KiKi麵店 (海之戀商場) (Closed)

本身諗住呢間環境幾好坐得幾舒服，啲Set好似又幾抵食咁，就入嚟幫襯吓，影相嗰下都仲Ok期待，點知一擺落口就賴嘢。.真係唔明點解可以炸到塊雞扒咁難食，塊雞皮炸到韌過腳皮，炸粉多過雞肉，又勁多雞油🤢鹽酥雞仲衰，咸到阿媽都唔認得，好似就咁將一堆鹽灑落啲炸雞度，點擺得落口？.個肉燥飯仲正，唔睇個名以為自己食緊肉乾飯，Dry到冇朋友，真心係得啲小食好食啲，例如蟹粉豆腐都唔錯，服務態度都唔算差，但係主菜難食真係搞唔掂，如無意外應該都唔會再幫襯。😵‍💫

每次來都叫拌麵多，今次想來個冬季幸福鍋這個是藥饍湯底牛肉鍋， 鍋一放下就聞到濃濃的藥材味， 即時想起我超愛的台灣夜市排骨大補湯鍋物有豆卜、冬菇、牛丸、生菜及三舊大排骨雖然佢本身鍋底有少量冬粉，但隨餐附送招牌KiKi麵， 湯底滲入麵條一雪落去真係覺得超級美味餐飲免費有冬瓜茶同白桃烏龍茶，揀咗清淡的凍冬瓜茶，不太甜淡淡的，正好為者濃濃的鍋底解一解膩😜最後還有個楊枝甘露冰粉贈送的，但係我也忘記了影相，因為埋單嘅時候問佢係咪未上佢先至醒起未俾我， 人手似乎好唔夠，只見員工收銀落單傳菜都係佢，辛苦晒有下次😌

性價比低味道 (3分)—白胡椒豬肚雞絲太麵($58)3分    — 胡椒得個辣字，無香味    — 豬肚算做的吾錯，有鮮味，有咬口     — 麵系煮得剛剛好—陳年醋香麻婆豆腐拌太麵($58)1分    — 毫無醋味    —豆腐吾系成都食到好滑的豆腐，系老豆腐，無豆腐味，     —辣味吾香吾麻，咁就吾系麻婆豆腐啦     —麵煮得過火，太”林“蒜泥白肉(餐加$28)2分—可能迎合香港口味，瘦肉比例比較高— 蒜味辣味都吾夠田園時蔬(餐+$18)— 最慘系細碟到離譜冬瓜茶(3分)— 標準預制貨色，系超大杯環境(4分)— 座位寬松，喜歡又可以對住個海，幾舒服服務(4分)— 用數碼落錯單佢幫忙馬上改—問佢太麵系乜，佢都可以解析衛生 (3分)— 一般抵食(2分)

上網睇到話有新鮮羊肉食，所以走過去試吓去到點咗一個甘蔗馬蹄羊肉鍋賣價就168 ～試完之後果然係新鮮羊肉，不過就份量少啲。個羊肉湯清得嚟，個味道又夠濃👍個侍應話每日5:30半前入座叫火鍋，個自助蔬菜區全部任食免費。而家11月30號之前全日都做緊個優惠食滿$200就減$30 👍

經常去海之戀整指甲既我，每次都會順便響度食lunch，今次覓食就黎咗Kiki麵試吓😋店內地方都算大，而且重有個小型超市售賣台灣嘅地道食品同枝裝冷泡茶再行入少少盡頭嘅位置原來有一排望海景嘅座位😍勁Chill 囉！！我當然係揀返個海景位嚟坐，一邊望海，一邊嘆台式美食啦！《午市套餐》 配凍白桃烏龍茶🌀台灣好吃雞肉飯$78估唔到呢度個雞肉又幾嫩滑喎😋我幾鍾意佢既雞皮薄薄冇咩肥膏，拌雞既醬油都幾唔錯個飯面頭除咗半隻溏心蛋外，重加配咗滷肉同少少雞肉絲講真午餐份量唔大，如果男士食的話可能唔夠飽😆

芋泥控 請自便👯✨KIKI 麵 在香港都好一陣間 都還沒吃過但這次第一次吃 反而吃到他們的「芋香厚炸吐司」覺得好吃😋！！他的外表就是一個普通的西多士 但一切開 故事就不一樣了🤤🪄✨切成九塊以後面包都看不到 只有滿滿的芋泥 微甜不膩 微香綿身感覺整份的高度 都是用芋泥來支撐～即便外層用油炸過亦不覺得油膩可以吃～(下次來KIKI 不知道吃什麼 就試試「芋香厚炸吐司」吧～✨下午茶餐 $98芋香厚炸吐司，鹽酥雞，迷你楊枝甘露冰粉，凍冬瓜茶(set)-少冰✨下午茶餐 $58鹽酥大雞腿配甘梅地瓜條凍奶茶(set)-少冰，微甜✨全日餐 $148蒜片台式腸，寶島滷大排飯，凍冬瓜茶(set)

