勤記咖啡

Open Now

Now Closed

第一次見餐廳煮既食物個賣相係咁樣衰，食落口仲要係好難食！！！真係好差體驗，我都係第一次寫差評，因為今次真係以為自己叫左個監獄飯。首先，個賣相已經十分不吸引，然後仲要碟飯係有陣雪味。個汁又差，係冇咩味道，d飯又差，連好基本既白飯都係唔掂喎，d餸又差，個雞扒？ 你唔講我都唔知係雞扒，十分淡，但食落口雪味濃郁，咩事幹？係條腸仔叫做正常少少咁囉，放得入口！唔好意思，51蚊，仲要冇野飲送！仲要收人呢個價錢？？唔係幾好意思都講句，呢間野真係唔會有下次，如果送俾既都會唔想食呢碟監獄飯

今早去睇「給19歲的我」。這套本土電影長兩個鐘，早啲去食個早餐！揀左間本地特色茶檔【勤記咖啡】，茶檔位於窄巷，有門外及室內位置。男客人大多選擇門外位置，自在些又可以抽煙。小編反而揀坐室內，只有小編一位食客。環境一般，而且編隱約聞到陣酸醙味。貼在牆上餐單比較豐富。反而枱上的餐單以健康、養生為主，跟茶檔格格不入。有多款養生燉湯，最出奇竟然有鹿骨湯、鹿筋湯及鹿茸湯，小編對補湯興趣不大，何況跟這個環境格格不入。早餐選擇一般，特別是湯麵類沒有包括炒蛋多士。最後揀左【沙嗲牛肉麵 $41】。平時嘅沙嗲牛麵多數都以濃郁為招徠，而這個湯底味道不太濃，如果你口味較清淡就啱。雖然沒有花生香甜味，但是至少不會過鹹，就算飲個湯都唔覺口渴。牛肉沒有牛肉味，幸好唔韌。個麵望落平平無奇，但麵都爽口。茶檔奶茶穩穩陣陣。

#breakfastforlunch, #cheapeat, #causewaybay, #metimecame to a same brand but different place before... didn't like it at all.. however I passed by this place do often and everything I would see full of people in the outside seating.. so finally give it a try...my conclusion for this is that... everything is so hot... also.. i finally realized that a piece of bread is very important to my breakfast... don't feel completed without it.

經過銅鑼灣渣甸街，見到呢間茶餐廳門口有很多人，就諗住入去食啲嘢，因為好肚餓😝😝，叫咗個下午茶西多士配紅豆冰。但係紅豆冰嚟到，第一時間就飲，點知冇紅豆味亦都冇奶味，最重要係淡到清水咁😑😑😑，再搞多一次紅豆冰，再飲多一啖味道都係一樣。。。無味😔😔😔失望。雖然個紅豆冰好差😑😑😑，但係個西多士都算叫做正常西多士😅😅。最後杯紅豆冰飲咗兩啖就冇飲了😞😞，反而西多士就食晒，我諗我唔會再去呢間食。

銅鑼灣要搵野食係好多選擇，不過成日周圍都好多人，呢區嚟講勤記價錢實惠又算易等到位，1-2個人搵野食好多時都會嚟呢度食，最愛叫佢嘅西多士配煉奶再加埋杯香醇嘅奶茶，西多士蛋香十足，再加埋煉奶一齊食，對我嚟講係完美嘅下午茶其實佢有個西多士紅豆冰餐仲平過跟奶茶；另外全日都有唔同嘅飯餐、公仔麵餐，咁多年嚟都未試過飯餐，都係食麵多，以前麵餐曾經可以配奶油多，早排去好似轉左餐牌，價錢加左少少，不過呢區嚟講都係合理價位，大家不妨試試

夜晚放工去老銅，呢排聖誕節新年使左好多錢。出街食晚餐五六十蚊一個人走唔甩，唔好彩去左間黑_店，貴得來份量又少既就慘慘。所以本人今日好小心選擇，我一定要揀到間平同大份既！點知又俾我咁岩見到呢間係巷仔入面，可以坐室外好似大排擋咁既茶記。一睇餐牌三十幾蚊一個飯，見啲食客個啲野食份量都ok!於是乎即刻拉男友入去食！我就嗌左咖哩牛腩飯！38蚊係老銅有咖哩牛腩喎！雖然味道真係麻麻，但我會覺得性價比高囉真係！起碼我食到好多牛腩囉！滿足晒！至於男友想食豬潤，味道都唔錯！仲嗌左杯凍檸茶加左兩蚊！好多檸檬！兩個人一共食左75！你話係老銅邊度搵。俾十個like!

