣小麻） 食拉麵，小妹最鍾意坐Bar台，因為最有風味，我地被安排既座位清楚見到準備既過程，突然大火一閃，拉麵就完成喇。一夾起出哂煙熱辣辣，麯條係重蛋味比較粗身煙韌的；至於湯底除左有味噌香味外，仲有輕微麻麻辣辣，而且仲有大量芽菜同蔥增加口感。主角叉燒，肥瘦適中，肉質夠林，見同事十分鐘都冇就已經KO，佢個份量黎講男生都夠飽。 同事要求我要突登加一句稱贊店內貼心提供圍裙，保護左佢件恤衫😜 🍜🌽玉米芯辣麻味噌拉麵（中辣中麻） 其實玉米芯拉麵入面一樣有叉燒，如你鍾意多菜少肉就可以跟我既選擇。玉米芯份量多，而且表面有燒烤過，爽口好味，至於湯底我揀左中麻中辣，未會辣到噴火，但食到麻香和辣的刺激，建議嗜辣人士可以再向高級數挑戰！追加$15（🥚味玉）因為拉麵本冇味玉，所以一人加左一隻，個人以為溏心蛋都係拉重要的一環，鬼金棒的味玉也絕

近年最愛既拉麵非「鬼金棒」莫屬！朋友屬於芫荽控、芽菜控，滿滿的一大碗非常滿足！而我～就最喜歡它可以自由挑選辣度！「鬼金棒」門口放置了一枝鬼金棒裝飾，裡面以日本鬼怪主題佈置，詭異的紅黑燈光甚為有氣氛。❒ 芫荽辣麻味噌拉麵＄110－小麻小辣－味玉＋＄15❒ 增量叉燒辣麻味噌拉麵＄110－中麻中辣－味玉＋＄15－芽菜＋＄15這裡應該是喜歡芫荽的天堂，朋友點了芫荽辣麻味噌拉麵，芫荽滿滿的一碗，湯底非常濃郁，麵條吸滿湯汁，朋友點了小麻小辣，如果不愛吃辣的朋友不用擔心～不會太辣～自己過往都是點小麻小辣，今次特意點高一級的中麻中辣，特別喜歡鬼金棒的叉燒，肥瘦程度剛好，入口即溶，而且尺寸驚人，食肉獸必點增量版本！另外加點了味玉、芽菜，味玉呈橙紅色，微微流心，芽菜整整一碗，非常滿足～

定期發作嘅拉麵癮，之前有食過尖沙咀分店嘅鬼金棒，食完之後念念不忘，見佢銅鑼灣都有分店，所以黎回味一下銅鑼灣分店嘅裝修堂尖沙咀嘅大同小異食物選擇方面，兩間分店買嘅食物一模一樣，一樣都係可以自己揀麻同辣嘅程度增量叉燒麻辣味增拉麵🍜追加味玉、豆芽同玉米荀上次食完佢嘅豆芽覺得超級好味，喺喺鐵板炒嘅豆芽，好有鑊氣，好香玉米荀係燒過嘅，好香甜，似粟一燒味玉：用蘭王蛋，蛋黃好紅好香濃所有配菜嘅分量都好多，成碗增量拉麵咁

成日經過呢間拉麵，覺得個裝修似酒吧多過拉麵店星期二晚尖沙咀少有唔洗排隊既拉麵店呢間鬼金棒上網睇好似話係日本過江龍，最出名係芫茜拉麵，聽落就幾特別。因為我係芫茜愛好者。但係入到黎既第一感覺好冇拉麵店既感覺-店員好多媽媽級-講野有鄉音-衛生好一般 廁所見到有甴曱屁體 同埋地下好濕。去完廁所都唔太想食碗麵。-麵既湯底好咸-叉燒真係幾差下，似煲湯肥豬肉-芫茜真係得個多字，同拉麵唔太夾，似食米線個人覺得價錢都幾貴性價比極低

🌟味玉辣麻味增拉麵 $100鬼金棒出名麻辣湯底，但係我唔係好食得辣，所以order左唔辣🙈不過為咗試吓辣味拉麵嘅風味，我另外叫師傅俾咗啲辣粉，自己加少少落碗麵。厚切叉燒肉質都算淋，不會太多肥豬肉，加埋少少辣嘅濃味湯底送入口食，味道令人回味。

我嘅總結係，人生點都要試下鬼金棒嘅秘製麻辣拉麵，況且都要百餘元一位，仲要無加一，美味之餘，口味仲幾獨有，食得多普通豬骨、牛骨、魚湯拉麵，間中都想試下新野掛？呢度嘅拉麵統一都係一款味噌湯底，只係搭配不同配料，以及能夠自選辣度及麻度，有勁辣、辣麻，亦有唔辣、唔麻。芫荽辣麻味噌拉麵（$110）：食開譚仔小辣都可以選擇中辣至大辣，味噌湯非常濃郁，即使大辣都唔會遮蓋湯底嘅鮮香，反而感覺味道更有層次，十分出色！滿滿嘅芫荽覆蓋整個拉麵，香味十足，芫荽迷必食嘅一個選擇！未食過都真係唔知芫荽配味噌湯可以咁夾。拉麵統一都係曲麵，硬度適中，仲有一舊超厚切日式叉燒，真係一舊等於普通嘅五六七塊叉燒...*下面碗「增量芫荽」需要加$30元玉米荀辣麻味噌拉麵（$100）：湯底均是一樣，只係減去芫荽，味噌湯嘅獨有風味可謂完完整整地奉獻給你，所以鬼金棒最少要食兩次先得玉米荀鮮甜爽口，份量仲真係好多，畢竟自己去超市買唔平，所以我都幾appreciate呢款。塊厚切日式叉燒點都要講下，其實係一塊炆到非常軟腍入味嘅豬腩肉，味道香甜，肉質幼滑，其脂肪位置可謂入口即溶

