Kim's Spoon (南豐中心) (Closed)

过来这边，随便找的这间，点了烤牛肉紫菜卷，好好食啊，还有部队锅，就比较中规中矩，份量挺大的，还有一条泡菜炒饭的芝士棒，都OK，脆脆地，芝士也比较足料，不过柚子茶一杯20元唔抵咯，就用柚子蜜冲水的而已，而且什么装饰也没有

午餐嚟食Kim’s Spoon，點了set lunch韓式紫菜卷+韓式魚蛋+柚子蜜 韓式紫菜卷有蟹柳、雞蛋、小黃瓜+醃菜，材味道都幾好，味道都唔錯，小黃瓜食落都爽口，份量都幾多有8件。一向鍾意食韓式魚蛋，魚蛋幾彈牙，但略嫌湯味道偏淡。柚子蜜中規中矩，但唔太甜，幾好服務方面啲員工有笑容，有禮貌裝修環境唔錯，坐得舒服，啲座位都寛闊，大清潔方面可以再做得更好揚揚整體評分：8/10揚揚環境評分：7/10揚揚味道評分：8/10揚揚服務評分：8/10揚揚抵食程度：7.5/10揚揚返食機會：8/10

點解一個咁簡單既飯卷都咁難食，我真係未試過飯卷係熱架喎。個粉絲好明顯係番叮架。睇到有新鮮既蔥同隔夜既蔥。真係堅難食。叫左杯柚子茶，佢就比杯薑茶，算啦，我照飲，唔想換因為個老女人態度好差

疫情的情況下，好少外出用膳，難得出荃灣，就黎咗呢間Kim’s spoon食吓tea....首先點咗2個下午茶餐，落單後都要等一段時間先出餐，等唔係問題，但等完之後啲食物係凍嘅，粉絲係暖偏凍，炸雞係完全凍冰冰再加啲凍嘅甜酸汁，好像是炸了很久沒人點的感覺，而且數量只有5小粒，應叫炸雞粒而不是炸雞⋯⋯⋯！想不到疫情下餐廳的水準會這麼差、連基本嘅保溫都做不到，好彩經理係友善的，願意換餐，第2份餐是有改善的！

講真我不算太常來呢間店，晚飯絕對想不起要食呢間，但是我每隔一段時間就會想食佢的豆腐湯，試過其他間都未能吸引我，唯獨對呢間的豆腐湯情有獨鍾，喜歡佢惹味的啦、豆腐夠嫩夠滑，餐配飯一碗，平時唔食飯的我都可以食大半碗，今次叫佢少飯，我怕食曬一碗會超飽😅 將湯、生熟蛋、豆腐、翠玉瓜撈曬落碗飯，果種滋味好滿足😋😋 試過買醬係屋企自己整，味道差得遠😓 呢個餐冇下午茶，次次去正價都照食，太吸引我下午茶時間去到得我一台，坐坐下就好多人來😅

本來係想食附近既野 但實在等太耐 不知不覺就已經兩點天氣又熱 所以再走返入商場搵食門口有午餐menu 又有下午茶menu都唔錯 我熱到冇乜食慾 而友人已經等到好餓最緊要係 唔洗等位嘛坐低 冇左門口既午餐menu擺低既只有下午茶同得一款特價午餐既menu唔緊要啦咁 都符合我地想食既野啦呢個係特價午餐 飯同粉絲就係必有既然後可以再揀 bbq雞 泡菜豬 仲有 牛 三揀二配咁因為我唔食牛 所以友人就揀豬同雞味道ok既 泡菜酸酸辣辣 又未至於好辣 豬肉味唔突出不過BBQ 雞夠味 唔太濃味 但就唔滑 粉絲又好食喎估唔到 撈出黎又甜甜地鹹鹹地但都係唔重口味嗰下好食其實配搭好簡單 啲配料應該都係一早整定一大煲所以唔滑都可以理解不過星期日 全個場 連收銀都係得兩個人 相信廚房都冇乜人 所以都等得比較耐另一份係紫菜卷配粉絲 下午茶入面既應該都係全部都係預先整定粉絲一樣 都係鹹鹹甜甜 係冇左啲蛋絲不過蛋絲同紫菜卷應該用同一款蛋都係冇乜蛋味哈哈 但以前韓國食既都係冇乜蛋味似係做裝飾同口感既多所以個紫菜包卷都好食 常溫偏少少凍 整體味道略淡 唔膩睇落少 但八舊飯卷加粉絲以我空肚去都真係飽跟份午餐可以用20蚊跟份

