Video
1-min walk from Exit J, Tsim Sha Tsui / East Tsim Sha Tsui MTR Station
continue reading
Telephone
21554855
Opening Hours
Today
11:30 - 00:00
Mon - Sun
11:30 - 00:00
*最後訂座時間：10pm, 甜品最後落單時間：10:30pm
Above information is for reference only. Please check details with the restaurant.
1592 views
香港擁有維港海景的高級西餐廳有很多間，但要找一間有真正無敵維港靚海景的美式扒房，就只有三幾間。K11 Musea 開業後，終於多了一間【Kilo】。餐廳門面裝修普通，只似一間普通美式扒房。靠近門口又有一組細小酒吧枱，設計簡約，似是為了方便不進餐的客人而設，亦預計客人不會逗留很久時間。步入餐廳用餐區時會經過一條少少走廊，掛在牆上的一幅相片吸引了小編目光。竟然係知名普普藝術（pop art）畫家Keith Haring的個人照片，背景正是他最為人所認識的「三原色簡筆人」作品。究竟餐廳老闆是否認識 Keith Haring？室內裝修簡約，勝在樓底夠高，枱與枱之間空間又夠寬敞；適合情侶或者小家庭用餐。最大賣點當然是位於商場6樓，夠高層、兼且靠向玻璃幕牆，大部份餐枱都可以遠眺無敵維港海景；如果提前訂枱，更加可以獲得編配第一排海景餐枱！餐牌設計簡單，只有兩大頁。一頁係套餐，另外一頁就是單點。頭盤、意大利麵、主菜內容其實都差不多一模一樣，單點餐牌只不過多了一些 side dish 及大大份、需要2人分享的 bone-in ribeye。當然，以套餐較為抵食；又可按個人食量揀選two course、three course 或 four course dinner set。分別揀了Three course dinner set ($530) 及 Four course dinner set ($660)，兩份晚餐都揀了牛扒作為主菜，如果選擇意大利麵或者Pizza，Three course dinner set 會稍為便宜一點。麵包係較為失色的一環。酸種麵包冷冰冰。以頭盤來說，Steak Tartare 很大份。冇講明選取那一部位或產地的牛肉；肉色深紅，估計係肉眼。入口有比較重的生肉血腥味及臊味，混合了蛋香濃郁的深橙黃色日本產雞蛋黃後，味道變得較容易入口。有咬口、但稍嫌未夠幼滑；略嫌太黏身，亦影響了賣相，配搭薄脆麵包片一齊食會較合適。餐牌上沒有，但侍應強力推介的 Crab cake；以頭盤標準，同樣稱得上大件，墊底的蛋黃醬份量亦很多。表面沾滿麵包糠，採用油炸方式炮製；個人則較喜歡傳統的美式 Maryland Crab cake，麵包糠份量較少及採用半煎炸烹調方式。入口表面鬆脆，內裏啖啖蟹肉！不過，蟹肉拆得太零碎、欠缺了大大塊蟹肉，亦混合了比例偏高的其他配搭食材如麵包糠等，影響了口感。味道方面，香草份量稍多，未能突出蟹肉鮮甜。Four course dinner set 可以要齊牛扒及意大利麵 / Pizza，揀了 Fettuccine Bolognese。肉醬寬條麵可以說是最基本、但又係最經典的意大利麵款式。採用優質安格斯牛肉碎烹調，加入蕃茄醬及 Parmesan cheese；牛肉份量夠多，醬汁濃郁，充滿肉味，每條麵條都沾滿肉醬，很好吃！自家製手工意大利寬麵入口有嚼勁，軟硬度剛好，即係意大利文所謂 al dente，同樣好吃。揀了兩款不同的牛扒，產地同樣是澳洲，亦同樣是澳洲飼養的混血日本和牛，兩件牛扒 13oz M3 Wagyu Striploin (+$500) 及 6oz M7 Wagyu Flat Iron (+$100) 放在同一塊木板上一次送上。兩件同樣非常好吃，牛味同樣濃郁，肉質同樣鬆軟。真要比較嘅話，Flat Iron 更加軟腍，但肉味稍為及不上 Striploin。Striploin 始終係西冷，肉味更為濃郁，和牛的脂肪花紋及甜味亦較明顯。整體比較，雖然Striploin只是M3，味道比M7 的 Flat Iron 更佳。Affogato 在三款甜品中味道比較中庸，雖然也算係意大利的經典甜品，但其實只不過是一球雲呢拿雪糕加上一杯意大利特濃咖啡 Expresso。而且，雲呢拿雪糕味道一般；Expresso 亦唔夠熱，咖啡香味一般。Basque Cheesecake 可以說是 New York cheesecake 嘅變奏版，材料離不開忌廉芝士、糖、雞蛋、牛油及少量低筋麵粉；分別在加多一重高溫度烘焙工序，造成表面薄薄一層焦燶效果，入口也因此多了焗蛋糕的香氣。入口較傳統芝士餅輕巧、軟綿，但仍然充滿飽和脂肪、濃烈的芝士味及黏稠口感。配搭 Raspberry sorbet 及脆焦糖一齊食，果酸加上濃甜加上芝士香，比較齋吃 cheesecake 更加好吃。生日客人另外贈送一份甜品 Tiramisu。入口幼滑，有 mascarpone 芝士味及咖啡酒香，味道同樣出色；如果ladyfinger的底層可以最厚一點會更加好吃。頭盤及甜品唔係話唔好食，但以這個價位，應該可以更加出色。意大利麵做得相當不錯。如果講牛扒，就真的非常好，牛肉質素靚，定價又比同級酒店扒房較抵食；加上無敵維港靚海景，綻放煙花的夜晚，就更加相信一枱難求！
