堅記農家菜館

Open Now

Now Closed

今日咁岩喺附近做嘢，所以就入去廈村搵嘢食，估唔到中午選擇都幾多，而且價錢又唔貴，我就嗌咗個魚香茄子飯試吓 $50。好有鹹香味，但又唔會過鹹，撈飯食一流！！！重點仲有是日靚湯任飲🩷🩷🩷🩷🩷🩷雖然呢度餐廳環境唔係好靚，但係場地好大，乾淨，而且仲有車場可以免費泊車。😋😋😋😋😋😋😋😋😋估唔到原來呢個地方都有咁有水準嘅餐廳，我仲見到d燒味都好似好吸引，下次有機會要再過嚟試吓。。。

客家梅菜扣肉梅菜扣肉是客家人菜系中的常見菜式。五花肉經油炸后放入茶葉中泡煮，去除油脂，然后切塊搭配梅干菜一起蒸，其口感有入口即溶的酥軟。扣肉肥而不膩，食之軟爛醇香。梅菜色澤金黃，清甜爽口，它吸收了五花肉的油和菜汁，味道立即豐富起來，五花肉又帶著梅菜的清香，彼此互相配合。客家釀豆腐客家釀豆腐是客家三大名菜之一。釀豆腐不會鬆散或是掉肉餡，煎香了的豆腐外脆內軟，放入醬汁炆煮入味so yummy，釀豆腐，不只是舌尖上的享受，更是一種情懷。椒鹽鮮魷椒鹽鮮魷是大牌檔常見的菜式，在家鄉菜館出現這菜式，實在是迎合港人口味。炸至酥香的魷魚配合蒜頭、乾蔥、指天椒的香辣味道，令人食指大動。金粟海皇豆腐羹海皇羹，係一味廣東菜，材料選用魚柳、蝦仁、魚肚和豆腐，以上材料都好適合老人家和小孩子飲用。濃郁香滑，豆腐的清香，海鮮的甜味再加入粟米，做出的海皇羹怎能抗拒？

出去遊車河食咩好？必點蜜汁叉燒👍🏻呢間適合搭的士🚕或者自己揸車過嚟既人士需然有D遠 但係菜色味道出色有好多小菜選擇 上菜速度都幾快餐廳裝修都幾傳統 有懷舊感覺整體好食

控煙辦夜晚off duty🙁又煙又嘈 訂左位都冇用 等左1個鐘先上哂4個餸😔例牌燒鵝：鵝皮淋哂 肉質太韌 頗咸家鄊焗魚腸：賣少見少，剛焗起又香又脆面，但略嫌魚腸太少又有d腥牛仔骨：醃到吾似食緊牛肉 一大碟都系洋蔥蒜頭 魚香茄子：算大碟 但太多油浸住三個人$6xx 去大榮華好食好多

燒鵝皇半隻大隻多肉，燒得都幾香，肉質有點煙韌。家鄉焗魚腸廣東順德菜，依家賣少見少，熱焫焫焗起，足料但略嫌魚腸有點腥。椒鹽脆香豆腐炸得好酥脆，外脆內嫩，小朋友至愛。椒鹽九肚魚九肚魚好新鮮，魚滑多肉無腥味，炸得脆卜卜好惹味。豆豉鯪魚油麥菜都好大碟，食落鹹味剛好，每次想食油麥菜，都係諗起配豆豉鯪魚。菜遠炒牛肉炒得有鍋氣，菜心好大棵，可惜牛肉炒過火了有啲韌。黃金炸大餅幾特別，第一次見，原來係芝麻麵包配煉奶，類似食炸饅頭點煉奶，麵包好鬆軟，都幾好食。呢間農家菜館既地點係有點偏僻，但係搭巴士都去到既。佢都有好多款小菜選擇，價錢合理，岩一家大細攜幼偕老一齊黎食飯既。阿姐們都有禮貌，都有介紹啲菜比我地～整體黎講呢到既食物同環境還不錯。

2022.08.21即興飯局…..😎😎😎味道唔錯…..🤤🤤🤤#海鮮自購#即燒乳豬(需要提早預訂)#椒鹽賴尿蝦#蒜蓉粉絲蒸蟶子#涼瓜炆龍躉腩#清蒸松葉蟹#西芹炒新鮮鮑魚仔片#啫啫通菜煲#福建炒飯#杞子桂花糕

