大頭蝦餐廳

Open Now

Now Closed

我哋3個人，得一張6人檯，講好左留2個位比佢，然後有一個人入左黎叫佢坐我哋隔離，個姨姨西口西面叫我地攞走個袋，但我哋全程都攬住自己袋無放過落櫈，跟住落嚟成餐飯都係西口西面，野飲到左就咁放喺隔離走左去。叫左個河粉，河粉一上就已經散修修，味道都一般。

今日同事話食越南嘢，我地就去咗西營盤A出口附近嘅大頭蝦，湯河好扺食，最平都係$51。嗌咗個生牛肉河，emmm，啲牛有小小韌，不過個湯幾正，河粉份量都好足，如果啲牛腍小小就更好。

西營盤附近選擇不多朋友帶過我嚟呢間餐廳食印象中性價比高👍🏻於是乎介紹埋同事們一齊嚟食午市時間相當熱鬧🤯下層已滿冇位坐樓上有雅座真係救星嚟湯粉檬飯 萬變不離其中$50-$60左右有正餐 包嘢飲😋😋而家物價嚟講認真唔錯香茅豬扒飯份量足烤得適中唔鞋口 好味😍😋飯上面預先淋上咗蔥油同醬汁為白飯添加咗風味唔食嘅朋友 記得預先同侍應姐姐講定😂旁邊配菜有酸嘅紅同白蘿蔔絲，相當開胃🤭建議各位可以試吓去食呢間餐廳

早排喺西環附近有啲野做，整完嘢就睇吓附近有咩食，都係想以下桃姐，見到呢間大頭蝦餐廳食越南嘢，都幾吸引，就入咗去啦。哦，原來仲有下午茶，價錢好吸引，我地三個人嗌咗勁多嘢食😆呢度係雞扒喇沙湯米粉，個喇沙湯超好味，雞扒份量都好多，呢個下午茶真係性價比勁高！呢個朋友食嘅熟牛肉湯河，個樣唔係幾吸引，但係識落就真係驚為天人， 30幾蚊，但牛肉有牛肉味，係軟熟嘅，真心好食，仲有個河粉，滑到不得之了，個湯底都好正，雖然我揀嘅喇沙都好好食，不過要揀多次，我會揀呢個牛肉湯河😆😆跟住到呢個豬扒撈檬，豬扒勁大份，好食嘅！天氣太熱，每人都揀咗嗰啲好肥嘅嘢飲😆鹹檸七，紅豆冰，凍檸茶坐喺度傾偈忍唔住再嗌其他小食，豬頸肉勁Juice ！另外串燒豬同雞，質素一般，再加多個香茅牛肉法包，呢個就真係多咗啦，試過一次就算喇😂

早排喺附近開會，行過見到menu好似唔錯，而且唔係好貴就決定入去試吓~點咗喇沙米線，辣到適中都幾惹味，不過略嫌配料有點少服務態度一般，但尚可以接受，如果之後行過都會考慮再幫襯

難得可以半價坐地鐵～今日就同朋友出咗港島區周圍玩夜晚就嚟咗依間餐廳食越南菜我哋叫咗三樣嘢share食招牌火車頭湯粉配料份量都很足，湯底亦都不錯越式海味春卷春卷有5件，啱啱炸起，餡料有木耳蘿蔔絲蝦～夾生菜一齊食，健康芒果鮮蝦米紙卷外層煙靭，餡料非常豐富，加埋芒果，味道清甜兩個人食飽飽，非常滿意

呢道越南香茅牛肉飯真係好清新口感，牛肉切成薄片，好嫩好滑，加上香茅同檸檬汁，就更加開胃爽口。飯粒松散唔黐，好清爽。蔥油嘅香氣令飯更加美味，亦增加咗整道菜肴嘅豐富度。整個菜肴嘅口感好完美，牛肉同飯嘅比例啱啱好，食完之後仲覺得好飽足。如果你鍾意食辣，可以再加啲辣椒片，增加味道嘅層次感。第一口燒豬頸肉配飯時，我就被它的美味所吸引。豬頸肉肉質鮮嫩，表面燒烤得恰到好處，口感非常香脆。搭配上米飯，讓人感覺非常滿足。豬頸肉的肉質非常優質，入口即化，而且經過燒烤後，肉質的香氣更加濃郁。飯粒煮得軟綿，口感十分好，同時也能夠很好地吸收豬頸肉的油脂和肉汁，讓整道菜肴的口感更加豐富。此外，這道菜肴的燒烤醬汁也是一個亮點。它是由醬油、糖、蜜糖、蒜頭和辣椒混合而成，口感甜中帶辣，非常適合搭配豬頸肉和米飯食用。總體而言，這道燒豬頸肉配飯是一道非常美味的家常菜。它簡單而美味，口感豐富，讓人食欲大開。如果你還沒有嚐過這道菜肴，我強烈推薦你一試，相信你一定會愛上它的。

