大頭蝦餐廳

Open Now

Now Closed

午餐其實都幾多選擇，有湯河/撈檬/喇沙/飯類，配熱飲只需約$50-60，係今時今日去普通茶餐廳食個常餐都要$40，約$50-60可以食到越南野已經算CP值高。點了一客招牌海鮮喇沙，好大一碗，有兩隻去殻青口、幾片魷魚、兩隻蝦、兩片札肉、兩片魚片、幾塊開邊豆卜，食材豐富，味道還可以，喇沙有椰香唔太辣，眼見好多食客都點喇沙，應該都算招牌菜。服務唔錯，環境座位都算寬敞，有兩層。都唔係其他食評講得禁差，下次應該會再黎試下湯河類

由幾年前開始吃了。愈黎愈多分店。午餐和同事吃套餐配飲品。到晚餐和家人吃小菜。也很好呢!今次更特別。哈。家人想吃糖水。和員工也相熟。外賣到旁邊糖水店吃。連堂食碟盤。真好!小食併盤：鳳爪，豬頸肉，雞翼，豬扒，春卷。(好食次序）哈。配合醬汁更可去點油膩感!生菜包：可選雞，豬。生菜清新，略厭肉碎不是肉碎，是粒狀的，有點奇怪。咖哩雞飯：咖哩應是炒香的，辣又香濃。刺激味蕾，薯仔蓉入咖哩味，雞肉軟滑，配合白飯，好吃!芒果雞沙律：甜甜辣辣，芒果不酸，很配合，一定會再吃!食物多完化，泰越食品，價錢合理!

朋友相約到大頭蝦餐廳午膳，中午時間人頭湧湧，要上上層才有座位。以前試過喇沙感覺很＂漏＂，但朋友每次必選擇海鮮喇沙，而我點了咖喱牛腩飯。呢款喇沙材料甚豐，湯底有椰奶香味及帶點微辣，加上河粉令我感覺有點杰身，海鮮都尚算新鮮，份量也很足。至於我既咖喱牛腩飯，咖哩味尚算香濃也帶點微辣，牛腩比薯仔多很多，本應暗喜但牛腩很鞋也很韌，吃剩多件沒有再吃下去了，薯仔唔粉，似唔係煮左好耐，飯粒略硬，整體比較失望。

路經西營盤，又已到了午飯時間，於是便看看附近有什麼吃。沿路的食肆不多，只有三两間，最後選擇了比較愛吃的越南菜。店子地方不大，也差不多坐滿了，客人看來大都是上班族。看了餐牌，選擇也算多，也有午市套餐。我選了我最愛的香茅豬扒，今次選吃米粉。豬扒夠腍，夠入味，份量也合理。米粉的份量則稍嫌較少。午餐包括一杯飲品，我點了熱檸檬茶，茶味夠濃。41元加一的價錢，算合理。

因為小兒學校水運會的關係, 所以這天去中山紀念公園泳池接佢放學後, 就地在西營盤附近搵食~時值一時多, 大街上周圍的食店也坐無虛席, 於是我們一行3人就向內街進發, 行到呢間大頭蝦, 見佢有客人食飽離去, 加上果度有飯有湯粉可選擇, 價位都相宜, 於是2大1小的我們就選擇響呢度開餐喇~公公因為唔肚餓, 叫左碗生熟牛肉湯河, 小兒正值發育年齡, 梗要食飯, 要左香茅雞排飯; 我本想食羊腩, 點知冇, 所以叫了香茅牛肉撈檬~ 味道普通, 但份量十足, 算不錯啦~全部都包一杯飲品, 凍飲則加2蚊, 十分正常!員工有禮, 值得一讚!

西環多嘢食，但都會中伏。叫咗個香矛豬扒飯，賣相係唔錯，但一入口就咸死，以為只係我問題，點知我個FD都話好咸。豬扒好淋，冇香矛味 。飲品已經叫咗小甜，都重係好甜。其實係餐廳重聞到陣異味，真係試一次就夠。

車爸爸棚牙終於冧咗，好彩有個牙醫契細佬真係慳了不少呀，這天便陪他去開始療程後，本想去周記吃流心西多，可惜剛下8號風球周記冇開，那便行到邊揾到邊，最後見到間就食越南粉吧！！到達時已三時多巳有下午茶餐了，我倆便各選自己所愛。 我要了{雞絲湯粉套餐}$33，湯底唔夠濃香有點唔湯唔水，雞絲也是沒甚味道，最後要用辣椒醬調味才不致浪費！！而車爸爸的{生牛肉湯河套餐}$33，聽車爸爸講好像比我那碗味道好DD，但都係得不到他喜愛。 套餐內包有熱飲,而凍飲加$2，凍檸茶味道一般沒驚喜。 而車爸爸的熱奶茶亦茶冇茶味，坦白講真的不合我口味不會才返兜囉！