家鄉焗魚腸 $98焗魚腸係順德菜嚟～用瓦缽將鯇魚腸、雞蛋、芫荽等等材料焗成，表面金黄香脆，內裡雞蛋夠嫩，魚腸洗得非常乾淨，一啲怪味腥味都冇，配芫荽好有風味👍🏻秘製南乳骨 $88排骨肥瘦適中，南乳香氣撲鼻，啱哂鍾意惹味嘅朋友，送啤酒一流！椒鹽鮮魷 $98炸皮夠薄，魷魚新鮮彈牙，香口得嚟唔會太咸，點埋喼汁味道仲有層次！送啤酒冇得頂～荷葉鮮淮杞蒸走地雞 $108呢道餸啱哂想健康些少嘅朋友haha呢道餸鋪咗荷葉喺蒸籠底，蒸完出嚟散發荷葉嘅香氣～走地雞肉質結實彈牙有雞味，好快就比人夾哂haha不過我覺得淮山先係主角，口感粉糯嘅淮山吸哂雞嘅肉汁，鮮味無窮！圍村小炒皇 - 走鹽 $108小炒皇由韮菜花、魷魚、銀魚乾、蝦乾、腰果等等炒香製成，鑊氣十足，走鹽更能食到食材嘅鮮味～蒜蓉炒通菜正常發揮，有鑊氣！黄金炸大餅 $68炸到金黄略脆嘅炸大餅一入口就充滿芝麻嘅香氣，內裡鬆軟～鍾意食甜嘅可以點埋煉奶，味道有啲似上海菜嘅炸饅頭，正正正！（搶手到唔記得咗影相haha）

今晚好開心， 大飲大食，2位壽星女靚靚甜蜜合照😍，仲有好友帶來口感順滑，餘韻悠長啲 France Grange Du Midi Merlot 2019 法國南部麥廸梅洛紅酒💞，哇， 堅記堅好食！🤩👍🏻仲有種子商學院，簡單而隆重的起動禮，🌅 超正。🏆感恩人生路上，有妳有我， 共創富足人生。💝第一次去堅記食嘢， 馳名潤肺養顏杏汁豬肺湯，果然真材實料， 名不虛傳。🤩👍🏻 仲有秘製南乳骨， 鬆脆可口的椒鹽九肚魚，超好食， 美饌佳餚，齒頰生香， 好幸福，好滿足呀。😋😍👏🏻👏🏻👏🏻感謝堅記農家菜館老闆 ，熱情款待， 完全感受到圍村獨特啲人情味 ， so warm and sweet.😍😃

一行六人趁聖誕最後假期齊腳又開餐啦！今次朋友駕車由青衣遠征入元朗圍村試食農家菜，直接講是圍村飯店囉！這飯店係Openrice食評不多，相片和餐牌都冇乜人上載，原因估計是專做圍村街坊兄弟生意，年青的或外來者光顧有限，哪有打手專誠食評呢？入新界食飯其中一項好處是有免費泊車，服務和環境裝修當然不可與市區大場比較啦！免加一免茶介就必然了。餸菜方面，我們簡單點了幾款。燒鵝：好彩只叫例牌，估計是交來貨式，價錢吾平，水準一般啦！文昌雞：新鮮有彈口，靚雞白切，吾使咩花臣技巧，好味。豉汁蒸白鱔：新鮮肥美，味度適中，屋企少吃，值得叫。砵仔焗魚腸：面頭蛋焗得幾香脆，吾算腥，份量都叫大砵，朋友略嫌魚腸量不夠多，個人就覺得未夠鬆化，但市場有這家鄉餸難求了。炒芥蘭：是幼身菜苗，菜嫰夠鑊氣。豉油皇炒麵：鑊氣差左少少，不過不失啦！味菜牛柳絲炆米：相比炒麵就勝一籌了，味菜不過咸微酸，牛柳絲都夠腍，熱度夠，只嫌少少油膩。例湯：上枱附送，我們吃完飯再要求加多一窩。是豬骨雞腳紅蘿蔔南瓜湯，料夠自然吾使加味精啦！好有家庭feel。整體上，食物質素不過不失啦！但圍村店有一份「自己人」的親切情懐氣氛，見其他食客都是熟客村民，一路食