位於海之戀間KiKi裝修簡潔以全木系設計，地方寬敞空間足夠，靠窗一排坐位面向海景值得一讚，最適合打卡。津白鮮肉水餃湯麵，個湯底都幾辣，如果唔食得辣可以揀唔辣湯底，鮮肉加了津白食落就不會覺飽滯，水餃夠味。好吃雞肉拌麵，雞肉味道剛剛好不會太油膩，伴麵不會太乾身，軟硬度適中，配上小棠菜和半隻滷水烚蛋真的好味可以再試。我最愛台式手搖飲品，KiKi的白桃烏龍茶桃味夠確實好飲。邊吃邊欣賞窗外景色，座位寬敞坐得舒服，員工服務態度有禮。

🥞荃灣海之戀kiki麵店，每日2：30pm開始提供下午茶餐（餐牌寫住下午茶餐只係星期一至五供應，但親身試過，星期日都有），$38起。最平嘅🍠芋香厚炸厚吐司🍞睇圖係完全違反商品說明條例🤣🤣🤣因為實物大過張圖三倍，仲大過茶餐廳嘅西多士。張圖切到四件，我切成一口西多士size切到12件。芋泥勁厚超足料，但味道比較清淡。如果一個人隊哂真係晚飯都唔使食。另外下午茶餐包一杯台式飲品🧋水餃餐反而唔多掂🥟水餃皮甩皮甩骨。經openrice訂位仲送楊枝甘露冰粉🥭價值$32。逢星期二用openrice pay畀錢仲可以扣埋兩倍+Fun Dollar.

在海之戀開了不久的KIKI麵店環境開揚, 小編常常經過卻未見人潮, 很久之前有試過, 對KIKI麵店的印象是消費頗高, 環境優美的一間台式餐廳。適逢見到OPENRICE推出$70 買$100的KIKI麵店現金券 (只限海之戀分店), 即買即用, 相當於7折, 就再多試一次。雖然餐牌上寫明下午茶餐只限星期一至五供應, 但在QR CODE點餐的APP上發現餐廳在星期六也有推出下午茶餐, 但並沒有午餐, 相當奇怪。香蔥鵝油雞拌麵 ($128)這個拌麵只能單點, 不能跟餐。單點要價$128, 雞件先不說味道, 但份量就比外面例牌海南雞還要少, 大小也比外面的雞件要小。味道略鹹, 吃起來就是豉油雞, 沒有特別, 而且有碎骨, 吃的時候要比較小心。半隻蛋也只是普通的水煮蛋, 並非滷蛋/溏心蛋。麵條是幼麵, 好像烹調了頗久, 有點粘在一起, 也不太掛汁。這個價錢、這個質素, 恕小編無法接受。田園時蔬 ($38)菜心灼得頗淋, 有切過, 不用「吞劍」般吃。有點醬油調味, 是一道正常的時蔬。雖然餐廳不另收加一, 但整體收費還是非常高昂。沒有折頭的話不用嘗試, 嘗試過後也不會再回訪。這次並非小編第一次光顧

姐姐🧍‍♀️放假，因為之前海之戀商場🏬送$100 coupon所以今晚去咗Kiki面食🍝，新出幸福小鍋面$108，叫咗台式麻辣小鍋面🌶️，有扁胛肥牛片🐮、小肥腸、鴨血🦆🩸、凍豆腐、鱈魚🐟豆腐、台式貢丸、花枝丸、芝心丸🧀、金針菇、各式時蔬🥬、冬粉，上菜時都覺得辣，牛🐮唔多，但好好👍🏻食，大腸都肥美，鴨血🦆🩸似豬紅，我分唔到，飯🍚或Kiki面🍜我揀咗Kiki面🍜，碌一陣就食。餐飲叫咗凍冬瓜茶，加寒天加$5，冬瓜茶夠甜啱我，寒天好有咬口，都多。另一個鍋叫咗濃郁牛奶🥛小鍋面，有穀飼豚肉片🐷、溫泉♨️蛋🥚、凍豆腐、鱈魚🐟豆腐、台式貢丸、花枝丸、芝心丸、金針菇、各式時蔬🥬、冬粉，豬🐷要淥熟。飲品🥤叫咗凍紫薯雪絨芋圓白桃烏龍，味道👅怪怪

