Kim's Spoon (南豐中心) (Closed)

午市韓式兩餸飯送熱飲餐廳午市選擇有好多，今次就揀咗午市set $52蚊，主食分別有齊韓式粉絲同白飯，而配餸有三樣選擇分別係烤牛肉、烤雞肉同泡菜豬肉我同朋友分別揀咗烤牛肉同泡菜豬肉，可以share試下唔同食物先講講配菜，兩樣都嘅口感同味道都幾大分別，泡菜豬肉有好濃泡菜嘅甜咸味，但豬肉同泡菜夾唔嚟、口感就入口即散、感覺唔太新鮮烤牛肉就需要啲牙力先咬得爛，味道就係好原始嘅牛味，好彩佢係有加咗少少少韓式甜醬，其實就真係冇咩味亦唔好味囉三色粉絲，有木耳絲同蘿蔔絲，但係三樣嘢都偏淋，木耳絲同蘿蔔絲冇發揮到佢爽口嘅作用，可惜白飯正常但又係偏淋另外叫咗炸雞，4嚿成為20蚊，水準差過打邊爐放題，仲要係凍嘅唔理價錢幾多，但成份set冇一樣係好味，亦睇得出餐廳無心做呢個set，呢個定價唔值得去食

之前食過lunch，覺得幾好食，今次試埋個dinner，點知伏曬。嗌咗個牛肉石鍋飯，見佢冇俾醬，以為已經撈咗落個飯度，一食落去，乜味都冇，忍唔住叫佢俾個辣醬嚟撈。講埋杯柚子蜜，又係淡到冇乜味。

午餐時間同朋友去食，餐廳唔多人，但係等咗45分鐘都未有野食，啲服務員完全無理我哋，問就話個餐整緊，個來台遲過我哋20分鐘來食完個飯我哋都未有野食。服務態度極差，問一個侍應點解未有野食，佢叫我哋穩第二個侍應，然後第二個侍應係個餐廳到行來行去，見到我哋叫佢當見唔到走咗去。好唔容易等到個餐，鐵板飯上面啲猜菠菜芽菜全部燶曬，個白飯好似隔夜飯有奇怪的味道，我朋友嘅烤牛肉都係有怪味。唔單止服務唔好，野食都唔係好食。真係唔會再光顧。

今日入嚟食lunch,諗住韓式飯卷實無死，出到嚟睇落無問題，一食嘅時候，熱親我個咀，點解會熱到出煙㗎🤷🏻‍♀️你唔係攞嗰飯卷去蒸呀嘛？點解要蒸？係咪個飯卷冷藏咗？個客要食，你就蒸返熱比佢食？個飯卷凍咗之後，更加睇得出唔新鮮，你見過乾柴嘅醃蘿蔔未？要比錢唔係問題，問題係點解攞得出嚟比人食？🙉🤢希望餐廳可以有所改變啦，我就未必會再試，以上食評係我個人感受個人經歷，唔會阻止大家去試，終於夠字數可以評分啦！

第一次來到這家kim's spoon 品嚐kim's spoon special海鮮豆腐湯。豆腐很滑，湯夠熱，辣味也濃郁，蝦，蜆和青口份量充足！紫菜卷，唔知係咪炸了一段時間，不是很香脆！紅棗茶，糖份高了點，好似糖未融化的感覺！一口一口的吃，為什麼感覺與我上次來品嚐的，總是少了點什麼？再想想，對啦，一家主打韓國料理的餐廳，好似有出現過於本地化（香港化）的情況，失去了韓國料理本身的特色，地道的「海水味」，地道的「韓國泡菜味」，我這個一心要來品嚐韓國食物的座上客可感到一丁點。希望餐廳能再一次回覆以前的高水準啦！

荃灣｜𝐊𝐢𝐦’𝐬 𝐒𝐩𝐨𝐨𝐧之前試過外賣要等15-20分鐘，非繁忙時間。但今次只需10分鐘左右～- 味道一般，但份量好足，以韓國菜嚟講幾抵食👍🏻- 配菜不能自選，set好咗～～***外賣精選便當***❗️一盒$48/ 二盒$90，外賣每個餐+$11) 烤牛肉 · ʙʙǫ ʙᴇᴇғ2) 烤雞肉 · ʙʙǫ ᴄʜɪᴄᴋᴇɴ3) 泡菜豬肉 · ᴋɪᴍᴄʜɪ ᴘᴏʀᴋ————————————————————————1）✅烤牛肉便當🍱 (配熱柚子蜜+$0)- 牛肉偏咸，帶甜味～- 炒粉絲嘅量都幾多下，煙煙韌韌，少少麻油香味👍🏻- 醃青瓜，有一半「林」到好似爛咗😵‍💫- 炸粉絲卷，仲係脆嘅，幾香口🤤- 醃蓮藕，爽口👍🏻3）泡菜豬肉便當🍱 (配熱柚子蜜+$0)- 豬肉偏咸，都幾辣下🥵- 配料同1)唔同嘅有黑豆，識落諗起炸醬麵嘅炸醬味🤣，個人鍾意打粉絲卷多啲🥰整體而言▪️味道 3.5 / 5▪️環境 3.5 / 5▪️抵食 4 / 5📍荃灣青山公路荃灣段264-298號南豐中心2樓32C號室