今日喺銅鑼灣拎完月餅，俾我搵到間勁多芫荽嘅拉麵店，朋友同我都鍾意食芫荽，所以二話不說就去左！炒荳芽麻辣味噌拉麵（加味玉、芫荽）$135海量芽菜，溏心蛋個心比較紅艷同埋都好香，佢個小辣好頂癮，鍾意食小辣的人必叫！麵條都幾有質感，美中不足係覺得湯底有D油，好容易覺得飽！-芫荽味噌拉麵（加玉米筍、味玉）$140佢D芫荽真係成座山咁高，所以成碗面都係芫荽味，同埋佢D粟米條好爽脆，味噌味濃好有鹹香味好開胃！

某星期日，同老婆喺銅鑼灣行行吓街，十級肚餓，正當煩惱食物之際，剛巧經過鬼金棒。 本身我係想食前面嗰間日本咖喱，就係呢個原因我先行咗過嚟世貿中心，但係老婆突然間想食有湯又暖胃嘢，可能因為當日落大雨嘅關係。 怕老婆會發達，於是還是走入鬼金棒，橫掂未試過銅鑼灣嘅分店。 每人一碗拉麵，佢當然係食勁芫荽嘅重口味，我就食經典嘅豬骨湯。 最喜歡呢度基本上係自助形式，完全唔需要同工作人員，溝通，搵個位，可以上網自己落order。 兩個麵不消10分鐘就嚟到，水準同尖沙咀沒有大分別。 最正嘅一定係你感受到佢基本上每樣嘅芽菜或者湯底，都係即刻炒俾你同即刻整。 最適合大家選擇嘅就係辣同埋麻到可以任你選由無去到小去到中去到高甚到鬼增level，你一定搵到你舒服嘅一碗麵。 鬼金棒 銅鑼灣謝斐道530號地舖

已經好耐世紀冇食過拉麵🍜拉麵係幾時想食？就係想食湯麵🍜但係又唔想食魚蛋粉 又唔想食茶記嘅時候食🤣呢間仲要係主打辣味拉麵🍜啱哂我同朋友😂餐廳細細地 不過裝修有啲特色 掛咗好多日本嘅鬼怪面具👹👺佢哋嘅面具係代表”麻”同 “辣” 正正配合返餐廳食物嘅主題 大家都可以留意一下👀🍜增量叉燒辣麻味拉麵 $115 (小辣)唔鍾意啲配菜嘅我走哂芽菜韭菜同埋粟米筍🌽原諒我😂😂😂嗌完小辣發覺辣度可以再多少少 不過湯底味道係幾濃郁 有麻香辣味 不會太鹹拉麵🍜質感好驚喜 好彈牙 不會過淋 掛哂湯汁 正啊😋 叉燒果然係”增量” 一大舊完整嘅呈現喺你眼前😂即刻咬一啖😛係淋架😍😍🍜特製麻辣味噌拉麵 $120 (中辣)朋友嗰碗就嗌左中辣🌶🌶咁我哋就可以試吓兩個唔同嘅辣度❤️中辣係正啲架！辣啲又香啲又再濃郁啲😍都唔算鹹啊！呢碗除咗有一大舊叉燒 仲有隻溏心蛋🍳😍更添滿足感🥳‼️順帶一提 餐廳喺每個位都貼心準備咗即棄圍裙 雖然有啲人真係好唔好意思戴上去 但係！！佢救咗我一命😂好在有戴到！我一夾起舊叉燒，啲辣湯彈到周圍都係👚我仲要著粉紅色衫白色褲😂最後只係件衫中咗2小滴💧不幸中嘅大幸🥲🥲

🔺 鬼金棒 (銅鑼灣)🔻增量叉燒x2 辣麻味噌拉麵+味玉 ($150)份量超強勁既叉燒，舊舊都勁大舊，絕不吝嗇，唔係出面拉麵店一片片，雖則佢大舊，但d 肉一d 都唔鞋，仲勁入味勁juice,輕輕咬落去已經分開到舊肉，而且佢層層分明，肥瘦適中，啖啖肉之餘仲帶有點油脂香溶化係口中🤤🤤🔸味玉即係蛋呀，隻蛋本身已經好入味～🔻玉米筍辣麻味噌拉麵+增量叉燒（$135)食極都仲有既玉米筍😂本身好少接觸到玉米筍，但呢到竟然拎佢黎做主角，但襯落拉麵到又幾得意喎，輕輕既粟米味，爽脆既口感，沾滿晒濃厚既湯底中又帶點清新，真係可以一試😊🔸湯底方面濃厚既味噌湯，我揀阻小辣小麻，不過就唔係好feel 到，中意食辣既朋友仔可以揀中辣開始起跳～環境方面d 位都隔得幾開，坐得舒服。

鬼金棒👹Kikanbo Ramen味玉麻辣味噌拉麵🎖🎖🎖鬼金棒主打時麻辣湯底拉麵雖然唔係太食得辣都點左小辣小麻試試辣度可以接受。拉麵是粗身掛湯能力，味噌夠濃加埋麻辣香越食越想食。味玉好食流心，肉則是腩肉煮到入哂味雖然有點肥但真係好難忍口既⋯⋯⋯