The milk tea here is just the right sweetness and creaminess. Ordered a noodle with pork chob and they are HK cafe standard (nothing special but perfectly edible). Also sharing some tables with this cafe is a hairy crab house (sold by uncle and auntie).

午餐單上寫$36 一個叉燒煎蛋飯，飲品半價，但凍奶茶一杯都加$9；和朋友點一個豬手粗麵，點之無粗麵，只有河粉、米粉和公仔麵選。但侍應聲明豬手河粉加飲品是正價，但沒有標明正價多少，只在單上寫$53看見很多大陸年青遊客在用餐，但被門口的老招牌騙了，因為，這店水準差得離普！叉燒煎蛋飯，隻蛋沒有熟，亦沒有煎成一個餅狀，裡面有3成是生的蛋白，生到不得了。豬手就硬到不得了，只有兩件，河粉份量普通。凍奶茶算不錯，給80分，唯冰的份量太多，舊款的膠杯亦只是12 oz，現在不少茶餐廳都用不銹鋼杯和俗稱的特飲杯，通常都16oz 啦！午餐單上寫$36 基本上沒有清晰標明收費，午餐都無包例湯和熱飲，香港叫套餐的餐，變成一個另加$8-10飲杯細杯裝的飲品！現在全店工作的侍應生都是有鄉音的，可能是頂手回來做的。這店現時想了不少賺到盡的方法，真係搞衰晒。

全日餐d 黎左個b, 樓面唔肯轉，明明個餐要自選，要肉丁，黎個肉絲。轉完發皮氣，廚房果個，整個新餐整到亂笠笠，好似送頭送尾咁，我就唔敢食，38蚊食個米粉面包都咁受氣，我以後唔會再黎。

在銅鑼灣正中心地帶除了翠X，銀X那些連鎖店其實還有這間舊式茶記，比別人便宜又比別人好吃，只是轉入半條巷子就可以找到它。叫得"勤記咖啡"，啡茶當然有水準，十分香滑濃郁。最意想不到的是那塊西多，炸得鬆軟又香蛋味，絕不只是隨便油炸方包的味道，糖漿煉奶牛油通通都有，推介!室內夠冷氣，室外可以呼吸，得閒來坐坐西多配紅豆冰 ($ 30)鮮油餐包 配啡茶($ 21)

        今日天氣很好，心情更加好，哈哈~~~因為有朋自遠方來。我老公既朋友（一對新婚夫婦）從南京來香港掃貨，作為東道主既我地當然要做足功課帶佢地好好感受下香港的本土風情&購物天堂的樂趣。        Day One：我地去尖東既朗豪酒店與佢地匯合后就直奔銅鑼灣，佢地主要系想買萬國的情侶錶，金飾和大品牌既護膚品化妝品。當然，仲想嘗嘗香港既地道美食。       我地逛了時代廣場和SOGO就已經筋疲力盡！！不過，總算順利把想掃的貨都掃完接落來，當然就系美食時間，我地毫不猶豫就介紹左勤記咖啡（我同老公一直都系勤記咖啡的忠實fans）勤記系香港銅鑼灣既老牌食肆，這裡的咖啡奶茶堪稱經典！！一坐低，不用看餐牌我就已經熟絡甘點左成臺食物      1/當然少不了小儀和金剛都訪問過的菠蘿包夾鯪魚餅，鯪魚餅一如既往厚實，同菠蘿包的味道十分合襯，只有這裡才食得到朋友都贊不絕口，感覺好新鮮！       2/奶茶，凍檸茶，西多士，豬扒。香港茶餐文化體現無遺，味道正中。朋友一喝奶茶，開口就話：贊~\(≧▽≦)/~       3/勤記咖啡既豬潤湯麵都系值得一提的，豬潤熟得岩岩好，爽口入味，面底系我既

