金饍韓國料理 (Closed)

在Yahoo!團購買入4人9道菜的燒烤晚餐，本來滿心歡喜的與家人晚餐慶祝生日。6:30pm到達是一枱客都無，侍應先給我們送上清水，全部人一喝都覺得水的味道很奇怪，於是請侍應更換，但再換的都是有奇怪味道的，有陣油的味道，於是我試了放在餐桌上的一整瓶的水，是正常的，所以我們確信是杯子沒有清洗乾淨而殘留味道，但侍應也沒有作出相應的幫助，我們是自行用水再把杯洗淨和抹乾再用的。團購內所包括的食物質素都是很一般，什至比我吃過的一些任食韓燒餐廳的食物更差。我們另外加點了兩樣食物，一個是醬汁牛肋骨，有兩條牛肋骨，索價三百多其實真的有點過高，可幸是味道尚算可以接受。另外是韓式飯捲，這個確實有誤導消費者之嫌並且定價過高，只有「8粒」的小飯捲被索價$98餐牌內所中文寫的4條，英文是4 pieces, 都均與實物不符整頓飯下來，沒有太愉快，食物整體味道其實都偏甜，所以也不會再光顧了。

難得朋友放假，專程由港島區過黎尖沙咀搵我lunch,當然唔可以食得求其啦。揀左好耐，最終決定去北京道一號既金饍韓國料理。一點去到餐廳已經坐滿人，等左大約十分鐘就有位，兩個人被安排坐一張四人窗邊卡位。今日天氣好好，藍天白雲，整個維港景色盡入眼簾。一坐低侍應就送上三款韓式小食同朋友分別點左牛肉粉絲雜錦煲同牛排骨湯，兩個餐都另跟白飯。首先講牛排骨湯，個湯非常清甜，可能有大量蘿蔔的關係吧。牛排骨又炆得非常淋再跟足韓國人食法，一口飯配一淡湯，妙絕。牛肉粉絲煲都好多配料，湯底比較濃，一絲絲牛肉配一撮撮粉絲又係冇得彈。埋單都只係百六蚊...講真，你平時俾千幾二千蚊去其他地方食晚飯都可能只係為左個景，但呢度每人只需八十蚊就可以滿足到，仲可以講D咩

今晚我們喺尖沙咀附近做完嘢之後，去咗北京道1號嘅「金饍韓國料理」食晚飯！我們叫咗人參竹絲鷄湯，一嚟到嗰陣已經覺得個湯唔係好夠熱，再睇吓啲鷄肉，完全唔似係煮熟咗之後嘅賣相，好似「求其」烚熟咗隻鷄之後放入個鍋，再另外加啲上湯就上碟咁，因我們諗著用對筷子試吓篤吓隻鷄睇吓熟唔熟，點知係連鷄皮就篤唔穿，硬到好似有層臘嚟臘著咁，初頭我們以為唔夠熱同仲未煮熟，我們即時同店員要求話要加熱再煮吓，等咗一陣以為再煮過之後會好啲，點知隻鷄嘅肉質依然都係咁「硬實實」，一啲都唔鬆軟，而且味道仲有啲好似食緊臘鴨嘅味道咁，完全係無人參鷄湯應有嘅味道，真係令我們覺得超級極之失望呀！雜錦石頭飯「牛肉」一開始當然係將所有材料同辣醬撈埋一齊，因有飯焦，所以味道都幾芳香惹味，但牛肉嘅份量唔算好多，同切得比較細粒，所以一啲口感都無！至於燴牛肋骨就係幾樣之中叫做比較好，因肉質都幾腍幾入味，牛肉味都幾濃郁，醬汁嘅味道亦相當香甜！最後因用銀聯信用卡叫主餐牌嘅嘢食可以享有八折優惠，我們當然係用銀聯信用卡畀錢啦，畀卡嗰陣店員亦知道，但出單嚟簽嘅時候竟然係無折到！所以我們問店員點解無折？等咗一陣，最後終於折咗，但令我們覺得他們有種扮唔記得

最近我公司嗰度又有個新同事黎左 所以我哋下晝又出左去食 歡迎新同事嚟到 咁今次我哋就去咗食韓國嘢去咗食金饍 其實下晝去食金饍都唔錯架因為真係有好多選擇而今次最搞笑嘅係我哋10幾個人去食都冇一個餐係重複嘅其實本人真係幾鍾意食韓國嘢特別係泡菜 咁一如以往韓國嘅餐廳都會有泡菜做前菜放喺枱面比客人食 我今次就叫左雞肉雜錦石頭鍋飯（17號餐） 佢一嚟到嘅時候仲係灑灑聲好有鑊氣 我梗係趁佢熱辣辣將隻蛋同啲飯撈埋一齊啦 佢啲雞肉都幾多而且甜甜地好入味 而且呢個餐有啲瓜有啲菜有啲肉 令到我好滿足 韓國野真係正😄呢到有樣好嘅係成日都有coupon送 兩個人有$50 coupon 用coupon 嘅話真係幾扺架!!