一去到個呀嬸叫我坐門口，我見到入面有位想坐入去。然後個呀嬸好似比氣我受咁，黑口黑面，搞到比錢食個lunch仲要受氣。態度咁差就唔好學人做侍應啦，要做又要擺款。個個返工都忙都大壓力，唔同諗住用呢d做藉口。不會再去受氣

等左成3，4個字先到(去到落單個阿姐主動話你碟野咁耐都未到，陰功囉), 點知等到既係一碟只有牛腩，零配菜既飯，連少少西芹，紅蘿蔔都無(係一點都沒有)，牛腩又乾又柴，完全食咬吾到入口，完全吾個比左40蚊食左咩。垃圾到一個點!!唯一可取之處係坐得算舒服(星期六下午3點)，只係填飽個肚就算，基本上如非必要絕不再來，可能佢d粉麵會好點吧!

難得可以約埋一班friend 上屋企玩到食飯時間搵緊有咩食見佢外賣自取幾底就叫左雖然外賣一定無咁好食，特別係包類不過佢garlic bread 都唔錯不過咖央多同個通菜就有啲失色一個凍哂完全唔好食，另一個就炒得唔係好夠味小食拼盤就唔錯好食又大份咖哩牛尾就出乎預期佢好入味得嚟又好送飯至於pineapple fried rice 就份量大而且都好多料Overall 都唔錯咁既價錢，雖然唔係就超好食不過絕對可以encore

Ordered a mango prawn salad that dirty prawns with shell not properly removed, 8 thin strips of mango about 6cm each, and the salad was drenched in a pre-packaged sweet chilli sauce. zero effort went into this, clearly. not even worth the discount from foodpanda for picking it up

次次嚟食都要嗌喺餐單上面冇嘅春捲河粉，春捲有六小舊，分量十分之多，外皮炸得十分香脆，入面夾著有木耳，肉同菜，木耳爽口再配埋肉嘅少少肉汁，好好味，再加上佢嘅辣雞醬，甜得嚟有點辣，食落好好味，配合河粉就更不錯。

約左朋友去西營盤食飯,  一路行一路睇下邊間吸引,  行到皇后大道西, 俾佢個招牌名吸引到, , 好明顯係東南亞餐廳,  我都有一段時間無食喇沙, 所以就叫左個海鮮喇沙, 朋友就叫左個火車頭, 另外再加左個炸蝦餅同炸軟殼蟹首先來到係海鮮喇沙, 好香既喇沙味, 湯好濃郁, 飲一啖係覺得好重海鮮味, 已經好加分, 雖然唔算係最正中既喇沙, 用油麵加米粉, 我揀左要河粉,  河粉好滑, 再索埋 D 喇沙湯, 食入口係勁正, 入面既材料仲有蝦, 炸魚, 青口, 札肉, 魷魚各兩件,  再來係火車頭, 亦係河粉底 + 清湯, 味道 OK, 唔太濃, 有生牛肉, 坑腩片, 牛丸同札肉  ! 炸蝦餅就一般般, 蝦味唔係太夠, 可能粉多左 D ! 最後係炸軟殼蟹, 好大既兩隻, 比預期中大, 剛炸出來好香, 食入口係好重鮮蟹味, 軟軟的脆脆的,感覺好正, 值得一試 !

餐廳主打泰式越式野食，面，飯，小食都有，好多款式👍🏻份量都唔細，唔怕唔夠飽🤣🤣一個午餐套餐都係$5X，絕對高性價比！🤣👍🏻特色飲品都可以一試！推介越式飯同河粉～

大頭蝦好威，攞咗我第一個喺openrice 嘅食評。星期日，涼涼地，晚市，餐廳得三四枱客，我推住BB車帶住兩個女（一個初生，一個四歲）買外賣香茅雞扒飯。女樓面話10分鐘就有，收完錢叫我出去門口等。等呀等，等呀等，唔對路喎，原來等左差唔多20分鐘。我係咁望入去，見到遲過我嚟嘅食客已經開緊餐。原本個女樓面唔見左，轉左位男伙記。佢見我係咁望入去，但無過嚟，繼續做嘢。再過多陣佢喺門口「裝」出嚟，見我推住BB車，然後喺門口旁嘅枱拎左我盒外賣，開條門La隊俾我，乜都無講就入返去。度門閂得好快，我嗰句「有冇搞錯呀」都唔知佢聽唔聽到。原來我個飯盒一早整好，而我一直企喺門口等，但無人拎出嚟。好想即時入去同佢哋理論，但推住架BB車，大女係咁話肚餓，細女係咁喊，我要搞掂我兩個女先。