勤記咖啡

Open Now

Now Closed

在寫下去前，事先澄清一點，本食評的標題不是針對港式的咖啡，只不過是說此店子供應的港式咖啡不太行。今天也就腳地在老銅吃個快快手的早餐，找了一所茶記解決，而此茶記，位於渣甸坊尾的後巷，真的好不易找，甫坐下，也快快手點吃的了，畢竟只有十五分鐘吃這一個早餐。這兒沒有特定的早餐，但是有全日供應的套餐，或者可以理解為洋人的All day Breakfast的，點了個套餐，有碗麵，有塊多士，有杯飲品，夠飽的了。先來的竟然是麵，只有榨菜肉絲及雪菜肉絲選，當然選後者，愛吃雪菜的香，而吃雪菜肉絲，當然要選米粉，今回的雪菜肉絲米，是嚇呆了我的，因為我以為店員攪錯了，來了一個淨米粉，幸好用匙羹舀一下，才知底下也有點雪菜肉絲的，米粉連雪菜肉絲吃，雪菜也有鹹香，可是跟昌記的還有點距離，其實也聽說九龍城的樂園是不錯的，也一定要找天去試，米粉不是爽口的，但也算煮得過腍發脹那一種，其實也是OK的，而份量來計也是很足，可是以米粉咁足量的情形下，咁少的雪菜肉絲又怎能吃光它呢？嗜辣如命的我，立即想了在桌上的辣椒油，用辣椒油伴最後的米粉來吃，對我來說也是津津有味，而且不要說笑，那些辣椒油蠻香的。多士點了奶油多，但在內的奶油個人

舖名叫 "勤記咖啡" 咁我expect佢地既咖啡應該好好飲. 不過我嗰日真係好想飲奶茶, 所以最後捨棄左咖啡. 夠茶味, good!!!朋友嗰日叫左個唔知咩豬扒福麵. 黎既時候見佢分開豬扒還豬扒麵還麵咁, 咁d湯就唔會浸到d豬扒冧晒. 我見個個碗都好似有幾多豬扒下. 不過食到一半我見到張手寫單... 原來碗麵要成 $33蚊碗! 講緊都係一個福麵再加2塊豬扒..... 不過我個frd就話好好味. 係我既定義我覺得食茶檔就係平咁解, at least 平過一般入舖既舖頭先啦. 不過可能呢個理論唔適合用係銅鑼灣掛. 而可能真係地區既問題. 係銅鑼灣茶檔食麵福麵都貴過人.

久不久就心思思去食, 最愛豬潤煎蛋出前一丁.豬潤唔知點解可以煮得一d都唔會硬, 蛋又一定會漏黃, 出前一丁又煮得軟硬適中, 同有麻油香嘅湯一齊食, 真係簡單得來又好味.除了 豬潤, 朋友亦要了炸豬排煎蛋麵,豬排即叫即炸, 好香好林好味.有時我想, 最基本嘅都好味, 真係有心又有誠意.

回歸日tea time，一支公黎左呢度，睇睇餐牌見到「焗餐肉蛋餐包」，覺得幾得意，一於嗌個試下啦。見到阿姐拎左個餐包入焗爐度焗左三兩分鐘，之後交左俾個男人，佢攪左陣就整好左個包勒。原來佢將個包上下切開左兩半，跟住就將塊炒蛋包住兩塊餐肉放左o係兩片包中間(見圖)。即叫即整，熱辣辣，未食已感覺良好，咬落去，包身少少脆，煎香左又咸咸地既餐肉，加埋餐包既微甜，十分滿足。老實講，本身呢款食物就同餐蛋治一樣極度普通，不過就係因為佢用左餐包，加左少少特色，令佢成個唔同哂。如果時新賣漢堡包都賣到出哂名，難保呢個包包可以打出個名堂。

13Sep2007 0924第1日額外假期就係一朝早去見工，早左係目標附近，唯有食少少野提神，記得小巴站附近有間地痞食店，就試下。點了鹹牛肉公仔麵加杯凍咖啡，鹹牛肉份量唔多，一撥即散，所以要食左先，湯底及都麵質本來都不差，就係衰左係杯凍咖啡，明知係港式仲要落咁少奶去削胃，好彩我冇中招，加上要成25蚊，貴夾唔抵，只得ok。一招早整埋呢味野，加上要見既同行求求其其，草草了事，浪費時間，不過今日午飯先係戲玉。