工作關係入到嚟元朗廈村，lunch時間又嚟食呢間，有得免費泊車，地方又闊落，而且價錢又相宜。簡簡單單食個碟頭飯，好味又夠飽。好似呢個豉椒肉片飯咁，個芡汁傑得嚟又唔會太粘口，味道好好，肉片嫩滑，加杯嘢飲，好飽足。

今次係第一次食，之前成日聽話好食，所以去試下。環境闊落，而且我去嗰日係閒日，唔係好多人！一開始就送咗個湯，幾好飲，又夠味，不過我覺得唔夠熱，總共叫咗8個餸，都唔知食咩好，睇下相，睇下啲推介嚟叫，整體味道都ok，而且大碟價錢抵。仲要有桂花膏送，又有免費泊車。服務員都幾細心，一見小朋友即刻拎BB椅，見到我地有咩風吹草動就即刻過嚟睇下我地想點，而且好有效率，執枱上菜都好快位置就比較偏，地圖都唔係咁易搵到，不過識得去廈村牌坊就去到，附近都有路牌指示，而且個門口好光好易認

今晚，又來幫襯這飯店。坐了一陣，率先上埸是送的例湯架到，我叫左最喜愛的咕嚕肉，今次加入埋車厘咖，酸酸甜甜好醒胃，而且仲幾大碟㖭。至於辣雞煲，真係夠哂辣，我只吃得到2件，其餘比老公食哂，還有肉絲炒麵真係好抵食只係$4×。我地上次嚟食，試了荷葉蒸雞，椒鹽九肚魚、同農家豆腐味道亦都唔錯，埋單都係2百幾，真係抵食大碟又好味道啊！

老婆今日生日， 諗住試下新嘢，搵到間農家菜館， 味道比想像中好, 菜式又多款又多選擇，份量又夠多，仲有好多懷舊菜式， 例如魚腸焗蛋…… 燒鵝皮脆肉嫩！地方環境舒適又夠大！ 泊車又方便， 地方又唔難搵，服務態度好，值得再去多次。………………………………………………………………………………

堅記開既位置都係做街坊生意, 假日多少少外來客咁, 可能放唔放上openrice都一樣其實我地呢D街坊冇乜好揀, 正正常常想偷下懶唔想煮, 又唔想走咁遠, 都會幫襯下我地雖然唔係經常食, 但一個月點都會幫襯幾次今日中午條麻甩佬坐收銀唔知係抽唔到IPO定係食錯左藥, 態度差到一個點, 你唔稀罕幾十蚊生意唔緊要, 但我地冇欠你任何野落單唔理, 好啦我地再自己去搵另一個人落.埋單我話唔係XX錢咩?  當我記錯都好, 唔洗小呀嘛, 我唔會呃你3, 4蚊以前以為2012年既食評話你地態度有問題, 以為宜家2017以為已經改善原來原地踏步, 一點改善都冇失望要講野食的話, 野食係幾ok的, 公平講.  樓面再差都唔關大廚事, 大廚人好有禮貌, 有時間時會出黎同我地D散客吹幾句

住新界好容易就會食到d比較特別菜色農家菜其實有d似一般大排檔咁，都係炒小菜食，不過就會有d外面食唔到嘅野呢間野我大大話話都食過好幾次所以質素係ok ge當然你話要100分就無可能啦始終都係圍村入面😎地方唔會好就腳，開車就好d坐車就要由天水圍坐k65去。。。今晚搞搬屋搞到晏左，所以去食幾個小菜一行5人去食都8點幾 可能因為星期六都仲好多人一坐底就有碗大例湯飲住先 無落味精吧幾好飲👍🏻😋叫左菜等一陣就有lu先黎燒鵝下莊例牌先我最喜歡呢到嘅其中一樣，燒得香之後點左個口水雞好辣呀 不過今晚有d失色左因為唔係好夠熟，同店員一講就幫我地取消左，原因佢話換左都係差不多，可能今晚c父失左準啦不過其實個味係ok ga客家煎豆腐 農村菜之一中間有d魚肉，煎香再加汁清清地金銀蛋莧菜 大大碟京都骨 肉好多味道都係南乳骨好d😂椒鹽鮮尤炸粉比較多最後點左個炸大包 加煉奶好正有我塊面咁大，次次黎都必點😋食完送嘅甜品 桂花糕清甜👍🏻