喺openrice order 咗幾個食物，到apps 顯示可取後，到店舖取餐，個女店員居然話未做我張單！ 未做又顯示可取？佢就話即係幫我整，叫我坐喺舖頭裏面既位等，我等咗一陣都未有，然後再坐，後來發現原來我個外賣已經做好，俾人就咁擺喺張枱度，又係佢叫我等但整好又唔攞俾我，真係好差，我一定唔會再幫襯。其實當時間舖又無人，咁既態度好似唔想做咁，真係超級超級差，唔怪之得喺呢度咁多差評，全部都係真真實實既評語。

今次就嚟食呢間平民韓國菜，呢間感覺上係比較街坊一啲😳烤牛肉板燒飯 ($64)牛肉肥瘦適中都仲食到牛味～一上枱個時都夠熱，但太陽蛋係半生熟個種，個人偏好生一啲可以有蛋汁撈下飯🙈泡菜豬肉炒粉絲 ($50)一開頭我以為會係泡菜豬肉同啲粉絲炒埋一碟，但原來係分開一半咁上😂粉絲就夠熱，豬肉份量都幾多，但都真係幾辣下，唔食得辣嘅表示食到一半放棄咗🥵紫菜飯卷午市便當 ($88)前菜辣醃青瓜同黑豆蓮藕就正正常常啦🤑主菜有4件紫菜飯卷，泡菜豬肉炒韓國粉絲，炸物係紫菜卷入面包住啲韓國粉絲，炸得都幾脆口而且唔會好油膩，炸皮都夠薄👌🏻總括而言呢間作為一間街坊韓國菜嚟講算抵食，份量夠大份冇投訴啦😛雖然比較重口味一啲，食完會口渴🙈但跟餐送埋餐飲🤪呢啲真心窮人恩物🤩

午餐時段無咩人 $48 唔洗加一 正常韓國菜質素 份量夠飽--但食一餐好似得罪左個店員咁 （戴眼鏡呀姨）由入餐廳開始 已經脾氣暴燥 行為粗魯無禮貌Menu用掉嘅比客 落單個陣呼呼喝喝唔知以為我係員工 佢係客😂😂--鋪頭得2枱客 佢都可以好大聲講 好忙 忙到踢哂腳（無人叫佢 無人催佢）成間鋪個氛圍變得好緊張 -客人你眼望我眼食完拿拿林走人--我食到一半 都上黎openrice睇下啲食評睇下有無人都有呢個情況見到大家都有提服務態度差係真係差 而呢個呀姨都係之前食評有被人點過出黎😂--我唸如果唔檢討下個服務態度野食再好食抵食 都好難有人想幫襯🤣我表示唔會再黎食 😂😂😂

📍Lunch set $541️⃣烤牛肉粉絲牛肉好乾 應該係是但夾入去 完全冇調味 粉絲頗咸同偏油 2️⃣菠菜（+$10）加左少少油同芝麻 味道唔錯 但好咸3️⃣柚子茶仲以為係茶 點知都係柚子蜜——性價比一般 衣個價冇乜期望📍牛肉石頭飯 $98個樣頹到冇影相 1隻生蛋好是但咁打係飯上面有蘿蔔 唔知咩既烚菜 不經調味既牛肉…完全冇味附有一包韓式甜辣醬 但要加好多先有味另外個石鍋唔大 而餸菜幾滿 所以好難拌——性價比極低整體性價比偏低 服務亦幾差一入去完全冇人招呼 點菜叫左好耐先有人更甚既係竟然見到有員工跑…收銀既阿婆黑口黑面 多謝都冇聲好在上菜速度正常但明明門面起碼有3個員工 地方又唔大 服務都可以咁差

