蛋撻王 (利東街)

Open Now

Now Closed

食蛋撻我覺得一定要蛋夠滑牛油皮夠牛油香呢到真係好好味做到晒呢兩樣野比起其他坊間所謂果啲世一蛋撻我反而覺得呢間正啲咁多年都咁正可惜就冇太多分店值得推薦下牛奶撻反而冇蛋撻咁正

根據非正式統計：同事話 ，好似女仔都比較鍾意牛油曲奇皮蛋撻多啲。呀佢又好似冇講錯，因為畀佢講中咗。 呢間蛋撻王啲蛋撻個個名都好似好架勢，叫咗四款試試佢。《Q嘜牛油皮蛋撻王＄9》《Q嘜酥皮蛋撻王＄9》 《日本月島半熟芝士撻＄13》《 美人之牛乳撻＄10》＜呢個一讀出嚟直頭嚇親同事， 做緊嘢都忽然醒曬神！牛油皮：可能擺耐咗先食，淋嘅。 蛋漿重奶粉味多過蛋香酥皮：就係咁囉。個芝士撻：厲害了，未食已經聞到陣陣奇怪bb嘔奶味。 食落口似乳酪多過芝士。至於個美人牛乳撻：自己試啦蛋撻進化到千變萬化都好，都係鍾意食番傳統餅舖。

同事last day 買左蛋撻王做散水餅，包裝超有心，好有香港特色，有唔同嘅字句同歌詞，切合主題，好有創意。《酥皮蛋撻》蛋撻王嘅招牌之一，雖然到手嘅時候已經凍左，外層酥皮依然香脆，內裡嘅蛋漿軟滑，口感恰到好處，甜度適中，仲有淡淡嘅蛋香味，同想像中嘅味道一樣。《半熟芝士撻》撻皮系曲奇皮，香脆可口，撻內嘅芝士質地濃郁滑溜，又唔會太膩口，食落去有淡淡嘅芝士味。同上面嘅蛋撻一樣，系想像中嘅味道，唔算太驚豔。蛋撻王嘅散水餅，包裝精緻，食物外型吸引，令人忍唔住打卡，不過味道就中規中矩，同想像中一樣味，無驚艷嘅味道。

之前行過見到蛋撻王利東街優惠，買一送一，所以和朋友一共買咗4個曲奇皮蛋撻，食落正正常常，唔特別也不重牛油味，不過也唔差。但是，原價$9.5 一個，太貴啦唔抵，買一送一就ok。

旅發局攞嘅優惠券到期，因為嘥咗好多時間先至搶到旅發局推廣冇人要嘅coupon，因為需要過灣仔，又從來未試過佢，又唔想嘥咗咁難搶到嘅20蚊coupon，所以先至冒著風雨去！由軒尼詩道拖住個好重嘅喼行十五分鐘過去！我見到佢有一盒盒預先做好嘅花生卷，諗住之後仲要去堅尼地城睇戲，睇完戲又要返去荃灣！咁遠路途！所以就攞咗盒花生卷加一支水去櫃檯畀錢！跟住個收銀話：呢啲唔可以用優惠券買噃！跟住我唯有冒住啲蛋撻會變屎餅嘅風險買蛋撻啦！六隻有五隻都係燶咗個底呀！咬落去都有啲燶咗嘅氣味！好似煙燻咁！人哋啲街坊小店出爐蛋撻好食過佢多多聲！因為落雨佢冇人幫襯！個熱板㷫咗成日！跟住燶曬囉！其實有好多方法可以令佢保持溫度，例如熱燈啦... 如果你想食有煙燻效果燶咗底嘅蛋撻就要去試下啦！仲話旅發局推廣活動卑人搶coupon！所以旅發局下次有啲乜嘢推廣真係要親自去食過先至好畀佢參加！

⭐️香脆酥皮蛋撻🥚一睇到個盒就知係「散水餅」，同事要離開了，留下了的不只是回憶還有嫩滑蛋撻🤣 ❤︎•-----•❤︎ •-----•❤︎ •-----•❤︎ •-----•❤︎🫶🏻比起餅皮，更愛一層層的酥皮蛋撻。 食用的時候雖然已經不是熱辣辣的狀態，但酥皮仍然香脆，亦唔會散晒，入面的蛋漿仲有微溫，好滑溜😍同事亦試左榴槤酥皮蛋撻，神奇在聞落冇榴槤味，但入口就有香濃榴槤味再加蛋漿，同事都讚不絕口（因為我係唔食榴槤，所以冇試🤣 各位榴槤迷可以試吓）❤︎•-----•❤︎ •-----•❤︎ •-----•❤︎ •-----•❤︎🥚 蛋撻王 (利東街)🏷 灣仔皇后大道東200號利東街地下G13號舖☎️ 31010838#kokonafoodie #hongkongfoodie #hkfoodie #hkfood #hkfoodlover #foodstagram #hkrestaurant #foodreview #foodieslife #hkeat #灣仔搵食 #topcitybites #散水餅#kokonaWanChai #kokona灣仔 #利東街蛋撻王 #kokona蛋撻王 #榴槤酥皮蛋撻 #酥皮蛋撻

今日Teatime老細請食蛋撻王葡撻。蛋撻王都算出名，佢既葡撻皮用嘅係多層酥皮餅底，咬落去又香又鬆脆，有好重黃油味道，蛋液部分軟彈似布丁🍮勁好食，一試難忘，推薦

包裝靚，好有香港味道，夠創意。 未食淨睇都覺得吸引同開心。食落就不過不失。係想像到既味道，唔會失望同有驚喜。不是買來做禮或影相就唔錯既選擇。個設計好有心機，值得幫襯支持下。

晚餐後 經過 入去行下第一次去利東街 佈置依舊很漂亮 看見蛋撻 忍不住了 還是明天再減肥 哈哈 打算買回去甜品 這次選擇了2款 甜味適中 不喜歡太甜的 很好吃 經過的朋友 記得去試一下喔 .