continue reading
Chef Nathan Green的Kilo在K11 Musea開幕了一段時間, 人流可以再多一點, 有他主理的肉類, 以及維多利亞的海景, 應該可以媲美麗晶酒店的扒房, 現在為了爭取更多生意, 連午晚市的休息也不要, 提供全日的套餐. 主打的當然是牛扒, 我點的是不用額外加錢的coulotte, 也就是巴西燒烤最常用的picanha臀肉上蓋, 沒有刻意留下脂肪, 也因為是Prime的質素, 肉質爽而不韌, 來自南加州Brandt牧場的Holstein種, 除了可以做乳牛之外, 肉質也夠鮮嫩, 這牧場就只有培育這種品種, 除了這裏外也有不少大扒房會用到. 火候控制相當好, 一點過熟也沒有, 既Meaty又Juicy.除了牛扒, 烤羊架也相當不錯, 羶香不會太濃, 也不會太筋性, 油脂肉汁豐富, 不難切起, 皮脂延伸夠, 不用任何汁醬也能提供羊肉肉香和油香, 結合起來比牛扒更惹味. 至於意大利粉方面則一面, 始終不是它的專長, 還是要向Chef Bombana取師了.Chef Nathan Green‘s Kilo at K11 Musea offers all-day set menus to attract more business. The highlight is their delicious steaks, particularly the coulotte, which is made with high-quality Prime Grade beef from Brandt Ranch in Southern California. The cooking is well-controlled, resulting in a juicy and tender texture. Their grilled lamb chops are also a must-try, with a rich and savory flavor and a nice crisp skin. And while pasta is not their specialty, one can always turn to Chef Bombana for that. Overall, Kilo provides a great dining experience with its expertly cooked meats and beautiful view of Victoria Harbour.
continue reading
包場的星期天午餐，估唔到咁熱鬧咁多人嘅K11 MUSEA星期日lunch竟然冇人食呢間。呢度落地大玻璃飽覽整個維港海景，夜晚應該會再靚啲，但我鍾意下晝冇人，正！頭盤叫咗生蠔🦪 新鮮 。八爪魚鬚薯蓉，幾特別，唔差 。生牛肉他他 。嚟到Steakhouse，當然要叫牛扒，仲叫左個牛扒漢堡包🍔，個漢堡包非常出色，好多肉汁，一試難忘，值得試！基本上淨係食完半個漢堡包都飽哂😂😂😂 所以飽住咁食塊牛扒，我哋仲揀咗side dish食薯條同菠菜，簡直係食埋夜晚嗰餐 。
continue reading
wine menu叫乜冇乜，前後waiter 來回三次要求更改，最終衹建議市面一般百元多元可買到的，但在此收費過千元。還有，book桌時提供了food menu供我先看，但當晚說剛改menu,餐牌很多食品都冇，基本上選擇有限。沒想到尖沙咀K11的餐廳如此不濟!
continue reading
在香港擁有維港靚景的餐廳不少，但要加埋食物質素一齊評分的話, 則加添難度。聽朋友介紹好耐, 位於K11 的Kilos steak house, 由名廚扒王之王Nathan Green主理，亦是Under 名廚Bombana旗下Octavo飲食集團， 出自名門，應該有保證。一進入餐廳，維港景觀真係好吸引，我是去食lunch，雖然係白天，但都已經覺得開揚舒服，可以想像夜晚去的話，應該真係幾無敵。食物方面，最喜歡牛肉他他，好有份量的前菜，肉質鮮嫰，喜歡牛肉的不可錯過。牛扒質素水準之上。整體認為，Kilo是一間性價比分數十分高的餐廳，價錢當然不是最親民，但作為有無敵靚維港景，食物質素、環境、服務態度都係高分，唯一美中不足，地點真係要搵一搵，尤其係不是經常到K11 Musea，真係唔多識路，不過當看到靚靚海景就覺得好值得來，都會推介比朋友,，尤其是現在好餐廳買少見少的情況下。
continue reading