茶癮起，盪到勤記，趕緊要了杯熱奶茶。下午茶餐有西多，甜點也可以補充體力，也要了一件。西多來時已經切成六大塊，有蛋香，不過麵包與麵包之間沒有塗什麽醬料，要加較多的糖漿，味道才比較像樣。奶茶普通，不過當作緊急充電劑，也可以過關。

平日根本不會路經此地，第一次到此是因為契媽的公司就在附近。她知道我是(深水埗)維記的fans，便帶我來試這兒的潤牛丁。潤牛丁是生滾的，湯底是出前一丁湯粉，牛肉和豬潤都比維記的厚、軟熟和嫩滑，雖然湯底是味精而不能像維記那些盡情地喝，但出前一丁的強勁麻油香味並不是浪得虛名的，overall味道頗有驚喜!另外share了一個餐肉菠蘿飽和招牌豬扒，菠蘿飽是外面買回來的，但即叫即翻焗，熱辣辣的餐肉埋在熱辣辣的菠蘿飽裡，正! 豬扒是炸的，厚身鬆化而不太油膩，都唔錯吖!

與細妹食過中午後，再去辦「重要」事。細妹要了A餐，一個腿通、炒蛋、餐包及餐飲，份量不太，且賣相也不太吸引，炒蛋一望已知炒得非常過火，又乾又老。我只要一份蛋牛治及大奶茶，那份三文治的蛋比細妹的炒蛋做得較好，炒得較嫩又有蛋汁，可惜鹹牛肉少之又少，差點以為是齋蛋治，相比起樓下KC，我的蛋牛治就非常薄弱。而奶茶味道很淡，沒有香濃的茶味。可能是「隔黎飯香」，對面食的鯪魚餅公仔麵，傳出陣陣麻油香，非常吸引。下次再來試過，當給他一個機會。

lunch time, 人懵下懵下咁行到諗住坐低食d , 企係度緊遠處餐牌, 阿姐就走, 口真心快咁同我講"呢度得奶茶咖啡公仔麵,無飯賣, 想食飯就過隔里啦". 佩服! 阿姐笑笑口, 相信無串我之意, 好有地道排檔風格! 都唔怕無生意做咁! 哈哈!叫全日餐, 牛油餐飽轉做多士, 麵包好薄身細塊, 烘得唔, 但牛油就幾多, 幾重味. 火腿奄列, 份量都唔大, 但偏鹹, 蛋亦只係煎得一般! 肉絲米粉, 湯底係用公仔麵味精粉做成, 米粉就ok 啦! 凍奶茶, 以為會好味, 但都只係普通ja... 成個餐都好似煮得好求其咁!

純因為提不起勁工作，就給自己過一個懶洋洋的周六早上，過了正午才再想其他事。在銅鑼灣，見到這間街邊茶記。秋風吹得起勁，帶點陽光，坐下吃個港式brunch也不錯。要了杯熱咖啡及蛋牛治，阿姐體貼的問：「要不要烘埋底？」我話：「都好。」就大安旨意在等吃。咖啡先來，沒有地道港式的強勁霸道，微香，不合個人口味。如果勝香園的是十分，這裡的是七分；5分鐘後，蛋牛治也送來，白雪雪的，顯然完全沒有把烘底一事寫在單上。不想再等，搖搖頭就照吃。還好麵包是新鮮的，幾鬆軟，牛肉是鹹牛，蛋煎得幾實，不過牛油都塗得夠多，算是不錯。埋單20蚊，同一個有麵有煎蛋多士的早餐一般價錢。見這裡都有一些特色食物如「金牌豬扒」、「煎鯪魚餅」及「豬潤麵」等，下次有機會再來吃。

淨係賣公仔面、多士而唔賣飯的茶檔，已經買少見少，呢度係少數的一間。招牌大大隻字寫明最拿手係豬扒、雞翼、沙爹牛肉、鯪魚餅，當然唔差得去邊。坐後巷，蛇王feel十足，午飯時間都好多人。喜歡小店的朋友，經過呢頭不妨試試。

18 February 2006 (Sat) - 下午茶呢度既豬扒好似幾出名下，總之真係好好味！叫咗個豬扒菠蘿包同一個豬扒出前一丁，麵同豬扒係分開上架，好正，咁扒就唔會淋晒，而且真係新鮮熱辣，當然個包都一樣係非常之熱，豬扒亦炸得唔太肥而且煎得啱啱好既唔硬又易入口！係個麵就稍為硬咗啲，可以再浸淋啲，不過可以放一陣至食等浸淋啲先食都一樣！當然地方就麻麻，只係喺後巷，但係都有幾多人去下架！