今天下午打算走遠一點吃午餐，上網找了這家大頭蝦餐廳。心想這麼多分店，食物質素一定很好。誰知只是一般般...門面看來以為店鋪面積很小，原來樓上還有一層。一開始不知道，還在樓下等位，也沒有侍應理會。後來才發覺樓上有一層，便走上去，哇！好擠逼..而且比較混亂，有一樣沒一樣的，有了筷子缺匙羹。午餐的選擇比較多，而且價格合理，馬上下單。招牌火車頭湯粉 - $54很多東西都想吃，所以火車頭最適合我。整個份量很多，有生牛肉，坑腩，扎肉，牛丸。可惜重量不重質，牛肉和坑腩都沒有牛肉味。湯頭喝下去有很重的藥材味，可惜沒有鮮味而且偏咸。香茅雞翼撈檬 - $44居然有5隻雞翼，比外面的份量多。雞翼略微煎香，內裡肉質還保持嫩滑而且多汁，不錯。檬粉一向沒有味道，靠的只是魚露，但口感爽脆。餐飲凍奶茶十分差，沒有茶味，沒有奶味，又不滑。看到出店鋪人手不足，周圍出現追單追筷子追匙羹。而且樓上冷氣好像沒有一樣，又熱又焗...

既然餐廳名叫大頭蝦，就叫蝦了😆。三個蝦中覺得最好味的是香辣炒蝦，其實一點都不辣，應該是咸鮮。喇沙中的蝦似乎吃上去覺得味道最鮮甜，隻數也不少。反而招牌蒜蓉大頭蝦沒甚麼特別驚喜，牛油蒜蓉放在大蝦上烤，就像所有其他餐廳做這道菜一樣。還要了蒜蓉包，烤得還不錯，但再加多些蒜茸和牛油就會更好吃了。環境就像茶餐廳，一般，衛生看上去還可以。

見呢隻大頭蝦都有幾間分店，心諗總有過人之處吧，一於一試。 午市選擇都係正路東南亞嘅，四五十蚊左右，價錢適中啦。 叫咗火車頭，湯底唔濃，成碗粉冇乜鮮味，配料亦冇一般火車頭多花款，只能話多配料。 另外叫咗香茅豬扒，豬扒香口但略油，加落碗粉度只添加油膩。 食物可謂一啲都唔正宗，只係街坊食肆只求食味同份量都可接受嘅質素。大概真係揀啱位，附近同類食肆唔算多…

最近發現到西環開了三間大頭蝦餐廳~ 仲好多時都坐滿人!這天終於同亨利去試下~這間位於皇后大道西近東邊街的新開店有兩層!地方都算乾淨舒服, 冷氣都好足夠!除了枱上那張紙menu外, 亦有精選套餐的餐牌選擇!不過最後我地都是散叫...這杯椰汁涼粉冰不會太甜, 唔錯, 好啱我!亨利揀了香芧雞扒撈檬!雞扒比想像中香口新鮮, 都幾好味!之後等了好一會才到我的香芧牛肉撈檬!估不到是超級驚喜!牛肉份量十足, 又淋又好味; 而且價錢竟然比香芧雞扒撈檬還要平HK$2,真是必食之選呀!法式牛油雞翼又整得幾好食!一口size細細隻的, 外表不厚粉兼炸得乾爽, 完全不覺肥膩!最後仲叫了一個越南軟殼蟹米紙卷!新鮮即整, 米紙卷好薄身, 而軟殼蟹分量亦不會太少;配以新鮮紅蘿蔔絲青瓜絲和生菜,喜歡吃炸物但又怕熱氣, 吃這個最好不過!兩個人的晚餐埋單HK$199~以味道, 價錢, 環境, 服務都算不錯!這次第一次食試了大路的越式東西,下次就真的要試下"大頭蝦"了! 

一向都有幫襯開大頭蝦集團的餐廳。之前近水坑口街的那間沒有了, 原來在近東邊街開了分店。新的裝修, 闊大和軟綿綿的坐位。沒未開始點菜, 所得到的分數已經不少。這店無論是湯粉, 撈朦或是炒飯, 我一一都很欣賞。首先價廉物美, 絕對不會將價就貨。到了晚市, 飲品還有半價。相信客源一定能吸引3歲至80。特別是年輕情侶, 不想次次都是快餐店, 又不想花費太多金錢, 這裡是很適合, 還有更多款式的選擇。當晚2人點了馬拉盞肉碎炒飯, 蝦頭羔鮮蝦湯朦。炒飯的味道相當夠味和惹味, 每一啖都炒得很均勻。當晚餐廳的人都相當多, 但出來的效果絕不馬夫。蝦頭羔湯朦一向都是必點的, 但最近發覺湯底不及之前, 現在比較啖一點, 可能是改良了配方。不過雖然湯底啖了, 但都能保持水準。特別是真的用了鮮蝦, 一碗$50多蚊的湯粉, 有4, 5隻新鮮蝦, 實在是超值。