第一次嚟竟然唔係嚟食麵，係打邊爐第一眼係俾佢個裝修吸引咗，木系裝修小清新feel，加上對住個海景，即刻決定左食呢度由於真係好餓，決定打邊爐，對住個海景食其實真係幾chill但咁唔好彩佢個爐壞壞地定點，一路打一路發出好大聲啪啪聲，都咪話唔驚，係有少少影響左個食野mood叫左個藥膳味湯底，味道普通，偏淡味咗少少，我覺得可以濃味返d，配料唔叫好多，我哋另外再加左2-3碟配料而野飲叫左杯白桃烏龍，以為係有甜味嘅，點知原來只係普通茶😆

叫左個蟹皇拌麵配冬瓜茶，加埋涼拌皮蛋豆腐既外賣。蟹皇同拌麵分裝上，可以保存到溫度同麵既軟硬度。而且比既蟹皇絕對唔吝嗇！唔係一粒起兩粒止。涼拌皮蛋豆腐都好食，豆腐夠滑，不過略嫌皮蛋太少。

見食評唔錯 又有coupon 加上台灣野都好難中伏 星期五下午茶時段去 唔洗同人爭海景位💁🏻‍♀️餐牌好多野我都啱食樣樣都想試🤡奈何得一丁友 胃無能🥷🏻精挑細選左唸右唸終於落到單🍗鹽酥雞滷肉飯 $78（午市套餐）其實一上檯以為上錯左 點解鹽酥雞會變左蛋散？撥開有一半係炸衣（今舖real 蛋散滷肉飯）細舊都算 得3舊有肉 肉質乾柴 又唔太惹味；溏心蛋冇調味 本身隻蛋又冇乜蛋味；食到滷肉終於有樣嘢正常發揮 肥瘦相間口感不錯 但份量都真係好少（係側邊一篤）食完都唔知自己食過乜（冇食曬唔想再食）🍑白桃烏龍（跟餐）嗌左無糖 冇糖漿味更加凸顯到清新茶香 白桃嘅清甜之後回甘有烏龍茶嘅焙香 係成個餐唯一滿意嘅品項 走嘅時候見到其實有得樽裝買走 只係$9🧄蒜片台灣腸 +$28（小食加配）味道正常 但蒜片又係得幾片 都唔夠一舊腸仔一塊蒜片搭住黎食 問題係而家又唔係飛魚子配鵝肝醬 蒜片咋wor！🤣究竟成本係有幾高到淨係可以比5片？原價($106)嘅價錢 對比食物質素 真係不敢恭維😅🙏🏻而家用左coupon $76 都覺得好唔抵 唯一可取係吧台無敵大海景 唯有當去食左一餐打卡cafe吧😅

｜🫕KiKi麵店幸福小火鍋@海之戀限定｜上星期第一次食Kiki麵發現除咗面之外，還有小火鍋天氣咁凍，梗係要食返個火鍋啦🤭｜養生藥膳鍋🫕—湯底比較濃，好彩唔算甜。入面有豬肉片☺️不肥好好味還有藥膳排骨條，啖啖肉😄我嘅欣賞佢令我可以加$10菜，有菜有肉配埋個爽口彈牙Kiki面， 真係好滿足。飽飽另外朋友點了香醇喇沙鍋😍湯底好有蝦味，我更加喜歡呢一個。另外套餐會有飲品，我點了熱的白桃烏龍茶🫶🏻喜歡呢個幸福小火鍋套餐（$108），性價比幾高。如果你又想打邊爐，又唔想任食咁多，又想過過下口癮得來又慳到少少錢，你哋就嚟試吓呢個啦😘😘📍KiKi麵店 (海之戀商場) (荃灣)荃灣大河道100號海之戀商場1樓1011號舖

最近第二次黎食，今次同個女黎食晚餐，時間早（大約6點）唔多人，唔洗等位直入，仲可以揀位由於我女唔食🌶，冇乜前菜想食，所以冇叫餐叫左魯肉飯再加蛋餅同甜品，唔叫餐反而叫到自己鐘意食既野魯肉飯幾好食，唔會太多汁又夠汁，好欣賞佢個酸菜，有少少🌶幾好食蛋餅好足料👍😋 楊枝甘露冰粉好食，食完飯最啱食個清甜水果系甜品解膩另外，我好鐘意飲佢個奶茶，每次都要加一杯😋呢間餐廳空間闊落，推住bb 車入都仲有好多位，仲有小童餐具提供，非常貼心