一人午餐唔知食乜好 ：韓國菜抗疫期間實在都避開晒係街食午餐，今日要喺荃灣覆診終於都係外出食咗午餐。店內客人唔多 位與位之間有間隔 感覺更衛生。仲會播放住k-pop歌曲，自己一個食，有歌聽 好似都無咁無聊午餐餐牌有兩個，入面都係一啲常見既韓食 ：飯卷，粉絲拌飯，辣豆腐湯，辣炒公仔麵，韓式粉絲、便當。 ：款式好多，價錢都係大概60-70 $我就點咗一個泡菜豬腩肉豆腐湯 味道都中上 唔算係特別驚喜 泡菜味都好濃 不過不失啦 不過大家抗疫都係嗌返外賣喇～

我哋當日2個人去食咗個2人餐，個餐好多野食，有前菜3款，不過好少好細碟，另外泡菜無張添食，脆豆腐沙律，一個大拼盤入面有炸雞，炸紫菜卷，煎餃子，壽司同牛肉粉絲年糕(甜咗小小)，石頭煱飯，最緊要係加＄20有野飲仲要可以改飲燒酒㖭

又係app app時間6:00pm半價，第一次黎食當晚應該係第一枱客，有大玻璃窗叫有少少樓景睇下，冇咁單調！叫左3款菜式😁第一係牛肉紫菜卷，叫呢個只係想有d飯落肚但又唔想太飽，凍凍地幾fresh幾開胃！第二件係釜山海鮮煎餅，冇咩海鮮料，食落冷冰冰似放左好耐，仲聞到有陣益益地😥😥最後係揀左最大路嘅甜辣烤雞，點解可以整到咁難食，皮還皮，肉還肉，皮乾肉‘鞋’，真係衰過KFC.全餐最驚喜係冇咩期望嘅‘牛肉紫茶卷’講埋服務就好好！唔知係咪冇咩客，知我用半價都冇黑面，保持到笑容😊

今晚路過荃灣又想食韓國泡菜，應該喺近期睇得泡菜劇太多。又見到呢間都有八十幾個脷脷，所以一試，誰不知，伏到呢。。。港式茶記煮法的石頭飯，有如白切雞加辣醬的炸雞，及港式酒樓煎薄罉的海鮮煎餅。

今日星期五同同事一齊叫外賣，他們揀了這間韓國菜，我們有人食炸雞有人食牛仔骨，飲品就係芬達的。我見到有菠蘿汁幾特別呀！等左唔算好耐！！菠蘿汁唔凍既，細細罐，幾好喎，唔係好甜，酸酸甜甜咁。便當好靚的，分開一格格，咁就唔會d汁撈埋一齊，炸雞都幾好，雖然唔熱不過仲算脆口，唔肥的，蘿蔔粒，蓮藕前菜，幾爽甜。黑豆OK，有兩件炸紫菜卷，入面包住d米粉，幾得意呀。仲有炒粉絲好味，有甘笋同埋洋蔥，乾身唔油唔會太淋身。壽司有三件，青瓜，蟹柳，雞蛋，甘笋，飯淋左d，但也好食既。同事的牛仔骨，都有三件呀，肥了d，不過也入味，好食。

佢地提供多款既晚餐套餐，我叫左個海鮮純豆腐辣湯配白飯，本人比較食開辣，所以佢既湯飲起上黎唔算太辣，餸菜配料都比較多，我比正餐既評價味道係普普通通，價錢唔算貴，都抵食 至於小食部分，我叫左泡菜煎餅和魚糕，煎餅食起上黎脆脆地，特別係邊邊位份量都算多。最令我失望既係魚糕，同傳統韓式魚糕完全唔一樣，本身魚湯係魚糕既精華黎，但佢地既魚湯味道係好似味精公仔麵湯包，加上魚糕食起上黎唔算好重魚味，所以我覺得佢加$配小食係可食可唔食，我唔值得推薦。

粟米甜番薯芝士條唔油膩，香脆可口味道不會太咸唯一美中不足是要自行切開，才能與朋友分享另外，辣豆腐湯都好好味😋值得一試(外賣盒好硬淨，唔怕攞返去途中會打瀉或者滲漏出來)

今日午餐叫左個泡菜豬肉鐵板飯，其間我覺得凍坐左第二張枱，及後有個態度十分惡劣既店員走黎話我，話我轉枱唔出聲，其間仲要話左我幾次，黎食飯要俾店員鬧之餘，食物質素十分之差，泡菜勁咸，豬肉有益味，以後再唔會幫襯，食左真係背脊骨落

今晚叫菜時候個waiter叫我地轉餐，因為抵食d，話有3個小菜。無所謂啦，反正我地都想食未叫囖。點知找數時才發現佢收全價，因為佢小菜同我另外落咗單。成舊水食菠菜薯仔，仲要薯仔係臭的（佢換咗一碟比我）。可以點？都食咗落肚，只能怪自己唔好彩。知道為什麼薯仔是臭酸的？你看那價錢就知。放心，菠菜也沒有新鮮到哪裡去。那價錢你想也知道幾受歡迎。要知道其它韓國店的前菜是送的啊。無第二次。以後不來。你的不老實換來一個差評。