這天放假想到銅鑼灣 SOGO shopping，但早到了，在四周蕩來蕩去找食店食早餐。銅鑼灣的茶餐廳好貴，好不容易找到一家 $23 元，才知上當。我和老婆各自點了一個套餐，我的包奶油多，這個奶油多有點凍，煉奶牛油都下得好少，味算還算可以接受。老婆的套餐是火腿蛋通粉，很討厭店舖將蛋放入湯通粉，整只蛋浸得'林''林'的，非常不好食。通粉亦煮得過'林'，有點爛的感覺，湯底超重味精味。我套餐的麥片，算是最好味的一個，大大碗，可以吃得出是下牛奶煮的，好香滑，麥片亦煮得剛好。奶茶... 很可惜，這奶茶算是我喝過以來最難飲的，茶本身不行，沒有茶味和帶苦澀，而奶亦下得太多，好像是喝奶水一樣。好差！

這天因補習關係，來到了銅鑼灣。本想到位於渣甸坊的Hungry Korean享用午飯，怎料原來該鋪還沒開業，只好到小儀金剛曾經到訪的勤記吃飯。正值十二時多，勤記的人流反倒不算很多，一到達便到鋪裡坐，免吸食外面的二手煙。勤記鋪子小小的，裡面大概有一至兩個卡位，但也算是坐的舒服。點了一個小儀金剛推薦的菠蘿飽夾鯪魚餅，再加了一份鮮牛肉蛋多士，另外再點了熱檸茶；同行的母親則要了一杯紅豆冰。等了三分鐘左右，飲料先到；熱檸茶甚為苦澀，不好喝，母親的紅豆冰則味道合格，但裡面的紅豆體積太小，以十多塊的價錢來說甚為不值。食物隨後送到，先說多士；兩片薄薄的方包塗了一層牛油，烘的香脆；最令人感到驚喜是中間的餡料，鮮牛肉下的慷慨，鬆肉粉不算下的多，有肉味；蛋雖然份量不算很多，但炒的嫩滑，屬上乘之作。再來的菠蘿飽夾鯪魚餅也不賴；鯪魚餅厚度十足，味道鹹香，夾著甜甜的，烘得微熱的菠蘿飽有種說不出來的奇妙感覺。最後盛惠六十七塊，在銅鑼灣的價錢來說，算是蠻貴，但菠蘿飽的奇異配搭，滑滑的炒蛋，值得我再試一次。

一早出走銅鑼灣有事忙, 又係難得WEEKEND, 當然想歎個早餐啦, 勤記咖啡, 聽個名, 應該係出名咖啡, 岩哂我 !!!好, 即刻ORDER一個港弍早餐先!沙嗲牛肉米, 炒蛋多士沙嗲牛肉米D沙嗲冇味, 米粉又少, 多士好"UN", 似放左好耐, 最NORMAL係隻蛋!不過NO BIG DEAL, 仲有我最期待嘅COFFEE,可能係MISS左單, 要3吹4請杯COFFEE先黎, D AR姐態度仲要好差OK, 千呼萬喚嘅COFFEE出場, 呷一口................SHXT...............酸的.........仲要有陣燶味於是我即刻叫埋單.......頭也不回...............無下次

早前曾經看過西打哥，三年前的一篇食記，談及銅鑼灣渣甸坊的勤記，對其豬扒有正面評價，我好此道，便找個早上來吃個早餐。位置算叫不顯眼，但不難找，早上時段有很多食客正在吃早餐。點了一客豬扒麵，與九龍城樂園一樣，豬扒與麵條另上。麵條是福麵，還記得學生年代，乘坐渡輪去離島，人在旅途上的一口餐蛋麵嗎？想起也有點奇怪，福麵，丁麵大家經常見，似乎沒有一間茶餐廳，是會用公仔麵的。豬扒切件上，外表帶金黃，咬下去有脆口感覺，只是肉質太過乾，兼韌了一點點。熱奶茶夠香滑，奶與茶味兼容並蓄。因為有戶外位，所以成為一眾春嬌與志明打躉的熱點，對我非煙民來說，沒有飯後一支煙的觀念，吃罷就埋單走人。