小皇府 (惠安苑) (Closed)

由於好耐冇飲茶，所以收工就同屋企人去左小皇府食點心手撕雞春卷$28外脆內軟，用手撕雞做餡比較特別，都幾夾！瑤柱煎蘿蔔糕$28雖然略嫌煎得唔係好夠，但個蘿蔔糕落足料，食到一條條蘿蔔，臘味都比較大粒，好香。小皇府鮮蝦餃皮薄，蝦夠新鮮爽口，餡多，夠大粒，不錯！台式脆蝦腸粉$38脆蝦腸粉，聽落以為係形容d蝦好新鮮，所以叫脆蝦！但原來蝦既出面包住左層脆皮，跟住先包腸粉！腸粉皮食落夠滑，個脆皮keep到脆口，屋企人都好鍾意食！乳鴿好香，皮炸得脆口，肉質唔會太老。素燒鵝聞落好香，食落口感都不錯，但略嫌太甜。四川煎鍋貼$36其他野食都覺得不錯，最失望係呢樣，只係普通鍋貼，入面餡料包左辣椒油就話係四川煎鍋貼。鍋貼皮太厚，而且煎得唔脆口。總括黎講食物都唔差，環境裝修都幾舒服，夜晚想食點心都可以黎食～

又有好嘢食，今次去呢間小皇府。佢哋嘅叉燒菠蘿包，面頭焗至金黃色、又脆又甜、內面叉燒餡不肥、咬落去有柔軟的感覺😋味道很好。而柚子焗西米布甸，𥚃面一絲絲柚子皮，食落香甜。「有圖有真相」！還有很多未試，一定再去！

睇之前的食評都好極端，一係非常好，一係非常差。所以今日我跟同事們決定以身犯險去試下，由於少過6位沒得book位，我地一早係12點半前walk-in ，一入去就有位（4位）。如果12點半後就開始超多人等位。坐底後很快有人問飲咩野茶，之前睇食評有人話沒人理茶水，我諗可能新開張，人手比較亂所致，依家好好多，茶水沒了超快有人換，點心食完的碟超快有人收，大約5分鐘內。點心和燒味都很不錯，明確的說好過太古坊的彩X軒。大家可以看圖作參考。

上星期來到鰂漁涌華蘭花園對面新開張的小皇府飲茶，開左壺桂花烏龍，茶味散發出淡淡桂花清香，鳳爪排骨煲仔飯熱辣辣、飯及排骨都足夠， 肥嘟嘟金魚餃好多餡料、乾蒸牛肉算大粒、吾係間間酒樓都有得食，即炸春卷脆卜卜， 即拉叉燒腸粉、叉燒好味皮夠薄，蝦餃皮都算薄啲蝦冇筍，菠蘿叉燒包餡內真係有菠蘿個皮夠鬆化， 呢餐抵食兼好味，一定會再來幫襯，因為趕時間未有試埋燒味，環境寬敞乾淨，星期1至6早茶及下午茶時段都有優惠，仲要免收加一。

今日食咗佢哋嘅推介，「菠蘿叉燒包 」菠蘿皮歪曬 ，啲叉燒食的的； 另外嗌咗叉燒腸 ，食咗一件即刻放棄， 仲叫咗蝦餃同燒賣， 只係鹹咗少少都仲過得去； 而煎蘿蔔糕只係食得出一陣粉嘅味； 最好食應該係個菜乾豬骨粥 !總括嚟講， 絕對唔會再去 !!!因為服務態度簡直趕客

響太古城食呢間，真心不錯；點心即叫即蒸夠熱 ，新開地方比一般點心店大，坐得舒服，仲有好多特色野食，我沒有去試d花巧點心，試咗小籠包，呢皮唔算薄但係好多肉汁；四川餃子辣辣地有特色不過食果時小心湯汁必出來但我就覺得可以大隻d，菠蘿叉燒包真係有菠蘿，外面脆皮做得好好味裏面甜甜地；茄汁鮮竹卷茄味濃郁又做到有傳統鮮味我最鐘意食腐皮。試咗鳳爪和鵪鶉蛋燒賣味道可以沒有什麼特別，下次可以試下啲燒味，燒味全部賣曬。 一家四口來食都多選擇，燒味點心蒸飯樣樣有。

For a brand new restaurant, the food was incredibly bad.  One wonders what made them decide on dim sum and Chinese siu mei if their chef is not up to it.  They might be better off sourcing better quality from an outside kitchen.  The prawns in the har gow were not fresh - my friend had to spit hers out.  The cheung fan noodles tasted like flour.  The chicken and mushroom claypot rice was tasteless.  The curried squid dim sum had a harsh sauce that seemed to have come out of a bottle.  We had 9 d

去試嘅原因都係因為佢賣相得意先去啫，點知中晒伏。由於已訂位，所以去到唔駛等位，坐低後無人理會。點完食物後，先知未有茶。因為佢地無人嚟招呼問你要咩茶，要自己主動問先有。仲要點心都嚟埋茶都仲未有。圖片真係不可信，賣相與事實真係不符，最大問題係個甘筍咸水角，完全不同樣，同埋超難食。叻叻豬流沙包及熊貓豆沙包皮厚同埋唔夠熱。員工嘅溝通都要改進，因為我地叫咗3個柚子西米布甸，佢地話無晒，我地轉晒牛乳奶凍之後，佢地又話原來係無牛乳奶凍。咁我地當然話要返原先嘅柚子西米布甸啦，佢竟然問我地係咪要4個芒果布甸。。最後當然係牛乳奶凍同西米布甸都係無啦。講嘢講到唔清唔楚。點心份量偏向細及少，每款大部分都係得3件，價錢偏向貴。

一間是我這幾年遇到的服務差，不顧客人感受的食肆。食物是一般的臘味+点心，無特别創意。難忍的是做錯了也了視之無物。逗留一句鐘，最後還是取消所餘的order, 埋單再光顧隔鄰的食肆。同時臘味食肆，人家款客之道，真的天淵之别。雖然位置在家附近，但我决定永不再去光顧

今午，諗唔到食乜，於是便與友人到附近的小皇府一試。打開餐牌，一看食物價錢，心想：“吓？有啲貴喎~啲價錢與一般酒樓相若，只是無加一而已…”2人“打算”點3款食物。包括：酥皮菠蘿叉燒包、潮州水蒸粉果＆北菇滑雞煲仔飯。點知……交單嗰陣，侍應已說“無，酥皮叉燒包”！過咗一陣，侍應又再說“無，潮州粉果”！北菇雞飯，淡而無味！外相似“醫院飯”多啲！（笑）友人要用2碟豉油嚟撈飯！結論：中伏！唔駛再嚟！想食點心／中餐的話，都係太古城中心 穩陣啲！