好耐無食過蛋撻王，剛經過見到，所以就買左半打返屋企食一間店有晒各種口味蛋撻，見到 櫥窗，好多都差唔多沽清我買左一個普通，榴槤，牛奶，雞批，葡撻兩個5款都各有特色蛋撻重蛋香味，薄薄的蛋撻皮，雖然唔可以即埸食，返屋企叮返熱都ok榴槤撻都好重榴槤味，鐘意食榴槤既就岩晒，嗅到無朋友😂雞批都好多料，流晒汁😍😍葡撻就緊係馬交嗰啲好食D啦，不過這店都唔差牛奶撻都重牛奶味😋如果可以即買即食，梗係最好啦，不過疫情嚴重唯有買返屋企食總括黎講啲蛋撻都👍👍👍

同同事講好左包起今日嘅下午茶；本來都係諗住買蛋撻，剛剛好呢間店舖有唔同款式嘅撻，可以每款都買d比同事揀黎食起初見到門面有嘅數量唔多，所以入店內問店員黎緊幾點出爐，佢地話無特定嘅，賣完就會再焗提到因為我要買3打，店員就好好咁問我幾點要，可以就返時間幫我焗，等我地可以食到熱辣辣嘅蛋撻，勁好啊🤤於是我先比錢，之後再返去拎撻由於我喺灣仔買完再返鰂魚涌，雖然唔係熱辣辣，但同事都讚d撻仲喺暖嘅😋我只係食左2款撻，牛乳撻同港式酥皮2個撻嘅撻皮都好薄，牛乳撻好滑溜；而港式酥皮酥脆，不過略嫌蛋味唔夠出；2款甜度適中以請一大班人食餅有限資金黎講，我覺得係唔錯嘅選擇

經過利東街光顧了一打，期間遇到不愉快的過程，向你公司反映一下服務質素。1. 指示錯誤，分流混亂當時一條長隊，其間酥皮未出爐，短曲髪店員指示買牛油皮的客人可以向前排優先買。結果酥皮出黎時，變咗兩條隊。收銀馬尾員工及短曲髮員工突然反問牛油皮隊伍的客人，他們是否有排隊。員工的指示不一致。2. 沒有處理客人，大聲反指客人出現場面混亂的時候，在我後面的客人，情緒激動及粗口問候店員為什麼突然說他沒有排隊。場面氣氛尷尬，當時後面這位客人生氣不買離開，結果走咗之後，你們的店員竟然在其他客人面前，大聲重複咗幾次說「幾時有講過唔使排隊?，」。我本來都選擇沉默，但我覺得呢個情況短頭髮實在太唔禮貌，我都忍唔住講返幾句話「隊係會排，不過係你地店員指示混亂」，如果你公司去睇返CCTV，就會知道員工質素係需要改善，鋪頭在利東街，消費者希望唔係深水埗餅店服務質素，仲未食蛋撻，就已經唔會再想幫襯，望此留言會幫助到貴公司在逆境下生意能夠生存長夠下去。

自從利東街開咗蛋撻王之後 同事們請餅就多左一個選擇😈😈唔再係東海堂又或者美心😎·港式酥皮葡撻$10我自己覺得呢個葡撻都OK嘅 但係可能因為我哋訂餅嘅原因 佢嚟到嘅時候已經唔係熱辣辣 所以差咁少少🙊🙊不過蛋撻黎講我最鍾意都係泰昌嗰個 仲記得我第一次食嘅時候覺得佢冇乜特別 但係之後你食過其他地方嘅蛋撻 食完就唔知點解會懷念佢個味道😋😂😂😂·#rbyeat#rby港式#rby灣仔·📍灣仔皇后大道東200號利東街地下G13號舖

今日嚟到利東街行吓，見到呢間蛋撻王有好多唔同味道嘅蛋撻，忍唔住就買咗兩個黎試吓。原味嘅曲奇皮蛋撻同埋酥皮蛋撻就食得多，但我見到佢有一個蛋撻嘅黃金蛋撻，就忍唔住買咗嚟試吓究竟有咩特別。另外因為我好鍾意食榴槤，而我又從來未試過榴槤蛋撻，所以都買咗一個嚟試吓。呢個黃金蛋撻食落去真係有鹹蛋黃嘅味道，但我覺得蛋撻上面又有鹹嘅味道有啲奇怪，唔係好食得慣。但係佢個曲奇皮真係做得好出色，一啲都唔厚唔硬，而且好香。所以如果想試吓佢個曲奇皮，我覺得可以試返原味。至於呢個榴槤酥皮蛋撻就唔錯啦，佢有好濃郁嘅榴槤味，而且下面個酥皮都好脆好好味，同埋佢係甜嘅，所以我覺得呢一個好食過黃金蛋撻。果然蛋撻都係甜嘅好食啲😋

I am not a fan of King Bakery but they have now popped up at LTA.LTA used to be classy but business is probably bad these days so they have to offer brands that are affordable.As well as egg tarts they had Japanese oden, Hong Kong snacks and even Western wraps because this is a concept store.I was contemplating on whether to get the tea or wrap but in the end I got the wrap as the other branches don't have it.There were three wraps to choose from: Thai pork neck, Lemongrass chicken and Mushroom