8號風球有假放，緊係落街行下搵野食啦😁，係荃灣南豐中心見到間食韓國野既餐廳，唔洗等位就試下啦。睇完個餐牌，價錢相宜，叫左個雙併午餐（牛肉飯併泡菜豬肉粉絲，牛肉飯普普通通，牛肉比較韌，豬肉粉絲就幾好食。至尊豆腐辣湯，好多餸，有蝦蜆豬肉金菇香茹，呢個好味，個湯底唔會好咸，辣味都啱啱好。（我個人唔算好食得辣😝）仲點左個小食 芝士條，佢有幾個味選擇，我就叫左個薯仔煙肉味，呢個可以一試，幾好食，外面好脆，中間既芝士薯仔煙肉好香濃。飲品就叫左蘋果柚子梳打，無特別，最欣賞係加$12就有咁大大大杯，抵飲！呢間算性價比高，平均人頭都係$7x，下次要再嚟試其他食品。😋😋😋

依間野幾年之前食過已經好差 今次太肚餓忍唔住先入咗去再試一次伏一入到去第一個Staff帶位已經好似唔識講嘢咁 然後我哋想叫豆腐湯 只係問第二個Staff個湯可唔可以唔辣或者小辣 佢竟然係好驚咁樣迴避然後叫咗第位同事過嚟好啦 見到第三個staff 諗住佢後生啲對答正常啲 佢本能反應咁答咗我話 可以啊然後隔咗3秒之後 忽然之間話 唔好意思 我都係問一問先WHAT *** THE ****?到野食，叫咗個炸雞便當粉絲呀我會比3/5分 ok啦 最好嫁啦魚糕呢，出色，竟然可以咁都唔好食😂 我都唔知點解炸雞新鮮炸 但好‘孩’飯卷，係韓國米整既 但好唔新鮮其他完全無食豬腩肉豆腐湯堅野，我以為我去咗食米線啲腩肉同米線鋪嘅腩肉一樣 完全冇味 質感所有嘢都完全一樣豆腐湯無味已經完全係預料之內成兜野都唔知做乜勁泡菜見隔離枱食緊 我哋就好好奇點解我地無啦結果我哋就好聲好氣問第一個staff點知佢話 你係咪想要？係既話講囉 同我地講我地就比你真心唔知佢係語言障礙定係有乜問題😂 cls嘢飲仲有杯蘆薈少到我數到有幾多咁濟😁原來用韓國餐具 整個韓國餐單然後煮垃圾 搵譚仔呀姐都不如既staff做就已經可以開到間韓國餐廳

與朋友想起呢間，於是下午去食～朋友叫的烤牛肉炒粉絲見佢話味道不錯😁👍🏻.午餐之選：🐮牛肉紫菜卷配粉絲～佢個紫菜卷熱的，所以食落個紫菜有d 變"un" 左😂個粉絲有d 偏咸😂😂🐷豬肉紫菜卷配炸雞： 記得炸雞要問侍應比蜜糖芥末醬～有時佢地太忙會忘記😂🤭(整體呢兩個餐唔差ge...都ok).朋友叫的豬腩肉豆腐辣湯（少辣）😂😂.+$12 轉特飲～左1 : 乳酪橙柚子左2: 檸檬荔枝梳打右2: 白桃檸檬茶右1: 巨峰梳打

由於工作關係，打算近少少食呢間，加上見外賣自取有8折。都幫襯過幾次堂食同外賣了。點知今次一去到哇個門面無人既，幾個外賣放起門口，都唔怕比人隨便拿？我就比較守規矩既，好唔容易穩到嗰職員、應該係part time黎，比較好心幫我去問個外賣。之後見到個大姐職員出左黎，點知無視左我，選擇去幫人賣單先。之後終於拿到個外賣啦，打開一睇，哇個麵索曬水。非常糟糕的一餐👎或許我不應該貪小便宜，貪圖外賣自取8折，或者堂食未俾錢服務會好啲👍🏻👍🏻👍🏻

中學年代成日會行南豐中心上面既新之城👶🏻今日去開荃灣買野順便行下既時候就見到呢間餐廳午餐餐牌亦都好特別可以一碗試哂飯同粉絲🤩好岩咩都想試啲但自己一個既我😆一個set lunch $48一半配飯一半配韓式粉絲因為我係唔食牛既所以我就揀左泡菜豬肉配白飯+烤雞肉配韓式粉絲再加杯蘆薈茶泡菜豬肉比較惹味 亦唔太辣什至可以話唔辣😂所以唔係好feel到係韓國菜🥲而烤雞肉就比較濕蘆薈茶就明顯係擺2匙落去攪兩攪就上枱😂所以整體黎講無話非試不可但呢個價錢都算抵食👌🏽