公司今日來左位新同事，於是大家慶祝新同事來到，一齊出去食午餐，於是帶新來的去一個有靚景的韓國餐廳，我地人多好彩預先訂定枱，去到唔駛等就即係可以入座。午餐好多選擇，我自己鍾意食辣，就揀左個“辣牛肉菜湯“，未有得食之前，枱面已經有少少韓國配菜，有我最愛的泡菜，剛好食晒配菜，主菜牛肉湯就來到，配上一碗白飯，熱辣辣的石窩，入面好多料，除左有牛肉，有好多韓式粉絲，佢同傳統粉絲唔同，韓式粉絲較粗，比較煙韌，感覺似食麵，另外湯唔係好辣，湯內有好多泡菜，蘿蔔，全部料都應該煮好耐，已經好淋好入味，有個辣湯加埋碗白飯，份量好足夠。下次可以再試埋其他

朋友生日揀咗嚟呢間嘢食韓國燒烤，嘩!星期六晩上黃金時間7點幾，間嘢都只係半滿座，仲有勁多位，食嘢期間完全冇walk in 客入~勁!講返嘢食先，其實我初頭冇參予點餐，係咁耳聽到朋友點咗兩個餐，一個有龍蝦、另一個有係以牛為主。其實我哋有大有細成10個人，唔知係呢喥d嘢食咁大份量定係我d班自覺自己細食。未有嘢食嚟之前，枱面係有d小食，泡菜、大豆芽、菠菜同白菜仔。一食入口……鹹到死!!唯獨d 白菜仔叫做好食d，點知叫個侍應refill 咗一次，ok! 再叫……侍應話無晒，唔係話?!家下先8點，咁快無晒!到主菜到……第一樣燒魷魚，食落唔多似魷魚，完全無魷魚嘅口感又無味!第二樣燒雞肉，普通料。第三樣燒大蝦，不過不失!其他朋友有食牛……但唔知咩質素。食到呢度……我對呢間嘢已經冇任何要求!我叫多咗個雜菇拼盤，好彩都係正常嘢!後尾朋友點咗三個韓式熟食……二個字……垃圾!

以經第N次嚟金饍lunch嚕~無論價錢，食物質素再加海景已令性價比提升到頂點！Lunch set 都有十幾廿十個選擇，每次試新set無難度啦😛🐆🐆🐆🐆🐆🐆🐆🐆🐆🐆🐆🐆🐆🐆🐆🐆今次order左烤牛肉飯（HK$78)份量超充足，自問大食嘅我都食剩少少肉~包含大量洋蔥~好香口🐆🐆🐆🐆🐆🐆🐆🐆🐆🐆🐆🐆🐆🐆🐆🐆即叫即整，一上枱好大煙，枱前嘅爐有埋吸煙風口，咁就唔驚lunch後一陣味啦

本人皮膚過敏只能食新鮮食物，這間韓國料理食物的新鮮度絕對pass，但本人比較喜歡正宗韓國料理！還有雪糕相沒位上載同大家分享！通常我這個吃貨會將前菜也清掉的，但因為這些前菜太港式了，吃不下！雖然食物新鮮，味道也不錯，但本人卻只鍾情於正宗韓燒，沒有驚喜的感覺，唯一感到開心的是皮膚最終沒有作出反抗！也是因為這次用餐後才發覺自己的皮膚只接受新鮮食品，非常挑剔！身為吃貨也只能選擇高質食品，不能不經思考隨意地吃喝！這間值得一試！喜歡港式韓燒的吃貨更不需多講！

一直有去金馬倫道分店，可惜結業了，之後上年轉到北京到一號，當時食物亦有保持水準…近來有台灣朋友來港，於是盡地主之誼帶他們來到這分店，可以一邊進餐一邊欣賞維港海景…我們點了6人餐，價錢已加價不便宜，可惜食物已經退步了很多，味道差了很多，燒完出來很乾沒肉汁，以前有醬料配搭，現在什麼都沒有，以前的套餐有烏雞人參湯，現在變了菜瓜湯，好像變了平價菜色…很失望的一餐，價錢完全不符合食物質素，金巴利街的韓式食物店質素還好過它，以後都不會再來。

上次同事帶左我嚟呢度，8樓有一間日本菜同呢間韓國菜，lunch menu都好多choice 同價錢十分親民。仲要望住大海影view..真係性價比極高。🐆🐆🐆🐆🐆🐆🐆🐆🐆🐆🐆🐆🐆🐆🐆🐆先上前菜，泡菜唔辣易入口。蘿白甜甜地好開胃！🐆🐆🐆🐆🐆🐆🐆🐆🐆🐆🐆🐆🐆🐆🐆湯底十分鮮味~ 材料有牛既不同部位，處理得好好，唔會有腥味。最難忘係牛肚，大大舊好爽口同入味~~

天花有特色，大玻璃窗外景觀可取之外，其他完全失分。原來團購買嘅餐券店內餐牌係沒有的。就算俾團購票入場，都係一樣唔值，食物質素差，放上枱似足雜架灘嘅下欄嘢，每樣食物放上枱完全一啲美感都沒有，亂七八糟，真係好影響食慾！勉為其難食咗，但冇下次，唔會再光臨！

呢間韓國餐廳既野食味道相當唔錯👍🏻👍🏻上次去叫左個牛肉飯🤤 覺得佢個牛肉飯係仲正過吉野家🤤🤤啲汁味道夠 牛肉夠林又入味 再加埋炒香咗加汁既洋蔥真係勁好食👍🏻🤤 而且入面裝飾都幾靚又有海景都幾chill下😏 想拍下拖揾靚景食飯係個唔錯既選擇😂😏

北京道一號對我呢D貼地既人來說係唔會考慮既地方...所以一直睇都無睇過。今次都係恰巧朋友lunch後有事要去果度，就順勢睇下棟野有無lunch可揀，睇睇下發現呢間KIMCHEE lunch set都幾唔錯，就試下啦！Lunch menu range $68-8x，如果要燒既就再貴DD，呢個價都揀得落手既，而且如果有book位可以坐窗邊睇靚景！﹣我既雞肉石鍋飯：熱辣辣！一落D醬料即刻“ZA～！” 一邊快速攪拌一邊小心睇熱，因為個木板底其實唔重，所以太激動會反黎反去。清湯係胡椒味既蘿蔔湯，食到辣辣地飲佢會無咁滯（好似係）；醬料同普通韓式甜辣醬一樣，唔會好辣，飯量唔多勝在白粒飽滿，而且配料都幾豐富，包保啖啖都有餸唔會寡。主角雞肉幾嫩，本身用燒汁醬煮過所以都幾入味，雞肉無乜油又唔會乾，size切到一口一粒（類似雞丁但又無咁細），撈埋一齊幾好食架～係啦，前菜3小碟不過不失，食晒所有野都幾飽架！有靚景既lunch黎講加埋一＄100有找都算唔錯！不過尖咀既韓國野何其多，或者有機會再黎啦～

最近總是雨紛紛, 難得今晚冇落雨, 我同朋友就想係睇到夜景既地方食飯訂枱時唔記得左預訂窗邊位置, 所以只能遠眺香港夜景今次點既係二人餐👫前菜6小碟, 全部都係蔬菜類韓燒：豚肉、羊架、日本和牛、大蝦羊架：醃得夠味, 燒出黎香氣濃郁, 食落冇羶味日本和牛：餐廳送左一盤生菜俾客人配起黎食, 個人就喜歡配生菜, 點少少韓式豆瓣醬, 充滿香氣既肉汁慢慢滲出黎, 口感軟嫩, 清新又入味大蝦：肉質鮮嫩, 但建議多加蒜蓉醃料天婦羅豆腐及茄子：醬汁唔太配, 豆腐本身質地略為硬, 茄子較好味海鮮湯：配料足夠, 海鮮味濃鰻魚飯：唔記得拍照鰻魚新鮮, 醬汁配珍珠飯味道唔錯, 份量適中曲奇雪糕特別優惠：中銀信用卡8折

今天晚上和家人一共5人到餐廳食飯, 因為父母一早買了Groupon, 所以便抱住一試的心態!!5個人用了一張4人套餐及2人套餐卷, 餐廳沒有因為我們是用coupon而招呼唔好, 相反, 全場滿座, 但他們餐廳每一個人, 上至經理, 下至侍應都很有禮貌, 每個人都帶有笑容, 令我同家人都很享受這一餐飯食物方面, 生菜可以任加, 套餐食物足夠5人食, 而且要打包, 味道都很好! 不過稍略咸一點!環境不用說, 係北京道一號, 面對維港, 心情都會舒暢一點!!!